Чумолё гурт
| Гурт | |
| Чумолё гурт | |
|---|---|
 | |
| 56°02′43″ с. ш. 52°39′32″ в. д.GЯO | |
| Кун | |
| Улӥсез | |
| Улӥсез | |
| Цифровой идентификаторъёс | |
| Телефон кодэз | 34150 |
| Почта индекс | 427887 |
|
|
|
Чумолё (ӟуч: Чумали) — Алнаш ёросысь удмурт гурт, пыре Усо муниципал кылдытэтэ.
Интыяськемез
Интыяськемын 19 иськемын Алнашлэсь но 96 иськемын Ижкарлэсь, Усо шурлэн бур ярдураз.
Улӥсьёс
2008-тӥ арын 1-тӥ толшоре гуртын 277 адями лыдъяськиз, 2020-тӥ арын — 199 мурт.
Историез
1859-тӥ арын ортчем 10-тӥ ревизилэн йылпумъянъёсызъя, Ватка губерниысь Алабго утемысь Верхняя Усо-Омга (Чумола) казённой гуртын 31 азбарын 110 пиосмуртъёс но 108 нылкышноос уло вылэм, вукозы ужам[2]. 1882-тӥ арын Голюшурма черкогуртысь Вознесенской черклэн приходэз усьтӥськиз, со борды гожтӥзы кӧня ке гуртъёсыз, соос пӧлын Чумолё но вал[3].
1921-тӥ арын, Вотской автономной улос кылдэмен валче, Чумолё Можга утеме сётэмын. 1924-тӥ арын, сельсоветъёс бадӟымамен, гурт Алнаш волостьысь Усо сельсоветэ выжиз. 1929-тӥ арын уездъёс но волостьёс быдтэмын, соин валче Чумолё гурт Алнаш ёросэ пыриз[4]. 1930-тӥ арын 1-тӥ южтолэзе Чумолё гуртын «Горд Нюряськись» сельхозартель (колхоз) кылдытэмын.
1950-тӥ арын сельхозартельёсыз огазеялляло, кӧня ке бускель гуртъёсысь колхозъёс (соос пӧлын Чумолё гуртысь колхоз но вал) «Красный Октябрь» колхозэ огазеямын, кивалтонэз Усо гуртэ интыяськиз. 1956-тӥ арын «Красный Октябрь» колхозысь «Совет» колхоз висъямын, кивалтонэз Чумолё гуртэ интыямын. Выль колхоз кема ӧз ужа, 1960-тӥ арын со быдтэмын вал, гурт нош ик «Красный Октябрь» колхозэ пыриз. 1963-тӥ арын колхозлэн нимыз «Кама» луиз.
1972-тӥ арын Усо сельсовет Кузёбай сельсовет нимаськыны кутскиз, кивалтонэз Кузёбай гуртэ выжтэмын[4].
Усо сельсовет выльысь кылдытэмын Удмурт Элькунысь Кун Кенешлэн 2004-тӥ арын 26-тӥ оштолэзе кутэм пуктэтэзъя, Кузёбай сельсоветлэсь висъямын. 2004-тӥ арын 16-тӥ шуркынмонэ Усо сельсовет Усо муниципал кылдытэт луиз[5]. 2025-тӥ арлы ивортодэтъя, Чумолё гурт Усо интывыл ёзэтэ пыре.
Мерлыко удыс
2016-тӥ арын Чумолё но Усо гуртъёс вискы выль асфальт вӧлдӥзы. 1,5 иськем сюреслэсь люкетсэ «Гурт сюресъёс» федерал программа улсын лэсьтӥзы[6].
Тодмо гуртоос
Василий Егорович Романов — удмурт суредась-график, дизайнер[7]
Валэктонъёс
- ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya
- ↑ Списки населенных мест Российской империи. Список населенных мест по сведениям 1859—1873 годов. — Т. X Вятская губерния. — С. 191.
- ↑ Составители: И. Н. Зайцева, Г. И. Самарцева. Православные храмы Удмуртии: Справочник-указатель / Науч. ред. А. А. Тронин. — Ижевск: Удмуртия, 2000. — С. 97-98. — 480 с. — 1100 экз. — ISBN 5-7659-0011-9.
- ↑ 1 2 Справочник по административно-территориальному делению Удмуртии. 1917—1991 гг. / Составители: О. М. Безносова, С. Т. Дерендяева, А. А. Королёва. — Ижевск: Удмуртия, 1995. — С. 119-120. — 744 с. — 2000 экз. — ISBN 5-7659-0425-4.
- ↑ Органы местного самоуправления муниципального образования "Муважинское" Алнашского района Удмуртской Республики [ӟуч] Фондовый каталог УР.
- ↑ Сельские дороги Удмуртии: дорога местного значения (Чумали-Муважи) [ӟуч] Удмуртавтодорстрой.
- ↑ 11 мая 1947 г. [ӟуч] Знаменательные и памятные даты. 2017 год.