Гаврилова, Клавдия Кузьминична
| Клавдия Кузьминична Гаврилова | |
|---|---|
| Вордӥськем нуналыз | 8-тӥ шуркынмонэ 1909 |
| Вордӥськем интыез | Сулвай-Какси, Малмыж утем, Ватка губерния |
| Кулон нуналыз | 15-тӥ оштолэзе 1985 (75 арес) |
| Кун | |
| Ужудысэз | актриса, кырӟась |
| Данъетъёсыз |
 |
Клавдия Кузьминична Гаврилова — удмурт актриса, Сулвай-Какси гуртын.
Сценаез яртон мылкыдыз пуромиз, школаысь драмкружоке ветлыкуз. 1928-тӥ арын семьяеныз улыны выжизы Ижкаре. Татын Клавдия Кузьминична ужаз нылпи утись луыса. Бӧрысь выжиз Машиностроительной заводэ.
Уж висказ пыриськылӥз Удмурт клубе. 1929-тӥ-1930-тӥ аръёсы дышетскыны пыриз Ижысь театр искусствоосъя курсъёсы. Нош 1931-тӥ арын заводысь кошкиз, интыяськиз Удмурт драмтеатре.
Гавриловалэсь туссэ, выросъёссэ эскероно ке, солы туж тупаллязы серемес геройёс. Соослэсь образъёссэс актриса уката но мур возьматыны быгатылӥз. Кылсярысь, со шудӥз Куашкамез («Вало ӧр куашетэ»), Сьӧд Сандӥез («Кезьыт ошмес»), Апьяез («Камит Усманов»), Оринаез («Сюан»), Семипудихаез («Дуно салам»), Попадьяез («Вуж Мултан») но мукет.
Пусъёно: Гаврилова спектакльёсын гинэ ӧз шудылы. Сцена вылын мыло-кыдо быдэсъялляз удмурт кырӟанъёсты. Театр удысын лулысь-сюлмысь ужамез пусъемын «Знак почёта» орденэн (1958).