Сюрло гурт
| Гурт | |
| Сюрло гурт | |
|---|---|
 | |
| 56°09′30″ с. ш. 52°23′54″ в. д.GЯO | |
| Кун | |
| Цифровой идентификаторъёс | |
| Телефон кодэз | 34150 |
| Почта индекс | 427880 |
|
|
|
Сюрло (ӟуч: Серп) — Алнаш ёросысь удмурт гурт, пыре Блатгурт муниципал кылдытэтэ.
Интыяськемез
Интыяськемын 6 иськемын Алнашлэсь но 92 иськемын Ижкарлэсь.
Улӥсьёс
2008-тӥ арын 1-тӥ толшоре гуртын 98 адями лыдъяськиз.
Историез
1928-тӥ арын Можга утемысь Алнаш волостьысь Вуж Утчан сельсоветысь Выль Утчан гуртын улӥсьёс «Сюрло» колхоз кылдытӥзы, колхоз кылдэм бере солэн ёзчиосыз Сюрло выселоке улыны кариськизы. 1939-тӥ арын 1-тӥ толшорлы Серп выселок Алнаш ёросысь Вуж Утчан сельсоветэ пыриз[1].
1950-тӥ арын сельхозартельёсыз огазеялляло, кӧня ке бускель гуртъёсысь колхозъёс «Имени Мичурина» колхозэн огазе луизы, пӧлазы Серп выселок но пыриз. Бадӟыматэм колхозлэн кивалтонэз Выль Утчан гуртэ интыяськиз. 1958-тӥ арын «Имени Мичурина» колхоз быдтэмын но Сюрло «Большевик» колхоз борды итэмын, кивалтон интыез Алнаш черкогуртын вал. Со арын ик Сюрло выселок Алнаш сельсоветэ выжтэмын[1].
1991-тӥ арын Алнаш сельсовет люкемын Алнаш но Блатгурт сельсоветъёслы, выселок сётэмын выль сельсоветэ[1]. Удмурт Элькунысь Кун Кенешлэн 2004-тӥ арын 26-тӥ оштолэзе кутэм пуктэтэзъя Блатгурт сельсоветысь Сюрло выселок Серп гуртлы пӧрмытэмын. 2004-тӥ арын 16-тӥ шуркынмонэ Блатгурт сельсовет «Блатгурт» муниципал кылдытэт луиз.
Инфраструктура
2016-тӥ арын 1,95 иськем мында сюрес лэсьтэмын, со Сюрло гуртэз Алнаш-Грах сюресэн герӟа. 450 метрез асфальтобетонэн лэсьтэмын, кылемез — щебёночно-песчано-гравийной суретэн. Со аре ик гурт шортӥ бызись Варага шур вамен выль выж пуктэмын.
Тодмо гуртоос
- Алашеев Александр Павлович (ворд. 1972) — Удмурт Элькунысь сӥё-дано тренер. Спортъя мастере кандидат.
- Алашеев Владимир Евсеевич (1951—2015) — Удмурт Элькунысь сӥё-дано журналист. Телепрограммаослэн авторез но нуисез, «Удмуртия» ГТРК-ысь йӧскалык вещания службалэн кивалтӥсез.
- Медведев Юрий Иванович (ворд. 1947) — кун но мерлыко ужчи, лулчеберет удысысь дано ужась. Кема дыр ӵоже Удмурт Элькунысь печатья министерствоен кивалтӥз.
- Нянькина Лидия Степановна (ворд. 1965) — удмурт гожъяськись, кылбурчи, журналист, кылысь кылэ берыктӥсь.
- Шарыпов Сергей Витальевич (ворд. 1992) — капчи атлетикая (ӝог ветлон) калыккуспо классъем спортъя мастер. Россилэн сборноезлэн ёзчиез. 2015-тӥ арын Лымшор Кореяын ортчем Гужем универсиадалэн туй призёрез.