Архивистлэн нуналыз
| Архивистлэн нуналыз | |
|---|---|
| Дырыз | 2-тӥ коньывуонэ |
Архивистлэн нуналыз (ӟуч: День архивиста в Удмуртии) — Удмуртиын катэн юнматэм праздник нунал. «Удмурт Элькунысь праздникъёс но буре ваён нуналъёс сярысь» Катэ 2020-тӥ арын 24-тӥ шуркынмонэ пыртэмын[1]. Пусйиське арлы быдэ 2-тӥ коньывуонэ. Нырысьсэ та нуналэз сӥё-дано пусйизы 2021-тӥ арын[2].
Историез
Праздник нуналлэн тупатэм дырыз герӟаськемын нырысетӥ архив бюролэн кылдон дырыныз. 1923-тӥ арын 2-тӥ коньывуонэ Областной исполнительной комитет улсын Вотской областной архивной бюро кылдытэмын вал. Та дырысен ик кутске Удмуртиысь Шор кун архивлэн но элькунысь архивной кун службалэн историез. 2023-тӥ арын Удмуртиысь архив служба 100 ар тырмонзэ пусйиз[3]. Россиысь архивъёслэн нуналзы 10-тӥ южтолэзе пусйиське[4]. Россиын архив ужъёсъя удыс Пётр I реформаосыз бордысен азинскыны кутске. Ӵапак 1720-тӥ арын 28-тӥ тулыспалэ ( выль стилья 10-тӥ южтолэзе), кун акт – «Генеральный регламент» гожтэмын вал. Отын кунэн кивалтонъя нырысетӥосыз валтӥсь индылэтъёс юнматэмын но кун тӧрлыклэн котькуд ёзэтаз архивъёс кылдытыны чакламын, архивариус («актуариус») ужудыс кылдытэмын.
Кулэлыкез
Удмуртиысь Шор кун архив — элькунысь тужгес бадӟымез но валтӥсез архив магазей лыдъяське. Отын 1934-лэсь трос дуно кагазъёс но 831 сюрслэсь ятыр ужъёс кыллё. Соос пӧлын 1709-тӥ арысь кылем Удмуртилэн азинскеменыз герӟаськем ужкагазъёс. 19-эз ужкагаз Удмуртиысь Архив фондлэн одӥгпумо ужкагазъёсын реестраз пыртэмын[5]. Кылсярысь, вань тодмо муртъёслэн нимынызы герӟаськем ужкагазъёс – крезьгурчиос Пётр Ильич Чайковский но Герман Афанасьевич Корепанов, Санкт-Петербургысь наукаосъя академиысь член-корреспондент, инженер-металлург, тодосчи, Пётр Григорьевич Соболевский, архитектора Камско-Воткинской заводлэн архитекторез, математик, Казань университетысь ректор Николай Иванович Лобачевский но мукетъёсыз.
Ужрадъёс
Та праздник нунал азьын архив служба удысын ужась тужгес устоосыз ӧнерчиос пӧртэм кун но ведомственной данъетъёсын пусйисько. Удмуртиысь архив службалэн 100 ар тырмонэзлы сӥзьыса, 2023-тӥ арын фильм дасямын вал.
Валэктонъёс
- ↑ Проект закона «О праздничных днях и памятных датах Удмуртской Республики» принят в первом чтении
- ↑ В 2021 году впервые в календаре официальных праздников Удмуртской Республики появилась новая дата – 2 октября – день архивиста!
- ↑ 100-летие архивной службы Удмуртии
- ↑ 10 марта — День архивов Российской Федерации
- ↑ В Удмуртии отметили День архивиста
