Огородников, Николай Иванович

Рувикиын таӵе фамилиен мукет муртъёс сярысь гожтосъёс вань. Учке: Огородников.

Николай Иванович Огородников
Вордӥськем дырыз	11-тӥ коньывуонэ 1919(1919-10-11)
Вордӥськем интыез	Огородники гурт, Красногорье ёрос, Удмуртия
Кулэм дырыз	2-тӥ тулыспалэ 1994(1994-02-02) (74 арес)
Кулэм интыез	Сквира кар, Киев улос
Кунмуртлыкез	СССР СССР
Кыӵе войскоез	пехота, кунпуш войскоос
Служить карон аръёсыз	1939—1960
Званиез
Ожмаськонъёс/ожъёс	Быдӟым Атыкай ож
Данъетъёсыз
Медиафайлъёс РувикиМедиа пушкын

Николай Иванович Огородников (1919-тӥ арын 11-тӥ коньывуонэ Удмуртиын Красногорье ёросысь Огородники гуртын —1994-тӥ арын 2-тӥ тулыспалэ Сквира карын) — кунпуш войскоосысь майор, Быдӟым Атыкай оже пыриськем мурт, Совето Союзлэн Героез (1943).

Улон сюресэз

Вордӥськиз 1919-тӥ арын 11-тӥ коньывуонэ Удмуртиын Красногорье ёросысь Огородники гуртын. Пичи дырысеныз Кемерово улосэ улыны выжиз, ужаз колхозын, пудо вордонъя курсъёсты ортчиз. 1939-тӥ арын Горд Армие басьтӥзы. 1941-тӥ арын гудырикошкон толэзьысен — Быдӟым Атыкай оже пыриськиз. 1943-тӥ арын тулыспалэ Ярославльысь пулемётно-миномётной училищеез йылпумъяз.

1943-тӥ арын куарусён толэзёзь старшой лейтенант Николай Огородников Шор фронтысь 13-тӥ армилэн 8-тӥ стрелковой дивизилэн 151-тӥ стрелковой полклэн миномётной ротаеныз командавать кариз ини. Сэзь луэменыз Днепр понна ожмаськонын висъяськиз. 1943-тӥ арын 24-тӥ куарусёнэ Огородников группаеныз ӵош Навозы черкогурт котырын (али— Украинаысь Чернигов улосысь Чернигов ёросысь Днепровское черкогурт) Днепр шурез выжиз но плацдармез киултон но возён понна ассэ жалятэк ожмаськиз.

СССР-ысь Вылӥ Кенешлэн Президиумезлэн 1943-тӥ арын 16-тӥ коньывуонэ гожтэм Косэтэзъя «Днепрез ожмаськонъёсын выжыку, сэзь но геройлыко луэмез понна» старшой лейтенант Николай Огородников Совето Союзлэн Героез дано нимын пусъемын но Ленин орденэн но «Зарни Кизили» медален данъетамын (2050-тӥ номер).

1944-тӥ арын 4-тӥ гудырикошконэ Огородников секыт сӧсырмыны шедиз. Тылож йылпумъяськем бере кунпуш войскоосын службазэ азинтӥз. 1960-тӥ арын майор званиен отставкае потӥз. Улӥз но ужаз Промышленная, Ленгер, Сквира каръёсын. Улонысь кошкиз1994-тӥ арын 2-тӥ тулыспалэ.

Озьы ик данъетамын Горд Кизили но Атыкай ожлэн 1-тӥ но 2-тӥ степенё орденъёсыныз но мукет медальёсын.

Буре ваён

Красногорье ёросысь депутатъёслэн 2008-тӥ арын 26-тӥ толсуре кутэм 5-тӥ номеро решенизыя Николай Иванович Огородниковлэн вордӥськем гуртаз одӥг гинэ ульча Геройлэн нимыныз нимамын.

Николай Огородниковлэн нимыз Ижысь Ялан ӝуась тыл дорысь стелаын гожтэмын.

Быдӟым Атыкай Ожын Быдӟым Вормонлы 75 ар тырмонэн но Николай Иванович Огородниковлы 100 ар тырмонэн валче, «Красногорской гимназилы» Совето Союзлэн Героезлэн нимыз сётэмын. 2021-тӥ арын 7-тӥ куартолэзе гимназилэн юртаз буре ваён пул юнматэмын.

Валэктонъёс

Литература

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
• Герои Отечества. Москва, 2004.
• Герои Советского Союза — кузбассовцы. — Кемерово, 2006.
• ГСС, ГРФ, ПКОС — наши земляки. — Ижевск, 1995.
• Земля Героев. Кемерово, 1978.
• Новосибирцы — Герои Отечества. — Новосибирск, 2010.