Сабуров, Александр Николаевич

Википедиысь материал
Александр Николаевич Сабуров
Александр Николаевич Сабуров.jpg
Вордӥськем дырыз 19-тӥ пӧсьтолэзе (1-тӥ гудырикошконэ) 1908
Вордӥськем интыез
Кулэм дырыз 15-тӥ оштолэзе 1974({{padleft:1974|4|0}}-{{padleft:4|2|0}}-{{padleft:15|2|0}})[1] (65 лет)
Кулэм интыез
Кунмуртлыкез Росси империяFlag of Russia.svg Росси империя
СССРFlag of the Soviet Union.svg СССР
Кыӵе войскоез Горд Арми[d]
Званиез
Генерал-майор
Командовать кариз партизан соединениен
Ожмаськонъёс/ожъёс
Данъетъёсыз
Логотип РУВИКИ.Медиа Медиафайлъёс РувикиМедиа пушкын
Совето Союзлэн Героезлэн Сабуровлэн шайгуэз

Алекса́ндр Никола́евич Сабу́ров (1908-тӥ арын 19-тӥ пӧсьтолэзе Ижкарын — 1974-тӥ арын Москваын) совето военачальник, генерал-майор (09.04.1943), партизан соединенилэн командирез, Совето Союзлэн Героез (18.05.1942). 1932-тӥ арысен ВКП(б)-лэн ёзчиез. УССР-лэн НКВД ёзэтаз ужась ӧнерчи (берло МВД).

Улон сюресэз

Александр Николаевич Сабуров вордӥськиз 19 пӧсьтолэзе (1 гудырикошконэ) 1908-тӥ арын Ватка губерниын Сарапул уездын Ярушки черкогуртын [К 1] огшоры ужасьлэн семьяяз. Сизьым классъем школаез йылпумъяса, Ижысь ужъюртъёсын ужаз.

1927-тӥ — 1931-тӥ аръёсы Ярушки черкогуртын гурт возёс артель кылдытӥз, солэн правлениезлэн ёзчиез вал, 1931-тӥ арын шуркынмон толэзёзь Ярушинской сельской советлэн тӧроез луыса ужаз. Срочной службаысь бертыса, 1933-тӥ—1936-тӥ аръёсы гурт возёсэн кивалтӥз, собере Украин ССР-ысь Житомир улосысь Бердичевской ёросысь Половецкой черкогуртысь совхозлэн тӧроез вал.

1936-тӥ арысен РККА-ын — политработник.

1936-тӥ —1938-тӥ аръёсы НКВД ёзэтъёсын служить кариз, Быдӟым Атыкай ож кутскон азьын Киевысь Тылпу кысонъя управлениен кивалтӥз, собере УИТЛК исправительно-трудовой лагерьёслэн но колониослэн управлениезлэн киев курсъёсын кивалтӥсьлэн воштӥсез луиз.

Собере кун кышкыттэмлыкъя лейтенантлэн П. А. Добрычевлэн кивалтэмез улсын НКВД-ысь особой назначениен войскоослэн 4-тӥ батальонзылы комиссаре юнматӥзы ( батальон, быдэсак сямен, УИТЛК курсъёсын дышетскисьёслэсь кылдытэмын 1941-тӥ арын 12-тӥ гудырикошконэ). Батальон Ирпень гурт котырысь позициосы интыяськиз. НКВД-лэн сводной полкезлэн пушпӧлаз, М. Е. Косарев полковник кивалтэм улсын, Киевысь мышлань чигнакузы, котыртэме шедьыса, батальон быдэсак пазьгемын вал, 21-тӥ куарусёнэ Харковцы черкогурт котырын тушмон киулысь мозмытскыны вырыса, куать мурт гинэ луло кыльыны быгатӥз[3]. 19-тӥ коньывуонысен Александр Сабуров партизан отрядэн кивалтыны кутскиз[4], берлогес отрядзэ РККА-лэн 24 ар тырмонэзлы сӥзем отряд шуыса нимазы. 1942-тӥ арын 26-тӥ южтолэзе Орлов улосысь Суземской ёросысь Красная Слобода черкогуртын куать партизан отрядъёслэсь огазеяськонзэс йыръяз[5].

СССР-ысь Вылӥ Кенешлэн Президиумезлэн 1942-тӥ арын 18-тӥ куартолэзе гожтэм «О присвоении звания Героя Советского Союза т. т. Ковпаку С. А., Копенкину И. И., Сабурову А. Н., Фёдорову А. Ф., особо отличившимся в партизанской борьбе в тылу против немецких захватчиков» Косэтэзъя «немец захватчикъёслы пумит партизан ожмаськонын кышкасьтэм но сэзь луэмез понна» Совето Союзлэн Героез ним сётэмын, Ленин орденэн но «Зарни Кизили» медален пусъемын[6].

1942-тӥ арын южтолэзьысен 1944-тӥ арын оштолэзёзь Украинаысь Сумской, Житомирской, Волынской, Ровенской но мукет улосъёсысаз но Брянск но Орёл улосъёсын но Белоруссилэн лымшор ёросъёсаз ожмаськись партизан соединениен кивалтӥз.

1942-тӥ арын И. В. Сталинлэн личной распоряжениезъя Сабуров ЦК КП(б)У-лэн подпольной составаз пыртэмын. 1942-тӥ арын коньывуон толэзьысен — Житомир улосысь партизан движенилэн штабеныз кивалтӥз, КП(б)У-лэн Житомирысь улос комитетэзлэн ёзчиез луиз.

Педпал суредъёс
А. Н. Сабуров в сентябре 1942 года

1944-тӥ арын 31-тӥ гудырикошконысен — 1951-тӥ арын 16-тӥ южтолэзёзь — Дрогобычской улосысь НКВД-лэн Управлениезлэн кивалтӥсез (МВД).

1951-тӥ арын 16-тӥ южтолэзьысен — 1953-тӥ арын 4-тӥ оштолэзёзь — Запорожье улосъя МВД-лоэн Управлениезлэн кивалтӥсез .

1953-тӥ арысен — 1954-тӥ арын толсур толэзёзь — Украин ССР-ысь МВД-лэн Противовоздушной оборонаезъя управленилэн кивалтӥсез.

1954-тӥ арын толсурысен  — 1957-тӥ арын 20-тӥ пӧсьтолэзёзь — СССР-ысь МВД-лэн Тылпу кысонъя валтӥсь управлениезлэн кивалтӥсез.

СССР-ысь Вылӥ Кенешлэн 2-тӥ — 4-тӥ ӧтчамъёсаз депутатэз вал (1946—1958).

А. Н. Сабуров улонысь кошкиз 1974-тӥ арын 15-тӥ южтолэзе. Ватэмын Москваын Новодевичий шайвылын (4-тӥ номеро участок).

Совето Союзлэн Героезлэн Сабуровлэн шайгуэз

Ас улонэз

08.10.1934-тӥ арын семья кылдытэмзы сярысь Свидетельствоез вань 1-тӥ кышноез Мария Александровна Сабурова (Борисенок).1914 — .02.1942 Нылпиоссы: 1. Сабурова (Бибикова) Галина Александровна (22.05.1936 — 07.03.2009) 2. Сабурова (Волкова) Валентина Александровна (26.08.1937-13.07.2015) 3. Сабуров Валерий Александрович (1941—1988)

2-тӥ кышноез Сабурова (Юрмина) Инна Макаровна

Данъетъёсыз

  • Совето Союзлэн Героез (1942-тӥ арын 18-тӥ куартолэзе );
  • кык Ленин орденэз (18.5.1942; 23.1.1948);
  • Горд Знамялэн орденэз;
  • Богдан Хмельницкийлэн I степенё орденэз;
  • Суворовлэн II степенё орденэз;
  • Богдан Хмельницкийлэн II степенё орденэз;
  • Атыкай ожлэн I степенё кык орденъёсыз;
  • Горд Кизили орден;
  • медальёсыз
  • Чехословак Элькунлэн «Тӧдьы Арыслан» Влӥ орденэз
  • Польшалэн орденэз
  • Болгарилэн боевой данъетэз

Гожъямъёсыз

  • Сабуров А. Н. За линией фронта.
  • Сабуров А. Н. Силы неисчислимые. — М.: Воениздат, 1967.
  • Сабуров А. Н. Отвоёванная весна: партизанские записки. В 2 тт. — Устинов: Удмуртия, 1986.
  • Сабуров А. Н. У друзей одни дороги.
  • Сабуров А. Н. Таинственный капитан.

Буре ваён

Дэри черкогуртын бюстэз

Сабуровлэн нимыз сётэмын:

  • Житомирысь ульчалы.
  • Киевысь Деснянской ёросын Вигуровщина-Троещина массивын ульчалы но ӝоглыко трамвай станцилы. 2018-тӥ арын шуркынмонэ  Сабуров нимо урам Серж Лифарьлэн нимыныз воштэмын[7].
  • Ижевскысь ульчалы, Сабуровлэн вордӥськем Ярушки черкогуртэзлэсь кыдёкын ӧвӧл.
  • Бердичевысь ульчалы.

2015-тӥ арын шуркынмон толэзе Йӧскалык памятья украин институт Украинаысь Декоммунизаци сярысь Кат вылэ инъяськыса, сталинизм режимез кылдытыны юрттӥсь но украин калыкез курадӟытӥсь вылӥ кивалтӥсьёслэсь нимъёссэс шараяз, соос пӧлын А. Сабуров. Со Катъя Сабуровлэсь нимзэ нуллӥсь вань ульчаос, площадьёс но улон интыос мукет нимъёсын воштэмын[8]

Комментарийёс

  1. ↑ Ярушки черкогурт азьвыл Сарапул уездысь Ижевско-Нагорной волосте пыре вал, собере — Иж уездысь Завьял волостьысь Ягулэ, берло Чемошур сельсоветлэн пушпӧлаз пыртэмын вал (Иж ёрос/горсовет, Завьял ёрос), Первомай сельсоветэ (Завьял ёрос); 1988-тӥ арын 3-тӥ южтолэзе черкогуртэз Удмурт Элькунысь Ижкар пушпӧлы пыртӥзы[2].

Валэктонъёс

  1. ↑ 1 2 Сабуров Александр Николаевич // Большая советская энциклопедия (ӟуч): [в 30 т.] / под ред. А. М. Прохоров — 3-е изд. — М.: Советская энциклопедия, 1969.
  2. ↑ Куташева Ярушки [ӟуч] Родная Вятка. Эскеремын 2019-09-11 арын
  3. ↑ В. Милютин «Силы неисчислимые» Архивная копия от 23 куарусёнэ 2015 на Wayback Machine.
  4. ↑ Горд Армилэн пазьгем частьёсысьтыз улэп кылем ньыль солдатлэсь но вить командирлэсь от ряд кылдытӥзы
  5. ↑ РККА-лэн XXIV ар тырмонэзлы сӥзем отряд (командирез А. Н. Сабуров), Хрущев нимо отряд (командирез К. И. Погорелый), Донецк отряд (командирез И. Ф. Боровик), «За Родину» нимо отряд (командирез С. М. Гнибеда), «Червоный» отряд (командирез Л. Я. Иванов) но Хильчицкой ёросысь отряд (командирез Н. В. Таратуто).
  6. ↑ «О присвоении звания Героя Советского Союза т. т. Ковпаку С. А., Копенкину И. И., Сабурову А. Н., Фёдорову А. Ф., особо отличившимся в партизанской борьбе в тылу против немецких захватчиков» от 18 мая 1942 года // Ведомости Верховного Совета Союза Советских Социалистических Республик : газета. — 1942. — 5 инвожое (№ 20 (179)). — С. 1. Архивировано 10 шуркынмонэ 2021 арын.
  7. ↑ Киевсовет переименовал улицу Сабурова на Троещине и несколько других
  8. ↑ Список лиц, подпадающих под закон о декоммунизации

Литература

  • Сабуров Александр Николаевич // Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2. — С. 398—399. — 863 с. — 100 000 экз. — ISBN 5-203-00536-2.
  • Князьков А. С. Партизаны — генералы Великой Отечественной войны. // Военно-исторический архив. — 2008. — № 5. — С.111—112.

Чӧлсконъёс

[[Категория:Новодевичий шайвылын ватэмъёс

«https://udm.ruwiki.ru/w/index.php?title=Сабуров,_Александр_Николаевич&oldid=481544»-ысь басьтэмын