Военно-Морской Флотлэн нуналыз

Википедиысь материал
Военно-Морской Флотлэн нуналыз
Беломорской базаысь оркестрлэн Северодвинскын Военно-Морской Флотлэн нуналызлы сӥзем выступлениез.
Беломорской базаысь оркестрлэн Северодвинскын Военно-Морской Флотлэн нуналызлы сӥзем выступлениез.
Типез Росси Федерациысь Ожгар кужымъёслэн буре ваён нуналзы
Мукет сямен ВМФ-лэн нуналыз
Юнматэмын СССР-ысь Народной комиссаръёслэн советсы
Пусъё РоссияFlag of Russia.svg Россия
Дырыз 22 инвожое 1939
Пусъён ужрадъёс арлы быдэ пӧсьтолэзьлэн берпуметӥ арнянуналаз[1]
Сям-йылолъёс Вылӥ кивалтӥсьёслэсь ӟечкыланъёс но данъетъёс
Логотип РУВИКИ.Медиа Медиафайлъёс РувикиМедиа пушкын

Военно-Морской Флотлэн нуналыз (ӟуч: День Вое́нно-Морско́го Фло́та)— Росси Федерациысь Ожгар кужымъёслэн буре ваён нуналзы, зарезьчиослэн но зарезь офицеръёслэн ӧнер праздниксы[2]. Пусйиське арлы быдэ пӧсьтолэзьлэн берпуметӥ арнянуналаз[1].

ВМФ-лэн нуналаз Россиын асьсэ ӧнер праздниксэс пусъё ваньмыз, кин уте Россилэсь зарезь кунгожъёссэ, ваньмыз, кин герӟа ас улонзэ но службазэ ВМФ-лэн ожмаськыны дась луись частьёсыныз, озьы ик ожгар службазэс нуисьёслэн семьяоссы, флот ужъюртъёсын ужась ӧнерчиос, Ожгар Кужымъёсысь но Атыкай ожысь ветеранъёс[3].

ВМФ-лэн нуналаз котьку сямен ортчытӥсько зарезь парадъёс, валтӥсез парад Санкт-Петербургын ортче[4].

Историез

Флотлэсь нуналзэ арлы быдэ пусъён Пётр I бордысь потэмын. 1714-тӥ арын 27-тӥ пӧсьтолэзе (7-тӥ гудырикошконэ выль стилья) Россиысь императорской флот Гангут котырын ожмаськонын  [ӟуч] (удм. вормем бере, Пётр I арлы быдэ 27-тӥ пӧсьтолэзе Гангут вормонэз сӥё-дано богослужениосын, зарезь парадъёсын но фейерверкъёсын пусйыны косӥз. Озьы та нунал Россиысь ожгар флотлэн аспӧртэмлыко праздникезлы пӧрмиз. Берло Гангаутын вормон нуналэ богослужениос гинэ ортчытъяськылӥзы. Нош XIX даурлэн шорысеныз 27-тӥ пӧсьтолэзе флагъёсын чебермам корабльёсын, орудийной салютъёсын парадъёс ортчытъяны кутскизы. Та сям 1917-тӥ арын Октябрь революци бере уретӥськиз.

Россилэн президентэз Владимир Путин ВМФ-лэн нуналызлы сӥзем парадын, Санкт-Петербург

1920-тӥ арысен Балти зарезьчиослэн Штабзылэн кичӧлтэмезъя, 18-тӥ куартолэзьлы матысяз шутэтскон нуналэ Петроградын Горд флотлэсь нуналзэ пусйыны кутскизы. Та нуналэ (7-тӥ куартолэзе вуж стилья) 1703-тӥ арын росси флотлэн Балтикаын нырысетӥез вормонэз луиз  [ӟуч] (удм.[5].

Педпал суредъёс
СССР вакытэ ВМФ-лэн нуналыз почта конвертъёс вылын

Совето Союзын Ожгар-Зарезь Флотлэн нуналыз юнматэмын СССР-ысь ВМФ-лэн наркомезлэн Н. Г. Кузнецовлэн кичӧлтэмезъя, СССР-ысь Калык Комиссаръёслэн Кенешсылэн но ЦК ВКП (б)-лэн 1939-тӥ арын 22-тӥ инвожое кутэм Постановлениезъя[6].Со ужкагазъя праздникез арлы быдэ 24-тӥ пӧсьтолэзе пусйыны чакламын вал. Отын тазьы гожтэмын: «СССР-ысь Рабоче-Крестьянской Ожгар-Зарезь Флотэз кылдытонэн но отчы трос ужась калыкез кысконэн, озьы ик со азьын сылӥсь ужпумъёсын валче, СССР-ысь Ожгар-Зарезь Флотлэсь нуналзэ кылдытоно»[5]. Озьы, совето вакытэ та праздникез юнматэм нуналэ — 24-тӥ пӧсьтолэзе пусйылӥзы[7][2].

Совето вакытэ та нуналлы сӥзем валтӥсь ужрадъёс куинь каръёсын ортчылӥзы — Ленинградын (Санкт-Петербург), Севастопольын но Владивостокын[8].

1960-тӥ арын Ленинградын парад дыръя аспӧртэмлыко программа возьматэмын вал — нимысьтыз парадэ вуэм вуул пыж, якорьзэ ӝутыса, ву улэ кошкиз но азьпалаз мынӥсь корабль азьын ӝутскиз. Озьы Нева шурын вуул пыж корабль ултӥ быдэс историын нырысьсэ ортчиз[8].

СССР-ысь Вылӥ Кенешлэн Президиумезлэн 1980-тӥ арын 1-тӥ коньывуонэ кутэм 3018-Х-тӥ номеро «Праздникъёс но буре ваён нуналъёс сярысь» Косэтэзъя, праздникез пусъён пӧсьтолэзьлэн берпуметӥ арнянуналаз выжтэмын. Собере та Косэт юнматэмын вал СССР-ысь Вылӥ Кенешлэн Президиумезлэн 1988-тӥ арын 1-тӥ шуркынмонэ кутэм 9724-XI-тӥ номеро «СССР-ысь праздникъёс но буре ваён нуналъёс сярысь катрадлыке воштэтъёс пыртон сярысь» Косэтэныз[1], озьы ик берлогес кутэм каткылдытӥсь актъёсын.

ВМФ-лэн нуналызлы сӥзем сӥё-дано ужрад Кронштадтысь Морской собор дорын

Россиын ВМФ-лэсь нуналзэ пусъён

Тихоокеанской флотлэн корабльёсыз парадной стройын рейд ортчытон дыръя. Золотой Рог бухта, 2020-тӥ ар

туала Россиын Совето вакытэ сямен юнматэм нуналыз ӧвӧл. ВМФ-лэн нуналыз пӧсьтолэзьлэн берпуметӥ арнянулалаз пусйиське. Юнматэмын Росси Федерацилэн Президентэзлэн 2006-тӥ арын 31-тӥ куартолэзе поттэм 549-тӥ номеро «Росси Федерациысь Ожгар Кужымъёслэн ӧнер праздникъёссы но буре ваён нуналъёссы сярысь» Косэтэзъя, отын Росси Федерациысь Военно-Морской Флотлэн нуналыз Росси Федерацилэн Ожгар Кужымъёсызлэнз буре ваён нуналзы шуыса пусъемын[9][1].

2022-тӥ арын парадэ 40-лэсь ятыр корабльёс, катеръёс но вуул пыжъёс пыриськизы, озьы ик 42 воздушной судно но 3500-лэсь трос зарезьчиос но офицеръёс[10].

2024-тӥ арын ВМФ-лэн нуналыз 28-тӥ пӧсьтолэзе пусйиськиз, со нуналэ ик Санкт-Петербургын валтӥсь парад ортчиз, озьы ик ӧнер нуналлы сӥзем ужрадъёс мукует флотъёсын ортчизы. Тужгес бадӟымъёсыз ужрадъёс ортчыло валтӥсь порт луись каръёсын — Санкт-Петербургын, Севастопольын, Кронштадтын, Владивостокын, Астраханьын, Калининградын, Новороссийскын, Североморскын, Балтийскын но мукетъёсаз[2].

Парадлы дасям корабльёс, Севастополь

Севастополь Украинае пырон вакытэ ВМФ-лэсь нуналзэ пусъён

Крым полуостров Украиналэн интывылаз пырон вакытэ но Севастопольын ВМФ-лэн нуналызлы сӥзем ужрадъёс ортчылӥзы. Та нуналэз пусйылӥзы Россилэн Черноморской флотысьтыз зарезьчиос но соослэн семьяоссы, кудъёсыз со вакытэ отчы базироваться кариськемын вал[11].

Парадэ Россилэн но Украиналэн корабльёсыз пыриськылӥзы. Нуналэз йылпумъялляз РФ-лэн ожгарчиосыныз дасям салют[12].

Пусён сям-йылолъёс

Нева шурысь вуул пыжъёс но корабльёс парадлы дасясько, 2024-тӥ ар

ВМФ-лэн нуналызлы сӥзем ужрадъёс быдэс кунын ортчытъясько. Валтӥсез соос пӧлын — парад. Со Россилэн валтӥсь ожгар-зарезь базаосаз ортче: Санкт-Петербургын, Севастопольын, Владивостокын но мукетъёсаз. Парадэ боевой корабльёс, вуул пыжъёс, авиация но зарезь пехота пыриське[7].

Россиысь ВМФ-лэн нуналыз арлы быдэ флот частьёслэн личной составезлэн сӥё-дано построениез бордысен кутске. Собере вань корабльёсын Андреевской флагез[2] но сигнальной флагъёсты ӝуто.

Со нуналэ Тихоокеанской, Северной, Балтийской но Черноморской флотъёслэн базаосазы, озьы ик Каспийской флотилиын военной парадъёс но военно-спортивной ӵошатсконъёс ортчыло. Куд-ог боевой корабльёсын огшоры калык понна нимысьтыз экскурсиос радъясько. Росси Федерацилэн ВМФ-ысьтыз дано муртъёс но вылӥ кивалтӥсьёс ӧнер праздникен ӟечкылало, тужгес устооссэ кун данъетъёсын но воинской званииосын пусъё. Ужрадъёс концертъёсын но салютъёсын йылпумъясько.

Праздниклы сӥзем парадъёсы ву вылтӥ ветлӥсь корабльёс но вуул пыжъёс пырисько[13].

Зарезь пехотинецъёс, вуул спецназлэн ёзчиосыз, спасательёс но флотэн герӟаськем мукет огмуртъёс показательной выступлениоссэс возьматъяло, военно-спортивной ӵошатсконъёсы пырисько[14].

Котьку сямен, праздник нунал бадӟым концертэн но салютэн йылпумъяське. Сыӵе салют Санкт-Петербургын[12] но Севастопольын луылэ[11]. Озьы ик та каръёсын ортчись парадэ авиация пыриське[15].

Одӥгез тужгес вӧлмемез сям, со — зарезьчи-ветеранъёслэн пумиськонъёссы[2].

Валтӥсь парад

Корабльёс парадлы дасясько. Санкт-Петербург, 2024-тӥ арын пӧсьтолэзе

2017-тӥ арысен Россиысь президентлэн косэтэзъя Санкт-Петербургын Валтӥсь ожгар-зарезь парадэз ортчытон сям берентэмын вал. Парадэ пырисько Балтийской, Черноморской, Северной, Тихоокеанской флотъёсысь но Каспийской флотилиысь зарезьчиос[16].

Валтӥсез парад ортче Санкт-Петербургын (яке Санкт-Петербургын но Кронштадтын), отчы Россилэн президентэз но мукет вылӥ кивалтӥсьёс пырисько[4].

ВМФ-лэн нуналызлы сӥзем парадэ котьку сямен пыриське авиация, озьы ик «Стрижи  [ӟуч] (удм.»[17] но «Русские витязи» пилотажной группаос  [ӟуч] (удм.. Петербургын ӵемгес «Стрижъёс» лобало, «Русские Витязи» группа — мукет каръёсын[18][19]. Куддыръя кар вадьсытӥ мукет авиация но лобалля[20].

2024-тӥ арын, 2023-тӥ арын сямен ик, парадлэн авиаци люкетэз ӧй вал. Ачиз парад вакчиятэмын, нош Кронштадтын палэнтэмын[21].

2024-тӥ арын парад исторической корабльёс но калыкез нуон-ваён судноос пыриськемен висъяськиз. Ву вылтӥ ветлӥсь корабльёс сяна, Нева шуре лэземын вал «Можайск» нимо дизель-электрической вуул пыж[22].

Парадын калык азе нырысьсэ поттэмын «Каракурт» 22800 проектлэн «Одинцово» нимо малой ракетной кораблез, аслаз линейкаысьтыз нырысетӥез корабль, кудаз тупатэмын специализированной противовоздушной вооружение но «Панцирь-М» зенитной ракетно-пушечной комплекс[23].

2024-тӥ арын куно чотын парадэ пыриськизы кунсьӧр корабльёс — Индилэн фрегатэз но Китайлэн эсминецез[24].

2025-тӥ арын Петербургын ВМФ-лэн нуналызлы сӥзем валтӥсь ожгар-зарезь парад палэнтэмын. Сыӵе решение кутэмын кышкыттэмлыкез утён понна. Парадлы дасяськон пӧсьтолэзьлэн кутсконаз дугдытэмын. Озьы ик палэнтэмын авиаци люкетэз но[25][26][27].

  • ВМФ-лэн нуналыз Санкт-Петербургын

    ВМФ-лэн нуналыз Санкт-Петербургын

  • Парад

    Парад

  • Росси ВМФ-лэсь нуналзэ пусъёнын оже пыриськем ветеранъёс

    Росси ВМФ-лэсь нуналзэ пусъёнын оже пыриськем ветеранъёс

  • Юмшанъёс

    Юмшанъёс

Валэктонъёс

  1. ↑ 1 2 3 4 Указ Президента Российской Федерации от 31.05.2006 г. № 549 «Об установлении профессиональных праздников и памятных дней в Вооружённых Силах Российской Федерации»
  2. ↑ 1 2 3 4 5 День ВМФ 2024: какого числа, история и традиции праздника. Эскеремын: 26 пӧсьтолэзе 2024 арын.
  3. ↑ 29 июля — День Военно-Морского Флота! Министерство обороны Российской Федерации.
  4. ↑ 1 2 Главный военно-морской парад, Президент России. Эскеремын: 24 пӧсьтолэзе 2025 арын.
  5. ↑ 1 2 Игорь Руссак День Военно-морского флота РФ РИА Новости.
  6. ↑ Н. Г. Кузнецов. Крутые повороты : Из записок адмирала / Сост. Р. В. Кузнецова. — М. : Молодая гвардия, 1995. — 272 с. — ISBN 5-235-02250-5.
  7. ↑ 1 2 День ВМФ в 2025 году: история и традиции праздника РИА Новости.
  8. ↑ 1 2 Трюк: как подводная лодка всплыла на Неве, Русская народная линия. Эскеремын: 24 пӧсьтолэзе 2025 арын.
  9. ↑ Термины ∙ Справочник ∙ Президент России [ӟуч]
  10. ↑ Президент поздравил моряков Балтийского флота в Кронштадте с Днем ВМФ. Эскеремын: 24 пӧсьтолэзе 2025 арын.
  11. ↑ 1 2 Елена Андреева День военно-морского флота в Севастополе: парад и салют 2024 Foutravel.ru.
  12. ↑ 1 2 День ВМФ-2024 в Санкт-Петербурге. Полная программа : парад, концерт, салют [ӟуч]
  13. ↑ Впервые в Главном военно-морском параде на Неве приняла участие новейшая серийная неатомная подлодка типа «Лада» - АО. Эскеремын: 24 пӧсьтолэзе 2025 арын.
  14. ↑ День Военно-Морского Флота России - ГБОУ ДПО МЦПС, ГБОУ ДПО МЦПС. Эскеремын: 24 пӧсьтолэзе 2025 арын.
  15. ↑ Андрей Абрамов, Дарья Ивашкина День ВМФ в 2025 году: история и традиции праздника Комсомольская правда.
  16. ↑ Главный военно-морской парад в Санкт-Петербурге Администрация Президента России. Эскеремын 24.07.2025 арын
  17. ↑ В Кронштадте «Стрижи» показали высший пилотаж, ФОНТАНКА.ру - новости Санкт-Петербурга. Эскеремын: 26 пӧсьтолэзе 2024 арын.
  18. ↑ В честь Дня ВМФ «Русские витязи» показали фигуры высшего пилотажа во Владивостоке Мир24.
  19. ↑ В Балтийске в День ВМФ выступили "Русские витязи" и прошел парад кораблей - ТАСС, TACC. Эскеремын: 24 пӧсьтолэзе 2025 арын.
  20. ↑ Самолеты в небе над Петербургом. Воздушная часть наступающего Дня ВМФ в объективе «Фонтанки», ФОНТАНКА.ру - новости Санкт-Петербурга. Эскеремын: 24 пӧсьтолэзе 2025 арын.
  21. ↑ |, Александр ДЫБИН. Китайские эсминцы, деревянный ботик Петра Первого и знаменитая «Полтава»: Лучшие моменты генеральной репетиции парада ко Дню ВМФ, spb.kp.ru - (25 пӧсьтолэзе 2024). Эскеремын: 24 пӧсьтолэзе 2025 арын.
  22. ↑ Подлодка «Можайск» примет участие в параде ко Дню Военно-морского флота в Санкт-Петербурге, Regions. Эскеремын: 24 пӧсьтолэзе 2025 арын.
  23. ↑ Петербург готовится к параду в День ВМФ. Рассказываем, что известно о кораблях-участниках, ФОНТАНКА.ру - новости Санкт-Петербурга. Эскеремын: 24 пӧсьтолэзе 2025 арын.
  24. ↑ Парусники, корветы, тральщики, индийский фрегат и китайский эсминец, Коммерсантъ (24 пӧсьтолэзе 2024). Эскеремын: 24 пӧсьтолэзе 2025 арын.
  25. ↑ «Фонтанка» сообщила об отмене военно-морского парада на День ВМФ РБК.
  26. ↑ В целях безопасности в Петербурге отменён Главный военно-морской парад Фонтанка.ру.
  27. ↑ «Фонтанка»: Главный военно-морской парад в Санкт-Петербурге отменен Коммерсантъ.

Литература

Чӧлсконъёс

«https://udm.ruwiki.ru/w/index.php?title=Военно-Морской_Флотлэн_нуналыз&oldid=471954»-ысь басьтэмын