Шуткин, Андрей Алексеевич

Википедиысь материал
Рувикиын таӵе фамилиен мукет муртъёс сярысь гожтосъёс вань. Учке: Шуткин.
Шуткин Андрей Алексеевич
Шуткин Андрей Алексеевич.jpg
Удмурт Элькунысь граждан обороная но шуэрес учыръёсъя кун комитетлэн тӧроез
Флаг
9-тӥ оштолэзьысен 2024[1]
Кивалтэтлэн тӧроез Ефимов Роман Валерьевич
Элькунлэн тӧроез Бречалов Александр Владимирович
Азьпалчиез Евгений Шутов
Вордӥськемын 1974
Дышетскемез
Данъетъёсыз Удмурт Элькунысь Эрикрадэз утён ёзэтъёсысь дано ужась

Шуткин Андрей Алексеевич (ворд. 1974, СССР) ― Удмурт Элькунысь граждан обороная но шуэрес учыръёсъя кун комитетлэн тӧроез, 2024-тӥ арын 9-тӥ оштолэзьысен[2]. Удмурт Элькун Кивалтэтлэн тӧроезлэн воштӥсезлэн Секретариатэныз кивалтӥсь (2023). Ижкарысь Первомай ёрослэн валтӥсь следователез (2020). Юстициысь полковник[3].

Улон сюресэз но семьяез

Андрей Шуткин вордӥськиз 1974-тӥ арын. «Юриспруденция» ӧнерлы Удмурт кун университетын дышетскиз[2]. Ужезлэсь ваньмон дыръяз лыдӟиськыны яратэ[4]. Кык пиосыз будо, Артём но Антон, пичиез спортэн тунсыкъяське, куать аресказ ГТО-лэсь  [ӟуч] (удм. вань нормаоссэ быдэстэмез понна, зарни знакен пусъемын[5].

Ужудысэз

1995-тӥ арысен 2004-тӥ арозь Удмуртиысь Прокуратураын следователь но старшой следователь луыса ужаз. 2004-тӥ арысен 2007-тӥ арозь Ижкарысь Первомай ёрос прокурорлэн воштӥсез вал. 2007-тӥ арысен 2020-тӥ арозь Росси Федерациысь прокуратура улсын Удмурт Элькунысь Следственной комитетлэн Следственной управленияз Ижкарысь Первомай ёросъя следственной отделэн кивалтӥз. 2020-тӥ арысен 2021-тӥ арозь РФ следственной комитетлэн Удмурт Элькунъя следственной управленилэн Октябрь ёроскуспо следственной отделэныз кивалтӥз. 2021-2023-тӥ аръёсы Удмурт Элькун Кивалтэтлэн тӧроезлэн воштӥсезлэн Ильяс Ханнановлэн юрттӥсез луыса ужаз. 2023-тӥ арын гудырикошконысен Удмурт Элькун Кивалтэтлэн тӧроезлэн воштӥсезлэн Секретариатэныз кивалтӥз. 2024-тӥ арын 9-тӥ оштолэзе Удмурт Элькунлэн тӧроезлэн 97-тӥ номеро косэтэзъя, Андрей Шуткин Удмурт Элькунысь граждан обороная но шуэрес учыръёсъя кун комитетлы тӧрое юнматэмын[2].

Данъетъёсыз

Удмурт Элькунысь Азьмуртлэн 2011-тӥ арын 29-тӥ толсуре гожтэм 260-тӥ номеро косэтэзъя, юстициысь полковниклы, Росси Федерациысь прокуратура улсын Удмурт Элькунысь Следственной комитетлэн Следственной управленияз Ижкарысь Первомай ёросъя следственной отделэн кивалтӥсезлы Андрей Шутовлы «Удмурт Элькунысь Эрикрадэз утён ёзэтъёсысь дано ужась» ним сётэмын[6].

Валэктонъёс

  1. ↑ Андрей Шуткин назначен главой госкомитета Удмуртии по ГО и ЧС [ӟуч] Коммерсант (09.04.2024). Эскеремын 01.07.2025 арын
  2. ↑ 1 2 3 Андрей Шуткин назначен председателем Комитета по делам ГО и ЧС [ӟуч] Официальный сайт Государственного комитета Удмуртской Республики по делам гражданской обороны и чрезвычайным ситуациям (09 апреля 2024). Эскеремын 01.07.2025 арын
  3. ↑ К дню работника органов следствия России [ӟуч] Интернет-газета «Стриж» (26 июля 2018 года). Эскеремын 02.07.2025 арын
  4. ↑ Ирина Бурцева (25 июля 2017) Главный следователь Первомайского района Ижевска: Конечно, бывают эмоциональные кризисы, но мы обязаны брать себя в руки [ӟуч] Комсомольская правда. Эскеремын 01.07.2025 арын
  5. ↑ Татьяна Ивина (28 июля 2016 года) Одарены «серебром» и «золотом» [ӟуч] Столица Ижевск. Эскеремын 01.07.2025 арын
  6. ↑ Указ Президента УР от 29 декабря 2011 года № 260 г. Ижевск О присвоении почётных званий Удмуртской Республики [ӟуч] Электронный фонд правовых и нормативно-технических документов. Эскеремын 01.07.2025 арын
«https://udm.ruwiki.ru/w/index.php?title=Шуткин,_Андрей_Алексеевич&oldid=489744»-ысь басьтэмын