Закиров, Ильфат Индулисович
| Ильфат Индулисович Закиров | |
|---|---|
 | |
| Вордӥськем дырыз | 9-тӥ тулыспалэ 1970 |
| Вордӥськем интыез | |
| Кулэм дырыз | 14-тӥ южтолэзе 2000 (30 лет) |
| Кулэм интыез | |
| Кунмуртлыкез |
 Россия |
| Званиез | старшой лейтенант |
| Командовать кариз | спецназысь «Кречет» штурмовой группаен |
| Ожмаськонъёс/ожъёс | Чечен ож |
| Данъетъёсыз |
  |
Ильфат Индулисович Закиров (9-тӥ тулыспалэ 1970, Иж — 14-тӥ южтолэзе 2000, Гой-Чу[d], Чечня) — росси ожгарчи, старшой лейтенант званиен спецназлэн «Кречет» штурмовой группаеныз кивалтӥз. Чечня Республикаын контртеррористической операцие пыриськем мурт. Росси Федерациысь Герой (2001, кулэмез бере).
Улон сюресэз
Вордскиз 1970-тӥ арын 9-тӥ тулыспалэ Ижын, дышетскиз 55 номеро школаын. Армие мынэмезлэсь азьло Нылпиослэн но егитъёслэн спортъя школаязы самбоя дышетӥсьын ужаз. 1988-тӥ арын Закировез армие басьтӥзы, 1990-тӥ арын запасэ потӥз, со бӧрсьы Ижысь 4 номеро Нылпиослэн но егитъёслэн спортъя школаязы тренер луыса тыршиз. Дзюдо удысын спортъя мастере кандидат вал[1].
Ожгар службаын
1991-тӥ арын Закиров Россиысь Кунпуш ужъёсъя министерствое ужаны интыяськиз, Удмуртиысь кыл кутытонэз быдэсъянъя управлениысь спецназлэн отрядаз снайпер луиз. 1995-тӥ арын ветлӥз нырысетӥ командировкаяз Уйпал Кавказэ. Закировез спецназлэн взводаз командире пуктӥзы.
1999-тӥ арын гудырикошконэ-куарусёнэ Дагестанын чечен боевикъёсын ожмаськиз. Куинетӥ командировкаяз старшой лейтенант Закиров 2000-тӥ арын толшоре кошкиз[1].
Быронэз
2000-тӥ арын 14-тӥ южтолэзе Чечняысь Урус-Мартан ёросысь Комсомольское черкогуртэз мозмытыкузы, Ильфат Закировлэн кивалтэмез улсын ужпумез быдэстӥсь отряд боевикъёслэн лек тыл улазы шедиз. Секыт ожмаськон дыръя солэн воштӥсез, младшой лейтенант Валерий Бахарев сӧсырмиз.
Закиров, аслэсьтыз улонзэ жалятэк, сӧсырмем эшсэ тыл улысь поттоно кариськиз, но ачиз но секыт сӧсырмиз. Котыртэме сюрыны но подразделениез бырыны быгатоз шуыса валаса, аслаз ожгарчиосызлы ышыг интые кошкыны луонлык сётоно кариськиз. Яраосыз шоры учкытэк, Закиров тушмон шоры ыбылӥськонзэ азинтӥз, перегруппировкалы но личной составезлы кошкыны приказ сётӥз[2].
Солэн дӥсьтэмезлы луыса, отряд быдэсак быронлэсь утиськиз. Ожмаськонын Ильфат Закиров но Валерий Бахарев быризы. Ватэмын Ижын[1].
Росси Федерацилэн азьмуртэзлэн 2001-тӥ арын 1-тӥ южтолэзе поттэм косэтэзъя Ильфат Индулисович Закиров старшой лейтенантлы Росси Федерациысь Герой ним сётэмын (кулэмез бере)[1].
Буре ваён
Ильфат Закировез буре ваён сям утиське Россиысь кыл кутытонэз быдэсъянъя системалэн ёзъёсаз. Нимысьтыз саклык висъяське «Кречет» нимысьтыз отрядын солэн подвигезлы, отын выль ужасьёслы подразделенилэн геройлыко историез но бырем эшъёссы сярысь верало.
- 2003-тӥ арын Ижысь выль ульчалы И. Закировлэсь нимзэ сётӥзы[3];
- Озьы ик солэсь нимзэ нуллэ дышетскем школаез — Ижысь 55 номеро школа[1];
- 2004-тӥ арысен, Ильфат Закировлы сӥзьыса, Ижын дзюдоя огъяросси турнир радъяське[1][4];
- 2024-тӥ арын Ильфат Закиров сярысь книга потӥз. Солы презентация радъяськиз 2024-тӥ арын 6-тӥ толсуре Ижын[5];
- 2026-тӥ арын 9-тӥ тулыспалэ, вордскем дырысеныз 56 ар тырмон нуналэ, Россиысь ФСИН-лэн «Кречет» ОСН-ыз ужасьёс геройлэн анаеныз Ляйсира Калимовнаен ӵош шайвылаз вуылӥзы, сяська керттэт понӥзы, буре вайизы[2].
Валэктонъёс
- ↑ 1 2 3 4 5 6 Закиров Ильфат Индулисович [ӟуч] Сайт «Герои страны». Эскеремын 2026-04-09 арын
- ↑ 1 2 Память погибшего Героя России Ильфата Закирова почтили в Ижевске [ӟуч] udmurt.media. Эскеремын 2026-04-09 арын
- ↑ В Ижевске появилась улица Героя России Ильфата Закирова Официальный сайт школы «Гармония» г. Ижевска. Эскеремын 2026-04-09 арын
- ↑ В Ижевске пройдет VII Всероссийский турнир по дзюдо памяти Ильфата Закирова [ӟуч] Татар-информ. Эскеремын 2026-04-09 арын
- ↑ Книга о герое Удмуртии! [ӟуч] МБОУ СОШ № 34. Эскеремын 2026-04-09 арын
Чӧлсконъёс
- Ильфат Индулисович Закиров [ӟуч] «Герои страны» сайт.
| Быдӟым Атыкай оже пыриськем муртъёс | |
|---|---|
| Уйпал Кавказысь боевой операциосы пыриськем муртъёс | |
| СВО-е пыриськем муртъёс | |
