Удмуртилы синмаськыны
| Удмуртилы синмаськыны | |
|---|---|
 | |
| Путешествилэн аспӧртэмлыкез | мылкыдэз но кужымез кулэ карись шутэтскон |
| Видэз | Лулчеберетэн, йӧскалык сиён-юонэн тодматскон |
| Ужпум | Удмуртилэн историеныз но учкымон интыосыныз тодматскон |
| Интыысь лагерь | Ижкар |
| Мынон-ветлон амал | автобусэн, пыдын |
| Маршрут | |
| Ижкар, Лудорвай, Кудрино, Вотка, Сарапул | |
| Учкымон интыос | Калыкъёслэн эшъяськонзылы сӥзем Ижысь монумент, Иж тымет, Дун-чылкыт Михаил Архангеллэн кафедральной соборез,Ижысь пыӵалтӥрлык поттон заводлэн Валтӥсь корпусэз, Уксё возён магазей, П. И. Чайковскийлэн музей-усадьбаез, Башенинлэн юртъерез, Лудорвай музей-заповедник, «Варяжская дружина» туркомплекс, |
| Ужрадлэн кыстӥськемез | 3 нунал |
«Удмуртилы синмаськыны» (ӟуч «Влюби́ться в Удму́ртию» ) — туристъёслы чаклам йӧскалык маршрут, Россиысь Президентлэн Владимир Путинлэн кичӧлтэмезъя пыӵась[1] «Туризм но куноосты пумитан» нацпроект[2] улсын радъяське. Куинь нуналъем турмаршрутлэн программаез Удмурт Элькунлэн лулчеберетэныз но историеныз тодматскыны но Ижкарысь, Воткаысь но Сарапулысь, озьы ик Дэри ёросысь Лудорвай но Вотка ёросысь Кудрино гуртъёсысь валтӥсь синпелетъёс доры вуылыны луонлык сётэ. Со сяна, гастрономической мастер-классъёсы пыриськыны но йӧскалык но вашкала сиён-юонъёсты веръяны чакламын[3][4].
Историез
«Удмуртилы синмаськыны» маршрут 2023-тӥ арын 11-тӥ толсуре[5][6] усьтӥськиз, со йӧскалык турмаршрутлэсь статуссэ басьтӥз[7][8][9]. 2023-тӥ арын куартолэзе, дунъясьёс азьын проектэз нырысьсэ утьыкузы-возьматыкузы, экспертъёслэсь интыосъя но услугаослэн ӟечлыкъёссыя кылэм индылонъёссэс санэ басьтӥзы но маршрутэз умоятӥзы-выльдӥзы. Ӝыны ар куспын тани ма лэсьтэмын:
- Удмурт Элькунысь туризм удысысь азьветлӥсьёс-ӧнерчиос понна дышетон семинаръёс ортчытэмын;
- Удмуртиысь туризмъя иллюстрациосын картаос поттэмын;
- Сарапулын дизайн-код кылдытэмын но пыӵатэмын: йӧскалык маршрутъя мынон сюрес вылысь ивортонъёсын пулъёс, вывескаос революцилэсь азьвыл малпам шрифтъёсын но грамматикаен быдэстэмын;
- турмаршрутлы брендбук кылдытэмын[5][4].
Маршрут сярысь
Турлэн программаяз пыртэмын: Сарапул, Ижкар, Вотка каръёстӥ пыдын но автобусэн экскурсиостӥ котырскон, архитектурая но этнографияя «Лудорвай» музей-заповеднике но «Варяг дружина» комплексэ ветлон, гастрономической мастер-классъёсы пыриськон, Рюриковичъёс вакытысь сиён-юонъёсты но XIX даурысь вашкала кулинарной книгаосъя тупатъям купеч сиён-юонъёсты веръян. Экскурсиос паськыт аудиторилы чакламын[10][4].
Турмаршрут малпамын-кылдытэмын озьы, куинь нунал куспын туристъёслэн «ошмесо шаерлэн» историеныз, Удмуртиын улӥсь калыкъёслэн лулчеберетэнызы но сям-йылолъёсынызы тодматскыны луонлыксы мед кылдоз шуыса[5].
Маршрутлэн интыосыз
Валтӥсь статья: Туризм Удмуртиын
Ижкар
Валтӥсь статья: Ижкар
- Калыкъёслэн эшъяськонзылы сӥзем Ижысь монумент — городын улӥсьёс сое Ижлэн пусэныз лыдъяло[11]. Удмуртилэн Россие пыремез дырысен 400 ар тырмонлы сӥзьыса лэсьтэмын но 1972-тӥ арын 26-тӥ инвожое усьтэмын. Мукет сямен сое «Россиен пыраклы» монумент, калыкын — «Кулаковалэн куасъёсыз» нимало[12].
- Иж тымет — 1760-тӥ арын Оӵ шур дурын киын лэсьтэм водохранилище. Со Ижысь корт ӵыжатон заводлэсь вуэн ужась двигательёссэ бергатон вылысь лэсьтэмын. СССР-ын бадӟымесь гидроэлектростанциос кылдэмлэсь азьвыл Иж тымет Европаысь тужгес паськытэз тымет лыдъяськеменыз дано луылӥз, ву синучконлэн огъя быдӟалаез 24 квадрат иськем вал[13].
- Дун-чылкыт Михаил Архангеллэн кафедральной соборез — 1907-тӥ арын 4-тӥ коньывуонэ Иж заводлэн приходтэм черкез сямен вӧсям черк, со XX даурлэн 30-тӥ аръёсаз куашкатэмын но 2007-тӥ арын выльысь ӝутэмын но вӧсямын. Чебер буёло вылтусыз понна городын улӥсьёс соборез пряник кадь, шуо[14].
- Ижысь пыӵалтӥрлык поттон заводлэн Валтӥсь корпусэз — Россиысь промышленной архитектурая синпелет, карлэн одӥгез тодметэз. XIX даурлэн кутсконаз вылӥ классицизм амалэн пуктэмын[15].
- Уксё возён магазей — Ижкарысь но Ижысь пыӵалтӥрлык поттон заводлэн тужгес вашкалаез из юртэз (1804-тӥ ар). Завод казнаез возён понна пуктэмын. Али дыре та юртын «Ижмаш» заводлэн музеез кылдытэмын но ужа.
- Звёздочка космонавт пунылы синпелет — 2006-тӥ арын 25-тӥ южтолэзе Молодёжной ульчае пуктэмын, Музъемлэн орбитаяз 1961-тӥ арын 25-тӥ южтолэзе «Восток-3КА-2» инсьӧр корабльын лэзем Звёздочка пунылы но азинлыко лобаса берытскемезлы, Удмуртилэн музъем вылаз пуксемезлы сӥземын[16][17].
- Царь-пушка — Мускоысь Кремльлэн котыраз пуктэм Царь-пушкалэн быдэсак копиез луэ[3].
«Лудорвай» музей-заповедник
Архитектурая но этнографияя «Лудорвай» музей-заповедникын (Дэри ёросысь Лудорвай гуртын интыяське) туристъёсты XIX—XX дауръёсысь удмурт калыклэн улэм-вылэменыз тодмато. Татын вашкалаысь аутентичной коркаос но пуктӥськемъёс улӟытэмын-утемын. Озьы ик кунамы утиськем куать тӧл вукоос пӧлысь одӥгзэ музей-заповедникысь адӟыны но сяме пырем удмурт сиён-юонъёсты веръян ужрадэ пыриськыны луэ[18].
«Варяжская дружина туркомплекс
«Варяг дружина» туризмъя комплексын (Вотка ёросысь Кудрин гуртын интыяськемын) XIV даурысь дружинникъёслэн улон-вылонзы улӟытэмын. Туристъёс княжеской тереме вуылозы, киосазы вашкала аутентичной щит но меч возьыны, ладьяын пукыны, шоретӥ дауръёсысь ӟуч сиён-юонъёсты веръяны быгатозы. «Варяжская дружина» комплексын историысь шедьтэм но выльысь улӟытэм «Русь дружинная» фестиваль ортчылэ[3].
Вотка
Валтӥсь статья: Вотка
- Вотка тымет — П. И. Чайковский композиторлы «Лебединое озеро» балетсэ кылдытыны-малпаны инъет луиз шуыса лыдъяло [3].
- Благовещенской собор — П. И. Чайковскиез пичи дыръяз пылатэм-вӧсям черк[3].
- П. И. Чайковскийлэн музей-усадьбаез — Вотка карлэн валтӥсь учкымон интыез. Татын вордӥськем но пинал дырысьтыз тямыс арзэ ортчытэм композитор Пётр Ильич Чайковскийлэн юртэз 1806-тӥ арын классицизм амалэн пуктэмын. Чайковскийёслэн семьязы татын 11 ар улӥз (1837-тӥ арысен 1848-тӥ арозь)[19]. XIX даурысь ӟуч дворянстволэн улэм-вылэменыз туристъёс тодматскозы рос-прос радъям но сюлэмез бугыртӥсь экскурсия пыр[3].
Сарапул
Валтӥсь статья: Сарапул
- Сарапул карлэн йырызлэн П. А. Башенинлэн юртъерез — история но архитектурая чеберлыко музей-заповедник (Удмурт Элькун), федерал инлыкен архитектурая синпелет, городлэн тужгес учкымон интыез. Юртъер 1909-тӥ арын Сарапулысь кар тӧролы Павел Андреевич Башенинлы модерн амалэн пуктэмын[20]. Ассиметричной кабъем юртэз излэсь но кирпичлэсь ӝутӥзы, педласянь пулэсь лэсьтэм выллем адӟиське, ӵапак та выллем дачаос лэсьто вал кунлэн шоркараз. Отын кӧня ке балконэз, верандаосыз, эркеръёсыз, котыр учкон площадкаен башняез вань. Ваньмыз готика амалэн пужыятыса кадь чебермамын[21].
- «Нырысетӥ яратон» яке «Пиналъёс зор улын» фонтан — Сарапуллэн эшшо одӥгез синмаськымон синпелетэз, Башенинлэн юртъер азяз интыяськемын. Революция пуромемлэсь азьвыл ужась фонтан котырысь зор усем шапыкъёслэн куаразы чузъяськылӥз, ӝытазе электроен югдытӥськиз. Городысь кӧня ке поколениос ни татын пумиськон дыр тупато[22].
- «Чай юон купеч инты» музей — Башенинлэн юртъер бордаз пуктэм вӧл-вӧл флигельын усьтэмын[3]. Экскурсия-спектакль дыръя туристъёсты купеч вакытысь чай юон йылолъёсын, Россиысь чай юон этикетэн тодмато, озьы ик турынъёсын парем чаен, варенняен но бисквитъёсын[8][9] яке пӧртэм пуштросо купеч пироген куноято[23]. Музейын Россиысь чай юон йылолъёсысь вашкала арбериосын тодматскыны луэ: самоваръёс, сервизъёс, пряник кадь чебер дускоос[24].
Валэктонъёс
- ↑ Национальные туристические маршруты Министерство экономического развития Российской Федерации.
- ↑ Туризм и индустрия гостеприимства
- ↑ 1 2 3 4 5 6 7 «Влюбиться в Удмуртию» — гастропутешествие по региону Туризм и индустрия гостеприимства.
- ↑ 1 2 3 В Удмуртии появился национальный туристический маршрут
- ↑ 1 2 3 Национальный маршрут
- ↑ «Влюбиться в Удмуртию»
- ↑ Минэкономразвития РФ Приказ от 9 января 2024 года №8 «Об определении туристских маршрутов в качестве национальных туристских маршрутов»
- ↑ 1 2 Национальный маршрут «Влюбиться в Удмуртию» с мая по ноябрь 2024
- ↑ 1 2 Программа национального туристического маршрута «Влюбиться в Удмуртию»
- ↑ Программа тура (туристского продукта) «Национальный туристский маршрут «Влюбиться в Удмуртию»
- ↑ Ижевчане признали монумент Дружбы народов символом города
- ↑ Ольга Чубукова Монумент дружбы русского и удмуртского народов "Навеки с Россией" Администрации города Ижевска.
- ↑ Ижевский пруд Информационно-аналитическоe управление Администрации города Ижевска.
- ↑ Михаило-Архангельский кафедральный собор Информационно-аналитическоe управление Администрации города Ижевска.
- ↑ Главный корпус Ижевского оружейного завода Информационно-аналитическоe управление Администрации города Ижевска.
- ↑ Скульптура "Проложившим дорогу в космос" (собаке-космонавту Звёздочке) Информационно-аналитическоe управление Администрации города Ижевска.
- ↑ Екатерина Шутова, Иван Крылов Как собаки покоряли космос
- ↑ «Влюбиться в Удмуртию» — гастропутешествие по региону
- ↑ История музея «ГМАК «Музей – усадьба П.И.Чайковского».
- ↑ Художественно-выставочный комплекс «Дача Башенина» Сарапульский историко-архитектурный и художественный музей-заповедник.
- ↑ Обухова А., Ерастов В. Дача Башенина Живое наследие.
- ↑ Торжественное открытие фонтана «Первая любовь» в Сарапуле: «Дети под дождем» засияли радостью 4 мая Сарапульский историко-архитектурный и художественный музей-заповедник.
- ↑ Программа тура (туристского продукта) «Национальный туристский маршрут «Влюбиться в Удмуртию»
- ↑ Музей «Купеческая чайная» приглашает в ноябрьские праздники на программу о чайной культуре Сарапульский историко-архитектурный и художественный музей-заповедник.
Чӧлсконъёс
«Туризм но куноосты пумитан» нацпроект
Йӧскалык турмаршрутъёс | |
|---|---|
| Арктика но Ӟуч Север | |
| Уйпал но Шундыпуксён |
|
| Шор Россия | |
| Черноземье | |
| Кавказ но Россилэн лымшорез | |
| Поволжье | |
| Урал | |
| Сибирь | |
| Дальний Восток | |
