Урасинова, Анисья Николаевна

Рувикиын таӵе фамилиен мукет муртъёс сярысь гожтосъёс вань. Учке: Урасинова.

Анисья Николаевна Урасинова
Вордӥськем нуналыз	17-тӥ толсуре 1894({{padleft:1894|4|0}}-{{padleft:12|2|0}}-{{padleft:17|2|0}})
Вордӥськем интыез	Удмурт Элькунысь Балезино ёросын Малая Юнда починкаын
Кулон нуналыз	13-тӥ южтолэзе 1969({{padleft:1969|4|0}}-{{padleft:3|2|0}}-{{padleft:13|2|0}}) (74 года)
Кулэм интыез	Алтай шаерын Бийск карын
Кун	Россия
Ужудысэз	дышетӥсь, югдытӥсь, мерлыко ужась
Атаез	Урасинов Николай Ермолаевич
Анаез	Урасинова Анисия Гордеевна
Данъетъёсыз	«За доблестный труд в Великой Отечественной войне 1941–1945 гг.» медаль

Урасинова (Волкова) Анисья Николаевна (17-тӥ толсуре 1894, Ватка губерния яке Глаз утем, Ватка губерния — 13-тӥ южтолэзе 1969, Алтай шаер) — тодмо мерлыко ужась, дышетӥсь но югдытӥсь, асмылкыдо театр кылдытӥсь. Со Л. Н. Толстойлэсь «От ней все качества» пьесазэ удмурт кылэ берыктыса, «Ваньмыз со бордӥсь потэ» удмурт спектакль пуктӥз.

Улон сюресэз

Вордӥськиз Ватка губерниысь Глаз уездысь Кестым волостьысь Малая Юнда починкаын (али Удмурт Элькунысь Балезино ёросэ пыре) бесермян крестьян семьяын. 1914-тӥ арын Ягошурысь земской училищеез йылпумъяз, собере Глазкарысь нылкышно гимназиын дышетскиз. Педагогикая курсъёсты ортчыса, покчи классъёсысь нылпиосты дышетыны луонлыкез сярысь документ басьтӥз.

Ужудысэз

Кык пол съездъёсы делегатэ бырйылӥзы, нырысьсэ 1917-тӥ арын Кузонэ Поволжьеысь ӧжыт лыдъем калыкъёслэн съездазы, но кыкетӥзэ 1918-тӥ арын Елабугае удмуртъёслэн I Огъяросси съездазы. Отчы со бесермян калыклэн огмуртэз чотын пыриськиз но вераськоназ калыкезлэсь мылкыд каремзэз вераз, интывылэз администрациосъя люкылыкузы, бесермян калыкез удмуртъёсын огазе карыны куриз.

Балезино ёросысь Извиль гуртысь кык комплектъем но Александровской кык классъем школаосын дышетӥсь луыса ужаз.1918-тӥ арын аслаз вордӥськем гуртаз нырысетӥ нылпи сад усьтӥз. Со быдэс Ватка губерниысь нырысетӥез ясли.

Гуртазы асмылкыдо театральной коллектив кылдытӥз. Л. Н. Толстойлэсь «От ней все качества» пьесазэ удмурт (бесермян) кылэ берыктыса, 1918-тӥ арын 2-тӥ гудырикошконэ Юнда черкогуртын «Ваньмыз со бордӥсь потэ» спектакль пуктӥз. Историын со элькунын удмурт кылын пуктэм кыкетӥез спектакль луиз.

1920-тӥ арын бызиз но картэныз Алтай шаере улыны кошкиз. Бийскын Калыкез дышетонъя уездной ёзэтын ужаз. 42 ар дышетон удысын тыршиз, пенсие потон азяз 15 ар школаен кивалтӥз. Улонысь кошкиз 1969-тӥ арын Алтай шаерысь Бийск карын.

Данъетъёсыз

• Ленин орден;
• «1941 — 1945-тӥ аръёсы Быдӟым Атыкай ож вакытэ данлыко тыршемез понна» медаль;
• «За освоение целинных земель» медаль.

Буре ваён

• 2000-тӥ арын Юндаысь шертодонъя музейлы А. Н. Урасиновалэн нимыз сётэмын.

• 2020-тӥ арын 24-тӥ шуркынмонэ Удмурт Элькунысь Кун Кенешлэн «Удмурт Элькунысь праздникъёс но буре ваён нуналъёс сярысь» кутэм катэзъя, Анисья Урасиновалэн вордӥськем нуналыз, 17-тӥ толсур Удмуртиысь буре ваён нуналъёс пӧлы пыртэмын.
• 2024-тӥ арын 17-тӥ толсуре Анисья Урасиновалы сӥзыса ортчытэмын нырысетӥез йӧскалыккуспо «Тюрай» фестиваль. Ужрадэ пыриськизы Балезино ёросысь но Глазкарысь удмурт, бигер но бесермян нылпиос. Котькуд коллектив аслаз калыкезлэн сям-йылолъёсызлы сӥзем но анай кылын дасям постановкаоссэ возьматӥз.

Валэктонъёс