Гаврилова-Решитько, Милитина Васильевна

Рувикиын таӵе фамилиен мукет муртъёс сярысь гожтосъёс вань. Учке: Гаврилов.

Милитина Васильевна Гаврилова-Решитько
Вордӥськем дырыз	5-тӥ куарусёнэ 1935({{padleft:1935|4|0}}-{{padleft:9|2|0}}-{{padleft:5|2|0}})
Вордӥськем интыез	Эшметгурт[d], Пыктыдур гурт поселение[d], Дэбес ёрос, Удмурт Автономной Советской Социалистической Республика, Киров улосвыл[d], РСФСР, СССР
Кулон дырыз	5-тӥ гудырикошконэ 2013({{padleft:2013|4|0}}-{{padleft:8|2|0}}-{{padleft:5|2|0}}) (77 лет)
Кулэмын	Иж, Россия
Кунмуртлыкез (подданство)	СССР  Россия
Ужудысэз	журналист, кылбурчи, публицист
Жанр	кылбуран, публицистика
Гожъяськон кылыз	удмурт кыл, ӟуч кыл
Премиосыз	Ашальчи Оки нимо йӧскалык премилэн лауреатэз (2002), М. Кастрен нимо финн лулчеберетъя обществолэн журналистикая премиезлэн лауреатэз (2002)
Данъетъёсыз

Милитина Васильевна Гаврилова-Решитько (5-тӥ куарусёнэ 1935, Эшметгурт^[d], Киров улосвыл^[d] — 5-тӥ гудырикошконэ 2013, Иж) — удмурт кылбурчи, публицист, журналист. Ашальчи Оки нимо йӧскалык премилэн лауреатэз (2002). М. Кастрен нимо финн лулчеберетъя обществолэн журналистикая премиезлэн лауреатэз (2002). Россиысь Журналистъёслэн огазеяськонысьтызы (1975) но Россиысь Гожъяськисьёслэн огазеяськонысьтызы (2006) ёзчиез. Удмурт Элькунысь лулчеберет удысысь дано ужась (1997), Удмурт Элькунысь дано журналист (2011). «Телевидениысь но радиоысь отличник» пусэн сӥлы каремын (1980). Милитина Гаврилова-Решитьколэн нимыз вань удмуртъёслэн «Удмурт Кенеш» ассоциацизылэн Данъян книгаяз пыртэмын (1999).

Улон сюресэз

Вордӥськиз 1935-тӥ арын 5-тӥ куарусёнэ Удмуртиысь Дэбес ёросысь Эшметгуртысь крестьян семьяын. Дэбесысь педагогикая училищеез йылпумъяса, Педагогикая удмурт кун институтын (али — Удмурт кун университет) дышетскиз, татысь 1959-тӥ арын историяя но литературая дышетӥсь луыса потӥз.

Студент вакытаз ик 1957-тӥ арын сое Удмурт радиое ӧтизы. Татын нырысь диктор но корреспондент луыса ужаз, отӥяз кызь ар ӵоже (1975—1994) литературая но драмая передачаосъя редакциын валтӥсь редактор, ёзэн кивалтӥсь вал.

2013-тӥ арын 5-тӥ гудырикошконэ кема висемез бере улонысь кошкиз.

Журналистика

Удмурт радиоын ужакуз, Милитина Гаврилова-Решитько улосысь удмурт интеллигенциысь, лулчеберет но наука удысысь тодмо муртъёс сярысь радиоочеркъёс дасялляз, соос пӧлын: суредась Александр Ложкин, актёръёс Иван Кудрявцев, Клавдия Гаврилова но Нина Бакишева, кырӟась Григорий Титов, этнографъёс Людмила Христолюбова но Галина Никитина но мукетъёсыз. Со сяна, солэн чакламез-эскеремез улсын удмурт литература сярысь передачаос, Удмуртиысь гожъяськисьёслэн произведениоссыя радиоспектакльёс, кылбуро радиоальманахъёс потылӥзы.

М. Гаврилова-Решитько — «Арня ӵукна» радиожурналэз кылдытӥсь но сое нуись, «Школалы юрттэт» рубрика улсын радиопередачаосты дасясь.

Творчествоез

Радиоын ужам сяна, Милитина Гаврилова-Решитько газет-журналъёсын уно печатласькиз: книгаослы но спектакльёслы рецензиос, удмурт лулчеберет удысын ужасьёс сярысь очеркъёс, улосысь лулчеберет удысысь пӧртэм учыръёс сярысь корреспонденциос, статьяос, зарисовкаос, кылбуръёс гожъяз. Михаил Лямин, Михаил Петров, Даниил Яшин, Флор Васильев но мукет гожъяськисьёс но кылбурчиос сярысь очеркъёсыз буре ваён книгаосы пыризы.

Гаврилова-Решитько — удмурт интеллигенциысь тодмо муртъёс сярысь очеркъёсын «Ӵыдонтэм пумиськонъёс» нимо книгалэн авторез (1995). Кылбуръёсыныз куинь бичет поттӥз: «Кесэго-кесэго малпанъёс» (1999), «Эшъяськонлэн шунытэз» (2005) но «Кузьым» (2010).

Милитина Гаврилова-Решитьколэн куд-ог кылбуръёсызлы Пантелей Кузнецов но Николай Постников крезьгурчиос гур гожтӥзы.

Библиография

Очеркъёсын книга

• М. В. Гаврилова-Решитько. Ӵыдонтэм пумиськонъёс. — Ижевск: Удмуртия, 1995. — 159 с. — 1200 экз. — ISBN 5-7659-0544-7.

Кылбур бичетъёс

• М. В. Гаврилова-Решитько. Кесэго-кесэго малпанъёс. — Ижевск: Удмуртия, 1999. — 62 с. — 1000 экз. — ISBN 5-7659-0012-7.
• М. В. Гаврилова-Решитько. Эшъяськонлэн шунытэз. — Ижевск: Удмуртия, 2005. — 223 с. — 500 экз. — ISBN 5-7659-0305-3.
• М. В. Гаврилова-Решитько. Кузьым. — Ижевск: Инвожо, 2010. — 60 с. — 1000 экз.

Валэктонъёс

Литература

• Христолюбова Л. С. Удмуртские женщины. XX век. — Ижевск: Удмуртский институт истории, языка и литературы УрО РАН, 2002. — С. 318—319. — 448 с. — 600 экз. — ISBN 5-7691-1149-6.
• Гаврилова-Решитько Милитина Васильевна // Удмуртская Республика : Энциклопедия / гл. ред. В. В. Туганаев. — 2-е изд., испр. и доп. — Ижевск : Издательство «Удмуртия», 2008. — С. 266. — 768 с. — 2200 экз. — ISBN 978-5-7659-0486-2.
• Гаврилова-Решитько Милитина Васильевна // Удмуртская Республика : Культура и искусство : Энциклопедия / гл. ред. А. Е. Загребин. — Ижевск : Удмуртский институт истории, языка и литературы УрО РАН, 2012. — С. 117. — 540 с. — 300 экз. — ISBN 978-5-901304-62-4.