Кучырангурт
| Гурт | |
| Кучырангурт | |
|---|---|
 | |
| 56°08′03″ с. ш. 52°30′45″ в. д.GЯO | |
| Кун |
 Россия |
| Федерацилэн асмосэз | Удмурт Элькун |
| Муниципал ёрос | Алнаш |
| Гурт поселение | Асан |
| Часовой поясэз | UTC+4:00 |
| Улӥсез | |
| Улӥсез |
|
| Официальной луись кыл | удмурт, ӟуч |
| Цифровой идентификаторъёс | |
| Телефон кодэз | +7 34150 |
| Почта индекс | 427885 |
| Код ОКАТО | 94202830005 |
| Код ОКТМО | 94502000286 |
|
|
|
 |
|
.svg)
Кучыран (ӟуч: Кучеряново) — Удмуртиысь Алнаш ёросысь гурт, Асангурт поселение пыре. Алнаш черкогуртлэсь лымшор пала 6 иськемлы, Ижкарлэсь лымшор но шундыпуксён пала 90 иськемлы палэнэ интыяськемын.
2008-тӥ арын 1-тӥ январе улӥсез 96 адями лыдъяськиз[1].
Историез
1859-тӥ арысь дасэтӥзэ ортчытэм ревизия Ватка губерниысь Алабго утемысь казённой Кучырангуртын 15 юртъерын 57 воргорон улӥсез но 59 нылкышно улӥсез пусъемын вал[2]. 1914-тӥ арын улӥсьёс Алнаш черкогуртысь Свято-Троицкой черкысь приходэ юнматэмын вал[3].
1921-тӥ арын, Вотской автономной область кылдэмен, гурт Можга утем пӧлы выжтэмын. 1924-тӥ арын, сельсоветъёсты паськытатэмен, Кучырангурт Алнаш волостьысь Алнаш сельсоветэ пыриз, нош вуоно 1925-тӥ арын, сельсоветъёсты кулэстэмен, Кучырангурт нимысьтыз сельсовет луиз, отчы 7 гуртъёс пыризы[4]. 1929-тӥ арын уездъёслы но волостьёслы административной люкон быдтэмын вал, таин валче гурт Алнаш ёрос борды юнматэмын вал[5]. Со аре ик СССР-ын коллективизация кутскиз, таин сэрен Кучырангуртын «Каганович нимо» сельхозартель (колхоз) кылдытэмын вал[6].
1950-тӥ арын сельхозартельёсты бадӟыматоно-юнматоно кариськизы, «Каганович нимо» колхоз быдтэмын вал, артысь кӧня ке колхозъёсты «Ленин нимо» одӥг колхозэ огазеязы[6]. 1964-тӥ арын Кучырангурт сельсовет Байтэрек нимамын вал, Кучырангуртысь центрез Байтэреке выжтӥзы[7], нош кык ар ортчыса, 1966-тӥ арын Асангурт сельсовет кылдытэмын но, Кучырангурт выль сельсовет борды юнматэмын вал[8].
16-тӥ шуркынмонэ Асангурт сельсовет Асан муниципал кылдытэт луиз, солы гурт поселенилэсь инлыксэ сётӥзы[9].
Мерлыко инфраструктура
Туризм
2017-тӥ арын Президент грантлэн коньдонэныз Кучырангуртын совето вакытысь гуртлы сӥзем «Кучыран» (азьвыл нимыз — «Советской гурт») туризмъя комплекс усьтӥськиз. Татын покчиосты дышетонъя 1911-тӥ арын пуктэм школалэн юртэз тупатъямын, кунокуа но кафе лэсьтэмын вал. Кучыран школаын политик, этнограф, публицист Трофим Борисов дышетскиз[12].
Гуртысь тодмо адямиос
Конюхов Василий Николаевич — гуртын кыдам мурт, 1942-тӥ арын оштолэзе Алнаш РВК-тэ басьтэмын. Миномётэн роталэн взводэзлэн командирез луыса висъяськиз, 1943-тӥ арын 9-тӥ шуркынмонэ тушмон пехота азьпал линиосмы пыр выжиз но полклэн командирезлэн эскерон пунктэз доры матэктӥз. Мукет ожгарчиосын ӵош Конюхов тушмон вылэ винтовкаен, штыкен урдскиз но 2 гитлеровецъёсты прикладэн быдтӥз, Горд Кизили орденэн пусъемын[13]. Сӧсырмемез но контузия бере Свердловскысь артиллерияя училищеын дышетӥз. Ож йылпумъяськем бере комиссовать каремын вал, Свердловскысь кун университетысь (САГУ) историяя факультетэз, МГУ-ысь аспирантураез но докторантураез йылпумъяз, профессор ним басьтӥз, МГУ-ын 40 ар ӵоже дышетӥз.
Валэктонъёс
- ↑ Главная страница малой родины — деревня Кучеряново [ӟуч] uistoka.ru. Эскеремын 22.08.2025 арын
- ↑ Вятская губерния. Ч. 10. Список населенных мест по сведениям 1859-1873 годов / Е. Огородников. — Санкт-Петербург, 1876.|том=X Вятская губерния|страницы=189}}
- ↑ Составители: И. Н. Зайцева, Г. И. Самарцева. Православные храмы Удмуртии: Справочник-указатель / Науч. ред. А. А. Тронин. — Ижевск: Удмуртия, 2000. — С. 309-310. — 480 с. — 1100 экз. — ISBN 5-7659-0011-9.
- ↑ Справочник по административно-территориальному делению Удмуртии. 1917—1991 гг. / Составители: О. М. Безносова, С. Т. Дерендяева, А. А. Королёва. — Ижевск: Удмуртия, 1995. — С. 100-102. — 744 с. — 2000 экз. — ISBN 5-7659-0425-4.
- ↑ Справочник по административно-территориальному делению Удмуртии. 1917—1991 гг. / Составители: О. М. Безносова, С. Т. Дерендяева, А. А. Королёва. — Ижевск: Удмуртия, 1995. — С. 119-120. — 744 с. — 2000 экз. — ISBN 5-7659-0425-4.
- ↑ 1 2 Историческая справка [ӟуч] Фондовый каталог УР. Эскеремын 22.08.2025 арын
- ↑ Справочник по административно-территориальному делению Удмуртии. 1917—1991 гг. / Составители: О. М. Безносова, С. Т. Дерендяева, А. А. Королёва. — Ижевск: Удмуртия, 1995. — С. 413. — 744 с. — 2000 экз. — ISBN 5-7659-0425-4.
- ↑ Справочник по административно-территориальному делению Удмуртии. 1917—1991 гг. / Составители: О. М. Безносова, С. Т. Дерендяева, А. А. Королёва. — Ижевск: Удмуртия, 1995. — С. 196. — 744 с. — 2000 экз. — ISBN 5-7659-0425-4.
- ↑ Закон Удмуртской Республики от 16.11.2004 № 64-рз [ӟуч] lawmix.ru (16 ноября 2004). Эскеремын 22.08.2025 арын
- ↑ Территориальный отдел «Асановский»» [ӟуч] alnashi.udmurt.ru. Эскеремын 22.08.2025 арын
- ↑ Социальная сфера Территориального отдела «Асановский» [ӟуч] alnashi.udmurt.ru. Эскеремын 22.08.2025 арын
- ↑ Туристический комплекс советского периода в деревне Кучеряново Алнашского района Удмуртии [ӟуч] moesovetskoe.orgs.biz. Эскеремын 22.08.2025 арын
- ↑ Н.С.Кузнецов. Воинская слава Удмуртии / Научный консультант: генерал-майор в отставке Г.И.Сабуров, Рецензент: полковник в отставке В.В.Голубев. — Ижевск: Удмуртия, 2009. — С. 148-149. — 416 с. — 1200 экз. — ISBN 978-5-7659-0521-0.
Асангурт поселениысь гуртъёс | |
|---|---|
| |
