Устинов ёрос (Иж)

Википедиысь материал
Карысь ёрос
Устинов ёрос
ӟуч: Устиновский район Ижевска
Aerial photographs of Izhevsk-150.jpg
56°52′35″ с. ш. 53°19′28″ в. д.GЯO
Кун РоссияFlag of Russia.svg Россия
Пыре ИжкарFlag of Izhevsk (Udmurtia).svg Ижкар
Администрацилэн йырыз Ленцова Елена Николаевна
Историез но географиез
Кылдытэмын 13-тӥ инвожое 1987
Быдӟалаез
  • 24,3
Ӝуждалаез
 • Тужгес вылӥ 187 м
 • Шор 162 м
 • Тужгес улӥ 137 м
Часовой пояс MSK+1 (UTC+4)
Улӥсез
Улӥсез

↘136 891[1] мурт (2021)

  • (карысь ёросъёс пӧлын 1-тӥ интыын)
Йӧскалыкъёс ӟучъёс, удмуртъёс но мукетъёсыз
Официальной луись кылъёс удмурт, ӟуч
Лыдпусо идентификаторъёс
Автом. номеръёслэн кодъёссы 18
Сайтэз
Устинов ёрос на карте
Логотип РУВИКИ.Медиа Медиафайлъёс РувикиМедиа пушкын

Устинов ёрос (ӟуч: Устиновский район (Ижевск)) — Ижкарысь вить ёросъёс пӧлысь огез. Дмитрий Фёдорович Устиновлы сӥзьыса нимамын.

Молодёжной ульча — ёросысь огез паськытэз ульча

Интыяськемез

Ёрос Ижкарлэн уйпал но шундыӝужан палаз интыяськемын.

Устинов ёросын калык ӟоскыт улэ. Быдӟалаез 24,3 км² — карысь вить ёросъёс пӧлысь тужгес пичиез луэ, со дыре ик улӥсьёслэн лыдзыя (136,2 сюрс адями) нырысетӥ интыын возиське. Мукет ёросъёсын ӵошатыса, трос этажъем коркаос татын ӝип-ӝип пуктылэмын, вож садо интыосыз ӧжыт[2].

Ёрослэн быдӟалаез

Бускельёсыз[3]:

  • Лымшор палан — Первомай ёрос. Гожез кошке Ленин нимо но Камбарской ульчаос кузя;
  • Шундыпуксён палан — Индустри ёрос. Гожез кошке Вормонлы 40 ар ульча кузя (Ленин нимо ульчаысен Октябрьлы 10 ар ульчаозь), отӥяз Октябрьлы 10 ар ульча кузя (Вормонлы 40 ар ульчаысен 9-тӥ Январь ульчаозь), собере 9-тӥ Январь ульча кузя (Октябрьлы 10 ар ульчаысен Вотка шоссе дорозь);
  • Уйпалан гожъёсыз кошко Вотка шосселэн лымшор палтӥз, «Промвентиляция» производствоя базалэн шундыӝужан но лымшор палтӥз, 6 номеро ФГУП УССТ производствоя базалэн шундыӝужан палтӥз мыно, ИТК-4 колонилэн лымшор ласянь котыртэм кенерез кузяз ортчо, «Пермжелдортранс» ОАО производствоя базалэн уйпалтӥз кыстӥсько, «Буммаш» ОАО-лэн лымшор но шундыӝужан ласянь промплощадка кузяз, ГУП УР «Ижысь полиграфияя комбинатлэн» лымшор но шундыӝужан палтӥз Вотка шоссеозь вуо, Вотка шосселэн уйпалтӥз шундыӝужан пала учко но карлэн гожъёсыз борды пыкисько, отӥяз гожъёсыз Удмуртиысь Дэри ёросысь «Хохряки» муниципал кылдытэт вискытӥ мыно.
  • Шундыӝужан палан — Удмуртиысь Дэри ёрос, шонергес ке «Якшур» но «Первомай» муниципал кылдытэтъёс. Гожез Вожойка но Старковка шуръёс кузя кошке, чугун сюрес линия вамен потэ, чугун сюреслэн лымшор палась люкетаз интыяськем ГНУ УГНИИСХ ужъюртлэн музъем гожъёсыз кузя ортче, собере «Ижысь „ФМС“ мебель фурнитурая завод» ЗАО-лэн музъем гожез кузя кошке, сиклэн лымшор палтӥз кыстӥське (Автозаводской ульча кузя Берш архитекторлэн ульчаозяз), ГНУ УГНИИСХ ужъюртлэн музъем гожъёсыз кузя (Берш архитекторлэн ульча кузяз) но «Восток» автокооперативозь нуись авто сюреслэн уйпал полосаез кузя азинтӥське, отӥяз Союзной ульчалэн шундыӝужан палтӥз мынэ, бадӟым вукырем кузя Союзной ульчаысен «Дружба» автокооперативлэн шундыӝужан ласянь гожъёсыз дорозь вуттӥське, Первомайской черкогуртозь нуись сюрес кузя Иж — Аэропорт автомобиль сюрес дорозь (Камбарской ульча) нуэ, «Октябрь» муниципал кылдытэт борды пыкиське.

Шуръёс

  • Вожойка;
  • Старковка;
  • Чемошурка.

Историез

Устинов ёрос — Ижкарлэн шорызлэсь тужгес кыдёке интыяськем ёрос. Татын XX даурлэн кыкетӥ люкетаз гинэ планъя пуктӥськыны ӧдъязы, соку Ижкар зол азинтӥськыны ӧдъяз ни вал[2].

Ёрослэн азинскемез

60-тӥ—70-тӥ аръёсы туала Устинов ёрослэн уйпалаз бадӟымесь промышленной предприятиос пуктыны ӧдъязы — автозавод, бумага лэсьтон тӥрлык поттонъя завод, металлургияя предприятие, ТЭЦ-2, пластмасс завод. Со дыре ик котыразы ужасьёслы трос квартираем панель коркаос ӝутӥськизы. 1970-тӥ арын Ворошиловлэн ульчаез кылдӥз[4], 1973-тӥ арын — Автозаводской ульча[5].

70-тӥ—80-тӥ аръёсы ёрослэн лымшор палыз пуктӥськыны кутскиз. 1974-тӥ арын Дэри ёросын вылез Ижевск аэропорт усьтӥськиз, нош туала Устинов ёрослэн лымшор палаз ужась вужез аэропорт пытсаськиз. Со интые улоно кварталъёс ӝужаны ӧдъязы, нош азьвыл лобӟыны чаклам полоса Молодёжной ульча луиз[6].

СССР-ысь почта марка вылын Д. Ф. Устинов суредамын

1984-тӥ арын СССР-ысь Обороная азьвыл министр Д. Ф. Устинов кулэм бере дышем сямъя СССР-ысь кудзэ ке карез солы сӥзьыса ниман пумысен огкылэ вуизы. Бырйизы Ижез, малы ке шуоно Устинов обороналы ужам Ижкар понна трос лэсьтӥз. Студент вакытаз татын со практиказэ ортчиз. Быдӟым Атыкай ож вакытэ вооружениея нарком Д. Ф. Устинов немец тушмонъёсты пазьгон понна иж заводъёсын ожгар техника поттонэз радъяз. Солэн сюлмаськемезъя, Ижын автозавод усьтӥськиз. Соин ик 1984-тӥ арын 27-тӥ толсуре Ижкарез Устинов нимазы. Но калык талы пумит бугыръяськемен, 1987-тӥ арын 19-тӥ инвожое карлы историысь нимзэ берыктӥзы, со выльысь Ижкар луиз[2].

Индустри ёросэз люкон

1987-тӥ ар кутсконын зол ӝутӥськем Индустри ёросын 279 сюрс улӥсез вал ни, Ижын вань улӥсьёс пӧлысь со 43,8 %; быдӟалаез 4700 гектар вал. Ёросэн кивалтонын, троссэ юанъёсты сэрттон-пертчонын, мерлыко ужпумъёсын но шуг-секытъёс кылдылӥзы. КПСС-лэн Удмурт райкомезлэн бюроез ёросэз люкон пумысен кичӧлтонэн потӥз. Бератаз выль кылдэм ёрослы Д. Ф. Устиновлэсь нимзэ сётыны огкылэ вуизы. Та пумысен 1987-тӥ арын 13-тӥ инвожое УАССР-ысь Вылӥ Кенешлэн Президиумез пуктэт кутӥз, нош со аре ик 13-тӥ инвожое РСФСР-ысь Вылӥ Кенешлэн Президиумез  [ӟуч] (удм. указ юнматӥз[7].

1987-тӥ арын 1-тӥ пӧсьтолэзе Ленин нимо лулчеберетъя юртын Ёрос кенешысь калык депутатъёслэн нырысетӥ сессизы ортчиз. Солэн ужаз 100 депутат пыриськиз. Исполкомлы тӧрое Загайнов Валерий Фёдорович быръемын вал[7].

1-тӥ пӧсьтолэзе ёрос вордӥськем нуналзэ пусъе[7].

Историяя кылдэм улоно ёросъёс

Улоно ёрос Валэктонъёс
Автозавод Ижысь машина поттон заводлы матэ интыяськемезъя нимамын.
Аэропорт Калык пӧлын «Вуж Аэропорт» нимало.
Шундыӝужан Калык пӧлын «Автозавод» нимало
  • Вуж Аэропорт — Устинов ёрослэн лымшор палыз. 1940-тӥ—1970-тӥ аръёсы татын ужам аэропортъя озьы нимало, лобӟон полосаез туала Молодёжной ульча кузя кошке вал;
  • Автозавод — Устинов ёрослэн уйпалыз. Нимыз карысь тужгес бадӟым предприятиен, Ижысь автозаводэн, герӟаськемын;
  • Ворошилов — Устинов ёрослэн уйпал но шундыпуксён палыз. Ворошилов ульчалэн мыд-мыд палаз интыяськемын;
  • Нимаз коркаосын пуктэм интывыл. Татчы пыро: Октябринской ульча (Октябри гурт), Старосмирновской ульча (Смирново гурт), Спортивной ульча (Старки каргурт), Ярушки ульча (Ярушки гурт), Тонково гурт.

Улон коркаос но транспорт инфраструктура

Устинов ёросын трос квартираем 628 коркаос но нимаз адямиослэн 90 юртъёссы пуктэмын. Карысь но ёросысь сюресъёслэн кузьдалазы 115,32 иськем, соос пӧлын асфальтэн шобыртэмъёсыз — 114,1 иськем.

Пуктӥськись объектъёс

  • «Горизонты. Европейский квартал» улоно комплекс;
  • «MATRЁSHKA city» улоно комплекс;
  • «Эдельвейс» улоно комплекс;
  • Шундыӝужан ёросысь 7-тӥ но 8-тӥ микрорайонъёс.

Ижкарлэн валтӥсь планэзъя кар ёросъёс куспын транспорт герӟетъёсты кужмоятон но валтӥсь сюресъёсы поттӥсь сюресъёсты ватсаса лэсьтон уж азинтӥськоз[8].

Улӥсез

Устинов ёросын улӥсьёс

Численность населения
1989[9]2002[10]2009[11]2010[12]2012[13]2013[14]2014[15]
154 053↘136 944↘134 178↘132 086↗133 296↗134 361↗135 942
2015[16]2016[17]2017[18]2018[19]2019[20]2020[21]2021[1]
↗136 643↗136 980↗137 480↗137 584↘137 579↗137 923↘136 891

Ёрослэн люкиськемез

3 улоно ёросъёслы но уйпал но шундыӝужан палась промышленной ёрослы люкиське:

Устинов ёросысь улоно микрорайонъёс

Улоно ёросъёс Тодметъёсыз Валэктонъёс
Автозавод 3 микрорайонъёслы Ворошиловлэн нимыз сётэмын:
1-тӥ но 2-тӥ микрорайонъёс — чётной луисьтэм палыз;
3-тӥ микрорайон — чётной палыз.
 Ижысь машина поттон заводлы матэ интыяськемезъя нимамын.
Аэропорт 12 микрорайонъёслэсь кылдэмын, соос пӧлысь 8-эз Устинов ёросэ пыро, кылемез — Первомай ёросэ.
1-тӥ микрорайон — со Вормонлы 40 ар ульча;
2-тӥ но 3-тӥ микрорайонъёс — со Молодёжной ульчалэн чётной палыз, нош 4-тӥ но 5-тӥ микрорайонъёс — со Молодёжной ульчалэн чётной луисьтэм палыз;
6-тӥ, 7-тӥ, 8-тӥ микрорайонъёс — со Союзной ульчалэн чётной луисьтэм палыз.
 Калык пӧлын «Вуж Аэропорт» нимало.
Шундыӝужан 8 микрорайонъёслэсь кылдэмын:
1-тӥ микрорайонлы Барышниковлэн нимзэ сётэмын;
2-тӥ микрорайонлы Сабуровлэн нимыз сётэмын;
3-тӥ микрорайонэ Петров нимо но Автозаводской ульчаос пыро;
4-тӥ микрорайонэ Петров нимо но Автозаводской, Короткова ульчаос пыро;
5-тӥ микрорайонлы Татьяна Барамзиналэн нимыз сётэмын;
6-тӥ микрорайон — со Труд ульча;
7-тӥ но 8-тӥ микрорайонъёс мыло-кыдо пуктӥсько, соослы Ижысь валтӥсь архитекторлэн П. П. Бершлэн нимыз сётэмын.
 Калык пӧлын «Автозавод» нимало.

Ульчаос

Валтӥсь статья: Ижысь ульчаос

Кивалтэт

Администрация

  • Устинов ёрослэн администрациез интыяськемын Вормонлы 40 ар ульчаысь 60а юртын.
Устинов ёрослэн администрациез

Полиция

  • Устинов ёросысь полицилэн 4 номеро ёзэз — Петров нимо ульча, 27;
  • Полицилэн 1 номеро участокысь пунктэз — Ворошилов ульча, 23;
  • Полицилэн 23 номеро участокысь пунктэз — Петров нимо ульча, 5;
  • Полицилэн 24 номеро участокысь пунктэз — Т. Барамзина нимо ульча, 60;
  • Полицилэн 25 номеро участокысь пунктэз — Барышников нимо ульча, 77;
  • Полицилэн 26 номеро участокысь пунктэз — Молодёжной ульча, 91;
  • Полицилэн 27 номеро участокысь пунктэз — Сабуров ульча, 67;
  • Полицилэн 28 номеро участокысь пунктэз — Труд ульча, 74;
  • Полицилэн 29 номеро участокысь пунктэз — Молодёжной ульча, 15.

Судъёс

  • Устинов ёрос суд — Свободалэн ульчаез, 139;
  • Устинов ёросысь миръясь судьяос — Свободалэн ульчаез, 139;
  • Устинов ёросысь Прокуратура — Ворошилов ульча, 21.

Транспорт

Ёросэтӥ куинь пумо калык транспорт ветлэ, соос карлэн котькуд интыяз вуттыны быгато.

Устинов ёросэтӥ ветлӥсь калык транспорт

Транспорт Маршрут номер Валтӥсь магистральёс Ёросъёс
Трамвай № 10, 11, 12. Вормонлы 40 ар ульча, Автозаводской ульча. Шундыӝужан (4, 5, 6), Аэропорт (1).
Троллейбус № 1, 2, 4, 4д, 6д, 7, 10, 14. Вотка шоссе ульча, 9-тӥ Январь ульча, Ворошилов ульча, Петров нимо ульча, Молодёжной ульча. Автозавод (1, 2, 3), Шундыӝуан(3, 4, 5, 6), Аэропорт (2, 3, 4, 5).
Автобус № 10, 12, 12к, 16, 18, 23, 25, 26, 27, 28, 29, 31, 36, 39, 40, 45, 49, 52, 53, 79, 331, 321, 400. 9-тӥ Январь ульча, Ворошилов ульча, Петров нимо ульча, Молодёжной ульча, Ленин нимо ульча, Автозаводской ульча, Союзной (Шундыӝужан магистраль) ульча, Вотка шоссе. Автозавод (1, 3), Шундыӝужан (1, 2, 3, 4, 5, 6, 7, 8), Аэропорт (1, 2, 3, 4, 5, 6, 7, 8), Уйпал но шундыӝужан палась промышленной ёрос.

Экономика

Вузкарон но услугаос сётон

Устинов ёросын вузкаронъя, калыкез сюдонъя, улон-вылонын пӧртэм услугаос сётонъя 778 предприятиос ужало, озьы ик вузкаронъя стационарной луисьтэм объектъёс вань: павильонъёс, киоскъёс, транспорт дугдон комплексъёс.

Вузкарон центръёс

Котькудаз ужало сиён-юонэн гипермаркет, электроникая гипермаркет, кинотеатр, фудкорт но бутикъёсын галерея.

  • «Петровский» ТРК — Петров нимо ульча, 29;
  • «Азбука ремонта» ТЦ — Молодёжной ульча, 107б;
  • «Metro» ТЦ — cash & carry магазин — Союзной ульча, 6;
  • «Зебра» ТЦ — Татьяна Барамзина нимо ульча, 74а/1;
  • «Магнит» ГМ — Молодёжной ульча, 107а;
  • «Дом моделей» ТЦ — Ворошилов ульча, 109а;
  • «Ижевск» ТЦ— Союзной ульча, 75;
  • «Метеор» БЦ — Молодёжной ульча, 111.
Лэсьтӥськонъя «Азбука ремонта» супермаркет

Промышленной предприятиос

Уйпал но шундыӝужан палась люкетаз ужась промышленной предприятиос:

  • «Иж Лада автомобиль завод» ОАО — «ВАЗ-Веста» автомобиль поттӥсь завод;
  • ТЭЦ-2;
  • «Ижысь пластмасс завод» ОАО — изолон поттӥсь завод;
  • «Ижысь полиграфияя комбинат» ГУП;
  • «Гамбринус» ООО — сур пӧзьтӥсь предприятие;
  • «Ижмолоко» ЗАО;
  • «Ижысь 3 номеро нянь пыжон завод» ОАО;
  • «Ижысь промышленностья но чугун сюрес транспортъя предприятие» ОАО — ёросысь уйпал но шундыӝужан палаз интыяськем предприятиос дорозь Осень станциысен Вожой станциозь нуись чугун-сюресъёсты утялтыса возись предприятие.
Ижысь автозаводлэн администраци корпусэз
Автозаводлэн промплощадкаез

Дышетон удыс

Вылӥ дышетон

Ижысь политехникая колледж

Шоро-куспо профессиослы дышетон

Огъя дышетон

  • Олимпи резервъя Ижысь «Егит Динамовец» нимысьтыз спортшкола;
  • «Нефтяник» спортшкола;
  • Стендъёсы ыбылӥськонъя спортшкола;
  • Валэн ворттылонъя спортшкола;
  • А. Чижов нимо шашкиен шудонъя школа;
  • Кузебай Герд нимо йӧскалык гимназия;
  • 7-тӥ шор ёзо ӝыт (сменаен) школа;
  • 7-тӥ шор ёзо школа;
  • 8-тӥ спортшкола;
  • 9-тӥ спортшкола;
  • 16-тӥ шор ёзо школа
  • Нимысьтыз предметъёсты мур дышетонъя 32-тӥ шор ёзо школа;
  • 34-тӥ шор ёзо школа;
  • «41-тӥ лицей» шор ёзо муниципал бюджет ужъюрт;
  • 49-тӥ шор ёзо школа;
  • 50-тӥ шор ёзо школа;
  • 53-тӥ шор ёзо школа;
  • Нимысьтыз предметъёсты мур дышетонъя 54-тӥ шор ёзо школа;
  • Нимысьтыз предметъёсты мур дышетонъя 71-тӥ шор ёзо школа;
  • 73-тӥ шор ёзо школа;
  • 76-тӥ шор ёзо школа;
  • 77-тӥ шор ёзо школа;
  • 78-тӥ шор ёзо школа;
  • 81-тӥ шор ёзо школа;
  • Ляб тазалыко пиналъёслы чаклам VIII типъем 92-тӥ шор ёзо коррекцияя школа;
  • 93-тӥ шор ёзо школа;
  • 94-тӥ инъет луись школа;
  • 98-тӥ суредаськонъя но эстетикая лицей;
  • Ляб тазалыко пиналъёслы чаклам VI типъем 101-тӥ шор ёзо коррекцияя школа.

Школа азьын визьнодан

Школа азьын визьноданэн 40 нылпи сад[22], искусствоосъя 2 нылпи школа, 5 муниципал библиотека выро.

Ватсаса тодон-валан сётон

  • «Устинов ёросысь нылпи творчествоя центр» — Союзной ульча, 75 но Труд ульча, 2.

Эмъяськон

Бадӟымъёслы но нылпиослы ёросысь 8 эмъяськон юртъёс юрттэт сёто.

  • Нылпиослы 1-тӥ поликлиника (6-тӥ ГКБ) — Ворошилов ульча, 12;
  • Нылпиослы 2-тӥ поликлиника (6-тӥ ГКБ) — Труд ульча, 54;
  • Нылпиослы 5-тӥ поликлиника — Коротков ульча, 7а;
  • Нылпиослы клиникая 8-тӥ кар поликлиника — Вормонлы 40 ар ульча, 70а;
  • 5-тӥ кар поликлиника — Сабуров нимо ульча, 37;
  • 2-тӥ БК-лэн 6-тӥ клиникая кар больницаез — Труд ульча, 1 к1;
  • 4-тӥ БК-лэн 6-тӥ клиникая кар больницаез — Ворошилов ульча, 115.

Озьы ик ёросын ужало:

  • Паласькись висёнъёсъя клиникая элькун больница — Труд ульча, 17;
  • Удмурт Элькунысь СПИД-эн но паласькись черъёсын нюръяськонъя но соосты алонъя центр — Труд ульча, 17а;
  • Лек пыктосъёсын нюръяськонъя С. Г. Примушко нимо элькун диспансер — Труд ульча, 3.

Спорт лэсьтосъёс

  • «Аквамарин» бассейн;
  • «Молодёжный» йӧ дворец;
  • ИМЗ-лэн ыбылӥськонъя стендэз;
  • «Нефтяник» муниципал спорткомплекс.

Оскон

Ӟуч православнной черк
  • Серафим Саровский нимо черк.
Протестантизм
Ислам
  • «Молодёжный» йӧ дворец

    «Молодёжный» йӧ дворец

  • Серафим Саровский нимо черк

    Серафим Саровский нимо черк

  • «Филадельфия» черк

    «Филадельфия» черк

  • Иман Нуры мечеть

    Иман Нуры мечеть

Валэктонъёс

  1. ↑ 1 2 Таблица 5. Численность населения России, федеральных округов, субъектов Российской Федерации, городских округов, муниципальных районов, муниципальных округов, городских и сельских поселений, городских населенных пунктов, сельских населенных пунктов с населением 3000 человек и более [ӟуч] (XLSX) Эскеремын 2022-09-01 арын
  2. ↑ 1 2 3 Самый юный район [ӟуч] Библиотека им. Некрасова. Эскеремын 22-10-2025 арын
  3. ↑ Устиновский район в Ижевске [ӟуч] izhevsk.ginfo.ru. Эскеремын 22-10-2025 арын
  4. ↑ Юрий Абашев (15-10-2021) Эпоха заводов: как промышленный Ижевск построил сам себя [ӟуч] susanin.news. Эскеремын 22-10-2025 арын
  5. ↑ Автозаводская [ӟуч] izhstreet.ru. Эскеремын 22-10-2025 арын
  6. ↑ Город Ижевск [ӟуч] Удмуртология. Эскеремын 22-10-2025 арын
  7. ↑ 1 2 3 История Устиновского района г. Ижевска [ӟуч] zags.izh.ru. Эскеремын 22-10-2025 арын
  8. ↑ Планы и перспективы развития города Ижевска обсудили на тематическом совещании при Председателе Государственного Совета [ӟуч] Государственный Совет Удмуртской Республики (06-08-2025). Эскеремын 22-10-2025 арын
  9. ↑ Всесоюзная перепись населения 1989 г. Численность городского населения РСФСР, ее территориальных единиц, городских поселений и городских районов по полу [ӟуч]
  10. ↑ Всероссийская перепись населения 2002 года. Том. 1, таблица 4. Численность населения России, федеральных округов, субъектов Российской Федерации, районов, городских поселений, сельских населённых пунктов - райцентров и сельских населённых пунктов с населением 3 тысячи и более [ӟуч]
  11. ↑ Численность постоянного населения Российской Федерации по городам, посёлкам городского типа и районам на 1 января 2009 года [ӟуч] Эскеремын 2014-01-02 арын
  12. ↑ Итоги Всероссийская перепись населения 2010 года. 5. Численность населения России, федеральных округов, субъектов Российской Федерации, районов, городских населённых пунктов, сельских населённых пунктов – районных центров и сельских населённых пунктов с населением 3 тысячи человек и более [ӟуч] Эскеремын 2013-11-14 арын
  13. ↑ Численность населения Российской Федерации по муниципальным образованиям. Таблица 35. Оценка численности постоянного населения на 1 января 2012 года [ӟуч] Эскеремын 2014-05-31 арын
  14. ↑ Численность населения Российской Федерации по муниципальным образованиям на 1 января 2013 года. — М.: Федеральная служба государственной статистики Росстат, 2013. — 528 с. (Табл. 33. Численность населения городских округов, муниципальных районов, городских и сельских поселений, городских населённых пунктов, сельских населённых пунктов) [ӟуч] Эскеремын 2013-11-16 арын
  15. ↑ Таблица 33. Численность населения Российской Федерации по муниципальным образованиям на 1 января 2014 года [ӟуч] Эскеремын 2014-08-02 арын
  16. ↑ Численность населения Российской Федерации по муниципальным образованиям на 1 января 2015 года [ӟуч] Эскеремын 2015-08-06 арын
  17. ↑ Численность населения Российской Федерации по муниципальным образованиям на 1 января 2016 года [ӟуч] Эскеремын 2021-05-15 арын
  18. ↑ Численность населения Российской Федерации по муниципальным образованиям на 1 января 2017 года [ӟуч] Эскеремын 2025-08-28 арын
  19. ↑ Численность населения Российской Федерации по муниципальным образованиям на 1 января 2018 года [ӟуч] Эскеремын 2018-07-25 арын
  20. ↑ Численность населения Российской Федерации по муниципальным образованиям на 1 января 2019 года [ӟуч] Эскеремын 2019-07-31 арын
  21. ↑ Численность населения Российской Федерации по муниципальным образованиям на 1 января 2020 года [ӟуч] Эскеремын 2020-10-17 арын
  22. ↑ Детские сады [ӟуч] izh.ru. Эскеремын 22-10-2025 арын
  23. ↑ Протестантская церковь «Филадельфия» [ӟуч] tourister.ru (30-08-2017). Эскеремын 22-10-2025 арын
«https://udm.ruwiki.ru/w/index.php?title=Устинов_ёрос_(Иж)&oldid=506863»-ысь басьтэмын