Петров, Эдуард Степанович

Википедиысь материал
РУВИКИ энциклопедиын таӵе фамилиен муртъёс сярысь мукет гожтосъёс вань.Учке Петров.
Эдуард Степанович Петров
Petrov eduard.jpg
Удмурт Элькунысь йӧскалык политикая министр
2022-тӥ арысен
Азьпалчиез Лариса Николаевна Буранова
Вордӥськемын 14-тӥ толшоре 1976(1976-01-14) (50 арес)
Удмурт АССР Можга ёрос Кватчи гурт
Нылпиосыз Кирилл, Ростислав
Дышетскемез

Эдуа́рд Степа́нович Петро́в (вордӥськемын 1976-тӥ арын 14-тӥ толшоре Удмурт АССР-ын Можга ёросысь Кватчи гуртын) — Россиысь мерлыко но кун уж быдэсъясь. 2022-тӥ арын 16-тӥ южтолэзьысен Удмурт Элькунысь йӧскалык политикая министр[1].

Улон сюресэз

Вордӥськиз 1976-тӥ арын 14-тӥ толшоре Удмурт АССР-ысь Можга ёросысь Кватчи гуртын. Атайзэ «Красный путь» колхозэн кивалтыны пуктэмзы бере, петровъёс Бадӟым Сибы гуртэ улыны выжизы, Эдуардлы соку 6 арес вал[2].

Пичи дырысеныз спортэн эшъяськиз, пӧртэм ӵошатсконъёсы пыриськылӥз. Школаез йылпумъяса, дышетсконзэ Можгалась ветеринарной колледжын азьланьтӥз, сое йылпумъямез бере, аслаз школаяз Бадӟым Сибы гуртын тренер-преподаватель луыса ужаз[2]. Школаын ужакуз ик Чайковскысь физической культурая кун институтын дышетскиз[2][3].

2000-тӥ арын Можгалась ветеринарной колледже физкультурая дышетӥсе ужаны кутӥзы. 2003-тӥ арын Можгаысь Детско-юношеской спорт школаен кивалтыны кутскиз. 2005-тӥ арысен Можга ветеринарной колледжен кивалтӥз. Со вакыт дышетсконнилэн трос уксё тыронъёсыз люкаськеизы, дышетскыны мылкыд карисьёслэн лыдзы кулэсмиз[2][3]. Выль кивалтӥсь кылдэм шуг-секытъёсты палэнтыны быгатӥз. Ужъя Мордовие вуылэмез бере, отысь ӧнерчиослэсь адӟем карыса, колледжын «Сӥль но сӥльлэсь продукци поттонъя» ӧр усьтӥзы. Кулэ луись лицензия басьтӥзы, аккредитациез ортчизы, дышетӥсьёс выль удысъя тодон-валанъёссэс будэтӥзы. Озьы коллективез утем гинэ ӧвӧл, колледжын выль ужан интыос кылдӥзы. Абитуриентъёслэн но мылкыдзы ӝутскиз[2].

Колледжен кивалтон куспаз ик Эдуард Степанович «Агроинженерия» удысъя Ижысь Гурт возёсъя кун академиын дышетскиз[3].

2010-тӥ арын Можга Кар кенешлэн витетӥ ӧтчамаз депутатэ бырйизы[4].

2012-тӥ арысен «Энергосбытлэн» Можгаысь ёзэтэныз кивалтӥз[2][3].

2012-тӥ но 2017-тӥ аръёсы Удмурт Элькунысь Кун Кенеше бырйиськылӥз[5][6], Кун Кенешлэн наукая, образования, культурая но егитъёсын ужанъя ялан ужась ӧрияз тыршиз[3]. 2021-тӥ арын, депутат ужоскетсэ дырызлэсь вазь кельтыса, выль интыуже выжиз[7].

2021-тӥ арын толсур толэзьысен Удмурт Элькунысь йӧскалык политикая министрлэсь одноужзэ быдэсъяз, 2022-тӥ арын оштолэзе Удмуртилэн Тӧроезлэн Косэтэзъя министре юнматэмын[8].

Э. Петров — «Удмурт Кенеш» Огъяудмурт ассоциацилэн Правлениезлэн ёзчиез (2018-тӥ ар)

Мер ужудысын

2007-тӥ арысен 2021-тӥ арозь Можгаысь «Удмурт Кенешлэн» правлениезлэн ёзчиез, тӧроезлэн воштӥсез но ёрос ёзэтлэн кивалтӥсез[9][10], озьы ик Огъяудмурт ассоциацилэн Правлениезлэн ёзчиез вал[11].

Эдуард Петров — Можгаысь но Можга ёросысь ужрадъёслэн кичӧлтӥсьсы, но радъясьсы луэ[2], элькун делегациен валче огъяросси но калыккуспо финн-угор конгрессъёсы но форумъёсы пыриськылӥз[12][11].

Семьяез

Кузпалыныз ӵош Кирилл но Ростислав пиоссэс будэто[2].

Бадӟым саклык висъя спортлы, пӧртэм ӵошатсконъёсы пыриськылэ[13][14]. «Выбрал ГТО — выбрал здоровье» агитационно-пропагандистской пробеглэн огъянъёсызъя, Можга карысь «Лицо ГТО» нимын пусъемын[15].

Данъетъёсыз

  • Удмурт Элькунысь Кун Кенешлэн Данъян грамотаез;
  • «Удмурт Элькунысь Кун Кенешлы 20 ар» буре ваён медаль;
  • Удмурт Элькунысь Йӧскалык политикая министерстволэн Данъян грамотаез;
  • Удмурт Элькунлэн Азьмуртэзлэн Таукаронэз;
  • Удмурт Элькунысь Гурт возёсъя но сиён-юон поттонъя министерстволэн Данъян грамотаез;
  • Удмурт Элькунысь Энергетикая, жилищно-коммунальной хозяйствоя но тарифъёсты радъянъя министерстволэн Данъян грамотаез[3][16];
  • Удмурт Элькунлэн Тӧроезлэн Таукаронэз[17].

Валэктонъёс

  1. ↑ Петров Эдуард Степанович Администрация Главы и Правительства Удмуртской Республики.
  2. ↑ 1 2 3 4 5 6 7 8 Елена Сараматова Тӧр шорын Кун Кенешысь депутат, Можга ёросысь удмурт воргорон Эдуард Петров [удм.] Удмурт дунне.
  3. ↑ 1 2 3 4 5 6 Петров Эдуард Степанович Партия «Единая Россия».
  4. ↑ Список депутатов городской Думы муниципального образования "Город Можга" пятого созыва Администрация города Можги.
  5. ↑ Ойдо тодматском выль депутатъёсын Удмурт дунне.
  6. ↑ Ирина Шутова Глава Удмуртии Александр Бречалов назначил Эдуарда Петрова новым министром нацполитики и заместителем руководителя администрации КП - Ижевск.
  7. ↑ Эдуард Петров досрочно сложил полномочия депутата госсовета Удмуртии (21 толсуре 2021). Эскеремын: 23 оштолэзе 2024 арын.
  8. ↑ Игорь Бобров Эдуард Петров назначен министром нацполитики Удмуртии Ижлайф.
  9. ↑ Анна Вардугина. Эдуард Петров: «Цель нашей работы – мир и согласие в республике» // Удмуртская правда. — 2022. — 7 пӧсьтолэзе. — С. 6–7.
  10. ↑ Андрей Поносов Новые назначения в правительстве Удмуртии и контрабанда айфонов в Россию: новости к этому часу Ижлайф.
  11. ↑ 1 2 Елена Миннигараева Ӵыжы-выжы калыкъёсты мед огазеялозы проектъёс но [удм.] Удмурт дунне.
  12. ↑ В Удмуртии состоялось заседание «Ассоциации финно-угорских народов России» Министерство национальной политики УР.
  13. ↑ Праздник спорта Газета "Маяк".
  14. ↑ Зимний фестиваль государственных гражданских служащих Удмуртской Республики - 2023 АУ УР "ЦСП".
  15. ↑ Вручение знаков ГТО в Можге Дирекция спортивных и социальных проектов.
  16. ↑ Эдуард Петров назначен исполняющим обязанности министра национальной политики Удмуртии Министерство национальной политики Удмуртской Республики.
  17. ↑ Распоряжение Главы Удмуртской Республики от 18 декабря 2023 г. N 352-РГ "Об объявлении Благодарности Главы Удмуртской Республики" Гарант.

Чӧлсконъёс

«https://udm.ruwiki.ru/w/index.php?title=Петров,_Эдуард_Степанович&oldid=487979»-ысь басьтэмын