Бадӟым Кивар

Бадӟым Кивар
	Гурт
Бадӟым Кивар
	57°11′02″ с. ш. 54°11′16″ в. д.GЯO
Кун	Россия;
Историез но географиез
Часовой поясэз	UTC+4:00
Улӥсез
Улӥсез	▼733 мурт (2025);
Цифровой идентификаторъёс
Почта индекс	427425
	Бадӟым Кивар

Бадӟым Кивар (ӟуч: Большая Кивара) — Вотка ёросысь гурт. Бадӟым Кивар гурт поселенилэн кивалтон центрез луэ.

Интыяськемез

Интыяськемын Кивар шур улланьын, нюлэсо интыын, элькунлэн шундыӝужан палаз, Вотка карлэсь 17 иськемын, Ижкарлэсь 67 иськемын.

Улӥсез

Улӥсь калыклэн лыдыз
2010	2010^[1]	2025
822	→822	↘733

100

200

300

400

500

600

700

800

900

2010

2025

2025-тӥ арын 1-тӥ шуркынмонэ басьтэм тодэтъёсъя, Бадӟым Кивар гуртын 733 мурт улӥз, соос пӧлысь: воргоронъёс — 317 мурт, нылкышноос — 416 мурт, быдэ вуымтэос — 57 мурт, шоро-куспо арлыдоос — 425 мурт, пересьёс — 251 мурт^[2].

Историез

Бадӟым Кивар гуртлэн азьвыл нимыз Русанов починка шуыса пусъемын, калык пӧлын Соломенники шуыса вӧлмемын вал. Улӥсьёсыз — ӟучъёс, азьвыл кун крестьянъёс, гурт удысын ужасьёс старообрядецъёс но православнойёс. Ватка губернилэн статистикаезъя материалъёсысь 1884—1893-тӥ аръёсы ортчытэм подворной описьын гуртлэн кылдэмез пумысь тазьы гожтэмын^[3]:

Основана послѣ 1772 года переселенцами изъ дер. Соломенниковъ Свѣтлянской волости (б. государственные) и изъ городища подъ Воткинскимъ заводомъ. Мѣстность эта прежде представляла заимки крестьянъ д. Черепановской. Подъ усадьбой занято «чучкое» городище и таковое же имѣется въ 2 ½ вер. отъ деревни, на такъ называемомъ «Лазаревомъ полѣ», гдѣ будто-бы постоянно «горитъ свѣча». Одинъ крестьянинъ нашелъ «чучкой» ральникъ, а другой мѣдную вещь, имѣющую подобіе сабли, которую онъ продалъ мѣднику. Старинныхъ вещей въ деревнѣ было много, но всѣ онѣ во время пожара сгорѣли. Земля раздѣлена по ревизскимъ душамъ. У пятнадцати домохозяевъ имѣется 8,75 десятинъ пашни и 2 дес. сѣнокоса —такъ называемой «заимочной земли». При селеніи имѣются 2 общественныхъ водяныхъ мукомольныхъ мельницы.

Быдӟым Атыкай ож аръёсы гуртысь 109 мурт фронтэ кошкиз, соос пӧлысь 59-эз ож лудын бырыны шедиз. Гуртэ кылем нылкышноос, пиналъёс но пересьёс уй но нунал кык сменаен ужаллязы, вань ужез киын лэсьтоно луылӥзы, малы ке шуоно, гуртысь вань тракторъёс но машинаос фронтэ келямын вал. Нылыкышноос фронтлы пу дасяллязы, быдэ вуымтэ егитъёс — сюрес лэсьтонэ кыскемын вал. «Красный маяк» колхозын ужасьёс ас уксёзэс Кунэз утёнъя фондэ ыстылӥзы, со сярысь архивъёсын документъёс но И. В. Сталинлэн таукарон телеграммаосыз кылемын, кылсярысь 66-тӥ номеро телеграммаын Вотка ёросысь «Красный маяк» колхозын ужасьёс «Колхозник Удмуртии» нимо танковой колонна кылдытон понна 71 тыс.500 манет ыстӥзы шуыса пусъемын^[4].

Чеберлыко интыос

Ксения Петербургская нимо черк

2010-тӥ арын 3-тӥ коньывуонэ Бадӟым Кивар гуртын черк пуктон инты вӧсямын вал. 2013-тӥ арын сӥзьыл черклы фундамент кисьтэмын. 2014-тӥ арын 6-тӥ инвожое Вотка округысь благочинной протоиерей Валерий Белокрылов но черклэн настоятелез протоиерей Дмитрий Женихов пуктӥськись черкысь алтаре из понӥзы. 2018-тӥ арын 10-тӥ южтолэзе митрополит Ижевский но Удмуртский Викторин черкез вӧсян йылол ортчытӥз^[5].

Мемориал комплекс

Гуртын татысь улосчиослы, Совето Союзлэн Геройёсызлы сӥзем мемориал комплекс ӝутэмын. Тодмо муртъёс пӧлын: И. Ф. Степанов, М. Г. Селезнёв (солэн нимыз Бадӟым Кивар школалы сётэмын), Н. З. Ульяненко (1969-тӥ арысен со школалэн директорез вал) Социалистической Ужысь Герой А. Ф. Лебедева^[6].

Лулчеберетлы сӥзем центр

1967-тӥ арын гуртын Культура юрт усьтэмын. 2017—2019-тӥ аръёсы сое выльдон-тупатъян ужъёс ортчытэмын, выльдэм юртэик библиотека но интыямын вал. Лулчеберетлы сӥзем центрын ар куспын 2 сюрслэсь трос пӧртэм ужрадъёс ортчыло^[7].

Бадӟым Кивар гурт дорын арлы быдэ гужем «РОК НЫРОК» крезьгуро фестиваль радъяськылэ^[8].

Валэктонъёс

↑ http://std.gmcrosstata.ru/webapi/opendatabase?id=VPN2002_2010L
↑ Жизнь в деревне Большая Кивара Воткинского района Удмуртской Республики [ӟуч], bdex. Эскеремын: 7 шуркынмонэ 2025 арын.
↑ Большая Кивара.Материалы по статистике Вятской губернии. Подворная опись 1884-1893 гг. [ӟуч], Родная Вятка. Эскеремын: 7 шуркынмонэ 2025 арын.
↑ Большекиварское [ӟуч], Мыгордимся.рф. Эскеремын: 7 шуркынмонэ 2025 арын.
↑ Большая Кивара. Церковь Ксении Петербургской. [ӟуч], Соборы. ру. Эскеремын: 7 шуркынмонэ 2025 арын.
↑ Мемориальному комплексу «Кивара - Родина героев» в Воткинском районе исполнилось 5 лет [ӟуч], МО «Воткинский район». Эскеремын: 7 шуркынмонэ 2025 арын.
↑ Большекиварский сельский культурный центр [ӟуч], Культура.рф. Эскеремын: 7 шуркынмонэ 2025 арын.
↑ РОК НЫРОК [ӟуч], ВКонтакте. Эскеремын: 7 шуркынмонэ 2025 арын.

[1] http://std.gmcrosstata.ru/webapi/opendatabase?id=VPN2002_2010L

[2] Жизнь в деревне Большая Кивара Воткинского района Удмуртской Республики [ӟуч], bdex. Эскеремын: 7 шуркынмонэ 2025 арын.

[3] Большая Кивара.Материалы по статистике Вятской губернии. Подворная опись 1884-1893 гг. [ӟуч], Родная Вятка. Эскеремын: 7 шуркынмонэ 2025 арын.

[4] Большекиварское [ӟуч], Мыгордимся.рф. Эскеремын: 7 шуркынмонэ 2025 арын.

[5] Большая Кивара. Церковь Ксении Петербургской. [ӟуч], Соборы. ру. Эскеремын: 7 шуркынмонэ 2025 арын.

[6] Мемориальному комплексу «Кивара - Родина героев» в Воткинском районе исполнилось 5 лет [ӟуч], МО «Воткинский район». Эскеремын: 7 шуркынмонэ 2025 арын.

[7] Большекиварский сельский культурный центр [ӟуч], Культура.рф. Эскеремын: 7 шуркынмонэ 2025 арын.

[8] РОК НЫРОК [ӟуч], ВКонтакте. Эскеремын: 7 шуркынмонэ 2025 арын.

[1]

[2]

[3]

[4]

[5]

[6]

[7]

[8]