Боталова, Анна Анатольевна

Рувикиын таӵе фамилиен мукет муртъёс сярысь гожтосъёс вань. Учке: Боталова.

Анна Анатольевна Боталова
Вордӥськемын	7-тӥ гудырикошконэ 1974({{padleft:1974|4|0}}-{{padleft:8|2|0}}-{{padleft:7|2|0}}) (52 года) Камбарка, Удмурт Автономной Советской Социалистической Республика, РСФСР, СССР
Дышетскемез	Удмурт кун университет

А́нна Анато́льевна Бота́лова (ворд. 7-тӥ гудырикошконэ 1974, Камбарка, Удмурт Автономной Советской Социалистической Республика) — Удмурт Элькунысь ваньбур кусыпъёсъя министр (2017-тӥ арысен). Удмурт Элькунысь кун но муниципал службаысь дано ужась.

Улон сюресэз

Вордӥськиз 1974-тӥ арын 7-тӥ гудырикошконэ Удмурт АССР-ысь Камбарка карысь инженеръёслэн семьяязы. 7 аресозяз Можгаын будӥз, отӥяз — Ижкарын. 53 номеро школаез йылпумъямез бере Удмурт кун университетысь юридической факультетэ пыриз.

Диплом басьтыса, 1991-тӥ арысен 1997-тӥ арозь Ижысь Октябрь калык судысь судъя заседаниысь машинистка, отӥяз секретарь луыса тыршиз. 1997-тӥ арысен 1998-тӥ арозь — Дэри ёрос администрациысь юрист вал, собере кык ар ӵоже отын ик юридической ёзэз валтӥз.

2000-тӥ арысен Удмурт Элькунысь Кун комитетысь кун ваньбурен кивалтонъя ёзысь азьмынӥсь, бӧрысьгес валтӥсь ӧнерчи вал.

2002-тӥ арысен тырше Удмуртиысь Ваньбур кусыпъёсъя министерствоын. Та ведомствоын ужан сюрессэ мытӥз Удмуртиысь Ваньбур кусыпъёсъя министерстволэн бурд улысьтыз кун унитарной предприятиосъя но кун учреждениосъя ёзэн кивалтӥсь луыса. 2007-тӥ арын министрлы воштӥсе юнматӥзы. 2017-тӥ арын толшорысен шуркынмонозь Удмуртиысь ваньбур кусыпъёсъя министрлэсь ужъёссэ быдэсъяз, отӥяз министре пуктӥзы.

Ас улонэз

Анна Боталова дуннеез котыръяны яратэ.

Пизэ будэтӥз; со ИжГТУ-эз йылпумъяз.

Данъетъёсыз

• Удмурт Элькунысь кун но муниципал службаысь дано ужась;
• Удмурт Элькунысь Правительстволэн Данъян грамотаез;
• Удмурт Элькунысь Кун Кенешлэн Данъян грамотаез;
• Удмурт Элькунысь Ваньбур кусыпъёсъя министерстволэн Данъян грамотаез;
• Россиысь МЧС-лэн «Россиысь МЧС-лы XXV ар» медалез;
• Удмурт Элькунысь ваньбур кусыпъёсъя министрлэн Таукаронэз;
• Удмурт Элькунысь Тӧролэн Таукаронэз;
• Росси Федерациысь Президентлэн Таукаронэз.

Валэктонъёс

Чӧлсконъёс

• Анна Боталова: «Собственность — это ежедневная ответственность» [ӟуч]

• Министр имущественных отношений УР Анна Боталова ответила на вопросы жителей республики по кадастровой оценке [ӟуч]