Никонов, Геннадий Николаевич

Википедиысь материал
Геннадий Николаевич Никонов
Nikonov GN.jpg
Вордӥськем нуналыз 11-тӥ гудырикошконэ 1950(1950-08-11)
Вордӥськем интыез Ижкар, УАССР, СССР
Кулон нуналыз 14-тӥ куартолэзе 2003(2003-05-14) (52 арес)
Кулэм интыез Ижкар, Россия
Кунмуртлыкез СССРFlag of the Soviet Union.svg СССР → РоссияFlag of Russia.svg Россия
Ужудысэз Стрелковой пыӵал тӥрлыкез кылдытӥсь инженер-конструктор
Данъетъёсыз
Росси Федерациысь дано изобретательёс Росси Федерацилэн Кун премиез — 1997
Логотип РУВИКИ.Медиа Медиафайлъёс РувикиМедиа пушкын

Генна́дий Никола́евич Ни́конов (11-тӥ гудырикошконэ 1950, Ижкар, Удмурт АССР, CCCР — 14-тӥ куартолэзе 2003, Ижкар, Удмуртия, Россия) — пыӵал тӥрлык кылдытӥсь совето но росси конструктор, техника наукаосъя доктор, «Ижмаш» производственной огазеяськонлэн валтӥсь инженер-конструкторез. Росси Федерациысь дано изобретатель. Росси Федерацилэн Кун премиезлэн лауреатэз.

Улон сюресэз

Вордӥськиз 11-тӥ гудырикошконэ 1950-тӥ арын Ижкарын. Пинал дырысеныз авиамоделизмен, судомоделизмен, ракетостроениен тунсыкъяськиз[1].

1968-тӥ арын Индустриальной техникумез йылпумъяз, 1975-тӥ арын — Ижысь механической институтлэсь ӝыт дышетскон ёзэтсэ.

1968-тӥ арысен«Ижмаш» производственной огазеяськонын ужаз. Нырысетӥез бадӟым ужез луиз спортивной матчевой ыбылӥськонлы чаклам высокоточной пневматической винтовка[1]. Валтӥсь проектъёсыз пӧлысь одӥгез ― кужмо боеприпасэн 7,62 × 51 мм НАТО самозарядной пӧйшуран карабин «Изюбр». Со кылдытэмын вал Леонид Брежневлэн юбилеез азьын нимысьтыз пуктэм ужпумъя. 1978-тӥ арысен малоимпульсной патронэн 5,45 × 39 мм типоразмерьем автоматлэн оригинальной конструкциез бордын ужаны кутскиз[1].

2000-тӥ арысен — «Концерн Ижмаш» ОАО-лэн Конструкторско-оружейной центрезлэн бюроеныз кивалтӥз.

Улонысь кошкиз 14-тӥ куартолэзе 2003-тӥ арын, ватэмын Ижкарысь Хохряки шайвылын.

Ужъёсыз

Спортивной но пӧйшуран пыӵалъёслы пӧртэм образецъёс кылдытӥз. 49 изобретениэн соавторез[2]

Тужгес тодмо луиз АН-94 «Абакан» автомат кылдытэменыз. Со Калашников автоматлэсь кӧня ке ӟечгес луэ, со сяна малоимпульсной АК-74. Никонов быдэс дуннеын нырысьсэ вакчи очередьёсын ыбылӥськыку пуляослэн пазяськеменызы герӟаськем ужпумез сэрттӥз-пертчиз. Кылсярысь, Калашников пуляослэсь пазяськемзэс пӧртэм дульной тормоз-компенсаторъёс (АКМ, АК-74, АКС-74У) пыр кулэсмытыны тыршиз. Никонов аслаз ужаз импульсэз уноятон амалэз кутӥз, озьы, ыбылӥськыку отдачая импульс пыӵал вылэ кыкетсэ ыбем бере гинэ вуэ.

Озьы ик учке: Пулемёт Никонова

Данъетъёсыз

  • 1998 — Росси Федерацилэн Кун премиезлэн лауреатэз
  • 2000 — «Удмурт Элькунысь дано изобретатель» дано ним
  • 2001 — «Надежда Нации» орден
  • «Росси Федерациысь дано изобретатель» дано ним[2]

2000-тӥ арын Геннадий Николаевич «Конструкция АН-94» темая диссертацизэ утиз. Ужезлэн вылӥ тодослыко луэмез понна учёной советлэн ёзчиосыз огъя мылкыдын Никоновлы "техника наукаосъя доктор" ним сётон сярысь решение кутӥзы [3].

Буре ваён

  • Г. Н. Никоновез буре вайыса, «Ижмаш» ОАО-лэн конструкторско-оружейной центрезлэн юртаз буре ваён пул шуккемын (2003).
  • Никоновлэн шайгу вылаз синпелет пуктэмын (2007).
  • Г. Н. Никоновлэн вордӥськем нуналыз ― 11-тӥ гудырикошкон ― Удмурт Элькунлэн буре ваён нуналъёсыз пӧлы пыртэмын но Катэн юнматэмын (2020)[4].
  1. ↑ 1 2 3 «Чудо-оружие» и его автор [ӟуч] // Военный парад : журнал. — 2001. — Май-июнь (т. 51, № 03). — С. 32—33. — ISSN 1029-4678.
  2. ↑ 1 2 Конструктору Г. Н. Никонову будет установлен памятник Эскеремын 2009-11-27 арын
  3. ↑ Награды Г. Н. Никонова Эскеремын 2009-11-27 арын
  4. ↑ В Удмуртии законодательно установили 14 праздников и 19 памятных дат Эскеремын 2020-11-24 арын

Литература

  • Афонин В. Недостижимы до сих пор... [ӟуч] // Калашников. — 2015. — Сентябрь (№ 09). — С. 6—14.

Валэктонъёс

Чӧлсконъёс

Архивная копия от 16 гудырикошконэ 2009 на Wayback Machine

Архивная копия от 2 оштолэзе 2015 на Wayback Machine

«https://udm.ruwiki.ru/w/index.php?title=Никонов,_Геннадий_Николаевич&oldid=485124»-ысь басьтэмын