Бакырзавод
| Гурт | |
| Бакырзавод | |
|---|---|
 | |
| 56°06′26″ с. ш. 52°40′25″ в. д.GЯO | |
| Кун | |
| Улӥсез | |
| Улӥсез | |
| Цифровой идентификаторъёс | |
| Телефон кодэз | 34150 |
| Почта индекс | 427895 |
|
|
|
Бакырзавод яке Варӟыл-Кутыр (ӟуч: Варзино-Алексеево) — Алнаш ёросысь гурт, пыре «Кузёбай» интывыл ёзэтэ.
Интыяськемез
Интыяськемын 15 иськемын Алнашлэсь но 89 иськемын Ижкарлэсь.
Улӥсьёс
2008-тӥ арын 1-тӥ толшоре гуртын 143 адями лыдъяськиз.
Историез
1733-тӥ арын отставкаысь генерал-майор Тевкелев Алексей Иванович Аушев князьёслэсь Терси волостьсэс басьтӥз но 1758-тӥ арын выль музъемъёс вылэ ыргон ӵыжатон завод пуктӥз. Отын 4 ыргон ӵыжатон гуръёсыз, 322 рудникъёсыз вал. 1765-тӥ арын, Оӵ шур кузя катэз тӥяса басьтэм музъемъёсты (туала Ижлэн музъемъёсыз) берыктыны куронъёслэсь куштӥськон вылысь, завод борды 1 494 квадрат иськемъем инты гожтӥзы но заводэз казнае ыргон вуттонлэсь мозмытӥзы. Татысь крестьянъёс (15 адями) юн нюръяськизы крепостной луонтэм вылысь но кун ясачной крестьянъёсы выжон понна. Пугачёвской бунт дыръя ӝутскем адямиос заводэз киултӥзы но куашкатӥзы[2][3][4]. Тевкелёв кулэм бере солэсь ваньбурзэ Алабгоысь Стахеев купец басьтӥз[5]. 1823-тӥ арын, ӧжыт коньдон поттэмен, завод пытсамын вал[6].
1859-тӥ арын ортчем дасэтӥ ревизиялэн йылпумъянъёсызъя, Ватка губерниысь Алабго утемысь Бакырзавод выселоклэн 24 азбараз 58 пиосмуртъёс но 81 нылкышноос улӥзы, вукозы ужаз[7].
1921-тӥ арын, Вотской автономной улос кылдэмен валче, гурт Можга утеме сётэмын. 1925-тӥ арын Алнаш волостьысь Ӟатча сельсоветэ пыриз. 1929-тӥ арын утемъёс но волостьёс быдтэмын, соин валче Бакырзавод Алнаш ёросэ пыриз[8]. 1929-тӥ арын Совето Союзын коллективизация кутскиз, со улсын гуртын «Имени Азина» сельхозартель (колхоз) кылдытэмын.
1950-тӥ арын сельхозартельёсты огазеялляло, кӧня ке бускель гуртъёсысь колхозъёс «Имени Азина» колхозэ пырыны кутско. 1950-тӥ арын Бакырзавод Тыло сельсоветэ пыртэмын. 1954-тӥ арын Тыло сельсовет быдтэмын но гурт Ӟатча сельсоветэ выжтэмын. УАССР-ысь Вылӥ Кенешлэн Президиумезлэн 1972-тӥ арын 16-тӥ толсуре кутэм косэтэзъя гурт Усо сельсоветэ сётэмын, со косэтэзъя ик сельсовет «Кузёбай сельсовет» нимаськыны кутске[8].
2004-тӥ арын 16-тӥ шуркынмонэ Кузёбай сельсовет «Кузёбай» муниципал кылдытэтлы пӧрмытэмын[9].
2025-ти арлы ивортодэтъя, гурт пыре «Кузёбай» интывыл ёзэтэ.
Валэктонъёс
- ↑ https://web.archive.org/web/20151225182600/http://18.rkn.gov.ru/docs/18/Udmurtstat_Katalog_np_UR_2012.xls
- ↑ Терсинская волость // Удмуртская республика: Энциклопедия / гл. ред. В. В. Туганаев. — Ижевск: Удмуртия (издательство), 2000. — 800 с. — 20 000 экз. — ISBN 5-7659-0732-6.
- ↑ Город-завод // Удмуртская республика: Энциклопедия / гл. ред. В. В. Туганаев. — Ижевск: Удмуртия (издательство), 2000. — 800 с. — 20 000 экз. — ISBN 5-7659-0732-6.
- ↑ Зарубин-Чика // Удмуртская республика: Энциклопедия / гл. ред. В. В. Туганаев. — Ижевск: Удмуртия (издательство), 2000. — 800 с. — 20 000 экз. — ISBN 5-7659-0732-6.
- ↑ Н. Новгородцева Страницы истории села и Свято-Троицкого храма. Родной край [ӟуч] Алнашский колхозник.
- ↑ Варзино-Алексеевский медеплавильный завод Эскеремын 2010-04-28 арын
- ↑ Списки населенных мест Российской империи. Список населенных мест по сведениям 1859—1873 годов. — Т. X Вятская губерния. — С. 192.
- ↑ 1 2 Справочник по административно-территориальному делению Удмуртии. 1917—1991 гг. / Составители: О. М. Безносова, С. Т. Дерендяева, А. А. Королёва. — Ижевск: Удмуртия, 1995. — С. 100-102. — 744 с. — 2000 экз. — ISBN 5-7659-0425-4.
- ↑ Закон Удмуртской Республики «Об установлении границ муниципальных образований и наделении соответствующим статусом муниципальных образований на территории Алнашского района Удмуртской Республики» (от 16.11.2004; № 64-РЗ) Госсовет УР. Эскеремын 2010-04-24 арын