Чижов, Алексей Рудольфович

Рувикиын таӵе фамилиен мукет муртъёс сярысь гожтосъёс вань. Учке: Чижов.

Алексей Рудольфович Чижов
Ачиз сярысь ивортон
Пол	пиосмурт[d]
Кун	СССР СССР→ Россия Россия
Удысэз	Шашкиен калыккуспо шудонъёс
Вордӥськем дырыз	15-тӥ коньывуонэ 1964(1964-10-15) (61 арес)
Вордӥськем интыез	Ижкар, УАССР, СССР
Спортын ӝутӥськемез	С 1976 года
Медальёсыз Шашкиосын калыккуспо шудонъёсын пиосмуртъёс пӧлын дуннеысь чемпионатъёс Зарни Парамарибо 1988 Шашкиосын калыккуспо шудонъёс Зарни 1988 Шашкиосын калыккуспо шудонъёс Зарни 1989 Шашкиосын калыккуспо шудонъёс Зарни 1990 Шашкиосын калыккуспо шудонъёс Зарни 1991 Шашкиосын калыккуспо шудонъёс Зарни Тулон 1992 Шашкиосын калыккуспо шудонъёс Зарни 1993 Шашкиосын калыккуспо шудонъёс Зарни 1995 Шашкиосын калыккуспо шудонъёс Зарни Абиджан 1996/97 Шашкиосын калыккуспо шудонъёс Зарни Муско 2001 Шашкиосын калыккуспо шудонъёс Зарни 2005 Шашкиосын калыккуспо шудонъёс Азвесь 2003 Шашкиосын калыккуспо шудонъёс Азвесь 2017 Шашкиосын калыккуспо шудонъёс Шашкиосын калыккуспо шудонъёсын пиосмуртъёс пӧлын Европаысь чемпионатъёс Зарни Эммен 2012 Шашкиосын калыккуспо шудонъёс Зарни Измир 2016 Шашкиосын калыккуспо шудонъёс
Медиафайлъёс РувикиМедиа пушкын

Алексе́й Рудо́льфович Чижо́в (ворд. 1964-тӥ арын 15-тӥ коньывуонэ Ижкарын, УАССР, СССР) — совето но росси спортсмен (шашкиен калыккуспо шудонъёс), калыккуспо гроссмейстер (1988), спортысь дано мастер (2001), сю клеткаем шашкиосын шудонъя нимаз зачётын дуннеысь дас полэс чемпион (1988—1994, 1995—1998), Европаысь чемпион (2012, 2016), шашкиен калыккуспо ӝог шудонъёсын (блиц) пиосмуртъёс пӧлын Европаысь чемпион (2014). Шашкиен калыккуспо шудонъёсын юниоръёс пӧлын дуннеысь чемпион (1983). СССР-ысь чемпион (1990), Россиысь чемпион (2016). Дуннеысь кубокын 2018-тӥ арын огъя зачётын вормись.

Удмурт Элькунысь лулчеберет удысысь дано ужась. Ижкарлэн Дано муртэз (2001). Россиысь шашкиен калыккуспо шудонъёсъя федерацилэн вице-президентэз. 2003-тӥ арын гудырикошконэ дуннеын солы нырысь ик «Доблесть ФМЖД» ним сётӥзы.

Улон сюресэз

Алексей Чижов 1964-тӥ арын 15-тӥ коньывуонэ Ижын вордӥськиз. Пичи дырысеныз ик шашкиосын тунсыкъяськыны кутскиз. 1976-тӥ арын «Иж-Планета» спортклубе шашкиосын шудыны дышетскон вылысь занятиосы ветлылыны ӧдъяз. 1979-тӥ арын спортъя мастерлэн куронъёссэ быдэстӥз. 1983-тӥ арын А. Р. Чижов юниоръёс пӧлын шашкиен калыккуспо шудонъёсын нырысьсэ дуннеысь чемпион луиз. Та вормонэз бордысен «шашкиен шудонъя Олимп» гурезе ӝутскыны ӧдъяз. Россиысь чемпионатъёсын ньыль пол вормылӥз, СССР-ысь чемпионатъёсын — кык пол, дуннеысь чемпионатъёсын — дас ньыль пол. Юн сямыз вормон дорозь шуг-секытъёслы сётскытэк нуэ. Шашкиен шудонъёсысь вань амалъёсты тодэ, адямилэсь психологизэ ӟеч вала. Шашкиос сьӧры пуске ке, югдурез котьку котыр ласянь эскере, тужгес кужмо соперникъёсты но пыр-поч чакла.

1986-тӥ арысен зэмос спортсмен луэ.
1986-тӥ арын Ижысь механикая институтэз йылпумъяз, кортъёсты бадӟым давлениен ӵыжатонъя инженер-механик луиз.
1988-тӥ арын «Калыккуспо гроссмейстер» ним утӥз.
2001-тӥ арын Россиысь спортъя дано мастер луиз.
Вань луоно титулъёсты утӥз: дуннеысь юниоръёс пӧлын чемпион, РСФСР-ысь чемпион, СССР-ысь чемпион, шашкиен блиц амалъя шудонъёсын дуннеысь чемпион, шашкиен командаен шудонъёсын дуннеысь чемпион, дуннеысь интеллектуальной шудонъёсын вормись.

Ижын нылпиослы спорт школа усьтэмын, сое «Чижовлэн школаез» шуо, пиналъёс быгатонлыкъёсынызы паймытъяло. Алексей Рудольфовичлэн аслаз но дышетыны быгатонлыкъёсыз бадӟымесь, егитъёсын ужан опытэз но вань. Студент вакытаз ик кӧня ке муртэ шашкиен шудыны дасяз, соос пӧлын Россиысь чемпионатъёсын вормемъёс но вань. Алексей Чижов Ижысь спортэз азинтон понна трос лэсьтӥз.

Дуннеысь но Европаысь чемпионатъёсы пыриськемез

Ар	Уровенез	Радъясь кун	Шудон амал	Йылпумъянъёс	Инты
1988	ЧМ	Парамарибо	Турнир	+8 =11 −0	1
1989	ЧМ	Якутск	Тони Сейбрандсэн матч	+1 −18 −1	1
1990	ЧМ	Гронинген	Турнир	+8 =11 −0	1
1991	ЧМ	Таллин	Гунтис Валнерисэн матч	+6 =10 −0	1
1992	ЧМ	Тулон	Турнир	+14 =9 −0	1
1993/94	ЧМ	/	Харм Вирсмаен матч	+2 =18 −0	1
1994	ЧМ	Гаага	Турнир	+4 =14 −1	7-9
1996	ЧМ	Якутск	Гунтис Валнерисэн матч	(+3 −2 сетъёсъя)	1
1996/97	ЧМ	Абиджан	Турнир	+4 =7 −0 + ватсам матч	1
1998	ЧМ	Якутск	Александр Шварцманэн матч	(+1 −2 сетъёсъя)	2
2001	ЧМ	Муско	Турнир	+6 =10 −0	1
2003	ЧМ	Уфа	Александр Георгиевен матч	(+1 −4 сетъёсъя)	2
2003	ЧМ	Звартслёйс	Турнир	+6 =13 −0 + ватсам матч	2
2004	ЧМ	Уфа / Ижкар	Александр Георгиевен матч		2
2005	ЧМ	Амстердам	Турнир	+4 =7 −0 (финалын)	1
2006	ЧМ	Уфа / Ижкар	Александр Георгиевен матч		2 (ӧз шуды)
2006	ЧЕ	Бовец	Турнир (швейцар система)	+4 =5 −1	6
2007	ЧМ	Харденберг	Турнир	+5 =13 −1	4
2010	ЧЕ	Мужасихле	Турнир (швейц.)	+2=7-0	16
2011	ЧМ	Эммелорд / Урк	Турнир	+1 =17 −1	13
2013	ЧМ	Уфа	Турнир	+2 =8 −1 (финалын)	6
2014	ЧЕ	Таллин	Турнир (швейц.)	+3 =6 −0	4
2015	ЧМ	Нидерланды Нидерланды Эммен	Турнир	+3 =16 −0	5
2016	ЧЕ	Измир	Турнир (швейц.)	+3 =6 −0	1
2017	ЧМ	Таллин	Турнир	+2 =9 −0 (финалын)	2
2018	ЧЕ	Муско	Турнир (швейц.)	+2 =7 −0	8
2019	ЧМ	Ямусукро	Турнир	+4 =14 −1	7

Улон-вылонэз

Алексей Чижовлэн кышноез — Ольга, со матчъёсын но турниръёсын кузпалызлы юрттылӥз, котьку бордаз возиськылӥз.

Валэктонъёс

Чӧлсконъёс

• Профиль на сайте Всемирная федерация шашек
• Профиль на сайте KNDB
• Профиль на сайте lidraughts.org
• Профиль на сайте lidraughts.org
• Чижов, Алексей Рудольфович // Большая русская биографическая энциклопедия (электронное издание). — Версия 3.0. — М.: Бизнессофт, ИДДК, 2007.
• Чижов // Большая российская энциклопедия : [в 35 т.] / гл. ред. Ю. С. Осипов. — М. : Большая российская энциклопедия, 2004—2017.