Бречалов, Александр Владимирович

Википедиысь материал
Эскерем гожтос
Александр Владимирович Бречалов
Alexander Brechalov 2018.jpg
Флаг
Удмурт Элькунлэн Тӧроез
(врио
4-тӥ оштолэзьысен ― 18-тӥ куарусёнозь 2017)
Флаг
18-тӥ куарусёнысен 2017
Элькунлэн тӧроез Владимир Путин
Азьпалчиез Александр Соловьёв
Флаг
«Единая Россия» партилэн Удмурт ёзэтэзлэн секретарез
Флаг
7-тӥ пӧсьтолэзьысен 2020
Азьпалчиез Владимир Невоструев
Флаг
Росси Федерациысь Мер Инэглэн секретарез
Флаг
16-тӥ пӧсьтолэзьысен 2014 — 20-тӥ южтолэзёзь 2017
Азьпалчиез Евгений Велихов
Бӧрысьчиез Вячеслав Бочаров
Вордӥськемын 18-тӥ шуркынмонэ 1973(1973-11-18) (52 арес)
Тлюстенхабль каргурт, Теучежской ёрос, Адыгей АО, РСФСР, СССР
Дышетскемез КВВУ
МГЮА
Ужез политик
Данъетъёсыз Росси Федерацилэн Азьмуртэзлэн Данъян грамотаез — 2014
Логотип РУВИКИ.Медиа Медиафайлъёс РувикиМедиа пушкын

Алекса́ндр Влади́мирович Бреча́лов (ворд. 18-тӥ шуркынмонэ 1973, Тлюстенхабль[d], Краснодар улосвыл) — Россиысь политик. 2017-тӥ арын 18-тӥ куарусёнысен Удмурт Элькунлэн Тӧроез луэ (2017-тӥ арын 4-тӥ оштолэзьысен 18-тӥ куарусёнозь Удмурт Элькунлэсь Тӧроезлэсь одноужзэ быдэсъяз). 2020-тӥ арын 7-тӥ пӧсьтолэзьысен «Единая Россия» партилэн Удмурт ёзэтэзлэн секретарез[1].

Росси Федерациысь Мер Инэглэн секретарез (2014—2017), Огъяросси калык фронтлэн Шор штабезлэн сопредседателез, «Опора России» нимо пичи но шоро-куспо предпринимательстволэн Огъяросси мерлыко дэменлыкезлэн нырысетӥ вице-президентэз.

Улон сюресэз

Александр Бречалов вордӥськиз 1973-тӥ арын 18-тӥ шуркынмонэ Адыгеяысь Тлюстенхабль каргуртын. Атаез — лэсьтӥськись[2].

Дышетскемез

1994-тӥ арын Краснодарысь генерал С. М. Штеменко нимо военной институтэз отличиен йылпумъяз. 1999-тӥ арын Москваысь О. Е. Кутафин нимо юридик кун академиез[3] быдтӥз.

Ужамез

Нырысьсэ уже интыяськиз школаын дышетскыкуз. Соку со Краснодарын улон корка пуктонын лэсьтӥськисьёслы юрттӥськиз[4] 1994-тӥ арысен 1996-тӥ арозь Чкалов гарнизонлэн режимной службаысьтыз кивалтӥсьлэн воштӥсез вал (нимысьтыз кылдытэм авиационной дивизия). 1996-тӥ — 2000-тӥ аръёсы «ТВ-6 Москва» ЗАО-ын но «Альфа-Банк» ОАО-ын юрисконсульт луыса ужаз.

2001-тӥ арысен 2002-тӥ арозь КБ «Юниаструм Банкын» (ООО) юридик ёзэтэн кивалтӥз. 2002-тӥ — 2003-тӥ аръёсы отын ик юридик департаментэн кивалтӥз. 2003-тӥ — 2006-тӥ аръёсы «Юниаструм Консалтинг» ООО-ын генеральной директорлэсь ужзэ быдэсъяз, 2006-тӥ—2013-тӥ аръёсы — «ВБО Консалт» ООО-лэн президентэз луиз.

2007-тӥ арысен 2014-тӥ арозь КБ «Юниаструм Банкысь» директоръёслэн кенешсылэн ёзчиез вал.

2005-тӥ арысен Александр Бречалов Краснодар улосвыл ёзэсэн кивалтӥз, 2008-тӥ арысен — солэн вице-президентэз луиз, 2012-тӥ арысен 2014-тӥ арозь — президентэз. 2014-тӥ арысен — «Опора России» пичи но шоро-куспо ужбергатоннилэн Огъяросси мер дэменлыкезлэн нырысетӥ вице-президентэз. ИСЭПИ фондлэн 2015-тӥ арын лэсьтэм йылпумъянъёсызъя, Бречалов Россиысь тужгес перспективной политикъёс пӧлын 1-тӥ интые потӥз[5].

2016-тӥ арын но со Рейтингъя нырысетӥез луиз.

Мер удысын тыршемез

  • 2009-тӥ арысен Бречалов — «ОПОРА КРЕДИТ» медиа-холдинглэн учредителез, пичи но шоро-куспо ужбергатоннилы юрттэт сётонъя ивортодэтъёсты вӧлмытӥсь но Россиысь ужбергатӥсьёс пӧлын «Бизнес-Успех» ӵошатсконэз радъясь.
  • 2013-тӥ арысен — Огъяросси калык фронтлэн Шор штабезлэн ёзчиез.
  • 2013-тӥ арысен — «ЭКСАР» ОАО-лэн директоръёсызлэн Кенешсылэн ёзчиез.
  • 2013-тӥ арысен — Огъяросси калык фронтлэн Шор штабезлэн сопредседателез.
  • 2014-тӥ арысен — Россиысь мер мылкыдэз эскерись центрлэн директоръёсызлэн кенешсылэн ёзчиез (ВЦИОМ).
  • 2014-тӥ арын 16-тӥ инвожоысен 2017-тӥ арын 20-тӥ южтолэзёзь — Росси Федерациысь Мер Инэглэн секретарез[6].
  • 2015-тӥ арысен — Росси Федерацилэн Президентэз улсын кылдытэм Коррупцилы пумит нюръяськонъя кенешлэн ёзчиез[7].
  • 2016-тӥ арысен — Росси Федерацилэн Президентэз улсын кылдытэм Стратегической азинсконъя но приоритетной проектъёсъя кенешлэн ёзчиез.
  • 2017-тӥ арысен — Россиысь триатлонъя Федерацилэн попечительской советэзлэн тӧроез[8].

РФ Мер Инэглэн секретарез ужудысын

2014-тӥ арын толсур толэзе Бречалов Россилэн президентэзлы Владимир Путинлы РФ Мер Инэглэсь Россиысь граждан мерлыклэн югдурез сярысь докладэн вазиськиз[9].

«Единой Россилэн» праймеризэзлы юрттэт сётон (2016)

2016-тӥ арын 20-тӥ куартолэзе РФ Мер Инэглэн сайтаз солэн секретарезлэн Александр Бречаловлэн РФ гражданъёслы «Единая Россия» партилэн 22-тӥ куартолэзе ортчоно праймеризаз пыриськыны ӧтён вазиськонэз поттэмын[10]. Праймеризын калык «Единая Россия» партилэсь кандидатсэ бырйыны быгатоз, кудӥз соослэн ас улосвылазы вуоно быръёнъёсы пыриськоз, шуыса оскытӥз Бречалов[10]. Бречаловлэсь но мер инэгъёслэн мукет ёзчиосызлэсь «Единой Россилэсь» праймериззэ ортчытон сярысь вазиськонъёссэс тросэз умойтэмен лыдъязы. Кылсярысь, РФ Мер Инэглэн азьвыл ёзчиез Елена Лукьянова агитациез «незаконной» шуыса пусйиз. Малы ке шуоно Мер Инэглэн ёзчиосыз политической партиослы юрттонэпыриськыны уг быгато [11].

Комитетъёсын но комиссиосын ёзчи луэмез

Бречалов таӵе комитетъёслэн но комиссиослэн ёзчиез луэ:

  • Эрикрадэз утён но юрттэт сётон удысъёсын азинлыкъёс басьтэм понна, Президент улсын кылдытэм Кун премиен данъетан кандидатураосты бырйись Комиссия[12],
  • РФ Президентэз улсын кылдытэм Стратегической азинсконъя но приоритетной проектъёсъя кенеш[13],
  • РФ Президентэз улсын кылдытэм Коррупцилы пумит нюръяськонъя кенеш,
  • РФ Кивалтэт улсын кылдытэм Эксперт кенш.

Озьы ик чаклась советъёсы пыре:

Удмуртилэн Тӧроез

2017-тӥ арын 4-тӥ оштолэзе Росси Президентлэн Косэтэзъя, Бречалов Удмурт Элькунын Тӧролэсь огдырлы одноужзэ быдэсъясе юнматэмын[14].

2017-тӥ арын 10-тӥ куарусёнэ, дырызлэсь вазь ортчытэм быръёнъёсъя, 78%-лэсь ятыр куара люкаса, Удмуртилы Тӧрое быръемын. 18-тӥ куарусёнэ, инаугурациез ортчыку, выль тӧро ӟуч но удмурт кылын присяга сётӥз[15].

Росси Федерациысь Приволжск федерал округъя президентлэн полпредэз Игорь Комаров, Удмуртиын обороная промышленность умой азинске, шуыса пусйиз. Со — элькун экономикалэн валтӥсь палыз; озьы ик улон юртъёс пуктонъя финансированиез выль моделе выжтонын Удмуртия нырысетӥосыз пӧлы пыре, шуыса ватсаз.

2022-тӥ арын куарусёнэ Бречалов, «Единая Россия» партилэн дэмламезъя, быръёнъёсын 64,37 % куара люкаса, кыкетсэ Удмуртилы Тӧрое быръемын[16].

2026-тӥ арын 29-тӥ пӧсьтолэзе ас мылкыдызъя отставкае кошкиз[17][18].

Данъетъёсыз

  • Росси Федерацилэн Президентэзлэн (2013) но Росси Кивалтэтлэн (2012) данъетъёсыныз пусъемын.
  • Росси Федерацилэн Президентэзлэн Данъян грамотаез — Дышетонъя калыккуспо гужем форумъёсты радъямез но ортчытэмез понна (2014-тӥ ар).
  • Эшъяськон Орден (2023)[19].

Семьяез

Кузпалыныз 5-тӥ классын дышетскыкуз тодматскиз.

Елена Николаевна — кӧня ке коммерческой компаниослэн ватсаса дышетонъя кык юридик центръёслэн учредительзы луэ[20]. Кык нылпизы — кыктоос Артем но Анастасия.

Санкциос

2023-тӥ арын 24-тӥ тулыспалэ США Бречаловез санкциосын лыдметъёсаз пыртӥз[21].

Тунсыкъёсыз

Тунсыкъяське триатлонэн. 2013-тӥ арын 6-тӥ коньывуонэ Барселонаын триатлонъя Ironman дистанциез ортчиз. 2015-тӥ арын 4-тӥ коньывуонэ Калелья карын Ironman дистанциез 10 час 41 минут 6 секунд куспын ортчиз[22].

2015-тӥ арын А. Бречалов Байкал йӧ марафонэз ортчиз[23], Карелиын ортчись «Карьяла» полумарафонэ пыриськиз[24] но, «Соединяя берега» ӵошатсконын Волга шурез (4,7 км) уяса потӥз[25].

2017-тӥ арысен Бречалов — Россиысь триатлонъя федерацилэн Попечительской советэзлэн тӧроез луэ.

Валэктонъёс

  1. ↑ Медведев вручил партбилеты ЕР главам Кузбасса, Удмуртии, Коми, Алтая и Челябинской области [ӟуч] ТАСС. Эскеремын 19.09.2025 арын
  2. ↑ Официальный сайт партии «Единая Россия». Бречалов Александр Владимирович
  3. ↑ Бречалов Александр Владимирович биография и пресс-портрет [ӟуч] whoiswho. Эскеремын 19.09.2025 арын
  4. ↑ Александр Бречалов рассказал о воспитании детей, новогодних традициях и первом впечатлении от Ижевска [ӟуч] www.izh.kp.ru. Эскеремын 19.09.2025 арын
  5. ↑ 10 самых перспективных политиков по версии ИСЭПИ [ӟуч] Эскеремын 2022-01-31 арын
  6. ↑ Владимир Путин одобрил новую Общественную палату
  7. ↑ Биография Бречалова Александра Владимировича [ӟуч], «Свободная пресса». Архивировано 31 толшоре 2022 года. Эскеремын: 31 толшоре 2022 арын.
  8. ↑ Бречалов избран главой попечительского совета Федерации триатлона России [ӟуч], ТАСС. Архивировано 14 южтолэзе 2017 года. Эскеремын: 15 южтолэзе 2017 арын.
  9. ↑ ежегодный доклад Общественной Палаты РФ
  10. ↑ 1 2 Александр Бречалов призвал граждан России поучаствовать в праймериз. 22 мая в России проводятся праймериз перед выборами депутатов в Госдуму VII созыва
  11. ↑ Кодекс этики членов Общественной палаты Российской Федерации
  12. ↑ Комиссия при Президенте по определению кандидатур на присуждение Госпремий за достижения в области правозащитной и благотворительной деятельности
  13. ↑ Совет при Президенте Российской Федерации по стратегическому развитию и приоритетным проектам
  14. ↑ Архивированная копия
  15. ↑ Юлия Лебедева Новая конституция и клятва на удмуртском: Как прошла инаугурация Главы Удмуртии Эскеремын 2017-09-19 арын
  16. ↑ ТАСС, 5 октября 2022. Бречалов вступил в должность главы Удмуртской Республики
  17. ↑ Путин принял отставку главы Удмуртии Бречалова, РИА Новости (29 пӧсьтолэзе 2026). Эскеремын: 29 пӧсьтолэзе 2026 арын.
  18. ↑ «Точка роста» и долгострои: взлеты и падения экс-главы Удмуртии Александра Бречалова
  19. ↑ Указ Президента Российской Федерации от 08.08.2023 № 594 "О награждении государственными наградами Российской Федерации"
  20. ↑ Бречалов, Александр Владимирович
  21. ↑ Глава Удмуртии Александр Бречалов попал под санкции США
  22. ↑ Александр Бречалов снова покорил Ironman — 2015 — Новости Палаты — Пресс-центр
  23. ↑ Александр Бречалов пробежал XI Байкальский ледовый марафон | Общероссийский Народный Фронт
  24. ↑ Бречалов поддержал Фестиваль бега "Полумарафон «Карьяла» в Карелии | Общероссийский Народный Фронт
  25. ↑ Бречалов участвовал в массовом заплыве через Волгу в Ульяновске вместе со спортсменами

Чӧлсконъёс

«https://udm.ruwiki.ru/w/index.php?title=Бречалов,_Александр_Владимирович&oldid=508015»-ысь басьтэмын