Шадрасак-Кибья

Шадрасак-Кибья
	Удмурт гурт
Шадрасак-Кибья
	56°10′36″ с. ш. 52°48′39″ в. д.GЯO
Кун	Россия;
Улос	Удмуртия
Ёрос	Алнаш
Улӥсез
Улӥсез	209 мурт (2008)
Цифровой идентификаторъёс
Телефон кодэз	34150
Почта индекс	427896
{{{вид идентификатора}}}	94202850004
Возьматоно/ватоно картаосты
	Шадрасак-Кибья Шадрасак-Кибья

Шадраса́к-Кибья́ — Алнаш ёросысь гурт, пыре Ӟатча муниципал кылдытэтэ.

Интыяськемез

Интыяськемын 21 иськемын Алнашлэсь но 79 иськемын Ижкарлэсь.

Историез

Революциозь Шадрасак-Кибья гурт Ватка губерниысь Алабго утеме пыриз. 1921-тӥ арын, Вотской автономной улос кылдытэмен валче, Можга утеме выжтэмын вал. 1924-тӥ арын сельсоветъёсыз бадӟыматӥзы, соку Кибья Алнаш волостьысь Ӟатча сельсоветэ пыриз. 1929-тӥ арысен - Алнаш ёросын^[1].

1929-тӥ арын быдэс Совето Союзын коллективизация кутске, соку гуртын «Выль сюрес» сельхозартель (колхоз) кылдытэмын вал. 1950-тӥ арын колхозъёсты огазеяллязы, соку ик Кибьялась но Лялиысь колхозъёсты огазеязы, центрзэ Лялие каризы.

2004-тӥ арын 16-тӥ шуркынмонэ Ӟатча сельсовет Ӟатча муниципал кылдытэтлы пӧрмытэмын.

Улӥсьёс

Нырысьсэ гуртлэн нимыз пумиське 1716-тӥ-1717-тӥ аръёсы ортчытэм Ландратской переписьын. Соку Кибьялан 5 азбарын 28 улӥсез вылэм. В. А. Старостинлэн «Книга Вятских Родов» ужаз пусъемын, 1891-тӥ арын гуртын 385 мурт улӥз шуыса^[2].

2008-тӥ арын 1-тӥ толшоре Кибьялан 209 адями лыдъяськиз^[3]. 2012-тӥ арлы ивортодэтъя, улисьёслэн лыдзы 172-зь кулэсмиз. 2017-тӥ арын 65 коркан улӥзы 46 мӧйыос, 72 ужась мурт но 77 нылпиос.

Уноез кибьяос ужало «Варзи-Ятчи» курортын, «Колос» колхозын яке Татарстанысь заводъёсын.

Мерлыко удыс

2021-тӥ арлы ивортодэтъя, гуртын вань:

Шадрасак-Кибья начальной школа (2008-тӥ арын 18 дышетскись, 2016-тӥ арын - 5)
Шадрасак-Кибья нылпи сад (12 нылпи 2016-тӥ арын)^[3]
«Замлагач» клуб^[4]^[5]

Гуртэ газ, тыл, ву пыртэмын. Ляли гуртысен Кибьяозь асфальт вӧлдэмын.

Тодмо гуртоос

Иван Кузнецов — медицина наукаосъя доктор, Удмуртиысь дано эмъясь
Зоя Горшенина — медицина наукаосъя кандидат
Иван Курбатов — СССР-ысь дано металлург
Лариса Орехова — удмурт кылбурчи, «Инвожо» журналлэн редакторезлэн воштӥсез
Василий Кибардин — удмурт гожъяськись
Светлана Кибардина — Удмуртиысь дано журналист
Татьяна Кибардина — филология наукаосъя кандидат, Удмурт кун университетлэн Можгаысь ёзэтэзлэн директорез^[3]

Валэктонъёс

↑ Справочник по административно-территориальному делению Удмуртии. 1917—1991 гг. / Составители: О. М. Безносова, С. Т. Дерендяева, А. А. Королёва. — Ижевск: Удмуртия, 1995. — С. 119-120. — 744 с. — 2000 экз. — ISBN 5-7659-0425-4.
↑ Шадрасак Кибья | Родная Вятка [ӟуч]
↑ ¹ ² ³ Елена Рябина. Зарни уг утчало [удм.] // Удмурт дунне. — 2017. — 25 гудырикошконэ.
↑ Татьяна Кибардина Мылкыдыз пӧсь [удм.] Удмурт дунне.
↑ Куноен кенешон (Эфир от 14.01.2021) [ӟуч] ГТРК Удмуртия.

[1] Справочник по административно-территориальному делению Удмуртии. 1917—1991 гг. / Составители: О. М. Безносова, С. Т. Дерендяева, А. А. Королёва. — Ижевск: Удмуртия, 1995. — С. 119-120. — 744 с. — 2000 экз. — ISBN 5-7659-0425-4.

[2] Шадрасак Кибья | Родная Вятка [ӟуч]

[:0-3] ¹ ² ³ Елена Рябина. Зарни уг утчало [удм.] // Удмурт дунне. — 2017. — 25 гудырикошконэ.

[4] Татьяна Кибардина Мылкыдыз пӧсь [удм.] Удмурт дунне.

[5] Куноен кенешон (Эфир от 14.01.2021) [ӟуч] ГТРК Удмуртия.

[1]

[2]

[3]

[4]

[5]