Росси Федерацилэн кунпуш ужъёсъя ёзэтаз ужасьёслэн нуналзы
Материалъёс басьтэмын Б.Н. Ельцин нимо библиотекаысь
| Росси Федерациысь кунпуш ужъёсъя ёзэтъёсын ужасьёслэн нуналзы | |
|---|---|
 | |
| Озьы ик | Полицилэн нуналыз |
| Валатонэз | Кунпуш ужъёсъя ёзэтъёсын тыршисьёслэсь ужзылэсь калыкез но мерлыкез утёнын кулэлыксэ но секыт луэмзэ пусъён но сӥлы карон |
| Юнматэмын | РФ Президентлэн 2011-тӥ арын 13-тӥ коньывуонэ гожтэм Косэтэныз. 2011-тӥ арозь — Милицилэн нуналыз шуыса нимаське вал |
| Пусъё |
 Россия |
| Дырыз | 10-тӥ шуркынмонэ |
| Пусъён ужрадъёс | сӥё-дано ужрадъёс, праздниклы сӥзем концертъёс |
| Сям-йылолъёс | ӟеч ужаменызы висъяськем ӧнерчиос, ветеранъёсты сӥлы карон, ужзэс быдэстыкузы бырыны шедемъёсты буре ваён |
Росси Федерацилэн кунпуш ужъёсъя ёзэтаз ужасьёслэн нуналзы (ӟуч: День сотрудника органов внутренних дел Российской Федерации, официальной луисьтэм нимыз — День поли́ции[1]); — Росси Федерацилэн кунпуш ужъёсъя ёзэтаз ужасьёслэн ӧнер нуналзы. Пусйиське арлы быдэ 10-тӥ шуркынмонэ.[2]. Юнматэмын 2011-тӥ арын Россилэн Президентэзлэн Косэтэныз, солэсь азьпал Милицилэн нуналыз шуыса нимаське вал[2]. Шутэтскон нунал уг луы[2].
Историез
Праздник нуналлэн историез кутске Росси империын. 1715-тӥ арын император Пётр I Россиысь мер радлыкез утён понна нимысьтыз служба кылдытӥз, сое полиция шуыса нимаз.
1718-тӥ арын Пётр I косэтэзъя Петербургын выль кун ужудыс кылдытэмын — генерал-полицмейстер. Со мер радлыкез утёнъя службаен кивалтӥз.
1778-тӥ арын Всероссийской полицейской устав кылдытэмын, 1802-тӥ арын император Александр I Кунпуш ужъёсъя министерство кылдытӥз, со ведомство катрадлыкез чаклась ёзэтъёсты быдэсак ки улаз басьтӥ[3].
1917-тӥ арын Февраль революци бере Огдырлыко Кивалтэт Полици департаментэз но жандармъёслэсь нимазъям корпуссэс быдтӥз. Со интые кылдытэмын вал «калык милиция».
Праздник нуналэз 10-тӥ шуркынмонэ пусъён Октябрь революци бере кылдэм учыръёсын герӟаськемын. Со нуналэ (28-тӥ коньывуонэ вуж стилья) 1917-тӥ арын РСФСР-ысь кунпуш ужъёсъя калык комиссариатлэн (НКВД) постановлениеныз мер радлыкез утён вылысь кылдытэмын вал «ужась милиция»[4]. Ужкагазэз гожтӥз наркомом Алексей Рыков, соя милиция Ужась но солдать депутатъёслэн кенешсылы улсатэмын вал[5].
1918-тӥ арозь милиция яланлыко ёзэтлы пӧрмиз. 1919-тӥ арын со милитаризовать каремын вал — отын ужасьёс красноармеецъёсын оградэ пуктэмын.
1921-тӥ арын милиция РСФСР-ысь НКВД-лы сётэмын. Берлогес ыль службаос кылдытэмын: уголовной розыск, социалистической ваньбурез асэстонэн нюръяськонъя подразделение (БХСС), патрульно-постовой служба но мукет[3].
Кема дыр ӵоже праздниклэн официальной инлыкез ӧй вал. 1962-тӥ арын, СССР-ысь Вылӥ Кенешлэн Президиумезлэн 26-тӥ куарусёнэ кутэм Косэтэз кужымлыко луэм бере, со нунал ӧнер праздникен лыдъяське[6][7].
Совето вакытэ праздник сӥёдано пусйиськылӥз. 1966-тӥ арысен радъясько концертъёс, 1972-тӥ арысен соосты телевизор пыр возьматъяны кутскизы.
Берлогес, 1990-тӥ—2010-тӥ аръёсы Россиысь милицилэн нуналыз шуыса нимаськиз. Праздниклы сӥзем сӥё-дано ужрадъёс Москваысь Кремль дворецын ортчылӥзы.
МВД-ын ортчем воштӥськонъёс но милициез полиция шуыса нимам бере праздниклэн нимыз но воштӥськиз. РФ Президентэзлэн 2011-тӥ арын 13-тӥ коньывуонэ гожтэм косэтэныз со Росси Федерациысь кунпуш ужъёсъя ёзэтъёсын ужасьёслэн нуналзы шуыса нимамын[8]. Официальной луисьтэм нимыз — Полицилэн нуналыз.
Пусъён ужрадъёс
Полицилэн нуналаз котьку сямен радъяськыло сӥё-дано ужрадъёс, отын ужазы висъяськем ӧнерчиосты данъетало но выль званиос сётъяло. Озьы ик та нуналэ данъяло ветеранъёсты но ас ужзэс быдэстыкузы бырыны шедемъёсты[9].
МВД-лэн дышетонниосаз концертъёс но пӧртэм ӵошатсконъёс ортчыло[10].
Куд-ог школаосын, колледжъёсын, библиотекаосын но ваньмон дырез ортчытон интыосын адӟытонъёс, лекциос, открытой урокъёс, викторинаос, информационной часъёс, квизъёс, пумиськонъёс радъяськыло. Кунпуш ужъёсъя ёзэтъёслы сӥзем музейёсын экскурсиос ортчо.
2021-тӥ арын 10-тӥ шуркынмонэ Санкт-Петербургын Кунпуш ужъёсъя ёзэтын ужасьёслэн нуналазы городовойлы синпелет усьтэмын[11].
2023-тӥ арын 10-тӥ шуркынмонэ Санкт-Петербургын блокадной Ленинградын бырем милиционеръёслы синпелет усьтэмын[12].
Кунпуш ужъёсъя ёзэтъёсын ужасьёслэн нуналзы мукет кунъёсын
Египет — Полицилэн йӧскалык нуналыз — 25-тӥ толшоре[13].
Таджикистан — Милициын ужасьёслэн нуналзы — 10-тӥ шуркынмонэ[14].
Белоруссия — Милицилэн нуналыз — 4-тӥ южтолэзе.
Армения — Полициын ужасьлэн нуналыз — 16-тӥ оштолэзе.
Сингапур — Полицилы сӥзем арня — 3-тӥ инвожоысен 10-тӥ инвожоозь[15].
Казахстан — Порлицилэн нуналыз — 23-тӥ инвожое[16].
Азербайджан — Полициын ужасьёслэн нуналзы — 2-тӥ пӧсьтолэзе.
Украина — Йӧскалык полицилэн нуналыз — 4-тӥ гудырикошконэ[17].
Финляндия — Полицилэн нуналыз — 3-тӥ куарусёнэ[18].
Таиланд — Полицилэн йӧскалык нуналыз — 13-тӥ коньывуонэ[19].
Узбекистан — Милициын ужасьёслэн нуналзы — 25-тӥ коньывуонэ.
Киргизия — Милициын ужасьёслэн нуналзы — 1-тӥ шуркынмонэ.
Куба — Милицилэн нуналыз — 10-тӥ шуркынмонэ.
Латвия — Полицилэн нуналыз — 5-тӥ толсуре[20].
Валэктонъёс
- ↑ 10 ноября — День сотрудника органов внутренних дел Российской Федерации
- ↑ 1 2 3 День сотрудника органов внутренних дел Российской Федерации
- ↑ 1 2 10 ноября — День сотрудника органов внутренних дел: история и традиции, Известия (10 шуркынмонэ 2024). Эскеремын: 6 шуркынмонэ 2025 арын.
- ↑ В этот день была создана советская милиция Президентская библиотека имени Б. Н. Ельцина.
- ↑ День милиции: история и традиции Новостной портал NEWSinfo.
- ↑ День милиции Томский государственный педагогический колледж.
- ↑ Знаменательный день не только для правоохранителей Петровка, 38.
- ↑ Когда День полиции и какие традиции у этого праздника Толк.
- ↑ Из истории празднования Дня сотрудника органов внутренних дел Российской Федерации
- ↑ День полиции 2025 в России: какого числа праздник сотрудника органов внутренних дел [ӟуч]
- ↑ Лялин Р.. Памятник Городовому торжественно открыли у полицейского главка в Петербурге, Комсомольская правда (10 шуркынмонэ 2021). Эскеремын: 6 шуркынмонэ 2025 арын.
- ↑ Памятник подвигу блокадных милиционеров открыли в Петербурге, AiF. Эскеремын: 6 шуркынмонэ 2025 арын.
- ↑ How to celebrate Egypt’s Police Day Архивная копия от 27 толсуре 2011 на Wayback Machine [англи]
- ↑ Шер Алиев День таджикской милиции: современные технологии против восточного менталитета Sputnik Таджикистан. Эскеремын 2021-02-07 арын
- ↑ Full Force [недоступная ссылка] [англи]
- ↑ В Казахстане учреждён новый госпраздник — «День полиции» «ЦентрАзия». Эскеремын 2009-12-10 арын
- ↑ Порошенко учредил День Нацполиции и утвердил символику ведомства
- ↑ Poliisin päivä Эскеремын 2020-03-17 арын
- ↑ National Police Day Архивная копия от 4 инвожое 2012 на Wayback Machine [англи]
- ↑ Вся Латвия на Pribalt.info День полиции Латвии. Эскеремын 2009-12-10 арын
Литература
- Дунаева А. Реформа полиции в России: сегодня и сто лет назад // Родина. — 2012. — № 11. — С. 41-46.
- Зайцева, Е. Сейчас бы супчику горяченького да с потрошками!: праздничный обед муровца по случаю дня полиции. Рецепты блюд // Родина. — 2023. — № 11. — С. 90-93.
- Калиниченко И. А. День сотрудника органов внутренних дел Российской Федерации // Государственная служба и кадры. — 2014. — №. 3. — С. 15-16.
Чӧлсконъёс
- День сотрудника органов внутренних дел Российской Федерации
- Постановление НКВД РСФСР от 28.10.1917 «О рабочей милиции»
Дисциплинарный устав Рабоче-крестьянской красной милиции: утверждается Наркомвнудел А. Белобородов, зам. пред. Реввоенсовета Э. Склянский, Наркомюст Курский, Наркомтруд РСФСР Бахутов. 16/VIII-1923 г., г. Москва : приложение к приказу Начальника Центр. Администрат. Управления НКВД — Начальн. Милиции Республики, № 9, 1923 г. — Нижний Новгород: Нижполиграф, 1923.
