Ильинск (Алнаш ёрос)

Википедиысь материал
Та кыллэн мукет валатонъёсыз но вань, учке Ильинск.
Гурт
Ильинск
Ильинское. Алнашский район.png
56°09′32″ с. ш. 52°15′54″ в. д.GЯO
Кун
Часовой поясэз UTC+4:00
Цифровой идентификаторъёс
Телефон кодэз 34150
Почта индекс 427898
Ильинск на карте
Ильинск
Ильинск

Ильинск (ӟуч: Ильинское) — Алнаш ёросысь ӟуч гурт, пыре Вуж Утчан муниципал кылдытэтэ. Интыяськемын Алнаш черкогуртлэсь 14 иськемлы шундыпуксён палан но Ижкарлэсь 96 иськемын лымшорен шундыпуксён вискын.

Историез

Гуртын улӥсь А. Ф. Черединовлэн верамезъя, Елабуга уездысь Асан волостьысь Ильинск починка кылдӥз 1865-тӥ арын. Татчы Ватка палась Илья Черединов но Михаил Сковородников ас семьяосынызы улыны лыктӥллям. Илья шурлэн уйпал ярдураз пуксем, солэн нимызъя ик гуртэз нималлям — Ильинск, шурлэн мукет палаз Михаил интыяськем, созэ Михайловка нималлям[1].

1916-тӥ арын Ильинск починкаын улӥсьёс Можга ёросысь Биляр гуртысь Воскресенской черклэн прихожанъёсыз лыдъяськылӥзы[2].

1921-тӥ арын, Вотской автономной область кылдэмен валче, Ильинск починка Можга уездлэн пушпӧлаз пыртэмын вал. 1924-тӥ арын, сельсоветъёсты бадӟыматэмен, Алнаш волостьысь Вотско-Гондыревской сельсоветлэн пушпӧлаз пыртэмын[3]. 1929-тӥ арын, уездно-волостной административной делениез быдтэмен, починка Алнаш ёросэ пыртэмын[4].

1931-тӥ арын 13-тӥ южтолэзе Ильинск гуртын «Дуброво» колхоз кылдӥз. 1937-тӥ арын колхозэ нырысетӥез трактор вуиз. Со арын ик пуктэмын выль клуб, соин кивалтӥз А. В. Сковородникова.

Ильинск гуртысь 1920—1950-тӥ аръёсы репрессировать каремъёс
  • Караваев Василий Митрофанович (ворд. 1872) — кулак.
  • Караваев Михаил Васильевич (ворд. 1908) — кулак семьяысь.
  • Караваева Вера Васильевна — кулак семьяысь.
  • Караваева Елизавета Васильевна — кулак семьяысь.
  • Караваева Наталья Григорьевна — кулак семьяысь.
  • Трепалин Михаил Васильевич (ворд. 1908) — колхозник. 1946-тӥ арын 24-тӥ толшоре 10 арлы пытсэтамын.
  • Цыпленков Алексей Иванович (ворд. 1904) — колхозник. 1932-тӥ арын 18-тӥ южтолэзе 5 арлы пытсэтамын.
(«Мемориал» дэменлыклэн тодэтъёсызъя)[5]

Быдӟым Атыкай ож аръёсы гуртэ кылемъёс нянь, картофка, бакча сиён, етӥн, сӥль, вӧй, йӧл, ыжгон но мукет кулэ арбериос фронтлы сётӥзы. Ильинскысь 150 мурт «За доблестный труд в годы Великой Отечественной войны 1941—1945 гг.» медален данъетамын. 40 мурт быремъёс но чиптэм-чаптэм ышемъёс пӧлын кылемын[1].

1950-тӥ арын, кӧня ке матысь гуртъёсты огазеяса, «Жданов нимо колхоз» кылдытэмын, солэн шорсюлмыз — Ильинск гурт. Отын контора, медпункт, библиотека, магазин, клуб, нылпи сад пуктэмын вал, колхозын — конной двор, ыж, парсь, тылобурдо вордон фермаос, зерноток ужаз. 1958-тӥ арын гуртэз Вуж Утчан сельсоветэ пыртӥзы[6].

1953-тӥ арын гуртэ нырысетӥез автомашина вуиз, солэн нырысетӥ водителез вал Анатолий Шишов. 1957-тӥ арын колхозын электростанция пуктэмын.

1962-тӥ арын покчи классъёсты дышетон школа усьтэмын.

1989-тӥ арын Жданов нимо колхозлэсь нимзэ воштыса, «Нива» каризы. Берлогес со «Рассвет» СПК луиз.

2004-тӥ арын 16-тӥ шуркынмонэ Вуж Утчан сельсовет «Вуж Утчан» муниципал кылдытэтлы пӧрмытэмын но солы гурт поселение инлык сётэмын[7].

Улӥсез

1887-тӥ арын ортчытэм описья, починкаын 54 юртъер пусъемын (15 воргорон но 185 нылкышно), ваньмыз ӟучъёс. Гуртын 79 ужась но 18 ужасьтэм вал, 76 мӧйы но 42 егит скал, 271 йыр векчи пудо-живот лыдъямын.

1920-тӥ арын гуртын 82 юртъер пусъемын, улӥсез — 426 мурт.

2008-тӥ арын 1-тӥ толшоре басьтэм тодэтъёсъя гуртын 12 мурт улӥз. 2010-тӥ арын калыкез лыдъян-чотанъя, Ильинск гуртын 5 мурт кылемын вал: 4 воргорон но 1 кышномурт[1].

Валэктонъёс

  1. ↑ 1 2 3 160 лет деревне Ильинск! [ӟуч] ВКонтакте. Алнашский музей. Эскеремын 14-10-2025 арын
  2. ↑ Составители: И. Н. Зайцева, Г. И. Самарцева. Православные храмы Удмуртии: Справочник-указатель / Науч. ред. А. А. Тронин. — Ижевск: Удмуртия, 2000. — С. 312. — 480 с. — 1100 экз. — ISBN 5-7659-0011-9.
  3. ↑ Справочник по административно-территориальному делению Удмуртии. 1917—1991 гг. / Составители: О. М. Безносова, С. Т. Дерендяева, А. А. Королёва. — Ижевск: Удмуртия, 1995. — С. 100-102. — 744 с. — 2000 экз. — ISBN 5-7659-0425-4.
  4. ↑ Справочник по административно-территориальному делению Удмуртии. 1917—1991 гг. / Составители: О. М. Безносова, С. Т. Дерендяева, А. А. Королёва. — Ижевск: Удмуртия, 1995. — С. 119-120. — 744 с. — 2000 экз. — ISBN 5-7659-0425-4.
  5. ↑ Жертвы политического террора в СССР Эскеремын 14-10-2025 арын
  6. ↑ Справочник по административно-территориальному делению Удмуртии. 1917—1991 гг. / Составители: О. М. Безносова, С. Т. Дерендяева, А. А. Королёва. — Ижевск: Удмуртия, 1995. — С. 196. — 744 с. — 2000 экз. — ISBN 5-7659-0425-4.
  7. ↑ Закон Удмуртской Республики «Об установлении границ муниципальных образований и наделении соответствующим статусом муниципальных образований на территории Алнашского района Удмуртской Республики» (от 16.11.2004; № 64-РЗ) Госсовет УР. Эскеремын 14-10-2025 арын

Чӧлсконъёс

«https://udm.ruwiki.ru/w/index.php?title=Ильинск_(Алнаш_ёрос)&oldid=507619»-ысь басьтэмын