Русь Дружинная (фестиваль)
| Русь Дружинная | |
|---|---|
 | |
| Жанрез | фестиваль[d] |
| Тематикаез | XII- XIV дауръёслы исторической реконструкция |
| Кылдытӥсьёсыз | Николай но Ольга Сергеевъёс ("Варяг дружина" турист комплекс) |
| Ортчытон дырыз | арлы быдэ гудырикошкон толэзьлэн кутсконаз |
| Кутсконэз | 2014 |
| Ортчытон интыез | |
| 57°00′37″ с. ш. 53°34′28″ в. д.GЯO | |
| Ортчытон интыез | |
| Кар | Кудрин гурт |
| Кун |
 Россия |
 |
|
«Русь Дружинная» фестиваль — быдэс Россиысь историен тунсыкъяськисьёсты огазеясь исторической реконструкцилы сӥзем фестиваль. Ортчытӥське арлы быдэ "Варяг дружина" турист комплекслэн интывылаз, Удмуртиысь Вотка ёросын Кудрин гурт котырысь Июль шур дурын. Кылдытэмын 2014-тӥ арын.
Кылдэмез
Нырысьсэ фестиваль ортчиз 2014-тӥ арын, "Варяг дружина" турист комплекс усьтӥськем бере, нырысетӥ араз. Со дырысен арлы быдэ ортчылэ. 2024-тӥ арын 10-тӥез юбилейной фестиваль ортчиз[1]. Отчы быдэс Россиысь вить сюрслэсь ятыр калык вуылӥз. Россиысь историен вырись трос пумо клубъёс пыриськизы. Ужрадэз радъян но ортчытон бордын тыршо турист комплекслэн кузёосыз кузпалъёс Николай но Ольга Сергеевъёс[2].
«Русь дружинная» ― Удмуртиын ортчись ТОП-10 валтӥсь ужрадъёс пӧлысь одӥгез но исторической реконструкциослы сӥзем кык фестиваль пӧлысь одӥгез. Сарапул ёросын ортчись «Юринской убоище» фестиваль Граждан ож вакытысь кыӵе ке но нимаз ожмаськонлы сӥземын луэ ке, таяз ужрадын паськыт дыр вадес басьтӥське: Шор даурысь 12-17-тӥ дауръёс[3].
Программаез
Фестиваль кык нунал кыстӥське. 2025-тӥ арын сое 1―3-тӥ гудырикошконэ ортчытыны чакламын. Ужрадлэн валтӥсь ужпумез ― ӟуч калыклэсь Шор дауръёсы улэм-вылэмзэ, ожгар историзэ но культуразэ возьматон, историын куке но вылэм ожмаськонэз шудон пыр улӟытон. Татысь адӟыны луэ, кызьы зэмзэ но ожмаськизы алебардистъёс но сулечникъёс. Озьы ик фехтовальщикъёслэсь поединокъёссэс. Ыбылӥськыку, зэмлыкогес карон понна, ӵын поттӥсь шашкаос кутӥсько[4]. Ужрадын кутӥськись ожтӥрлык но доспехъёс — ваньмыз зэмос арбериослы укшатэмын: вылтуссыя, секталазыя но быдӟалазыя. Татчы лыктэмъёс XII яке XIV даурысь арберилэсь секталазэ ас вылазы эскерыны, сое киязы кутыса бергатыны быгато[4].
Фестиваль ортчон нуналъёсы гурт бусы быдэсак вашкала карлы укшатэмын луэ: отын ик вашкала дауръёслы тупась сиськонниос-харчевняос, усточиослэн лэсьтӥськон но вузкарон лавкаоссы. Отын но татын зэмос тылскемъёс ӵындо-ӝуало, вашкала шудонъёс-хороводъёс ортчо. Тросэз ужрадэ лыктэмъёс асьсэлы нимысьтыз вашкала вакытлы тупась дӥськут вуро, соин фестиваль эшшо зэмлыкогес адӟиське. Тужгес трос калык люкаське исторической ожмаськонлы сӥзем турнирлы дасям интые ― ристалищее (со трибунаосын котыртэм ӵошкыт инты, кытын шудон пыр ортчо жугиськон-ожмаськонъёс, поединокъёс) но фолк-группаослэн выступлениоссылы чаклам бадӟым сцена котыре[1]. Татын folk-rock, medieval-groov но Modern Folk-крезьгур чузъяське. Исторической реконструкцилэн аспӧртэмлыко крезьгурен пӧлэстӥськемез фестивалез яркыт но аспӧртэм каре.
Мылкыд карисьёс Июль шур кузя зэмос драккарен уяны быгато (озьы вашкала Русьын ладьяосты нималлязы)[1]. Вашкала устолыкен тодматскон вылысь пӧртэм мастер-классъёс радъясько: тугоко керттонъя, зэмос кебитын дуриськонъя, вашкала даурысь ӝӧквыл шудонъёсъя но мукет тунсыко сэрегъёс.
Валэктонъёс
- ↑ 1 2 3 ИzhLife. Елизавета Четверикова. Война и мир Средневековья: Х юбилейный реконструкторский фестиваль «Русь Дружинная» прошел в Удмуртии
- ↑ Деловой Квадрат. Егор Сальнов. «Русь дружинная». Кусочек Средневековья в удмуртской деревне
- ↑ Путешествйй по Удмуртии. Русь дружинная
- ↑ 1 2 Алёна Селезнёва. Отпуск в Средневековье: доспехи, штурм крепости и лепешки из печи, Российская газета (31 южтолэзе 2024). Эскеремын: 28 шуркынмонэ 2024 арын.