Багин, Сергей Андреевич

Википедиысь материал
Рувикиын таӵе фамилиен мукет муртъёс сярысь гожтосъёс вань. Учке: Багин.
Багин Сергей Андреевич
Багин Сергей Андреевич.jpg
Удмурт Элькунысь тазалыкез утёнъя министр
Флаг
2024-тӥ арын 27-тӥ тулыспалысен
Кивалтэтлэн тӧроез Ефимов Роман Валерьевич
Элькунлэн тӧроез Бречалов Александр Владимирович
Азьпалчиез Наталья Якимова
Вордӥськемын 17-тӥ инвожое 1984({{padleft:1984|4|0}}-{{padleft:6|2|0}}-{{padleft:17|2|0}})[1] (42 года)
Дышетскемез

Багин Сергей Андреевич (ворд. 17-тӥ инвожое 1984, Углич[d], Ярославль улос) — Удмурт Элькунысь тазалыкез утёнъя министр, 2024-тӥ арын 27-тӥ тулыспалысен[3]. Солэсь азьпал, 2023-тӥ арысен министрлэсь ужзэ быдэсъяз.Солэн кивалтэмез улсын 2023-тӥ арын толсуре вирсэр центр усьтэмын, Глазкарысь ёроскуспо эмъяськонниын нырысетӥ операциос ортчытэмын.

Улон сюресэз

Вордӥськиз 1984-тӥ арын 17-тӥ инвожое Ярославль улосысь Углич карын эмчиослэн семьяязы (ньылетӥ поколениысь эмчи). Песяпесянаез Киров улосын фельдшер луыса ужаз. Атаезъя песянаез но песятаез Ярославльысь медициная кун университетын дышетскизы[4]. Сергей но школа бере Ярославльысь медициная кун академиын  [ӟуч] (удм. «Эмъян удысъя» дышетскиз, собере клинической ординатураез «Онкология» удысъя йылпумъяз. Рентгенэндоваскулярной диагностикая но эмъянъя ӧнерчи. Медицина эм тодосъёсъя кандидат. 2020-тӥ арын Управления кун университетысь  [ӟуч] (удм. «Кун но муниципал кивалтон» удысъя магистратураез йылпумъяз[3].

Ужудысэз

2009-тӥ арысен 2012-тӥ арозь Ярославльысь клиникая эмъюртын ужаз. 2012-тӥ арысен 2016-тӥ арозь – Росси Федерациысь Тазалыкез утёнъя министерстволэн Москваысь Лечебно-реабилитационной центрын рентгенэндоваскулярной диагностикая но эмъянъя доктор луыса тыршиз. Собере П. В. Мандрык нимо клиникая ожгар шор госпитальын рентгенэндоваскулярной диагностикая но эмъянъя ёзэтэн кивалтӥз[5].

2017-тӥ арын Ивантеевка карысь шор эмъюртэн кивалтӥз, 2021-тӥ арын – Москва улосысь Электросталь карысь шор эмъюртэ валтӥсь эмчие пуктӥзы. 2023-тӥ арын гудырикошконэ Удмурт Элькунысь тазалыкез утёнъя министрлы нырысетӥ воштӥсе юнматӥзы, куарусёнысен министрлэсь ужзэ быдэсъяз[3]. Солэн кивалтэмез улсын 2023-тӥ арын толсур толэзе Ижкарын вирсэр центр усьтэмын. Глазкарысь ёроскуспо эмъюртын нырысетӥ операциос ортчытэмын, тазалыкез утён удысысь первичной звеноез выльдонъя программа улсын врачебной амбулаториос тупатъямын, со программая ик Сарапулын поликлиника пуктӥське[3]. 2024-тӥ арын 27-тӥ тулыспалэ Удмурт Элькунысь тазалыкез утёнъя министре юнматэмын[6]. Министрлы нырысетӥ воштӥсе пуктэмын Алсу Ишниязова.

Валэктонъёс

  1. ↑ https://zdrav.expert/index.php/Персона:Багин_Сергей_Андреевич
  2. ↑ https://repinlife.ru/i-o-glavy-minzdrava-udmurtii-stal-sergej-bagin/ — 2023.
  3. ↑ 1 2 3 4 Министром здравоохранения Удмуртии назначен Сергей Багин [ӟуч] Министерство здравоохранения Удмуртской Республики (27 февраля 2024). Эскеремын 15.07.2025 арын
  4. ↑ И.о. министра здравоохранения Удмуртии Сергей Багин: «Здравоохранение в Удмуртии находится на уверенном среднероссийском уровне» [ӟуч] Удмуртская правда (21 декабря 2023). Эскеремын 15.07.2025 арын
  5. ↑ И.о. главы минздрава Удмуртии стал Сергей Багин [ӟуч] Деловая репутация (21 сентября 2023). Эскеремын 15.07.2025 арын
  6. ↑ Игорь Бобров (27 февраля 2024) Сергей Багин назначен министром здравоохранения Удмуртии [ӟуч] Izhlife. Эскеремын 15.07.2025 арын
«https://udm.ruwiki.ru/w/index.php?title=Багин,_Сергей_Андреевич&oldid=507853»-ысь басьтэмын