Козлов, Александр Александрович

Википедиысь материал
Рувикиын таӵе фамилиен мукет муртъёс сярысь гожтосъёс вань. Учке: Козлов.
Александр Александрович Козлов
Alexander Kozlov, 2018.png
Флаг
Росси Федерациысь инкуазез утёнъя но инкуазь узырлыкъёсъя министр
Флаг
10-тӥ шуркынмонысен 2020
(ужез быдэсъясь 7—13-тӥ куартолэзе 2024)
Кивалтэтлэн тӧроез Михаил Мишустин
Элькунлэн тӧроез Владимир Путин
Азьпалчиез Дмитрий Кобылкин
Флаг
Росси Федерациысь Дальней Востокез но Арктикаез азинтонъя министр
Флаг
18-тӥ куартолэзьысен 2018 — 10-тӥ шуркынмонозь 2020
(ужез быдэсъясь 15—21-тӥ толшоре 2020)
Кивалтэтлэн тӧроез Дмитрий Медведев
Михаил Мишустин
Андрей Белоусов (ужез быдэсъясь)
Михаил Мишустин
Элькунлэн тӧроез Владимир Путин
Азьпалчиез Александр Галушка
Бӧрысьчиез Алексей Чекунков
Флаг
Амур улослэн губернаторез
(врио 25-тӥ южтолэзьысен — 20-тӥ куарусёнозь 2015)
Флаг
20-тӥ куарусёнысен 2015 — 18-тӥ куартолэзёзь 2018
Элькунлэн тӧроез Владимир Путин
Азьпалчиез Олег Кожемяко
Бӧрысьчиез Василий Орлов
Флаг
Благовещенсклэн мэрез
Флаг
19-тӥ куарусёнысен 2014 — 25-тӥ южтолэзёзь 2015
Азьпалчиез интыуж кылдытэмын, Владимир Кобелев карлэн кивалтӥсез чотын— Благовещенск кар думалэн тӧроез
Бӧрысьчиез Валентина Калита
Флаг
Благовещенск администрациен кивалтӥсьлэсь ужзэ быдэсъясь
Флаг
20-тӥ тулыспалысен — 19-тӥ куарусёнозь 2014
Азьпалчиез Павел Березовский
Бӧрысьчиез интыуж Кар кивалтӥсьлэн уженыз огазеямын
Вордӥськемын 2-тӥ толшоре 1981({{padleft:1981|4|0}}-{{padleft:1|2|0}}-{{padleft:2|2|0}}) (45 лет)
Кузпалыз Анна Логинова[1]
Дышетскемез МАП при Правительстве РФ
Ужудысэз юрист
Логотип РУВИКИ.Медиа Медиафайлъёс РувикиМедиа пушкын

Алекса́ндр Алекса́ндрович Козло́в (ворд. 2-тӥ толшоре 1981, Южно-Сахалинск) — Россиысь кун уж быдэсъясь. 2020-тӥ арын 10-тӥ шуркынмонысен инкуазез утёнъя но инкуазь узырлыкъёсъя министр[2].

Росси Федерациысь Дальней Востокез но Арктикаез азинтонъя министр (2018-тӥ арын 18-тӥ куартолэзьысен 2020-тӥ арын 10-тӥ шуркынмонозь). Амур улослэн губернаторез (2015-тӥ арын 20-тӥ куарусёнысен 2018-тӥ арын 18-тӥ куартолэзёзь). Благовещенсклэн мэрез (2014-тӥ арын 19-тӥ куарусёнысен 2015-тӥ арын 25-тӥ южтолэзёзь)[3].

Улон сюресэз

Вордӥськиз 1981-тӥ арын 2-тӥ толшоре Южно-Сахалинскын. Шоръёзо школаез Амур улосысь Райчихинскын йылпумъяз.

Дышетскемез

2003-тӥ арын Москваысь Кивалтэт улсысь Ужбергатонъя Муско академилэсь Благовещенскысь ёззэ йылпумъяз, «Юриспруденция» ӧнеръя. Собере Дальневосточной Федеральной университетын  [ӟуч] (удм. «Горной инженер» специальностья дышетскиз[4].

Ужбергатон

2000-тӥ арын «Дальвостуголь» компание юристконсультэ ужаны интыяськиз. 2004-тӥ арын со интые «Амур-уголь» компания кылдӥз, отын со Гуково карысь «Росуголь» огазеяськонлэсь одӥгзэ ёзэтсэ йыръяз[4]. Ар ортчыса, Благовещенскысь «Русский уголь  [ӟуч] (удм.» ОАО-лэн ёзэныз кивалтыны кутскиз[5].

2009-тӥ арысен 2010-тӥ арозь Райчихинскын «Амур уголь» ООО-лэн генеральной директорез луыса тыршиз.

Амур улос кивалтэтын ужамез

2011-тӥ арын, улос губернаторлэн Олег Кожемяколэн  [ӟуч] (удм. ӧтемезъя, Амур улосвыллэн кивалтэтаз кун службае выжиз. 2011-тӥ арын 2-тӥ тулыспалэ Амур улосвылысь лэсьтӥськонъя, архитектурая но жилищно-коммунальной хозяйствоя министрлэн нырысетӥ воштӥсез луиз. Со арын ик гудырикошкон толэзе та ёзэн кивалтыны юнматӥзы.

2011-тӥ арын 23-тӥ толсуре Козлов Амур улосвылысь жилищно-коммунальной хозяйствоя министре юнматэмын, Приамурьеысь тужгес егитэз министр луиз. Та интыын со 2014-тӥ арын 14-тӥ тулыспалозь ужаз.

Благовещенск кар администрациын ужамез но карен кивалтэмез

2014-тӥ арын 14-тӥ тулыспалэ Козлов Благовещенск администрацилэн тӧроезлы Павел Березовскийлы нырысетӥ воштӥсе юнматэмын.

Куать нунал ортчыса, 2014-тӥ арын 20-тӥ тулыспалэ, Благовещенск кар думалэн кивалтӥсез Березовский аслаз мылкыд каремезъя ужысьтыз кошкиз, соку буш интые кивалтӥсьлэсь ужзэ быдэсъясе Козловез юнматӥзы.

2014-тӥ арын оштолэзе Козлов улос центрлы мэр быръёнъёсын «Единая Россия» партилэн парти пушкын ортчытэм предварительной куара сётоназ вормись луиз.

2014-тӥ арын 14-тӥ куарусёнэ Козлов Благовещенскын ортчем мэр быръёнъёсын вормиз, карын улӥсьёслэсь 17 сюрс 828 куара люкаса (быръён участокъёсы лыктэмъёс пӧлысь 38,68%-эз луиз)[6]. Со арын ик 19-тӥ куарусёнэ Козлов официально карлэн тӧроез луиз (та интыуж 2010-тӥ арын быдтэм бере выльысь берентэмын вал).

Амур улослэн губернаторез

Владимир Путин Олег Кожемякоен но Александр Козловен ужъя пумиськон ортчытэ.

Сахалин улосвыллэн губернаторез Александр Хорошавин отставкае кошкем бере но со интые Олег Кожемякоез юнматэм бере, 2015-тӥ арын 25-тӥ южтолэзе Росси Федерацилэн Президентэзлэн косэтэзъя Амур улосвыллэн губернаторезлэсь ужзэ быдэсъясе Александр Козлов юнматэмын[7][8].

2015-тӥ арын 19-тӥ инвожое губернатор быръёнъёсын Козлов «Единая Россия» партилэсь кандидат луиз[9]. Со 50,64% куара люказ но улосвыллэн историяз тужгес егитэз[10] губернатор луиз. Со дыре ик Благовещенскын, кудӥныз азьвыл кивалтӥз, со 30% гинэ куара люказ— 45%-эз ЛДПР-лэн кандидатэзлы кошкиз[11].

Росси Федерациысь Дальней Востокез азинтонъя министр

2018-тӥ арын 18-тӥ куартолэзе Президентлэн косэтэзъя Козлов ас мылкыдызъя Амур улосвыллэн губернаторезлэсь мозмытэмын но выль кивалтэтэ Росси Федерациысь Дальней Востокез азинтонъя министре юнматэмын[12][13].

2019-тӥ арын 26-тӥ тулыспалэ Россиысь Дальней Востокез азинтонъя министерство аслаз ужоскетъёсаз Арктика зонаез пыртӥз. Воштӥськонъёсын валче, Козлов Дальний Востокез но Арктикаез азинтонъя министрлэн  [ӟуч] (удм. интыужаз кылиз[14].

Козлов 2035-тӥ арозь Арктикаез азинтонъя стратегиез но 2024-тӥ арозь Дальней Востокез азинтонъя йӧскалык программа кылдытӥз (2035-тӥ арозь перспективаен). Со сяна, Дальний Востокысь демографиез будэтонъя, улосысь мерлыко объектъёсты выльдонлы субсидиос висъянъя, «Арктический гектар» но Дальний Востокын улӥсьёс понна 2%-ем ипотека сётонъя программаос дасяз[15].

Росси Федерациысь инкуазез утёнъя но инкуазь узырлыкъёсъя министр

2020-тӥ арын 9-тӥ шуркынмонэ, Дмитрий Кобылкинлэн отставкае кошкемез бере, Козлов Росси Федерациысь инкуазез утёнъя но инкуазь узырлыкъёсъя министре ӵектэмын вал[16].

2024-тӥ арын 14-тӥ куартолэзе Кун Дума Россиысь инкуазез утёнъя но инкуазь узырлыкъёсъя министре выльысь Козловез юнматӥз [17]; со нуналэ ик Росси Федерацилэн Президентэз сое юнматон сярысь косэт гожтӥз[18].

Парти ужез

«Единая Россия» Огъяросси политической партилэн ёзчиез. Амур улос ёзэтлэн Президиумезлэн ёзчиез вал. 2023-тӥ арысен — «Единая Россия» партилэн Вылӥ кенешезлэн ёзчиез[19].

Ужезлы дунъет

Кун Думаысь Улосвыл политикая но Уйпал ужпумъёсъя комитетлэн кивалтӥсез Николай Харитонов Козловлэсь ужзэ тазьы дунъяз: «Козлов эшлыко, мыло-кыдо ужась министр вал. 11 территориос пӧлысь Чукоткаын гинэ выездной комитет ӧз ортчы, нош куд-ог интыосын кык пол ортчылӥз»[15].

2020-тӥ арын «Справедливая Россия» партия Козловлэн профильной биологической огбразованиез ӧвӧлтэмен, инкуазь узырлыкъёсъя министре солэн кандидатураезлы ӧз дурбасьты[20]. «Справедливая Россия» партия Александр Козловлы юрттыны пумит луиз[21].

Семьяез

2015-тӥ арын 28-тӥ южтолэзе Александр Козлов Анна Логиноваен кузпалъяськиз[1]. 2017-тӥ арын 2-тӥ толсуре Алиса нылзы вордӥськиз[22]. 2019-тӥ арын 29-тӥ куарусёнэ — Иван пизы[23].

Валэктонъёс

  1. ↑ 1 2 Врио губернатора Амурской области Александр Козлов сочетался браком amur.info. Эскеремын 2015-03-29 арын
  2. ↑ Александр Александрович Козлов Правительство России.
  3. ↑ Энциклопедия ТАСС, 2024. Козлов, Александр Александрович. Министр природных ресурсов и экологии РФ
  4. ↑ 1 2 Слукина, Наталья Александр Козлов: «Верю в себя и людей!» Телепорт. Эскеремын 2014-09-20 арын
  5. ↑ Александр Козлов: президентом было оказано высокое доверие, его надо оправдать amur.info. Эскеремын 2015-03-27 арын
  6. ↑ На выборах мэра Благовещенска победил Александр Козлов Порт Амур. Эскеремын 2014-09-20 арын
  7. ↑ Александр Козлов назначен временно исполняющим обязанности губернатора Амурской области Kremlin.ru. Эскеремын 2015-03-26 арын
  8. ↑ Указ Президента Российской Федерации от 25.03.2015 г. № 164 «Об исполняющем обязанности губернатора Амурской области»
  9. ↑ «Единая Россия» выдвинула на выборы губернатора Александра Козлова «Амурская правда» №107 (28151). Эскеремын 2015-06-20 арын
  10. ↑ Инаугурация губернатора Амурской области прошла в Благовещенске
  11. ↑ На инаугурацию Александра Козлова приедут главы трех дальневосточных регионов
  12. ↑ Кто вошел в новое правительство. Полный список, Ведомости (18 куартолэзе 2018). Архивировано 20 куартолэзе 2018 года. Эскеремын: 18 куартолэзе 2018 арын.
  13. ↑ Указ Президента Российской Федерации от 18.05.2018 г. № 241 «О Министре Российской Федерации по развитию Дальнего Востока»
  14. ↑ Полномочия Минвостокразвития России расширены на Арктическую зону Российской Федерации
  15. ↑ 1 2 Александр Козлов - министр природных ресурсов и экологии Российской Федерации, Биография, Статьи, Фото, Видео - Свободная Пресса [ӟуч]
  16. ↑ Кадровые перестановки: Александр Козлов выдвинут на пост министра природных ресурсов и экологии Вести. Эскеремын 2020-11-09 арын
  17. ↑ Госдума утвердила Козлова министром природных ресурсов и экологии России
  18. ↑ Президент подписал указы о назначении членов Правительства Российской Федерации и директоров служб
  19. ↑ Биография Александра Козлова
  20. ↑ Анатолий Грешневиков: «СР» воздержалась от поддержки кандидатуры Александра Козлова на должность главы Минприроды Справедливая Россия. Эскеремын 2024-05-27 арын
  21. ↑ Фракция «СРЗП» в Госдуме проголосует против четырёх кандидатур на посты министров РФ Справедливая Россия. Эскеремын 2024-06-17 арын
  22. ↑ Козлов Александр Александрович: биография ПроНедра. Эскеремын 2024-05-27 арын
  23. ↑ У министра Александра Козлова родился сын Порт Амур. Эскеремын 2024-05-27 арын

Чӧлсконъёс

«https://udm.ruwiki.ru/w/index.php?title=Козлов,_Александр_Александрович&oldid=490839»-ысь басьтэмын