Соловьёв, Александр Васильевич (политик)

Википедиысь материал

РАН экспертиза

Logo-ran.png
Экспертизаез ортчытэ
Россиысь Тодосъёсъя Академия
Рос-прос лыдӟе
Times2.svg

РАН экспертиза

Arrow-Right.png
Logo-ran.png
Экспертизаез ортчытэ
Россиысь Тодосъёсъя Академия
Рос-прос лыдӟе
Рувикиын таӵе фамилиен мукет муртъёс сярысь гожтосъёс вань. Учке: Соловьёв.
Александр Васильевич Соловьёв
Alexander Soloviev, August 2014.jpeg
Флаг
Удмурт Элькунлэн Тӧроез
(врио 19-тӥ тулыспалысен — 22-тӥ куарусёнозь 2014)
Флаг
22-тӥ куарусёнысен 2014 — 4-тӥ оштолэзёзь 2017
Азьпалчиез Александр Волков
Бӧрысьчиез Александр Бречалов
Флаг
Россиысь Федерацияя Кенешысь Удмурт Элькунысь Кун Кенешлэсь быръем ёзчиез
Флаг
оштолэзьысен 2013 — 26-тӥ тулыспалозь 2014
Азьпалчиез Владимир Щербаков
Бӧрысьчиез Александр Волков
Флаг
Удмурт Элькунысь Кун Кенешлэн Тӧроез
Флаг
11-тӥ толсурысен 2007 — 28-тӥ оштолэзёзь 2013
Азьпалчиез Игорь Семёнов
Бӧрысьчиез Владимир Невоструев
Вордӥськемын 18-тӥ инвожое 1950(1950-06-18)
Алнаш черкогурт, Алнаш ёрос, Удмурт АССР, РСФСР, СССР
Кулэмын 24-тӥ пӧсьтолэзе 2023(2023-07-24) (73 арес)
Удмуртия, Россия
Нылпиосыз Евгения Сирик,
Юлия Башкова
Дышетскемез Гурт удысъя удмурт кун университет
Ужудысэз инженер-механик
Ужез кун ужась,
политик
Данъетъёсыз Эшъяськон орден Росси Федерациысь дано лэсьтӥськись
Служить карон аръёсыз 1969—1970
Кытысь луэмез СССРFlag of the Soviet Union.svg СССР
Кыӵе войскоосын вал армия[d]
Логотип РУВИКИ.Медиа Медиафайлъёс РувикиМедиа пушкын

Александр Васильевич Соловьёв (ворд. 18-тӥ инвожое 1950, Алнаш, Удмурт Автономной Советской Социалистической Республика — кул. 24-тӥ оштолэзе 2023, Ижкар)[1] — росси кун ужась. 2014-тӥ арын 22-тӥ куарусёнысен 2017-тӥ арын 4-тӥ оштолэзёзь Удмурт Элькунлэн Тӧроез (2014-тӥ арын 19-тӥ тулыспалысен 22-тӥ куарусёнозь Удмурт Элькунлэн Тӧроезлэсь ужзэ огдырлы быдэсъясь)[2]. 2017-тӥ арын 4-тӥ оштолэзе Россиысь Президентлэсь осконзэ тӥяменыз валче ужинтыысьтыз палэнтэмын.

Удмурт Элькунысь Кун Кенешлэн IV но V ӧтчамысьтыз Тӧроез (2007—2013), Федерацияя Кенешын Удмуртилэсь оскем муртэз (2013—2014).

Улон сюресэз

1950-тӥ арын 18-тӥ инвожое вордӥськиз. Выжыезъя — удмурт. Киевысь суворовской военной училищеын дышетскиз, отысь 1966-тӥ арын умойтэм малпанъёсыз понна поттэмын но Калининысь суворовской военной училищее (Кл СВУ) выжтэмын. 1968-тӥ арын, ӵош дышетсконо суворовецъёсын огъя кенеш ортчытэм бере, Кл СВУ-ысь озьы ик умойтэм малпанъёсыз понна уллямын. 1969-тӥ—1970-тӥ аръёсы ожгар службазэ СССР-ысь ВС-ын ортчытӥз, запасэ келямын. 1970-тӥ аръёсы Ижысь электромеханикая заводын но «Редуктор» заводын формовщик-литейщик луыса тыршиз, «Удмуртколхозстрой» огазеяськонлэн Алнашысь 5 номеро интыысь интые вошъяно механизированной колоннаын стропальщик луыса ужаз; 1979-тӥ арысен «Удмуртавтодор» ПО-е выжиз, татын механикысен, прорабысен управлениен кивалтӥсёзь ӝутӥськиз. 2003-тӥ арын Удмурт Элькунысь Кун Кенеше быръемын, сокугес ик парламент Тӧролэн нырысетӥ воштӥсез луиз; 2007-тӥ арын выльысь быръёнъёс пыр потӥз но, сое Тӧрое юнматӥзы[3]. Аслыз воштӥсе Пионеръёслэн двореценызы азьвыл кивалтӥсез но Ижкар Думаысь депутатэз Артемий Иванович Франгопулоез юнматӥз. Та ужудысаз выльысь 2012-тӥ арын бырйизы.

2013-тӥ арын 28-тӥ оштолэзе «Единая Россия» партилэн фракциез, Удмуртилэн Перзидентэз А. А. Волков дурбасьтэмен, Удмуртиысь закон кылдытъясь ёзлэн оскем муртэз сямен Федерацияя Кенеше ӵектэмын. КПРФ но ЛДПР фракциос куара сётонэ ӧз пыриське, малы ке шуоно, соослэн малпамзыя, «Единая Россия» фракцилэн кандидатэз кенешытэк-эскерытэк поттэмез — регламентэз тӥян луэ; озьы ик соослэн оскем муртъёссы пусйылӥзы, Александр Соловьёв али ужудысаз бадӟымгес пайда вайыны быгатоз шуыса[4]. Озьы со понна 62 мурт куаразэ сётӥз, 2-ез пумит вал, 15-ез воксё но ӧз пыриське.

2014-тӥ арын 19-тӥ тулыспалэ Удмурт Элькунлэн Тӧроезлэсь ужзэ огдырлы быдэсъясе юнматэмын вал[5].

2014-тӥ арын 1-тӥ гудырикошконэ А. Соловьёв Удмурт Элькунлы Тӧро быръёнъёсы пыриськон вылысь кандидат сямен пусъемын, быръёнъёс огъя куара сётон нуналэ  [ӟуч] (удм., 2014-тӥ арын куарусёнэ, ортчизы[6]. Быръёнъёслэн йылпумъянъёссыя, Александр Васильевич куара сётонэ пыриськем бырйисьёслэсь 84,84 процентсэ куаразэс люкаса, кыл вератэк вормиз[7]. Александр Соловьёвез Элькунлэн Тӧроез сямен пусъён но быръёнъёслэн ортчемзы сярысь протокол 15-тӥ куарусёнэ юнматэмын вал.

2015-тӥ арын 7-тӥ оштолэзьысен 10-тӥ шуркынмонозь — Росси Федерациысь Кун кенешлэн  [ӟуч] (удм. президиумезлэн ёзчиез[8][9].

2023-тӥ арын 24-тӥ пӧсьтолэзе кема висемез бере больницаын улонысь кошкиз[10].

Уголовной уж

2017-тӥ арын 4-тӥ оштолэзе Россиысь Следствиея комитет А. Соловьёв вылэ РФ-лэн УК-тыз 290-тӥ статьяысь 6-тӥ люкетэзъя уголовной уж ӝутӥз («Росси Федерациысь кун интыужын тыршись мурт тужгес бадӟым взятка басьтэмез понна»), со кырмемын но Муское этапен  [ӟуч] (удм. келямын[11]. Со нуналэ ик Россиысь Президентлэсь осконзэ тӥяменыз валче ужинтыысьтыз палэнтэмын. Судлэн пуктэмезъя, Соловьёвез пытсэт сьӧры келязы[12][13]. «Единая Россиялэн» улосысь политсоветэзлэн кенешез огкылэ вуиз: взятка понна кырмем Удмуртилэсь азьвыл Тӧрозэ Александр Соловьёвез, следствие мынытозь, ёзчиысь палэнтоно[14].

9-тӥ гудырикошконэ, тазалыкез лябӟемен, сое корказ арест улэ пуктӥзы[15].

2018-тӥ арын 3-тӥ оштолэзе Россиысь Следствиосъя комитетлэн нимысьтыз быдӟым ужъёсты эскеронъя валтӥсь управлениез Росси Федерациысь кун интыужын тыршись Александр Соловьёвез кык бадӟым кузьмаськон учыръёсъя янгыше уськытӥз[16].

2019-тӥ арлэн кыкетӥ палараз азьвыл Тӧролэн тазалыкез нош ик лябӟиз, сое эмъяськонние шуак понэмзы сярысь ивортылӥзы. 2019-тӥ арын коньывуонэ янгыше уськытӥсьёс ласянь ужъёсты эскерон йылпумъямын вал. Суд 123 адӟисьёслы допрос лэсьтӥз, уголовной уж 65 том тыр люкаськиз.

2020-тӥ арын 27-тӥ но 28-тӥ толшоре ортчем судъёсын янгыше уськытоно Соловьёв югдур шоры аслэсьтыз учконзэ шараяз, пусъем йыружъёсын со янгыш ӧвӧл шуыса, вераз. Дораз арест улын возёнлы 20-тӥ южтолэзе пум вуыны кулэ вал, но 19-тӥ южтолэзьысен Удмуртиын коронавирус вӧлмыны кутскон пумысен кышкытлык кылдэмен, корказ пукетон 3 толэзьлы — 20-тӥ инвожоозь — кузёмытэмын вал[17]. 16-тӥ инвожое Удмуртилэсь азьвыл Тӧрозэ Александр Соловьёвез гуртаз арест улын возён 2020-тӥ арын 20-тӥ куарусёнозь кузёмытэмын вал[18].

2020-тӥ арын 12-тӥ коньывуонэ Дэри ёросысь суд 1-2/2020 номеро уголовной ужъя решение кутӥз. Йыружъёсыз понна чаклам кылкутонъёсты огазеяса, А. В. Соловьёвез чурыт режимен исправительной колоние 10 арлы пытсэт сьӧры пуктӥзы, 275 000 000 (кык сю сизьымдон вить миллион) манет штраф тупатӥзы. Удмурт Элькунысь Вылӥ суд 22-58/2021 номеро апелляцияя ужъя кылкутытонэз озьы ик кельтӥз, апелляцияя ӝожтӥськонъёсты но ватсэтъёсты санэ ӧз басьты[19].

2021-тӥ арын 18-тӥ южтолэзе секыт висеменыз сэрен пытсэт улысь мозмытэмын[20].

Данъетъёсыз

Валэктонъёс

  1. ↑ Илья Пламенев. Умер бывший глава Удмуртии Александр Соловьев, РБК (24 пӧсьтолэзе 2023).
  2. ↑ Путин уволил главу Удмуртии в связи с утратой доверия [ӟуч], ТАСС. Архивировано 6 оштолэзе 2017 года. Эскеремын: 17 пӧсьтолэзе 2025 арын.
  3. ↑ В парламенте республики новый лидер. При абсолютном большинстве голосов Председателем Госсовета УР избран депутат Александр Соловьев, Удмуртская правда (12 толсуре 2007). Архивировано 18 толшоре 2015 года. Эскеремын: 30 пӧсьтолэзе 2025 арын.
  4. ↑ Надежда Имполитова. Сенатор от Удмуртии Александр Соловьёв: «Жена не отпускает в Москву, но я же взрослый парень!», КП в Ижевске (26 оштолэзе 2013). Эскеремын: 17 пӧсьтолэзе 2025 арын.
  5. ↑ Александр Соловьёв назначен временно исполняющим обязанности Главы Удмуртской Республики, Президент России (19 тулыспалэ 2014). Эскеремын: 17 пӧсьтолэзе 2025 арын.
  6. ↑ Соловьёв и Логинов зарегистрированы кандидатами на пост главы Удмуртии, Regnum (1 гудырикошконэ 2014). Эскеремын: 17 пӧсьтолэзе 2025 арын.
  7. ↑ Ульяна Колмогорова. Александр Соловьев одержал победу на выборах Главы Удмуртии [ӟуч], izhlife.ru. Эскеремын: 30 пӧсьтолэзе 2025 арын.
  8. ↑ Распоряжение Президента Российской Федерации от 07.04.2015 г. № 85-рп «О президиуме Государственного совета Российской Федерации». Эскеремын: 17 пӧсьтолэзе 2025 арын.
  9. ↑ Распоряжение Президента Российской Федерации от 10.11.2015 г. № 356-рп «О президиуме Государственного совета Российской Федерации». Эскеремын: 17 пӧсьтолэзе 2025 арын.
  10. ↑ Умер экс-глава Удмуртии Александр Соловьёв, LIFE.RU.
  11. ↑ Главу Удмуртии заподозрили в получении взятки. Эскеремын: 17 пӧсьтолэзе 2025 арын.
  12. ↑ Президент отстранил от должности Главу Удмуртии Александра Соловьёва. Эскеремын: 17 пӧсьтолэзе 2025 арын.
  13. ↑ Бывшего главу Удмуртии Александра Соловьева арестовали на два месяца — РИА Новости, 04.04.2017. Эскеремын: 17 пӧсьтолэзе 2025 арын.
  14. ↑ «Единая Россия» приостановила членство задержанного экс-главы Удмуртии. Эскеремын: 17 пӧсьтолэзе 2025 арын.
  15. ↑ Экс-главу Удмуртии Александра Соловьева перевели под домашний арест до 4 сентября. Эскеремын: 17 пӧсьтолэзе 2025 арын.
  16. ↑ Бывшему главе Удмуртии предъявили обвинение во взятке. Эскеремын: 17 пӧсьтолэзе 2025 арын.
  17. ↑ 3 года под арестом: 7 глав по делу Александра Соловьёва. Эскеремын: 17 пӧсьтолэзе 2025 арын.
  18. ↑ Суд продлил домашний арест экс-главе Удмуртии Соловьеву до 20 сентября. Эскеремын: 17 пӧсьтолэзе 2025 арын.
  19. ↑ Верховный Суд Удмуртской Республики, vs--udm.sudrf.ru. Эскеремын: 17 пӧсьтолэзе 2025 арын.
  20. ↑ Осужденного экс-главу Удмуртии освободили от заключения по состоянию здоровья [ӟуч], www.kommersant.ru (18 марта 2021). Эскеремын: 17 пӧсьтолэзе 2025 арын.

Чӧлсконъёс

«https://udm.ruwiki.ru/w/index.php?title=Соловьёв,_Александр_Васильевич_(политик)&oldid=506902»-ысь басьтэмын