Романово (Удмуртия)

Гурт
Романово
57°01′54″ с. ш. 53°41′47″ в. д.
Кун	Россия Россия
Федерацилэн асмосэз	Удмурт элькун
Муниципал ёрос	Вотка
Историез но географиез
Шор интыезлэн ӝуждалаез	134 м
Улӥсез
Улӥсез	54 мурт (2025)
Цифровой идентификаторъёс
Почта индекс	427406
Код ОКАТО	94208805006
Код ОКТМО	94508000131
Романово Москва

Романово — Вотка ёросысь гурт. Болгуры гурт поселение пыре.

Интыяськемез

Интыяськемын элькунлэн шундыӝужан палаз, лымшор тайга подзонаын, Малая Вотка шурлэн паллянпал ярдураз. Вотка карлэсь 15 иськемлы палэнын (шонер сюрес кузя). Тужгес ӝужыт интыез — 134 метр зарезь вадьсын.

Куазь

Куазь шоро-куспо континентальной, толалтэ кема кыстӥське, кезьыт но трос лымыё луэ. Гужем вакчи но шуныт. Ар куспын шорлыко температура — 1,4 °С. Пӧсьтолэзе, арлэн тужгес шуныт толэзяз, омырлэн температураез +17,5 °-озь ӝутӥське (абсолютной максимум — 34,3 °C); тужгес кезьыт толэзе — толшоре темпратура −15 °-озь лэзиське (абсолютной минимум — −43 °C). Будон-пушъён вакыт 160 нунал кыстӥське. Ар ӵоже 527 мм зор-кот усе. Лымы 172 нунал ӵоже шунатэк кылле.

Часовой пояс

Романово гурт, быдэс Удмурт Элькун сямен ик, МСК+1 часовой зонаын интыяськемын. UTC-ъя кутӥськись дырлэн висъяськемез +4:00 луэ.

Историез

Ватка губернилэн статистикаезъя материалъёсысь басьтэм 1884—1893-тӥ аръёсы ортчытэм Подворной описьын Сарапул уездысь Светлянской волосте пырись Романовский нимо починка Кварса шур дурын интыяськемын шуыса гожтэмын. Отын улӥсьёсыз — ӟуч крестьянъёс, осконзыя православнойёс но старообрядецъёс. Нырысь улӥсьёсыз татчы 1854-тӥ арын Пермь губерниысь Оханской уездысь Неумоевской волосте пырись Фертиково, Метляково но Соломенниково гуртъёсысь вуиллям.

Улӥсез

1891-тӥ арын ортчытэм лыдъян-чотанъя починкаын 29 юртъерез но 198 улӥсез вал.

1928-тӥ арын Урал улосысь улон интыосъя лыдметын починка «Деревня Романова» шуыса пусъемын, отын 321 мурт улӥсез вылэм, ваньзы ӟучъёс.

1959-тӥ арын огъя союзной переписья, Романово гуртын улӥсез 173 мурт вал.

Улӥсь калыклэн лыдыз

2002	2010	2012	2020
60	→60	→60	↘29

10

20

30

40

50

60

70

2002

2010

2012

2020

2002-тӥ арын ортчытэм лыдъян-чотанъя, гуртын улӥсь 60 мурт пӧлысь 63%-эз ӟучъёс но 31%-эз удмуртъёс вал.

2025-тӥ арын 1-тӥ коньывуонэ гуртын 54 улӥсез, соос пӧлын 23 воргорон, 31 нылкышно, 4 мурт быдэ вуымтэс но 18 мурт арлыдоос.

Гуртын одӥг гинэ урамез вань — Шор урам.

Валэктонъёс