Невоструев, Владимир Петрович
| Владимир Петрович Невоструев | |
|---|---|
|
| |
| 16 оштолэзе 2020 | |
| Элькунлэн тӧроез | Владимир Путин |
| Губернатор | Александр Бречалов |
| Азьпалчиез | Алексей Прасолов |
| 23 южтолэзе 2016 — 7 пӧсьтолэзе 2020 | |
| Азьпалчиез | тодмо ӧвӧл |
| Бӧрысьчиез | Александр Бречалов |
| 26 коньывуонэ 2017 — 16 оштолэзе 2020 | |
|
|
|
| Вордӥськемын |
4-тӥ шуркынмонэ 1959 (66 арес) Удмурт АССР, РСФСР, СССР |
| Дышетскемез | Ижусь Гурт удысъя Кун академия |
| Данъетъёсыз |
  |
.png){kind=small}
Невоструев Владимир Петрович (ворд.1959 арын 4 шурнмонэ[1]) — росси политик. 2020-тӥ арысен 16-тӥ оштолэзьысен Удмурт Элькунысь Кун Кенешлэн Тӧроез. «Единая Россия» Огъяросси политической партилэн ёзчиез.
2013—2017-тӥ аръёсы озьы ик Удмурт Элькунысь Кун Кенешлэн Тӧроез вал. «Единая Россия» партилэн удмурт региональной ёзэтэзлэн секретарез (2016—2020).
Улон сюресэз
Егит дырыз
Вордӥськиз 1959-тӥ арын 4-тӥ шуркынмонэ. Йылпумъяз Ижысь Гурт удысъя Кун академиез, «механизация сельского хозяйства» удысъя[2].
1978-тӥ арын армие басьтэмын. 1980-тӥ арын запасэ выжтэмын[3].
1980-тӥ арын Удмурт АССР-ысь Юкаменск ёросаз берытскыса, «Трактор» колхозын механик луыса ужаз, собере колхоз председатель луиз[3].
Политика удысын
1998-тӥ арын Удмурт Элькунысь Юкаменск ёрослы главае быръемын[3][2]. Кык ар ӵоже ёрос глава луыса ужамез бере, Удмурт Элькунысь Гурт удысъя но продовольствия министре быръемын[2]. Татын ужакуз ик Росси Федерациысь Гурт удысъя Министерстволэн Данъян Грамотаеныз пусъемын. 2002-тӥ арысен Гурт удысъя министрлэ но Удмурт Кивалтэтлэн Тӧроезлэсь воштӥсезлэсь ужзэ быдэсъяз[1]. 2007-тӥ арын Удмурт Элькунысь Кун Кенешлэн Аграропромышленной комплексъя, музъем кусыпъёсъя, природопользования но котырысь инкуазез утёнъя ӧриезлы тӧрое быръемын[1].
2008-тӥ арын Удмурт Элькунысь Кун Кенешлэн 4-тӥ ӧтчамаз депутатэ быръемын[3] но Тӧролэн воштӥсез ужоскетэ юнматэмын — Аграропромышленной комплексъя, музъем кусыпъёсъя, природопользования но котырысь инкуазез утёнъя ялан ужась ӧрилы Тӧрое быръемын[1]. 2012-тӥ арысь выльысь депутатэ быръемын но ужзэ азьвыл удысэзъя тӧролэн воштӥсез луыса ик азьланьтӥз[2].
2013-тӥ арын 13-тӥ инвожоысен Удмурт Элькунысь Кун Кенешлэн Тӧроез луиз[4][5], та ужоскетын 2017-тӥ арозь куарусён толэзёзь тыршиз.
2016—2020-тӥ аръёсы — «Единая Россия» партилэн удмурт региональной ёзэтэзлэн секретарез.
2020-тӥ арын 16-тӥ оштолэзе выльысь Кун Кенешлы Тӧрое быръемын.
Данъетъёсыз
- Эшъяськон орден[2]
- Росси Федерациысь гурт удысын Дано ужась[2]
- Грамотаос[2]
- Ведомственной данъетъёс[2]
Валэктонъёс
- ↑ 1 2 3 4 Невоструев Владимир Петрович - компромат, биография, образование, национальность [ӟуч] zampolit.com. Эскеремын 2017-02-17 арын
- ↑ 1 2 3 4 5 6 7 8 Единая Россия официальный сайт Партии / Кто есть кто udmurt.er.ru. Эскеремын 2017-02-17 арын
- ↑ 1 2 3 4 Персональная информация cm.udmgossovet.ru. Эскеремын 2017-02-17 арын
- ↑ правды», Юлия КАМЕНСКАЯ, Надежда ИМПОЛИТОВА | Сайт «Комсомольской. Новый председатель Госсовета Удмуртии: «От земли я не отдалился!» [ӟуч], KP.BY - сайт «Комсомольской правды» (25 июня 2013). Эскеремын: 17 тулыспалэ 2017 арын.
- ↑ Владимир Невоструев возглавил Госсовет Удмуртии | Удмуртская республика | РИА ФедералПресс [ӟуч] РИА ФедералПресс. Эскеремын 2017-02-17 арын
| Элькунъёс |  | |
|---|---|---|
| Улосвылъёс | ||
| Улосъёс |
| |
| Автономи улос | ||
| Автономи округъёс | ||
| Федерал инлыкен каръёс | ||
| ||
- 4-тӥ шуркынмонэ вордӥськемъёс
- 1959-тӥ арын вордӥськемъёс
- Эшъяськон орденлэн кавалеръёсыз (Россия)
- Росси Федерациысь гурт удысысь Дано ужасьёс
- Тодмо муртъёс алфавитъя
- Ижысь Гурт удысъя академиез быдтэмъёс
- «Единая Россия» партилэн ёзчиосыз
- Удмурт Элькунысь Кун Кенешлэн тӧроосыз
- Удмуртиысь министръёс
- СССР-ын вордӥськемъёс