Зарезь пехоталэн нуналыз

Зарезь пехоталэн нуналыз
Типез	Профессиональный праздник
Юнматэмын	19 декабря 1995 года
Пусъё	Россиын
Дырыз	27-тӥ шуркынмонэ
Пусъён ужрадъёс	27-тӥ шуркынмонэ

Зарезь пехоталэн нуналыз — Россиысь зарезь пехоталэн пӧртэм удысъёсыныз герӟаськем вань ожгарчиослэн но отын ожгар службаез ортчем муртъёслэн ӧнер праздниксы. 2024-тӥ арын Россилэн азьмуртэныз гожтэм косэтъя та нунал пусйиське 27-тӥ шуркынмонэ. Азьвыл со пусйиськиз, зарезь флотлэн кивалтӥсезлэн приказэз вылэ пыкиськыса.

Историез

«Россия Федерациысь зарезь пехоталэн нуналыз» — одӥгез егит праздник, кунысьтымы зарезь пехоталэн историез 18-тӥ даурлэн кутсконысеныз кутске но куинь даурлэсь кема кыстӥське ке но. Пётр I эксэй Россиын «зарезь ожгарчиослэсь полксэс» кылдытон сярысь косэт поттӥз. Со вал 1705-тӥ арын 16-тӥ (27-тӥ) шуркынмонэ. Ӵапак со нунал бӧрысь быръемын вал «Россиысь зарезь пехоталэсь нуналзэ» пусъён понна (Россиысь флотлэн валтӥсь кивалтисезлэн, адмирал Феликс Николаевич Громовлэн 1996-тӥ арын 15-тӥ пӧсьтолэзе 253 номеро косэтэзъя).

2024-тӥ арын Россилэн азьмуртэз Россиын зарезь пехоталэсь нуналзэ пусъёнэз 27-тӥ шуркынмонлы юнматӥз.

Новороссийскын Россиысь зарезь флотлэсь нуналзэ пусъён парадын. 2018-тӥ ар

Ватсаса ивортодэт

• Россиысь зарезь пехоталэн тодметэз — корабльлэн якорез, со пумиське сьӧд беретъёс но нашивкаос вылын.
• Зарезь пехотаысь ожгарчиослэн кӧня ке пумо талисманъёссы вань, пӧртэм ёзэтъёсын соос пӧртэмесь: сьӧд пантера, грифон, тӧдьы гондыр но дельфин.
• Россиын «Зарезь пехота» гожтэмен манет поттэмын вал. Куд-огез вылын возьматэмын вал зарезь пехотаысь ожгарчи, мукетъёсаз — Пётр I.

Валэктонъёс