Ханнанов, Ильяс Наильевич

Википедиысь материал
Ильяс Наильевич Ханнанов
Ханнанов Ильяс Наильевич.png
Флаг
Удмурт Элькун Кивалтэтлэн Тӧроезлэн воштӥсез
Флаг
3-тӥ шуркынмонысен 2021
Кивалтэтлэн тӧроез Роман Ефимов
Элькунлэн тӧроез Александр Бречалов
Вордӥськемын 29-тӥ южтолэзе 1968({{padleft:1968|4|0}}-{{padleft:3|2|0}}-{{padleft:29|2|0}}) (58 лет)
Дышетскемез
Данъетъёсыз RUS Medal of the Order For Merit to the Fatherland 2nd class ribbon.svg Медаль «За отвагу» (СССР) RUS Medal For Distinction in the Protection of Public Order ribbon.svg

Ильяс Наильевич Ханнанов (ворд. 29-тӥ южтолэзе 1968, Иж) ― Удмурт Элькун Кивалтэтлэн Тӧроезлэн воштӥсез 2021-тӥ арын 3-тӥ шуркынмонысен[1]. Удмурт Элькун Кивалтэтлэн Тӧроезлэн советникез (2021). Росгвардиысь валтӥсь управленилэн кивалтӥсез (2016). Полициысь полковник[2].

Улон сюресэз

Вордӥськиз 1968-тӥ арын 29-тӥ южтолэзе Удмурт Элькунлэн шоркараз Ижкарын. 1992-тӥ арын Ижысь механикая институтысь инженерно-строительной факультетэз «Промышленной но граждан лэсьтӥськон» удысъя йылпумъяз. 2000-тӥ арын ― Удмурт кун университетысь юридик факультетэз, «Юриспруденция» удысъя[1].

Ужудысэз

1992-тӥ арысен Удмурт Элькунысь Кунпуш ужъёсъя министерстволэн социальной реабилитацияя но исправительной ужъёсъя специальной назначениен отрядлэн взводэзлэн командирез луыса милициын тыршиз. 2001-тӥ арын Удмурт Элькунысь Кунпуш ужъёсъя министерстволэн Радъям йыружъёсын нюръяськонъя управлениысь ӝог реагировать каронъя нимазъям отрядлэн командирез луиз. 2005-тӥ арын Удмурт Элькунысь МВД-лэсь инкуазез утёнъя удысын йыружъёсын нюръяськонъя управленизэ йыръяз. 2011-тӥ арын пӧсьтолэзе Удмурт Элькунысь быдэсъясь тӧрлык  [ӟуч] (удм. ёзэсъёсын но Удмурт Элькунысь Кунпуш ужъёсъя министерстволэн интыысь аскивалтон ёзъёсыныз валчеужез но мерлыко порядокез радъянъя управленилэн кивалтӥсезлы воштӥсе юнматӥзы. 2012-тӥ арын толсуре «МВД-лэн Удмурт Элькунъя вневедомственной охранаезлэн управлениез» федерал кун ужъюртлэн кивалтӥсез луиз. 2016-тӥ арын коньывуон толэзьысен полициысь полковник Ханнанов Россиысь йӧскалык гвардилэн войскоосызлэн федерал службазылэн  [ӟуч] (удм. (Росгвардия) Удмуртиысь управленизэ йыръяз. Службаезъя кӧня ке пол Уйпал Кавказэ служебной командировкаосы поталляз[2]. 2021-тӥ арын толшоре Ханнанов ужоскетэзлэсь мозмытэмын вал, куарусён толэзе Удмурт Элькун кивалтэтлэн тӧроезлы Ярослав Семёновлы советнике юнматэмын. Со ужын Ханнанов тӧрлык но эрикрадэз утён ёзэтъёс куспын валчеужанэз радъялляз. Ханнановез вице-премьере пуктон пумысен аслэсьтыз малпанъёссэ вераз Удмурт Элькунысь кунлыкез юнматонъя «Генеральское собрание» мерлыко огазеяськонлэн тӧроез, отставкаысь генерал-лейтенант Григорий Желудов:

«Ильяс Ханнановен мон кемалась тодмо. Ас вакытаз со „Кречет“ спецподразделениын служить кариз, трос пол боевой действиосы пыриськылӥз. Со Ильфат Закировлэн эшез вал. Ильфат бырыны шедем бере, Ильяс Наильевич героез ватон но буре ваён ужрадъёсты радъяны юрттӥз. Аслэсьтыз службазэ йылпумъяса, йӧскалык гвардилэн войскоосысьтыз уволиться кариськиз. Но сыӵе пайдалыко муртъёс син азьысь ышыны кулэ ӧвӧл, соин мон шумпотӥсько Ильяс Наильевичез Удмурт Элькун Кивалтэтлэн тӧроезлы воштӥсе быръемлы»

.

2021-тӥ арын 3-тӥ шуркынмонысен Кун Кенешлэн 35-тӥ сессияз Удмурт Элкун Кивалтэтлэн тӧроезлы воштӥсе юнматэмын[3]. Аслаз интыужаз Ханнанов Удмурт Элькунысь граждан обороная но шуэрес учыръёсъя кун комитетлэсь но Мировой судьяослэсь ужзэс радъянъя управленилэсь ужъёссэс чакласа возе. Озьы ик быдэсъясь федерал тӧрлыклэн интыосысь ёзэтъёсыныз кусып возе но улосысь кӧня ке ӧриосты йыръя[4]:

  • Удмуртиын йыружъёсты алонъя межведомственной комиссиез;
  • «Кышкыттэм город» АПК системаосты азинтонэн герӟаськем ужпумъёсъя межведомственной ужась группаез;
  • ӝог юрттэт сётонъя службаосты, ӝог юрттэт сётонъя отрядъёсты но спасательёсты аттестовать каронъя комиссиез;
  • Удмуртиысь призывной комиссиез;
  • калык дружинаослэсь  [ӟуч] (удм. элькун штабзэс;
  • улосысь эвакуационной комиссиез.

⠀

Данъетъёсыз

  • «За заслуги перед Отечеством» орденлэн II степенё медалез;
  • «За отличие в службе» I, II, III степенё медальёс;
  • «За отвагу» кык медаль;
  • «За доблесть в службе» медаль;
  • «За укрепление боевого содружества» медаль;
  • «За отличие в охране общественного порядка» медаль;
  • гадь пусъёс: «За отличную службу в МВД» II степени, «За заслуги в области охраны окружающей среды»,"Лучший сотрудник спец. подразделений", «Лучший следователь», «За верность долгу»;
  • «МВД-ысь дано ужась» (2013, Россиысь МВД-лэн косэтэз);
  • «Удмурт Элькунысь катэз чаклась ёзэтъёсысь сӥё-дано ужась» (2015, Удмурт Элькунысь Кун Кенешлэн постановлениез);
  • Росси Федерациысь дано ним «Росси Федерациысь кунпуш ужъёсъя ёзэтъёсысь сӥё-дано ужась» (2015, РФ Президентлэн косэтэз)[5];
  • РФ МВД-лэн, РФ Обороная министерстволэн, РФ-ысь МЧС-лэн но Росгвардилэн данъетъёссы.

Валэктонъёс

  1. ↑ 1 2 Ханнанов Ильяс Наильевич [ӟуч] Официальный сайт Главы Удмуртской Республики и Правительства Удмуртской Республики. Эскеремын 02.07.2025 арын
  2. ↑ 1 2 Ханнанов Ильяс Наильевич [ӟуч] Российское информационное агентство Рустим (20.08.2019). Эскеремын 02.07.2025 арын
  3. ↑ Анастасия Захарова (26 октября 2021) Ильяс Ханнанов стал заместителем председателя правительства Удмуртии [ӟуч] IzhLife. Эскеремын 02.07.2025 арын
  4. ↑ Ильяса Ханнанова назначили заместителем председателя правительства Удмуртии [ӟуч] Деловой квадрат (26 октября 2021). Эскеремын 02.07.2025 арын
  5. ↑ Михаил Красильников. Полковник полиции Ильяс Ханнанов назначен начальником Управления Федеральной службы войск национальной гвардии Российской Федерации по Удмуртской Республике [ӟуч], День.org (10-10-2016). Эскеремын: 21 шуркынмонэ 2025 арын.
«https://udm.ruwiki.ru/w/index.php?title=Ханнанов,_Ильяс_Наильевич&oldid=506809»-ысь басьтэмын