Габдрахманов, Роман Фиюсович

Википедиысь материал
Роман Фиюсович Габдрахманов
Габдрахманов Роман Фиюсович. Заместитель Председателя Правительства УР.jpg
2024-тӥ арысен
Кивалтэтлэн тӧроез Роман Ефимов
Элькунлэн тӧроез Александр Бречалов
Вордӥськемын 23-тӥ толсуре 1972({{padleft:1972|4|0}}-{{padleft:12|2|0}}-{{padleft:23|2|0}}) (53 года)
Дышетскемез

Роман Фиюсович Габдрахманов (ворд. 23-тӥ толсуре 1972, Кузон) ― Удмурт Элькун Кивалтэтлэн Тӧроезлэн воштӥсез.

Улон сюресэз

Вордӥськиз 1972-тӥ арын 23-тӥ толсуре Бигер АССР-ысь Кузонын[1]. 8 классэз йылпумъяса, Удмурт Элькунысь Ветеринарияя можга колледжын дышетскиз. Собере — Кузонысь Н. Э. Бауман нимо ветеринарной медициная кун академиез йылпумъяз, пудо эмъян удысъя. Улэ Ижкарын.

Ваньмон дыръяз

Ваньмон дырзэ спортлы сӥзе. Тунсыкъяське волейболэн. Удмурт кивалтэтлэн волейболъя сборной командаезлэн капитанэз луэ[2]. Мускоысь ветеринарной академиын асьме волейболлэн 100 ар тырмонэзлы сӥзем турнирын 2023-тӥ арын Роман Габдрахманов Россиысь ветеринарной службаослэн кун командаоссы пӧлын «Устоез» нимын пусъемын[3].

Ужудысэз

1992-тӥ арысен Сарапул ёросысь пудо эмъян станциын Усть-Сарапульской участокын пудо эмъясь фельдшер луыса ужаз. Кузонын дышетсконзэ йылпумъямез бере, 1997-тӥ арысен 2004-тӥ арозь «Сарапулысь ёроскуспо ветеринарной лаборатория» федерал кун ужъюртысь серологи ёзэтаз пудо эмъясь луыса тыршиз. Собере ар пала «Кигбаевский» нимо возёсысь парсь вордон комплексын валтӥсь пудо эмъясь вал. 2005-тӥ арысен «Кигбаевский бекон» нимо парсь вордон комплексын валтӥсь пудо эмъясь луыса ужаз. 2006-тӥ арысен 2008-тӥ арозь «Свинокомплекс Арзамасцевский» ЗАО-лэн валтӥсь пудо эмъясез вал. 2010-тӥ арозь Удмурт Элькунысь «Пудо висёнъёсын нюръяськонъя Сарапулысь ёрос станция» кун ужъюртэн кивалтӥз, огдыре Сарапул карлэн но Сарапул ёрослэн пудо эмъянъя валтӥсь кун инспекторез вал[4]. Собере, 2010-тӥ арысен Удмурт Элькунысь пудо эмъянъя валтӥсь управленилэн кивалтӥсезлэн воштӥсез, Удмурт Элькунысь пудо эмъянъя валтӥсь кун инспекторлэн воштӥсез луиз. 2018-тӥ арысен ― Удмурт Элькунысь пудо эмъянъя валтӥсь управлениен кивалтӥсьлэсь ужзэ быдэсъяз. Со арын ик Удмурт Элькунысь пудо эмъянъя валтӥсь управленилы тӧрое юнматӥзы.

2024-тӥ арын 27-тӥ шуркынмонысен Удмурт Элькунысь Кивалтэтлэн Тӧроезлэн воштӥсез луиз. Удмурт Элькунлэн Тӧроез Александр Бречалов Габдрахмановлэсь кандидатуразэ улос парламентлы ӵектэмез бере, Кун Кенешысь депутатъёс дас укмысэтӥ сессилэн нырысетӥ кенешоназ 2024-тӥ арын 26-тӥ шуркынмонэ со ӵектонэз умоен лыдъязы. Роман Габдрахманов понна 49 мурт куаразэ сётӥз, куинез гинэ пумит луиз[5]. Выль ужудысын Габдрахманов гурт удысэн, пудо эмъянэн, инкуазез утёнэн но инкуазь узырлыкез уже кутонэн герӟаськем ужпумъёсты чакласа возе.

2025-тӥ арын куарусёнэ элькунысь агропромышленной комплекс удысын кадръёсты дасянъя координаци кенешез йыръяз. Кенеш кивалтэт ёзэтъёслэсь, дышетон ужъюртъёслэсь, ужбергатонлэсь но гурт удыслы юрттонъя мерлыклэсь огъя ужзэс радъя. Озьы ик «Кадры в АПК» проектлэсь быдэсмемзэ чакласа возе[6].

Данъетъёсыз

  • 2014-тӥ арын Удмурт Элькунысь Кивалтэтлэн Данъян грамотаез.
  • 2022-тӥ арын оштолэзе ― Удмурт Элькунлэн Тӧроезлэн Таукаронэз.
  • Удмурт Элькунысь гурт удысысь сӥё-дано ужась[7].

Валэктонъёс

  1. ↑ Габдрахманов Роман Фиюсович [ӟуч] Официальный сайт Главы Удмуртской Республики и Правительства Удмуртской Республики. Эскеремын 28-10-2025 арын
  2. ↑ Рубоика "В кресле главного редактора" [ӟуч] Удмуртская правда. Эскеремын 28-10-2025 арын
  3. ↑ Итоги турнира по волейболу между командами государственных ветеринарных служб федеральных округов России [ӟуч] Московская государственная академия ветеринарной медицины и биотехнологии — МВА имени К. И. Скрябина.. Эскеремын 28-10-2025 арын
  4. ↑ Роман Габдрахманов стал начальником ГУ ветеринарии по Удмуртии [ӟуч] bezformata. Эскеремын 28-10-2025 арын
  5. ↑ Государственный Совет одобрил кандидатуры Татьяны Чураковой и Романа Габдрахманова для назначения на должности Первого заместителя и заместителя Председателя Правительства Удмуртии [ӟуч] Государственный Совет УР. Эскеремын 28-10-2025 арын
  6. ↑ В Удмуртии создан Координационный совет по подготовке кадров для агропромышленного комплекса республики [ӟуч] Общественная палата Удмуртской Республики. Эскеремын 28-10-2025 арын
  7. ↑ Госсовет Удмуртии утвердил нового заместителя председателя правительства [ӟуч] Деловой квадрат. Эскеремын 28-10-2025 арын
«https://udm.ruwiki.ru/w/index.php?title=Габдрахманов,_Роман_Фиюсович&oldid=507679»-ысь басьтэмын