Опалёв, Иван Васильевич

Иван Васильевич Опалёв
Иван Васильевич Опалёв
Вордӥськем дырыз	25-тӥ коньывуонэ 1906
Вордӥськем интыез	Удмуртские Ключи гурт, Глаз уезд, Ватка губерния, Росси империя (али — Глаз ёрос, Удмуртия)
Кулэм дырыз	10-тӥ толшоре 1956 (49 лет)
Кулэм интыез	Москва, РСФСР
Кунмуртлыкез	СССР
Кыӵе войскоез	артиллерия
Служить карон аръёсыз	1921—1923 1941—1946
Званиез
Частез	40-тӥ отдельной гвардейской миномётной дивизион
Интыужез	дивизионлэн командирез
Ожмаськонъёс/ожъёс	Быдӟым Атыкай ож,; Советско-японской ож
	Медиафайлъёс РувикиМедиа пушкын

Иван Васильевич Опалёв (вордӥськиз 1906-тӥ арын 25-тӥ коньывуонэ Глаз ёросын —1956-тӥ арын 10-тӥ толшоре Москваын) — Гвардилэн майорез, Быдӟым Атыкай оже пыриськем мурт, Совето Союзлэн Героез (1945).

Улон сюресэз

Иван Опалёв вордӥськиз 1906-тӥ арын 12-тӥ (25-тӥ) коньывуонэ Удмуртские Ключи гуртын ( Удмуртиысь Глаз ёрос). Школаын 7 классэз йылпумъяз. 1921-тӥ арын Ижысь военно-технической школаын дышетскиз. Со арын ик Горд Армие мынӥз. Арми бере, 1924-тӥ арын Глазысь совпартшколаез йылпумъяз, 1925-тӥ арын Ленинградысь етӥн будэтонъя курсъёсты ортчиз. Глазкарын но Ижкарын возёс ужъёсын герӟаськем интыужъёсын тыршиз. Берлогес Иркутскын, Горькийын, Кировын, Тамбовын ужаз^[1]. 1941-тӥ арын гудырикошконэ выльысь армие басьтӥзы. Со арын ик командной составез умоятонъя курсъёсты ортчиз но Быдӟым Атыкай ожлэн фронтъёсаз шедиз^[2]. 1942-тӥ арын пӧсьтолэзе Опалёвез Шундыпуксёнпал фронтын «катюшаослэн» батареязылы командире юнматӥзы. 1943-тӥ арын куарусёнысен 40-тӥ отдельной гвардейской миномётной дивизионэн командовать кариз. 2-тӥ но 3-тӥ Украин фронтъёсын ожмаськиз^[1].

1944-тӥ арын коньывуон толэзёзь гвардилэн майорез Иван Опалёв 2-тӥ Украин фронтысь 7-тӥ механизированной корпуслэн 40-тӥ гвардейской отдельной миномётной дивизионэныз командовать кариз. Румыниез но Венгриез мозмытонын геройлыко ожмаськеменыз висъяськиз^[3]. 1944-тӥ арын 6-тӥ коньывуонысен 28-тӥ коньывуонозь Опалёвлэн дивизионэз Орадя, Дебрецен, Карцаг, Дьома, Кисуйсаллаш каръёсты мозмытонэ пыриськиз. Тушмонлэсь 3 танксэ, 17 бронемашиназэ, 80-лэсь трос автомашинаоссэ, 10 артиллерийской орудизэ но трос мукет техниказэ но луло кужымзэ быдтӥз. Аслэсьтыз дивизионзэ трос пол контратакаосы ӝутказ^[2].

Опалёвлэн шайгуэз. Москва, Новодевичий шайвыл

СССР-ысь Вылӥ Кенешлэн Президиумезлэн 1945-тӥ арын 24-южтолэзе гожтэм Косэтэзъя «Командованилэсь боевой заданиоссэ ӟеч быдэсъямез но немец захватчикъёсын геройлыко ожмаськемез понна» гвардилэн майорез Иван Опалёв Совето Союзлэн Героез дано нимын пусъемын, Ленин орденэн но «Зарни Кизили» медален данъетамын (3752-тӥ номер)^[2].

Иван Опалёв советской-японской ожъёсы пыриськиз. 1946-тӥ арын запасэ лэземын. Улӥз но ужаз Москваын. Улонысь кошкиз 1956-тӥ арын 10-тӥ толшоре, ватэмын Москваысь Новодевичий шайвылын^[2].

Данъетамын Горд Знамялэн кык орденэныз, Кутузовлэн 3-тӥ степенё, Александр Невскийлэн но Атыкай ожлэн 1-тӥ но 2-тӥ степенё орденъёсыныз но медальёсын^[2].

Буре ваён

И. Опалёвлэн нимыз Ижкарын Ялан ӝуась тыл азьысь Совето Союзлэн Геройёсызлы сӥзем стелаын гожтэмын. Солэн нимыныз Глазкарысь одӥгез ульча нимамын, Геройёслы сӥзем скверын но вордӥськем Удмуртские Ключи гуртаз Геройлэн бюстэз пуктэмын^[1].

Валэктонъёс

↑ ¹ ² ³ Национальная библиотека Удмуртской Республики. Опалёв Иван Васильевич
↑ ¹ ² ³ ⁴ ⁵ Иван Васильевич Опалёв [ӟуч] «Герои страны» сайт.
↑ Официальный портал города Глазова. Опалев Иван Васильевич

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
ГСС, ГРФ, ПКОС — наши земляки. — Ижевск, 1995.
Кулёмин И. Г. Героев наших имена. — Ижевск, 1975.

[НБУ-1] ¹ ² ³ Национальная библиотека Удмуртской Республики. Опалёв Иван Васильевич

[wh-2] ¹ ² ³ ⁴ ⁵ Иван Васильевич Опалёв [ӟуч] «Герои страны» сайт.

[3] Официальный портал города Глазова. Опалев Иван Васильевич

[1]

[2]

[3]