Ижысь пыӵалтӥрлыкъя усточиосты дасян школа

Википедиысь материал
Ижысь пыӵалтӥрлыкъя усточиосты дасян школа
Ижысь Офицер собранилэн но пыӵалтӥрлыкъя усточиосты дасян школалэн юртсы (XIX даурысь открытка)
Ижысь Офицер собранилэн но пыӵалтӥрлыкъя усточиосты дасян школалэн юртсы
(XIX даурысь открытка)
Ужан аръёсыз 1870—1918
Кун Росси империяFlag of Russia.svg Росси империя
Улсатэмын Ижысь пыӵалтӥрлык лэсьтон но андан ӵыжатон заводъёс
Пыре Обороная министерстволэн ракетая но артиллерияя валтӥсь управленияз
Типез Артиллерияя ведомстовлэн нимысьтыз школаез
Пушпӧлаз пыре ремесленной училище
Функция Ӟуч императорской армилы пыӵалъя усточиосты дасян
Лыдыз 100 адями[1]
Интыяськемез Иж завод
Ожъёсы пыриськемез Ижын но Воткаын бугыръяськонъёс (1918-тӥ арын гудырикошконэ — шуркынмонэ)
Командиръёс
Нимо-дано командиръёс И. И. Патрус

Ижысь пыӵалтӥрлыкъя усточиосты дасян школа (ӟуч: Ижевская оружейная школа) — Росси империысь Иж заводысь ожгар дышетон заведение, артиллерияя ведомствоысь нимысьтыз школа сямен ужаз, со Ӟуч имперской армилы пыӵалъя усточиосты дасялляз.

Историез

1854-тӥ—1856-тӥ аръёсы Крым ожын Россилэн келямез трос мугъёсын герӟаськемын вал, со пӧлын ӟуч пыӵаллэн кунгож сьӧрысь ожтӥрлыклэсь бере кылемез но. Александр II императорен  [ӟуч] (удм. кутэм пыӵалтӥрлык поттон удысысь бадӟым реформаос, соос пӧлын ожгар реформа но, кылдэм югдурез чутрак воштыны кулэ вал. Та ӧрын лэсьтэм одӥгез тужгес бадӟымез вамыш луиз вооружение казнозарядной пыӵаллэсь образецъёссэ юнматон — Терри, Карле но Крнк винтовкаос, Лефоше, Кольт, Смит-Вессон сӧзнэтъёсысь револьверъёс, нош бӧрысьгес унитарной патронлы  [ӟуч] (удм. чаклам но басьтӥськись затворен заряд сётонъя Берданлэсь воксё выль 4,2 линейной винтовкаосты пыӵатон. Та пыӵалтӥрлыкъёсты поттонэз Россиын ожтӥрлык заводъёсын радъязы — Тула, Иж но Сестрорецк  [ӟуч] (удм.. Со вакытысь мертэтъёсъя пусъем образецъёс секыт пыӵалтӥрлыкен лыдъяськылӥзы, соосты уже кутонын саклыкез ыштыны уг яра вал, медаз тӥяське шуыса, нош тӥяськон учыръёсы соосты нимысьтыз дышетэм муртъёс ӝог но ӟеч тупатыны мед быгатозы шуыса[2].

Ӵапак сыӵе тупатӥсьёс пыӵалъя усточиос луыны кулэ вал — ожгар частьёсын пыӵалтӥрлыкез утялтыны но тупатыны быгатӥсь техника ласянь вылӥ квалификациен кадръёс. Озьы 1869-тӥ арын 15-тӥ пӧсьтолэзе Александр II Высочайший император Ожгар Кенешен учкем-чаклам «Артиллерияя ведомстволэн нимысьтыз школаосыз сярысь положение» ужкагазэз юнматӥз, соя Россиысь ожтӥрлыкъя валтӥсь центръёсын, Тулаын но Ижын, пыӵалъя усточиосты дасянъя школаос кылдытэмын вал[3]. 1879-тӥ арозь кыкез но школаос Артиллерияя валтӥсь управленилэн бурд улаз ужазы, соосты ожтӥрлык поттон заводъёслэн инспекторзы чакласа возиз. Мукет сямен вераса, пыӵалтӥрлыкъя усточиосты дасян школаослэн кивалтӥсьёссы ожтӥрлык поттон заводъёслэн инспекторзы кивалтэм улсын тыршизы. Пусъем дырысен соос Тулаысь но Ижысь ожтӥрлык заводъёслэн кивалтӥсьёссы эскерем улсын ужаны ӧдъязы.

Ижысь пыӵалтӥрлыкъя усточиосты дасян школаослэн ужез (Тулаысезлэн сямен ик) кык валтӥсь ужкагазъёсъя радъяськылӥз:

  • 1869-тӥ арын 15-тӥ пӧсьтолэзе Ожгар ведомстволы ивортэм императорлэн нимысьтыз указэз;
  • Ожгар постановлениосъя сводын печатлам артиллерияя ведомствоысь нимысьтыз школаос сярысь положение[4].

Ижысь пыӵалтӥрлыкъя усточиосты дасян школалэн валтӥсь ужпумез — пыӵалтӥрлыкез валасьёсты дасян вал. Школалэн штатаз пыризы: школалэн кивалтӥсез (полковник); мастерстволы но наукалы дышетсконлэсь радъяськемзэ чаклась офицер; кык бадӟымез дышетӥсьёс (ужудыссыя VIII классысь) но ньыль покчи дышетӥсьёс; сю дышетскисьёс (казённокоштъёс но пансионеръёс)[5]. Школаын дышетскисьёс военнослужащийёс радэ ӧз шедьылэ[4].

Школае вань сословиосысь, конкурс экзамен пыр потыса, егитъёс сюрыны быгатылӥзы[6] , арлыдзы 18 ареслэсь ичи луыны кулэ ӧй вал (бӧрысьгес школае пырон арлыдэз 16 аресозь уськытӥзы). Со дыре ик школалэн кивалтӥсезлы куриськон гожтоно но ӟеч тазалык но пыэдлэсь прививка пуктэм сярысь эм свидетельство, озьы ик асьсэ мылкыдзыя службае пырись улӥ чинъёслэсь мукет ужкагазъёс ватсано вал.

Дышетскисьёс куинь категорилы люкиськылӥзы: казённокоштной — кун казна чотын дунтэк дышетскисьёс; пансионеръёс — сюдэм-вордэмзы но дышетэмзы понна казна дышетскисьёсты возён дунэн огкадь коньдон тырисьёс; асьсэ мылкыд каремъя лыктэмъёс — школалэсь нокыӵе пособие кутӥсьтэмъёс но дышетскемзы понна коньдон тырымтэос[7]. Дышетскисьёс заводысь мастеровойёс доры яке асьсэлэн матысь ӵыжы-выжыоссы доры квартираосы интыяськылӥзы. Вылӥын пусъем муртъёс дышетскисьёслы дӥськут, гигиенаез чаклан арбериос басьтыны но соосты табельын чаклам дунъя сюдыны кулэ вал[7][8].

Школаын дышетскон курс теориялы но практикалы люкемын вал. Теория ласянь дышетскон куинь ар кыстӥськиз, котькуд классын быдэн одӥг ар луиз, татын Инмар законэз, арифметикаез, геометриез, киын ыбылӥськон тӥрлыкъя теориез, ӟуч кылэз, черчениез, суредаськонэз валэктылӥзы. Практика ласянь дышетскон теориен артэ озьы ик куинь ар кыстӥськиз, Ижысь пыӵалтӥрлык поттон заводысь цехъёсын вань ожтӥрлык поттон ужъёсты быдэстылӥзы. Со сяна, дышетскисьёсты предметъёсын практика ласянь юнматон понна Ижысь пыӵалтӥрлык поттон завод борды быдэс арлы (практикая классэ) юнматъязы. Озьы школаын огъя дышетскон дыр ньыль ар кыстӥськиз. Дышетонын валтӥсь предмет — «Киын ыбылӥськон ожтӥрлык но пыӵалъя устолык» нимо курс вал.

Дышетскисьёслэсь «мастерствоын но наукаосын» быгатонлыкъёссэс 12 баллъем системая эскерылӥзы[9]. Бадӟым классэз йылпумъямзы бере (куинь ар дышетскон), выпускной экзамен пыр потэм но теорияя предметъёсын, практикая занятиосын но асьсэды умой возёнъя шоро-куспо балл басьтэм дышетскисьёсты курсэз быдтэмъёсын лыдъяллязы[10].

Выпускной экзамен пыр потэм быдӟым классэз йылпумъямъёс эшшо одӥг арзэ приёмной палатаосын занятиосы но ужъёсы пыриськон понна заводын практикая нимаськись классын возиськизы[10]. Отӥяз, эшшо экзаменъёс пыр потыса, 10-лэсь тросгес балл люкамъёсты Обороная министерстволэн ракетая но артиллерияя валтӥсь управленилэн  [ӟуч] (удм. (ГАУ) распоряжениезъя действительной службаысь 2-тӥ разрядэн пыӵалтӥрлыкъя мастер луылӥзы. Ичигес балл люкамъёс действительной службаысь пыӵалъя подмастерьеысь старшойёс луылӥзы. Оружейной мастеръёслэн но старшой оружейной подмастерьеослэн действительной службаын ужамзы «Войскоосын пыӵалъя усточиослэн пыриськемзы сярысь положениын» пусъем ужкагазъя радъяськылӥз[11].

1906-тӥ арын Ижысь пыӵалтӥрлыкъя усточиосты дасян школаын дышетскисьёс правительстволы пумит ӝутӥськемзылы но бугыръяськонъёсы пыриськемзы понна пусъем аре школаез быдтон сярысь ужпум султӥз. Зэм, тодмотэм мугъёсъя, школаез ӧз ворсалэ. Сое ГАУ но пумен ворсаны ӵектылӥз, интыяз Тулаысь ожтӥрлыкъя училище кылдытыны дэмласа. 4 классъем (4 аръем) огазеям Тулаысь ожтӥрлыкъя училищеез кылдытэмен, мукет классъёсты 4 ар ӵоже усьтыны чакламын вал, со понна Тулаысь но Ижысь ожтӥрлыкъя усточиосты дасян школаосты, курсъёс пыр дышетскисьёс потэме бере, быдтыны кулэ вал. Малпанъёсты быдэстыны Нырысетӥ дунневыл ож люкетӥз[2]. 1918-тӥ арын школа таркамын вал[12]. Та 1918-тӥ арын гудырикошконэ Иж-Вотка бугыръяськонъёс пуромемен но отын школаосысь дышетскисьёслэн тӧдьыос пала нюръяськеменызы герӟаськемын, вылды[2][13].

1921-тӥ арын шуркынмонэ витьымтэ учыр луиз. Омскысь пыӵалъя техникъёслэн школазы Иже выжтэмын вал, сое Ижысь пыӵал техникъёслэн но усточиослэн школазы нимазы[14]. Формально учконо ке, со кунысь ожгар дышетон выль заведение вал, но улонын со Ижысь пыӵал лэсьтонъя аслаз йылолъёсыныз но пыӵалъя усточиосты дасянъя школа луиз. Солэсь ортчыт, 1923-тӥ арын инвожое республикаысь Реввоенсовет артиллерияя но пыӵал усточиосты дасянэз Петроградысь, Тулаысь но Ижысь артиллерияя но ожтӥрлык техникая дышетон заведениосын радъяз[15]. Ижысь пыӵал техникая школалы выльысь ужаны но РККА-лы пыӵалъя техникъёсты дасяны луонлык сётэмын вал. Но 1924-тӥ арын солы Ленинградысь ожтӥрлык техникая школалэсь нимзэ шуак сётӥзы[16] но сое Ленинградэ выжтӥзы. Талэн мугъёсыз тодмотэм. Ленинградысь ожтӥрлык техникая школа кема ӧз ужа. 1924-тӥ арын куарусёнэ сое быдтӥзы но вань курсантъёссэ Тулаысь ожтӥрлык техникая школае выжтӥзы, вань та выллем дышетонниос пӧлысь со огназ возиськиз.

Кивалтӥсьёсыз

  • Василий Александрович Ложкин (1870—1873), ож бусыысь пыдын артиллериысь капитан;
  • Иван Иванович Патрус (1873—1884), ож бусыысь пыдын артиллериысь полковник;
  • Пётр Ильич Березин (1884—1900), ож бусыысь пыдын артиллериысь полковник;
  • Николай Дмитриевич Кудрявцев (1900—1907)[17], ож бусыысь пыдын артиллериысь полковник;
  • Василий Алексеевич Платонов (1907—1910)[18], гвардиысь капчи артиллерияя капитан;
  • Александр Михайлович Кулешов (1910—1912)[19], гвардиысь капчи артиллерияя капитан;
  • Пётр Николаевич Сорочинский (1913—1917)[20], гвардиысь капчи артиллерияя подполковник.

Дано дышетскисьёсыз

  • Оберюхтин Виктор Иванович[21].

Валэктонъёс

  1. ↑ Штат специальных школ артиллерийского ведомства [ӟуч] Эскеремын 29.07.2025 арын
  2. ↑ 1 2 3 Статья «Оружейный этап» на официальном сайте Тульского артиллерийского инженерного института
  3. ↑ Полное собрание законов российской империи. Собрание второе.. — 1873. — Т. XLIV.. — С. 841. Архивная копия от 15 гудырикошконэ 2018 на Wayback Machine
  4. ↑ 1 2 Свод военных постановлений. Книга XV «Заведения военно-учебные».1869. — СПб.: второго отделения собственной Его императорского величества канцелярии, 1870. — Т. 2.Часть IV. — С. 119.
  5. ↑ Собрание законов Российской империи (1825—1881). — СПб.: Типография второго отделения собственной Его императорского величества канцелярии, 1870. — Т. 44 (1869) Часть 3 (Штаты и табели). — С. 598.
  6. ↑ Собрание законов Российской империи (1825—1881). — СПб.: Типография второго отделения собственной Его императорского величества канцелярии, 1870. — Т. 44 (1869) Часть 3 (Штаты и табели) Программа испытания для поступления в школу. — С. 616.
  7. ↑ 1 2 Свод военных постановлений. Книга XV «Заведения военно-учебные».1869. — СПб.: второго отделения собственной Его императорского величества канцелярии, 1870. — Т. 2.Часть IV. — С. 120-121.
  8. ↑ Собрание законов Российской империи (1825—1881). — СПб.: Типография второго отделения собственной Его императорского величества канцелярии, 1870. — Т. 44 (1869) Часть 3 (Штаты и табели). — С. 610—614. Архивная копия от 15 гудырикошконэ 2018 на Wayback Machine
  9. ↑ Свод военных постановлений. Книга XV «Заведения военно-учебные».1869. — СПб.: второго отделения собственной Его императорского величества канцелярии, 1870. — Т. 2.Часть IV. — С. 122—123.
  10. ↑ 1 2 Свод военных постановлений. Книга XV «Заведения военно-учебные».1869. — СПб.: второго отделения собственной Его императорского величества канцелярии, 1870. — Т. 2.Часть IV. — С. 124—125.
  11. ↑ Свод военных постановлений 1869 года. Часть V «Военное хозяйство». Книга XX «Внутреннее хозяйство частей войск». — СПб.: второго отделения собственной Его императорского величества канцелярии, 1897. — Т. 2.Часть IV. — С. 180—184.
  12. ↑ Ижевская оружейная школа Главного артиллерийского Управления Ижевских оружейного и сталеделательных заводов, Ижевский завод Сарапульского уезда Вятской губернии (1870—1918 гг.)
  13. ↑ Никифоров А. Месть — рабочим. Легенды и мифы Ижевского восстания
  14. ↑ Приказ Реввоенсовета Республики от 9 ноября 1921 года № 2528
  15. ↑ Приказ Реввоенсовета Республики от 7 июня 1923 года № 1475
  16. ↑ Приказ Реввоенсовета Республики № 748
  17. ↑ Высочайшие приказы о чинах военных за 1900 г., июль — декабрь [ӟуч] Национальная электронная библиотека (26 июля 1900). Эскеремын 27.07.2025 арын
  18. ↑ Высочайшие приказы о чинах военных за 1907 г. 1 января — 31 марта [ӟуч], Национальная электронная библиотека. Эскеремын: 27 пӧсьтолэзе 2025 арын.
  19. ↑ Высочайшие приказы о чинах военных за 1910 г. 1 июля — 30 сентября [ӟуч], Российская государственная библиотека. Эскеремын: 27 пӧсьтолэзе 2025 арын.
  20. ↑ Высочайшие приказы о чинах военных за 1913 г. 1 мая — 31 августа [ӟуч], Российская государственная библиотека. Эскеремын: 27 пӧсьтолэзе 2025 арын.
  21. ↑ Ганин А.В. "Я имел одну вину - службу у белых..." // Оренбургский казак. Архивировано 10 гудырикошконэ 2018 арын.

Чӧлсконъёс

«https://udm.ruwiki.ru/w/index.php?title=Ижысь_пыӵалтӥрлыкъя_усточиосты_дасян_школа&oldid=506989»-ысь басьтэмын