Царь-пушка (Ижкар)
| Чеберлыко инты | |
| Царь-пушка | |
|---|---|
 | |
| 56°50′25″ с. ш. 53°11′42″ в. д.GЯO | |
| Кун |
 Россия |
| Интыяськемез | Ижкар |
| Кылдытэмын | 2001 |
| Лэсьтӥськон материалъёс | чугун |
 |
|
 Медиафайлъёс РувикиМедиа пушкын | |
Царь-пушка (ӟуч: царь-пушка) — Мускоысь зэмос Царь-пушкалэн копиез. Лэсьтэмын 2001-тӥ арын, 2014-тӥ арын «Ижсталь» заводэ пырон азе интыямын. Ижкарлэн тодметпусъёсыз пӧлысь одӥгез[1].
Историез
Ижкарысь царь-пушка Мускоын сылӥсь зэмос Царь-пушкалэн копиез луэ. Лэсьтэмын 2001-тӥ арын. Сое кылдытон сярысь малпанлэн авторез — Константин Петрович Воробьёв, Донецкысь «Золотой скиф» фондлэн исполнительной директорез. Пушкаез быдэстыны «Ижсталь» завод быръемын вал. Но берлогес тодмо луиз, исторической объектэз быдэсак кӧчырыны уг яра — Донецкысь пушкалэн копиез пичиятэмын луоз шуыса кенешем бере гинэ нимысьтыз лэзет сётэмын вал. Чертёжъёстэк, фотоосъя но мертэтъёсъя гинэ быдэстыны туж шуг вал ке но, объект кык толэзь куспын быдэстэмын вал. Нырысь ик сое пулэсь лэсьтӥзы, собере, эскерон вылысь, чугунлэсь кисьтӥзы, собере гинэ берпуметӥез — куинетӥ вариантэз кылдӥз. Ужпумез быдэстэм бере, пушкаез заказчиклы келязы но Донецкысь кар исполком азе интыязы. Кыкетӥез, чугунлэсь лэсьтэмез Ижкаре кылиз. 2014-тӥ арын 9-тӥ куартолэзе сое «Ижсталь» заводэ пырон азе пуктӥзы[1]. Ижкарлэн тодметпусъёсыз пӧлысь одӥгез луэ. Пулэсь лэсьтэмез озьы ик заводын кылле. 2012-тӥ арын 1-тӥ куартолэзе пушка парадэ поттамын вал[2].
Вылтусыз
Пушка 24 ёзпырылэсь кылдытэмын, вань фигурной ёзпырыосыз — съёмноесь. Огъя секталаез 42 тонна. Оӥг питранэз гинэ секталаезъя 1,5 тонна луэ, одӥг ядроез — 1,2 тонна, стволлэн диаметрез — 89 сантиметр, кузьдалаез — 5,28 метр[1]. Вылыз чильпаса чебермамын. Бур палаз царь всея Руси Мускоысь быдӟым князь Фёдор Иванович вал вылын тусъетамын. Йыр вылаз корона, кияз скипетрзэ возе. Со бордынгес ик гожтэмын: « Великий Князь Фёдор Иванович, являющийся Государем-самодержцем Великой России»[3]. Чильпам элементъёс пӧлысь тужгес секытэз вал арысланлэн йырыз, тужгес-усьтэм ымыз но пиньёсыз. Оригиналэныз огвыллем луо ке но, копиосыз Мускоысезлэсь висъясько ик, кылсярысь, стволэз туй узвесь интые чугунлэсь кисьтэмын но 6 см вакчигес луэ. Мускоысеныз ӵошатыса, Ижкарысез уг ыбылӥськы[4]. Лулчеберет кельтослэн объектъёсыз пӧлы пыртэмыны ӧвӧл.
Заводэ пырон азьын
Арысланлэн усьтэм ымыз
Царь-пушкалэн чебермам лафетэз
Царь-пушкалэн питранэз
Валэктонъёс
- ↑ 1 2 3 Царь-пушка [ӟуч] РБА. Эскеремын 12.08.2025 арын
- ↑ Илья Уланов (16 мая 2014) Вторую Царь-пушку поставили в Ижевск [ӟуч] Комсомольская правда. Эскеремын 12.08.2025 арын
- ↑ Царь-пушка [ӟуч] Про Удмуртию. Эскеремын 12.08.2025 арын
- ↑ "Царь-пушка" в Ижевске. [ӟуч] IZarticle. Эскеремын 12.08.2025 арын