Кудрин гурт

Гурт
Кудрин
57°00′37″ с. ш. 53°34′28″ в. д.
Кун	Россия Россия
Федерацилэн асмосэз	Удмурт Элькун
Муниципал ёрос	Вотка
Шор интыезлэн ӝуждалаез	148 м
Улӥсез
Улӥсез	↘446 мурт (2012)
Цифровой идентификаторъёс
Почта индекс	427421
Код ОКАТО	94208850003
Код ОКТМО	94508000411
Кудрин Москва

Кудрин (ӟуч: Кудрино) — Удмурт Элькунысь Вотка ёросысь гурт. "Светлянский" территориальной отделлэн пушпӧлаз пыре.

Интыяськемез

Гурт элькунлэн шундыӝужан палаз интыяськемын, лымшор тайгалэн подзонаяз, Июль шур дурын, 94Н-101 автомобиль трасса вылын. Вотка карлэсь 21 иськемлы шундыпуксён но лымшор пала. Шор интыезлэн ӝуждалаез — 148 метр.

Куазь

Куазь шоро-куспо континентальной. Толалтэ кема кыстӥське но трос лымыё луэ, лымы шобрет шорлыдын 172 нунал ӵоже возиське. Тужгес кезьытэз толэзь - толшор, шоро-куспо температураез −15 °C градус кезьыт, тужгес кезьытэз −43 °C градус пусъемын. Гужем вакчи но шуныт. Тужгес пӧсь куазь пӧсьтолэзе чаклаське, соку шоро-куспо температура — 17,5 °C градус котырын возиське, тужгес пӧсез нунал — 34,3 °C градус пусъемын. Омырлэн арскын шоро-куспо температураез — 1,4 °С градус. Вегетационной вакыт 160 нунал кыстӥське. Ар ӵоже шорлыдын 527 мм зор-кот усе, со пӧлысь 376 мм-ез оштолэзьысен коньывуон толэзьлы вадьсаське.

Часовой пояс

Кудрин гурт, быдэс Удмурт Элькун сямен ик, МСК+1 часовой зонаын интыяськемын. UTC-ъя кутӥськись дырлэн висъяськемез +4:00 луэ.

Улӥсез

Улӥсь калыклэн лыдыз

2002	2010	2012	2020
424	↗460	↘446	↘346

100

200

300

400

500

2002

2010

2012

2020

2020-2025-тӥ аръёсы басьтэм тодэтъёсъя, Кудрин гуртын 440 мурт лыдъяське вал, 19 аресысен 30 аресозь — 53 мурт, 31-ысен 60 аресозь — 189 мурт, 60-лэсь пересьёс — 96 мурт но туж кема улӥсьёс пӧлысь 6 мурт пусъемын.

Гуртын 6 ульча: Колхозной, Молодёжной, Октябрьской, Полевой, Юбилейной но Гагарин нимо ульча. 2002-тӥ арын ортчытэм лыдъян-чотанъя 424 улӥсез пӧлысь 88%-эз ӟучъёс вал.

Историез

Гурт сярысь нырысь веранъёс XVIII дауре пусъемын, со вакытэ татчы нырысьсэ ӟучъёс улыны вуизы. Сьӧразы асьсэлэсь сям-йылолъёссэс вайизы, берло татысьёсыныз сураськыса, аспӧртэмлыко культура кылдӥз. Туала вакытэ гуртысь со киужъёёсын утиське: бадьлэсь пуныса лэсьтэм арбериос, горд сюйлэсь посуда лэсьтон но пужыятскон.

Нимыз

Куд-ог веранъёсъя Кудрин ним-ин- суффиксэз кутыса кылдэмын. Со суффикс вашкала дырысен гурт ним пӧрмытонын кутӥське. Удмуртиысь куд-ог нимъёс но сыӵе амалэн кылдэмын, кылсярысь: Оркино, Шубино, Касихино но мукет. Сыӵеос трос уг пумисько. Мукет малпанъя, Кудрин гурт «Кудрин» нимо ӟуч фамили бордысь потэмын. Озьыен, та гуртын нырысетӥ улӥсьлэн фамилиез ӵапак Кудрин вылэм шуыса малпан кылдэ.

Туризм

Гуртын «Варяг Дружина» военно-исторической отель-клуб интыяськемын . Сое кылдытӥсь кузпалъёс Николай но Ольга Сергеевъёс, Ижысь Кудриное улыны выжизы но этнотуризм удысын проект кылдытон борды басьтӥськизы. «Варяг дружина» — вашкала ӟуч шӧмын кылдытэм паськыт кутӥськись комплекс. Отын ваньмыз сямен пулэсь лэсьтэмын: крепостьлэн борддорез, кык улоно коркаос, ӟуч ладья выллем беседка, мунчо, бассейн, вашкала ожтӥрлыкен ыбылӥськон но лэзьяськон тир. Со дыре ик юртъёс пушкын вань каньыллыкъёсын туала инфраструктура кылдытэмын. Та клублэн азбараз Михаил Задорновлэн «Вещий Олег. Обретённая быль» фильмез пуктэмын.

2015-тӥ арысен татын гудырикошкон толэзьлэн нырысетӥ шутэтскон нуналъёсаз историяя но лулчеберетъя «Русь дружинная» огъяросси фестиваль ортче. Со шор дауръёсысь ӟуч кунлэн историезлы сӥзем фестиваль, Удмуртиын арлы быдэ радъяськылэ . Со военной реконструкциез, улэп крезьгурез, сям-йылолъёсты, киужъёсын устолыкъёсты огазея. Ужрад одӥг нуналлэсь кема кыстӥське, соин ик куноос но пыриськисьёс гурт котыре палаткаосын кар кылдыто. Ужрадэ арлы быдэ Уралысь, Приволжьеысь но Россилэн мукет улосъёсысьтыз 3 сюрс пала пыриськисьёс вуыло.

Валэктонъёс