Абрамова, Ольга Викторовна

Википедиысь материал
Ольга Викторовна Абрамова
Абрамова Ольга Викторовна.jpg
Удмуртиысь Правительстволэн Тӧроезлэсь ужзэ быдэсъясь
17.07.2024 — 30.09.2024
Азьпалчиез Семёнов Ярослав Владимирович
Вордӥськемын 23-тӥ шуркынмонэ 1981({{padleft:1981|4|0}}-{{padleft:11|2|0}}-{{padleft:23|2|0}}) (44 года)
Дышетскемез

О́льга Ви́кторовна Абра́мова (ворд. 23-тӥ шуркынмонэ 1981, Сигаево, Удмурт Автономной Советской Социалистической Республика) — росси кун ужась но политик. Удмуртиысь тӧролэсь ужзэ быдэсъясь (2026-тӥ арын 29-тӥ пӧсьтолэзьысен). РФ-ысь гурт удысъя министрлэн советникез (2024—2026). Удмурт Элькунысь Правительстволэн Тӧроезлэсь ужзэ быдэсъясь (2024-тӥ арын пӧсьтолэзьысен коньывуонозь). Удмурт Элькунысь гурт удысъя но сиён-юонъя министр (2018—2021)[1].

Улон сюресэз

Вордӥськиз 1981-тӥ арын 23-тӥ шуркынмонэ Сарапул ёросысь Сигаево черкогуртын. Школазэ йылпумъямез бере Сарапулысь гурт удысъя но экономикая колледже «Экономика, бухгалтерияя учёт но эскерон» ӧнеръя дышетскыны пыриз[2].

2001-тӥ арысен Сарапулысь нянь пыжонъя комбинатын тыршиз. 2003-тӥ арын коньывуонысен Сарапулысь гурт удысъя но экономикая колледжлэн заочной ёзэтэныз кивалтӥз. Отӥяз кык ар ӵоже, 2006-тӥ арысен 2008-тӥ арозь, «Удмуртия» агрокомплекс компаниын валтӥсь экономист вал. 2008-тӥ арын оштолэзе компанилэн валтӥсь директорез луиз. 2009-тӥ арын «Завьяловский» потребкооперативлэн быдэсъясь директорез вал[3].

2006-тӥ арысен 2009-тӥ арозь Сарапул ёросысь депутатъёслэн кенешазы депутатэ бырйиськылӥз[1].

Дышетскемез

2003-тӥ арын Мускоысь экономикаысь статистикая но информатикая институтэз  [ӟуч] (удм. «Бухгалтерияя учёт, анализ но аудит» ӧнеръя йылпумъяз. 2009-тӥ арын кивалтон удыслы кадръёсты дасян федерал программая чаклам Удмурт кун университетысь профессиональной переподготовкая «Коньдон ужпумъёс» ӧръя программаез ортчиз. 2011-тӥ арын Кун службая Урал академиысь  [ӟуч] (удм. «Кун но муниципал кивалтон» эшшо одӥг программая тодон-валанзэ муромытӥз, 2012-тӥ арын — Удмурт кун университетысь «Юриспруденцилэн но росси законодательстволэн инлыкез» программая дышетскиз[4].

Ужез

2009-тӥ арын толсурысен 2012-тӥ арын оштолэзёзь Ольга Абрамова Удмурт Элькунысь Гурт удысъя но сиён-юонъя министерствоысь экономикая ёзэн кивалтӥз, отӥяз кык ар ӵоже — Удмурт Элькун Правительствоысь Тӧролэн воштӥсезлэн секретариатэныз. 2014-тӥ арын шуркынмонысен «КОМОС ГРУПП» компаниын гурт удысъя но промышленностья комплекс удысысь проектъёсты валтӥз, со дыре ик компаниез оглом азинтонъя управленилэн кивалтӥсезлэн воштӥсез вал. 2016-тӥ арын коньывуонысен 2017-тӥ арын толсурозь «Бабинский» агрокомлекслэн валтӥсь директорез вал[3].

2018-тӥ арын тулыспалэ Ольга Абрамова Удмурт Элькунысь гурт удысъя но сиён-юонъя министрлэсь ужзэ быдэсъясе пуктэмын[2], со арын ик оштолэзе министре юнматэмын.

2020-тӥ арын южтолэзьысен 2021-тӥ арын толсурозь озьы ик Удмурт Элькунысь Правительстволэн Тӧроезлэн воштӥсез но вал[3].

2021-тӥ арын 16-тӥ толсурысен — Удмурт Элькунысь Правительстволэн Тӧроезлэн воштӥсез. 2023-тӥ арын 26-тӥ куарусёнысен — Правительстволэн Тӧроезлэн нырысетӥ воштӥсез, экономика ужпумъёс понна кылкутӥз[5][6].

2024-тӥ арын 17-тӥ пӧсьтолэзе, Ярослав Семёнов отставкае кошкем бере, со арын ик куарусён толэзёзь Ольга Абрамова Удмуртиысь Правительстволэн Тӧроезлэсь ужзэ быдэсъяз[1], отӥяз Россиысь гурт удысъя министрлы советнике юнматэмын вал[7].

2024-тӥ арын коньывуонэ Ольга Абрамова Россиысь гурт удысъя министрлы Оксана Лутлы советнике юнматэмын[8]. 2025-тӥ арын пыриськиз катъёсты кылдытонэ, соос пӧлын вал Минсельхозлэн 711[9] но 713[10] номеро приказъёсыз. Со арын ик сӥзьыл пыриськиз «Зарни сӥзьыл — 2025» адӟытонэ[11].

2026-тӥ арын 29-тӥ пӧсьтолэзе Россилэн азьмуртэз Владимир Путин Ольга Абрамоваез Удмуртиысь тӧролэсь ужзэ быдэсъяны юнматӥз[12][13].

«Единая Россия» партилэн ёзчиез[14].

Ас улонэз

Кык нылъёссэ будэтэ[15].

Валэктонъёс

  1. ↑ 1 2 3 Ольга Абрамова назначена и.о. Председателя Правительства УР [ӟуч] d-kvadrat.ru (18.07.2024). Эскеремын 12.10.2025 арын
  2. ↑ 1 2 Ольгу Абрамову назначили и.о. министра сельского хозяйства Удмуртии [ӟуч] Коммерсантъ (01.02.2018). Эскеремын 12.10.2025 арын
  3. ↑ 1 2 3 Ольга Абрамова назначена и.о. министра сельского хозяйства и продовольствия УР [ӟуч] Администрация Главы и Правительства Удмуртской Республики (01.022.2018). Эскеремын 12.10.2025 арын
  4. ↑ Абрамова Ольга Викторовна [ӟуч] susanin.news. Эскеремын 12.10.2025 арын
  5. ↑ Татьяна Пунгина (26.09.2023) Кандидатуру Ольги Абрамовой согласовали на пост первого вице-премьера Удмуртии [ӟуч] ИА «Удмуртия». Эскеремын 12.10.2025 арын
  6. ↑ Ольга Абрамова займет пост первого вице-премьера правительства Удмуртии [ӟуч] Комсомольская правда-Ижевск (04.07.2023). Эскеремын 12.10.2025 арын
  7. ↑ Игорь Бобров (14.10.2024) Экс-и.о. премьера Удмуртии Ольга Абрамова стала советником министра сельского хозяйства России [ӟуч] Ижлайф. Эскеремын 12.10.2025 арын
  8. ↑ Игорь Бобров. Экс-и.о. премьера Удмуртии Ольга Абрамова стала советником министра сельского хозяйства России, Ижлайф (14.10.2024). Эскеремын: 27 тулыспалэ 2026 арын.
  9. ↑ Приказ Минсельхоза России от 30.10.2025 № 711
  10. ↑ Приказ Минсельхоза России от 30.10.2025 № 713
  11. ↑ Племенное животноводство ЕАЭС: гармонизация стандартов и цифровая трансформация
  12. ↑ Водить трактор, доить корову и оставаться образцом стиля и женственности
  13. ↑ Ольга Абрамова: что известно о врио главы Удмуртии
  14. ↑ Водить трактор, доить корову и оставаться образцом стиля и женственности
  15. ↑ Водить трактор, доить корову и оставаться образцом стиля и женственности

Чӧлсконъёс

«https://udm.ruwiki.ru/w/index.php?title=Абрамова,_Ольга_Викторовна&oldid=508018»-ысь басьтэмын