Ефимов, Роман Валерьевич

Википедиысь материал
Рувикиын таӵе фамилиен мукет муртъёс сярысь гожтосъёс вань. Учке: Ефимов.
Роман Валерьевич Ефимов
Dca67771b8fe335e046cd9018acd935f.jpg
Удмурт Элькун Кивалтэтлэн Тӧроез
Флаг
27-тӥ шуркынмонысен 2024
Элькунлэн тӧроез Александр Бречалов
Азьпалчиез Ярослав Семёнов
Вордӥськемын 16-тӥ гудырикошконэ 1987({{padleft:1987|4|0}}-{{padleft:8|2|0}}-{{padleft:16|2|0}}) (39 лет)
Дышетскемез

Роман Валерьевич Ефимов (ворд. 16-тӥ гудырикошконэ 1987, Кузон) ― Удмурт Элькун Кивалтэтлэн Тӧроез, ужоскетэ юнматэмын Кун Кенешлэн 19-тӥ сессияз 2024-тӥ арын 27-тӥ шуркынмонэ[1]. Солэсь азьпал Кивалтэтлэн тӧроезлэн воштӥсез луыса ужаз но коньдон ужпумъёсты чакласа возиз.

Улон сюресэз

Роман Ефимов вордӥськиз 1987-тӥ арын 16-тӥ гудырикошконэ Кузонын[2]. Школаез йылпумъямез бере И. Н. Ульянов нимо Чуваш кун университетын дышетскиз, 2010-тӥ арын сое йылпумъяз, юриспруденция ӧнеръя.

Нырысь Кунпуш ужъёсъя ёзэтъёсын ужаз, милициез полиция нимамлэсь кӧня ке толэзь азьпал ужбергатон удысэ выжиз. 2011-тӥ арысен «Казанский завод металлоизделий» ЗАО-лэн генеральной директорезлэн воштӥсез луиз. Собере кӧня ке ар «Колизей» ООО-ын ужаз но выльысь кун службае берытскиз, кивалтэт ёзэтэ[2].

2014-тӥ арысен кӧня ке Балашиха кар округлэн администрацияз ужаз, собере Егитъёсын ужанъя федерал агентстволэн кун заказъёсъя ёзэтаз выжиз. Отысь Россилэн Мер Палатаяз вуиз. Татын ужакуз Александр Бречаловен тодматскиз «Удмуртилэн командаезлэн» валтӥсь люкетаз шедиз. 2021-тӥ арын Ефимовез Удмурт кивалтэтлэн тӧроезлэн воштӥсезлэсь ужзэ быдэсъясе юматӥзы[2].

Удмуртилэн азьвылэз премьер-министрез Ярослав Семенов 2024-тӥ арын пӧсьтолэзе ас мылкыдызъя отставкае потыса, Россиысь Обороная министерстволэсь «Военно-строительной компанизэ» йыръяз. Семёнов бере со интыуже юнматэмын вал Ольга Абрамова. Но 2024-тӥ арын сӥзьыл Абрамоваез Москвае ӧтизы, Россиысь Гурт возёсъя министрлэн советникез ужоскетэ. Кӧня ке толэзь ӵоже Александр Бречалов, премьерлэсь ужоскетсэ палэнтыса, министръёслэн кабинетэнызы ачиз кивалтӥз. 27-тӥ шуркынмонэ Удмурт Кун Кенешлэн 19-тӥ сессияз премьер-министре Роман Ефимов быръемын. Солэсь кандидатуразэ дэмлаз Александр Бречалов[3]. Депутатъёс азьын вераськыкуз, Ефимов куд-ог программаосъя Удмуртилэсь федерал финансирования люкетсэ будэтыны быгатӥз, шуыса пусйиз кунлэн тӧроез[2]:

«Элькун, люкам табышлэсь бадӟым люкетсэ федерал коньдэтэ выжтӥсь регион сямен, кык ар ӵоже ини бюджет кышкыттэмлыкез 30 процентлы будэтонэн огкадь карон понна будэтэм субсидия басьтэ. Со Роман Ефимовлэн но кивалтэтлэн быдэс финансовой блокезлэн сӥ-данэз. Роман Ефимовлэн ӧнерлыко луэмез но быгатонлыкъёсыз солы элькун кивалтэт азьын сылӥсь секыт ужпумъёсты сэрттыны-пертчыны луонлык сётозы».

Вице-премьерлэн ужоскетаз Ефимовлэн тужгес бадӟымез азинлыкеныз — проектной управление выжон. Со амалллы кутскон сётэмез понна, выль премьер азьпалчиезлы, Ярослав Семёновлы, тау каремзэ вераз:

«Решение кутон процесс шӧдскымон вакчияз, пӧртэм ёзэсъёс куспын координировать карон умойгес луиз. Со азьвыл та ужоскетын ужам муртлэн Ярослав Семёновлэн сӥ-данэз. Мон оскисько, солэсь кылдытэм кивалтон системазэ утьыны но азинтыны кулэ шуыса.»

2025-тӥ арын пӧсьтолэзе премьер-министр кун газет-журналъёсын ужась журналистъёсын пумиськылӥз. Премьер сюресъёсты тупатъян югдурен тодматӥз, «Ижсталь» йӧ дворецез выльдэм бере усьтон но 2026-тӥ арын кутскыны дасяськись выль инвестиционной проект сярысь мадиз[4].

Семьяез

Кузпалыныз нылзэс будэто[5]. 2025-тӥ арын 25-тӥ пӧсьтолэзе пизы вордӥськиз[6].

Валэктонъёс

  1. ↑ Структура Правительства УР [ӟуч] Официальный сайт Главы Удмуртской Республики и Правительства Удмуртской Республики. Эскеремын 14-10-2025 арын
  2. ↑ 1 2 3 4 Новым премьер-министром Удмуртии стал бывший милиционер Роман Ефимов [ӟуч] udm-info (26-11-2024). Эскеремын 14-10-2025 арын
  3. ↑ Депутаты Госсовета согласовали Романа Ефимова на должность Председателя Правительства Удмуртии [ӟуч] Государственный Совет Удмуртской Республики (26-11-2024). Эскеремын 14-10-2025 арын
  4. ↑ Альбина Шайхутдинова (31-07-2025) Премьер-министр Удмуртии Роман Ефимов: «Задача правительства – уметь предугадать все риски» [ӟуч] Удмуртская правда. Эскеремын 14-10-2025 арын
  5. ↑ У премьер-министра Удмуртии родился сын [ӟуч] izhlife (25-07-2025). Эскеремын 14-10-2025 арын
  6. ↑ У председателя правительства Удмуртии Ефимова произошло пополнение в семье [ӟуч] АиФ-Удмуртия (25-07-2025). Эскеремын 14-10-2025 арын
«https://udm.ruwiki.ru/w/index.php?title=Ефимов,_Роман_Валерьевич&oldid=507316»-ысь басьтэмын