Вуж Утчан
| Гурт | |
| Вуж Утчан | |
|---|---|
 | |
| 56°09′47″ с. ш. 52°20′29″ в. д.GЯO | |
| Кун | |
| Улӥсез | |
| Улӥсез | |
| Цифровой идентификаторъёс | |
| Телефон кодэз | 34150 |
| Почта индекс | 427898 |
|
|
|
Вуж Утча́н — Алнаш ёросысь гурт, пыре «Вуж Утчан» интывыл ёзэтэ.
Интыяськемез
Интыяськемын 9 иськемын Алнашлэсь но 93 иськемын Ижкарлэсь.
Улӥсьёс
2008-тӥ арын 1-тӥ толшоре гуртын 478 адями лыдъяськиз.
Историез
1859-тӥ арын арын ортчем дасэтӥ ревизилэн йылпумъянъёсызъя, Ватка губерниысь Алабго утемысь Вуж Утчан казённой гуртын 63 азбарын 192 пиосмуртъёс но 206 нылкышноос улӥзы, кык вукозы ужам[2]. 1897-тӥ арын гуртын 599 адями лыдъяскиз[3].
1914-тӥ арлы гуртын улӥсьёс Алнаш черкогуртысь Дунчылкыт Троицалэн черказ ветлӥсьёс пӧлын вал[4].
1921-тӥ арын, Вотской автономной улос кылдэмен валче, Вуж Утчан Можга утеме сётэмын. 1924-тӥ арын, сельсоветъёс бадӟымамен, гурт Алнаш волостьысь Кадикгурт сельсоветэ пыриз. 1925-тӥ арын Вуж Утчан сельсовет кылдытэмын, отчы 7 гурт пыртэмын. 1929-тӥ арын уездъёс но волостьёс быдтэмын, соин валче сельсовет Алнаш ёросэ пыриз[5].
1930-тӥ арын оштолэзе Вуж Утчан гуртын «Шонер Сюрес» сельхозартель (колхоз) кылдытэмын. 1950-тӥ арын колхозъёсты огазеялляло, пӧсьтолэзе кӧня ке бускель гуртъёсысь колхозъёс «Имени Горького» бадӟыматэм колхозэ пырыны кутскизы, кивалтонэз Вуж Утчан гуртэ интыяськиз. 1969-тӥ арын «Имени Горького» колхоз «Имени Жданова» огазеям колхозэ пыриз, нош 1989-тӥ арын со «Нива» колхозлы пӧрмиз.
2004-тӥ арын 16-тӥ коньывуонэ Вуж Утчан сельсовет Вуж Утчан муниципал кылдытэтлы пӧрмытэмын.
2025-тӥ арлы ивортодэтъя, Вуж Утчан гурт «Вуж Утчан» интывыл ёзэтлэн шорсюлмыз луэ.
Мерлыко удыс
- Вуж Утчан шор ёзо школа — 2008-тӥ арын 100 дышетскисез вал[6].
- Вуж Утчан нылпи сад
Тодмо гуртоос
- Белов, Александр Семёнович — кылчи, Быдӟым Атыкай оже пыриськем мурт. Отечественной ожлэн II степенё но Горд Кизили орденъёсын пусъемын[7].
- Дунаев, Семён Алексеевич — Быдӟым Атыкай оже пыриськем мурт. Пусъемын «За боевые заслуги» медален но Отечественной ожлэн II степенё орденэныз.
- Моисеева, Валентина Михайловна — Удмурт Элькунысь калык артистка.
Валэктонъёс
- ↑ https://rosstat.gov.ru/storage/mediabank/Tom1_tab-5_VPN-2020.xlsx
- ↑ Списки населенных мест Российской империи. Список населенных мест по сведениям 1859—1873 годов. — Т. X Вятская губерния. — С. 195.
- ↑ Населённые места Российской империи в 500 и более жителей с указанием всего наличного в них населения и числа жителей преобладающих вероисповеданий по данным первой всеобщей переписи населения 1897 года / Н. А. Тройницкий. — С.Петербург: Типография "Общественная польза", 1905. — С. 43.
- ↑ Составители: И. Н. Зайцева, Г. И. Самарцева. Православные храмы Удмуртии: Справочник-указатель / Науч. ред. А. А. Тронин. — Ижевск: Удмуртия, 2000. — С. 310. — 480 с. — 1100 экз. — ISBN 5-7659-0011-9.
- ↑ Справочник по административно-территориальному делению Удмуртии. 1917—1991 гг. / Составители: О. М. Безносова, С. Т. Дерендяева, А. А. Королёва. — Ижевск: Удмуртия, 1995. — С. 119-120. — 744 с. — 2000 экз. — ISBN 5-7659-0425-4.
- ↑ Муниципальное образование "Староутчанское" [ӟуч] Госсовет УР. Эскеремын 2010-05-01 арын
- ↑ Белов Александр Семёнович [ӟуч] КаЛенДарь | Знаменательных и памятных дат Удмуртии.