Ижысь ТЭЦ-2

Ижысь ТЭЦ-2
Кун	Россия Россия
Интыяськемез	Удмуртия Удмуртия Ижкар Ижкар
Кузёез	Т Плюс[d]
Статусэз	ужась
Эксплуатацие лэзён ар	1977
Валтӥсь тодметъёсыз
Электро кужымез, МВт	390
Шуныт сётӥсь кужымез	1474 Гкал/час
Тӥрлыклэн тодметъёсыз
Валтӥсь шуныт	инкуазь газ, эгыр
Резервысь шуныт	мазут
Валтӥсь сооружениос
Распределитель тӥрлык	110 кВ
Карта
Медиафайлъёс РувикиМедиа пушкын

Ижысь ТЭЦ-2 (ӟуч: Ижевская ТЭЦ-2) — Удмурт Элькунысь Ижысь Устинов ёросын интыяськем бадӟымез электростанция, теплоэлектроцентраль. «Т Плюс» ПАО-лэн Удмурт ёзаз пыре.

Станция карлэн уйпал но шундыӝужан палаз интыяськемын.

Ижкарысь ТЭЦ-2 электро энергиез но кужымез келя электро энергиен но кужымен оптовой рыноке. Ижез централизованно амалэн шунтонъя валтӥсь кужым луэ, озьы ик карысь бадӟымесь промышленной предприятиосы но улоно коркаосы шуныт сётэ. Юнматэм электро кужымез — 390 МВт, шуныт сётон кужымез — 1474 Гкал/час.

Историез

1960-тӥ аръёслэн шоразы Ижкарын энергилэн тырмымтэез шӧдскиз: трос энерго кужымез кулэ карись автомобиль поттон завод но Буммаш пуктыны ӧдъязы. Вань та кылдэм ужпумъёсысь потон вылысь 1971-тӥ арын карын кыкетӥ теплоэлектроцентраль лэсьтыны кутскизы. 1975-тӥ арын нырысетӥез ву шунтӥсь котёл эксплуатацие лэземын вал, 1977-тӥ арын нырысетӥез энергоблок ужаны ӧдъяз. 1982-тӥ арын объектлэсь нырысетӥ люкетсэ ӝутонэз йылпумъязы. 1992-тӥ—1993-тӥ аръёсы станциез паськытатӥзы, татчы ву шунтӥсь куинь КВГМ-180 котёлъёс пуктӥзы.

ТЭЦ-2 ужалляз Удмуртэнерголэн бур улаз. Россиысь РАО ЕЭС компаниын реформа ортчемен, ТЭЦ-2 пыриз ТГК-5 компание, бӧрысь со «Волжская ТГК» ОАО-ен огазеямын вал. 2015-тӥ арын огазеям компанилэн нимыз воштӥськиз, со «Т Плюс» ПАО луиз.

Тодметъёсыз

Удмурт энергосистема но Ижысь ТЭЦ-2 пыро Уралысь огазеям энергосистемае. Ижысь ТЭЦ-1 но ТЭЦ-2 — карысь энерго герӟетысь валтӥсь кужым сётӥсьёс. 2015-тӥ ар пумын ивортонъёсъя, ТЭЦ-2 предприятилэн юнматэм электро кужымез 390 МВт луэ, со улосысь электростанцилэн огъя кужымезлэн 48,3 процентэз. 2014-тӥ арын поттэм электроэнергилэн быдӟалаез 2060 млн кВт⋅ч люкаськиз.

ТЭЦ-2 пӧртэм сямен шуныт но, югыт но сётэ. Карез централизованно шунтон амалъя шуныт сётонъя валтӥсь кужым луэ. Станцилэн юнматэм шуныт сётӥсь кужымез — 1474 Гкал/ч, та пӧлысь турбинаосты бергатыны 574 Гкал/ч кошке.

Югыт но шуныт сётон кужымезъя ТЭЦ-2 Удмурт Элькунысь бадӟымез энерго кужым луэ.

Станциысь валтӥсь тӥрлык пӧлы пыре:

• парен ужась ТП-87-1 типъем ньыль котёл, соос пӧлысь котькудӥз часкын 420 тонна потто;
• шуныт но югыт сётӥсь ньыль турбоагрегаторъёс, соослэн типъёссы:
  • огез — ПТ-60/75-130/13 ЛМЗ;
  • куинез — Т-110/120-130 УТЗ;
• кезьыт куазен ву шунтӥсь котельной, кужымез — 900 Гкал/ч.

Валтӥсь эстӥськон (топливо) чот кутӥське Кузбассысь изо эгыр но магистралетӥ кошкись инкуазь газ, резерв чот эстӥськонлы дасямын мазут.

Валэктонъёс

Литература

• Удмуртская Республика: Энциклопедия / гл. ред. В. В. Туганаев. — Ижевск: Удмуртия, 2008. — С. 353—354. — 768 с. — 2200 экз. — ISBN 978-5-7659-0486-2.

Чӧлсконъёс

• Ижевская ТЭЦ-2 [ӟуч]