Кучыран
| Кучыран | |
|---|---|
 | |
| Ужъюртлэн типез | туристический объект[d] |
| Кылдэмез | |
| Кылдон дырыз | 2017 |
 |
|
Кучыра́н (азьвыл нимыз — Советской гурт) — совето вакытысь гуртлы сӥзем туризмъя комплекс. Удмуртиысь Алнаш ёросын интыяськемын.
Историез
2017-тӥ арын Президент грантлэн коньдонэныз Удмуртиын «Советской гурт» лулчеберетъя но туризмъя центр» проект улонэ пыӵатэмын вал[1]. Кучырангуртын покчиосты дышетонъя 1911-тӥ арын пуктэм школалэн юртэз тупатъямын, кунокуа но кафе лэсьтэмын вал[2][3]. Кучыран школа пусйымон: отын совето кун ужась но политик, этнограф, публицист Трофим Борисов дышетскиз[4].
2002-тӥ арын вормем кыкетӥ грант чотын «Советской гурт» лулчеберетъя но туризмъя центрын «Инкуазез но вордскем шаерез тодонъя-эскеронъя центр» проект быдэсмиз. Куинетӥез проект — «Йыгаськись сюлэмъёсы Геройёсмылэсь нимъёссэс кельтон»[1].
2024-тӥ арысь ивортонъёсъя, «Советской гурт» туркомплекс «Кучыран» нимлы воштэмын вал[3], та Кучырангуртлэн удмурт нимыз.
Ужрадъёс
Комплексысь ужасьёс туризмъя кӧня ке программаос дасязы — вакчиоссэ но, кӧня ке нуналлы чакламъёссэ но. Озьы Кучырангуртын «Вашкала школаын урок», «Гурт фитнес» нимо программаосы сюрыны но «Инкуазез но вордскем шаерез тодонъя-эскеронъя центр» эко-сюрес вылтӥ ортчыны луонлык сётэмын. Шутэтскон нуналъёсы куноослы чечил сыр пӧзьтыны дышетскыны, озьы ик интыысь фермеръёсын лэсьтэм кӧня ке пумо сыръёсты веръяны ӵекто[5][6].
Музейын туристъёс, Трокай Борисовлэн улэм-вылэменыз но адӟонэныз тодматскем сяна, солэн дышетскем классаз пырыны, парта сьӧраз пукыны, тылыен но чернилаен гожъяськыса эскерыны, 1970-тӥ—1990-тӥ аръёсысь корка пушен тодматскыны быгато[4].
Программа пӧртэм арлыдо адямиослы тунсыко луыны быгатоз[4].
Экскурсия йылпумъяськем бере, туристъёслы удмурт йӧскалык сиён-юонэн кунояськыны дэмлало: зыретэн (йӧлын но курегпузэз пӧзьтэм сурет) табань, перепеч, ӟег пызен лэсьтэм шу кисаль.
Инфраструктура
- Музей-школа, кытын 100-лэсь трос экспонатъёс возьматэмын, соос пӧлын ужкагазъёс, туспуктэмъёс, плакатъёс, улон-вылонын кутӥськись арбериос, юрт котырысь тӥрлык, дӥськут, пыдкутчан но мукетыз;
- Хостел;
- Палаткаосты пуктон инты;
- Пуосын эстӥськись мунчо;
- Этно-кафе[7][4].
Валэктонъёс
- ↑ 1 2 Культура [ӟуч], www.alnashi.udmurt.ru. Эскеремын: 17 гудырикошконэ 2025 арын.
- ↑ Татьяна Снегирёва. Мастера, открывающие Удмуртию [ӟуч], izvestiaur.ru. Эскеремын: 17 гудырикошконэ 2025 арын.
- ↑ 1 2 Жили-были. Кучыран [ӟуч], udmtv.ru. Эскеремын: 17 гудырикошконэ 2025 арын.
- ↑ 1 2 3 4 Экскурсия «Назад в прошлое» 2023, Алнашский район [ӟуч], Культура.РФ. Эскеремын: 17 гудырикошконэ 2025 арын.
- ↑ Марина Орехова. Камская Ривьера, Баба-яга, Ведьмина гора – куда съездить в Удмуртии на юг от Ижевска [ӟуч], izhlife.ru. Эскеремын: 17 гудырикошконэ 2025 арын.
- ↑ Марина Подлесских. Небесный столб и мироточащие иконы: уникальные маршруты для туристов разработали в Алнашском районе Удмуртии [ӟуч], Удмуртская правда. Эскеремын: 17 гудырикошконэ 2025 арын.
- ↑ Деревенская усадьба Кучыран [ӟуч], visitudmurtia.org. Эскеремын: 17 гудырикошконэ 2025 арын.
Чӧлсконъёс
- Деревенская усадьба Кучыран [ӟуч], visitudmurtia.org. Эскеремын: 17 гудырикошконэ 2025 арын.
- Колокольный звон, урок в Советской деревне и легенды Голюшурмы: путешествуем по Удмуртии за 1000 рублей [ӟуч], izhlife.ru. Эскеремын: 17 гудырикошконэ 2025 арын.
- Жили-были. Кучыран [ӟуч], udmtv.ru. Эскеремын: 17 гудырикошконэ 2025 арын.
 |
|---|
