Селезнёв, Михаил Григорьевич

Михаил Григорьевич Селезнёв
Михаил Григорьевич Селезнёв
Вордӥськем дырыз	11-тӥ коньывуонэ 1915
Вордӥськем интыез	Малая Кивара гурт, Вотка ёрос, Удмуртия
Кулэм дырыз	30-тӥ инвожое 1944 (28 арес)
Кулэм интыез	Бобруйск ёрос, Могилёв улос
Кунмуртлыкез	СССР
Кыӵе войскоез	пехота
Служить карон аръёсыз	1937–1939 и 1941—1944
Званиез
Ожмаськонъёс/ожъёс	Быдӟым Атыкай ож
	Медиафайлъёс РувикиМедиа пушкын

Михаил Григорьевич Селезнёв (вордӥськиз 1915-тӥ арын 11-тӥ коньывуонэ Удмуртиын Вотка ёросысь Малая Кивара гуртын —1944-тӥ арын Бобруйск ёросын) — Рабоче-крестьянской Горд Армиысь сержант, Быдӟым Атыкай оже пыриськем мурт, Совето Союзлэн Героез (1945).

Улон сюресэз

Михаил Селезнёв вордӥськиз 1915-тӥ арын 11-тӥ коньывуонэ Сарапул уездын Кельчино волостьысь Малая Кивара гуртын^[1] (али Удмуртиысь Вотка ёрос) ӟуч крестьян семьяын. 1929-тӥ арын, коллективизация ортчон вакытэ, Селезнёвъёслэсь семьязэс кулаке поттыса, Сибире келязы. Новосибирскысь школаез йылпумъямез бере, «Боевик» артельын ужаз. 1937-тӥ—1939-тӥ аръёсы Горд Армиын служить кариз^[2]. 1941-тӥ арын оштолэзе выльысь армие басьтӥзы, келязы Белорус ССР-е. Ожмаськонъёсын ньыль пол сӧсырмыны шедьылӥз^[3].

1944-тӥ арын инвожо толэзёзь сержант Селезнёв 1-тӥ Белорус фронтысь 48-тӥ армилэн 399-тӥ стрелковой дивизилэн 1348-тӥ стрелковой полклэн отделениеныз командовать кариз. Шор, Шундыпуксён но 1-тӥ Белорус фронтъёсын ожмаськиз. Сталинград понна но Курской дугаысь ожъёсы пыриськиз. Белорус ССР-ысь Могилёв улосэз мозмытыку, геройлыко луэменыз висъяськиз. 1944-тӥ арын 30-тӥ инвожое Селезнёвлэн отделениез Бобруйск ёросысь Сычково гуртэз мозмытонэ пыриськиз. Ожлэн тужгес лек вадесаз Селезнёв аслаз мугорыныз тушмон дзотлэсь амбразуразэ пытсаса, быдэс подразделениез утиз. Ватэмын Сычково гуртысь Вынлыко шайгуын^[3].

Сычково гуртысь вынлыко шайгу. Татын ватэмын М. Селезнёв

СССР-ысь Вылӥ Кенешлэн Президиумезлэн 1945-тӥ арын 24-тӥ южтолэзе гожтэм Косэтэзъя, «фронтын командованилэсь боевой заданиоссэ ӟеч быдэсъямез но немец захватчикъёсын геройлыко ожмаськемез понна» сержант Михаил Селезнёв кулэмез бере Совето Союзлэн Героез дано нимын пусъемын. Ленин орденэн но Горд Кизили медален данъетамын^[3].

Буре ваён

Селезнёвлэн подвиг лэсьтэм интыяз дзот выллем памятник пуктэмын.
Геройлэн нимыз Ижкарын Ялан ӝуась тыл доры Совето Союзлэн Геройёсызлы сӥзем Мемориал стелаын но Сычково гуртын Геройёслэн Аллеяысьтызы Мемориал стелаын гожтэмын.
Сычково гуртын Слава нимо Курганын барельеф пуктэмын.
Новосибирскын Геройлэн нимыныз одӥгез ульча нимамын, отын ик аннотировать карем пул юнматэмын.
Сычково гуртысь ульчалы, школалы но парклы Геройлэн нимыз сётэмын^[3].
Шайгу вылаз синпелет ӝутэмын.

Валэктонъёс

↑ Фронтовики Удмуртии. Селезнев Михаил Григорьевич
↑ Ими гордится удмуртская земля Архивная копия от 4 южтолэзе 2016 на Wayback Machine.
↑ ¹ ² ³ ⁴ Михаил Григорьевич Селезнёв [ӟуч] «Герои страны» сайт.

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
ГСС, ГРФ, ПКОС — наши земляки. — Ижевск, 1995.
Звёзды доблести ратной: О Героях Советского Союза — новосибирцах / сост. Е.Д. Головин, Л.М. Живоглядова. — 2. — Новосибирск: Новосибирское книжное издательство, 1986. — 432 с.
Новосибирцы — Герои Отечества. — Новосибирск, 2010.
Цыплаков И. Ф. Имя на карте города. Новосибирск, 2001.

[1] Фронтовики Удмуртии. Селезнев Михаил Григорьевич

[2] Ими гордится удмуртская земля Архивная копия от 4 южтолэзе 2016 на Wayback Machine.

[wh-3] ¹ ² ³ ⁴ Михаил Григорьевич Селезнёв [ӟуч] «Герои страны» сайт.

[1]

[2]

[3]