Офицер собранилэн азьвыл юртэз (Ижкар)

Википедиысь материал
Калык юрт
Офицер собранилэн но пыӵалтӥрлыкъя усточиосты дасян школалэн азьвыл юртэз
Бывшее здание офицерского собрания.jpg
56°50′41″ с. ш. 53°11′56″ в. д.GЯO
Кун РоссияFlag of Russia.svg Россия
Кар Ижкар, Советской ульча, 1
Архитектурной стиль Конструктивизм
Архитекторез А. П. Семёнов
Кылдытэмын 1843
Юртэз пуктэмын 1843—1845 аръёс
Инлыкез Логотип конкурса «Вики любит памятники» ОКН № 1800006000№ 1800006000
ИжевскВоткинскГлазовМожгаСарапулАлнашский районБалезинский районВавожский районВоткинский районГлазовский районГраховский районДебёсский районЗавьяловский районИгринский районКамбарский районКаракулинский районКезский районКизнерский районКиясовский районКрасногорский районМалопургинский районМожгинский районСарапульский районСелтинский районСюмсинский районУвинский районШарканский районЮкаменский районЯкшур-Бодьинский районЯрский районОфицер собранилэн азьвыл юртэз (Ижкар) (Удмуртия)
Описание изображения
Точка
Логотип РУВИКИ.Медиа Медиафайлъёс РувикиМедиа пушкын

Офицер собранилэн но пыӵал лэсьтон школалэн азьвыл юртэз[1] Ижкарысь Советской ульчаысь 1 номеро юртын интыяськемын, Удмурт Элькунысь историысь но лулчеберет удысысь утёно синпелетъёс пӧлы пыре[2][3]. Юртын пӧртэм вакытъёсы административной учреждениос, Иж заводлэн офицер собраниез, пыӵал лэсьтон школа, Ижысь пыӵалтӥрлык поттон заводлэн администрациез интыяськылӥзы. 1917-тӥ арын 27-тӥ коньывуонэ (9-тӥ шуркынмонэ) юртлэн залъёсаз Иж заводын совето власть юнматэм сярысь ялӥзы, нош 1918-тӥ арын 21-тӥ тулыспалэ та юртын ик Ижысь совето ужасьёс, солдатъёс но крестьянъёс пӧлысь быръем депутатъёс Иж заводэз Ижкарлы воштон сярысь огкылысь кенешизы[4][5].

Историез

Улыно-вылыно юрт, XX даурлэн кутсконэз

Юрт 1843-тӥ—1845-тӥ аръёсы инженер-капитан А. П. Семёновлэн проектэзъя пуктэмын. Нырысь-валысь юрт улыно-вылыно вал, Иж заводысь вань административной учреждениосты («присутственной интыосты») татчы интыяны чаклаллязы. Фасадъёслэсь чертёжъёссэ, этажъёслэсь планзэс, чугун кенерлэсь суредзэ 1841-тӥ арын 5-тӥ коньывуонэ император Николай I юнматӥз[4].

1867-тӥ ар бере юртын заводлэн ваньбур кутонъя но котырзэ утёнъя ёзэз но пыӵал лэсьтон школа интыяськылӥзы. 1897-тӥ арысен (мукет ивортонъёсъя, 1890-тӥ арысен[6]) вылӥ этажаз Офицер собрание ужаз, нош улӥяз — казначейство но пыӵал лэсьтон школа[4].

Офицер собрание

Ижын Ожгар собраниез кылдытонлы кичӧлтӥсь луиз пыӵалтӥрлык поттонъя но андан ӵыжатонъя заводъёслэн кивалтӥсьсы полковник Иван Иванович Патрус. Рапортъёсаз тае тазьы валэктылӥз: Ижысь офицеръёслэсь ваньмон но шутэтскон дырзэс туала Советской но Красноармейской ульчаослэн вожазы интыяськем Калык клубе ветлӥсь служащийёслэсь но огшоры пырись-потӥсьлэсь нимаз радъяны кулэ. Та клубе ветлӥсь огзэ ёзчиез ултӥямзы но югдурез синйылтытэк кельтэмзы бере, Патрус но эшшо 12 офицеръёс клублэн ёзчиосыз радысь потӥзы[7].

1887-тӥ арын 24-тӥ толшоре ожгар собранилэсь уставзэ кылдытон вылысь комиссия люкамын вал, нош 1890-тӥ арын 30-тӥ гудырикошконэ Собрание усьтӥськиз ни. 1891-тӥ арын 15-тӥ толсурлы Ожгар собранилэн зэмос ёзчиосыз пӧлы 22 офицеръёс но 29 чиновникъёс пыризы. Огдырлы ёзчие 14 мурт кутэмын вал, таос заводын пӧртэм классъем удысъёсын ужазы, пӧлазы асьсэ мылкыдъя заводэ куриськемъёс но вал[7].

1893-тӥ арын Собранилэн положениез кутэмын вал, соя огазеяськонлэн зэмос ёзчиез луыны офицеръёс гинэ быгато вал. Офицер собранилэн тӧроез выль положениея Иж завод луиз. Дано ёзчиосыз пӧлы Кузон ожгар округысь войскоослэн командующийзы но Кузон ожгар округысь артиллерияя частен кивалтӥсь шедизы. Кивалтон ёзэ одӥг арлы огъя куара сётонэн быръем куинь ёзчиослэсь радъясь комитет юнматэмын вал[7].

Собрание интызэ огпол гинэ ӧз вошъялля, 1903-тӥ арын частной юртэз но арендае кутылӥз. Но коньдон тырмымтэен, Ожгар собрание Калык клублэн юртаз интыяськоно луиз, таин сэрен кыкез ик огазеяськонъёс куспын керетонъёс-валамтэос пуромылӥзы. 1895-тӥ арын Офицер собранилэсь кулэяськонъёссэ быдэстон вылысь артиллерияя ведомстволэсь из юртсэ выльдон понна 9000 манет висъямын вал. Юртэз возён понна собранилэн ёзчиосыз араз быдэн 480 манет висъяллязы[7].

Пыӵал лэсьтон школа

Валтӥсь статья: Ижысь пыӵалтӥрлыкъя усточиосты дасян школа

1870-тӥ арын 15-тӥ гудырикошконэ Ижын пыӵалтӥрлыкъя усточиосты дасян школа усьтӥськиз, со 100 адямилы но 4 ар дышетсконлы чакламын вал. Школа юртлэсь нырысетӥ этажзэ басьтӥз. Программая пыӵалтӥрлыкез тупатъяны, гумызэ но пулэсь люкетсэ лэсьтыны, чебер пужыятыны, дурыны, напильникен пусъёс лэсьтыны, пуэз но кортэз токарной станокен йылаз-пумаз вуттыны дышетылӥзы. Арлы быдэ школаез 20—25 мурт йылпумъялляз. Соосты «пыӵалъя мастер» нимын пусйылӥзы, соосты Россиысь ожгар частьёсы но ожгар учреждениос службае распределениен ысъязы. 48 ар ӵоже школа 900-лэсь ятыр усточиосты дасяз. 1918-тӥ арын Иж-Вотка бугыръяськонъёсын  [ӟуч] (удм. валче школа пытсамын вал. Бератаз, 1997-тӥ арын, школа выльысь ужаны ӧдъяз, солы А. Ф. Дерябинлэсь нимзэ сётӥзы. 2012-тӥ арын школаез Машиностроительной лицее выжтӥзы[4][8].

Совето аръёсы

27-тӥ коньывуонэ (9-тӥ шуркынмонэ) Офицер собранилэн азьвыл юртаз 202 делегатъёс пӧлысь 111 муртлэн куараосызлы луыса Иж заводын совето власть юнмаз[4][9]. 1918-тӥ арын 21-тӥ тулыспалэ та юртын ик Ижысь совето ужасьёс, солдатъёс но крестьянъёс пӧлысь быръем депутатъёс Иж заводэз Ижкарлы воштон сярысь огкылысь кенешизы[4][10]. Город борды та нимез но статусэз юнматон, 7 ар ортчыса, 1925-тӥ арын 6-тӥ пӧсьтолэзе гинэ луиз[5][11]. 1919-тӥ арын, Октябрь революцилэн кык ар тырмонэзлы сӥзьыса, Офицер собранилэн азьвыл юртэз азьын (туала Горькийлэн урамез кузя) Г. Ф. Сенатов но И. Н. Ситников архитекторъёслэн проектсыя Маркслэн, Ленинлэн но Троцкийлэн портретъёсынызы пу арка лэсьтӥзы, сое «Горд капка» нимазы[12].

1930-тӥ аръёсы юрт вадьсы эшшо кык этаж пуктӥзы, озьы ик Горькийлэн ульчаез кузя бордаз пристрой пуктӥзы на[13]. Совето вакытэ юртын Ужась калыкъёс пӧлысь быръем депутатъёслэн кенешсы, Удмурт АССР-ысь Гурт удысъя министерство, «Удмуртлес» огазеяськон, Удмурт АССР-ысь Калыкез дышетон министерство, КПСС-лэн Удмурт обкомезлэн партийной архивез но мукет ведомствоос интыяськылӥзы. Соин ик юртлы таӵе нимъёс но лякиськизы: «Правительстволэн вуж юртэз», «Советъёслэн юртсы»[14][4][15].

1979-тӥ арын 5-тӥ толсуре Удмурт АССР-ысь Министръёслэн Кенешсы юртэз улосысь лулчеберет удысысь утёно объектъёс пӧлы пыртӥз[2][3].

Туала югдур

Али юртын Удмуртиысь Лулчеберетъя министерство, Удмуртиысь Писательёслэн огазеяськонзы, «Инвожо», «Кизили», «Луч» журналъёслэн редакциоссы, озьы ик Удмурт Элькунысь йӧскалык кун театр интыясько[15].

Галерея

  • Валтӥсь фасадаз интыям ивортонэн пул

    Валтӥсь фасадаз интыям ивортонэн пул

  • Валтӥсь фасадэз

    Валтӥсь фасадэз

  • Азбарысен тусыз

    Азбарысен тусыз

  • Уйин тусыз

    Уйин тусыз

Валэктонъёс

  1. ↑ Полное наименование объекта культурного наследия: «Здание бывшего офицерского собрания и оружейной школы, где в 1917 году была провозглашена советская власть в г. Ижевске»
  2. ↑ 1 2 Объекты культурного наследия (памятники истории и культуры) регионального (Удмуртской Республики) значения
  3. ↑ 1 2 Постановление Совета Министров Удмуртской АССР № 362 от 05.12.1979 «О постановке на государственную охрану памятников истории и культуры Удмуртской АССР»
  4. ↑ 1 2 3 4 5 6 7 Здание бывшего офицерского собрания [ӟуч] Информационно-аналитическоe управление Администрации города Ижевска. Эскеремын 2020-01-24 арын
  5. ↑ 1 2 Елена Кардопольцева 95 лет назад Ижевску был присвоен статус города [ӟуч] Сетевое издание IZHLIFE. ООО «Радио - Инвест». Эскеремын 2020-01-24 арын
  6. ↑ Шумилов, 1998, с. 7.
  7. ↑ 1 2 3 4 Копинова Н. С. История создания общественной военной организации в Ижевске (1886–1910 гг.) // Вестник Удмуртского университета. Серия «История и филология» : журнал. — Ижевск: Федеральное государственное бюджетное образовательное учреждение высшего образования «Удмуртский государственный университет», 2011. — Вып. 3. — С. 112—117. — ISSN 2412-9534.
  8. ↑ Селивановский, 2015, с. 58.
  9. ↑ Шумилов, 1998, с. 177—179.
  10. ↑ Шумилов, 1998, с. 189.
  11. ↑ Ижевск / А. П. Перевощиков, доп. В. В. Туганаев // Удмуртская Республика : Энциклопедия / гл. ред. В. В. Туганаев. — 2-е изд., испр. и доп. — Ижевск : Издательство «Удмуртия», 2008. — С. 345. — 768 с. — 2200 экз. — ISBN 978-5-7659-0486-2.
  12. ↑ Селивановский, 2015, с. 169.
  13. ↑ Селивановский, 2015, с. 89.
  14. ↑ Селивановский, 2015, с. 177.
  15. ↑ 1 2 Иванова Е. А «Старый Дом правительства» (из истории ижевских зданий) [ӟуч] udmkrai.unatlib.org.ru. Край удмуртский. Эскеремын 2020-01-24 арын

Литература

  • Шумилов Е. Ф. Город на Иже, 1760—2000 : Историческая хроника с прологом и эпилогом в двух томах, повествующая о славных традициях и драматической истории столицы Удмуртии. — 2-е изд., дополненное и переработанное. — Ижевск : Издательство «Свиток», 1998. — 400 с., 26 с. ил. — 10 000 экз. — ISBN 5-89296-006-4.
  • Селивановский С. Н. Старый Ижевск. События и люди в объективе фотографов / рецензент И. И. Кобзев. — 3-е издание, исправленное. — Ижевск: КнигоГрад, 2015. — 292 с. — 100 экз. — ISBN 978-5-9631-0309-8.
«https://udm.ruwiki.ru/w/index.php?title=Офицер_собранилэн_азьвыл_юртэз_(Ижкар)&oldid=507688»-ысь басьтэмын