Буранова, Лариса Николаевна

Википедиысь материал
Рувикиын таӵе фамилиен мукет муртъёс сярысь гожтосъёс вань. Учке: Буранов.
Лариса Николаевна Буранова
Л.Н. Буранова на празднике Гербер в Москве.jpg
Флаг
Росси Федерациысь Кун Думалэн VIII ӧтчамысьтыз депутат
Флаг
2021-тӥ арын 12-тӥ коньывуонысен
Вордӥськемын 3-тӥ оштолэзе 1969({{padleft:1969|4|0}}-{{padleft:4|2|0}}-{{padleft:3|2|0}}) (57 лет)
Дышетскемез
Ужудысэз этнолог, этнограф, антрополог

Лариса Николаевна Буранова (ворд. 3-тӥ оштолэзе 1969, Иж) — росси кун ужась, политик, Кун Думалэн VIII ӧтчамысьтыз депутат. Удмурт Элькунысь Йӧскалык политикая министр (2014—2021).

Улон сюресэз

Вордӥськиз 1969-тӥ арын 3-тӥ оштолэзе Удмурт АССР-ысь Ижкарын заводын ужасьёслэн семьяязы[1].

1991-тӥ арын Удмурт кун университетэз «История» ӧнеръя йылпумъяз, нош 1998-тӥ арын — аспирантураез «Антропология, этнология, этнография» ӧнеръя[2]. Собере Росси Федерациысь Президент бордын ужась кун службая академиын  [ӟуч] (удм. «Кун но муниципал кивалтон» ӧнеръя дышетскиз[3].

1991-тӥ арысен 1995-тӥ арозь распределениея историлы дышетӥз Алнаш ёросысь Асангуртысь неполной шор ёзо школаын. 1995-тӥ арысен Ижкарысь 56-тӥ школа-гимназиын нылпиослэсь ваньмон дырзэс радъясь дышетӥсь но директорлэн воштӥсез луыса ужаз[4][5].

1995-тӥ арысен 1999-тӥ арозь Удмурт Элькунысь Правительство бордысь Йӧскалык ужпумъёсъя комитетын валтӥсь специалист вал. 1999-тӥ арысен 2001-тӥ арозь Удмурт Элькунысь Йӧскалык политикая министерствоысь выжы калыкъёслэсь кылзэс, лулчеберетсэс, йылолъёссэс азинтон ёзэтэн кивалтӥз. 2001-тӥ арын Удмурт Элькунысь йӧскалык политикая министрлэн воштӥсез луиз. 2008-тӥ арысен 2014-тӥ арозь министрлэн нырысетӥ воштӥсез вал. 2014-тӥ арын Удмуртиысь йӧскалык политикая министре юнматэмын[6]. Та ужинтыяз 2021-тӥ арозь тыршиз[7][8]. Та вакытэ элькунын таӵе проектъёс быдэсмизы: «Этнографияя диктант», «Калык геройёс — кунлэн геройёсыз», «Пельняньлэн калыккуспо нуналэз» но мукет[1].

2021-тӥ арын ортчем Кун Думалэн VIII ӧтчамаз быръёнъёс  [ӟуч] (удм. дыръя «Единая Россия» партилэн Удмурт Элькунъя списоказ пыртэмын вал. Интыосты люкылонъя Кун Думае ӧз сюры, но 2021-тӥ арын 29-тӥ куарусёнэ партилэн списокезъя бушам депутат мандатэз басьтӥз[5]. Кун Думаысь туризмъя но туризмъя инфраструктураез азинтонъя комитетлэн ёзчиез[7].

Россиысь ожгаръя но историяя обществолэн Удмурт ёзэзлэн тӧроез[9].

Данъетъёсыз

  • Удмурт Элькунысь Правительстволэн Данъян грамотаез (2004);
  • Росси Федерациысь Улосъёсты азинтонъя министерстволэн Данъян грамотаез (2010)[2];
  • Россиысь Федерал Собранилэн Кун Думаысь йӧскалык ужпумъёсъя комитетлэн Таукаронэз;
  • Йӧскалык ужпумъёсъя федерал агентстволэн кивалтӥсезлэн Таукаронэз[8].

Санкциос

2022-тӥ арын 16-тӥ толсуре Евросоюзлэн санкциосъя списоказ пыртэмын[10].

Озьы ик США-лэн, Выль Зеландилэн но Швейцарилэн санкциосыз улэ сюремын[11].

Валэктонъёс

  1. ↑ 1 2 Татьяна Николаева (10.02.2022) Лариса Буранова: «Я с 5 лет на депутатском приёме» [ӟуч] Удмуртская правда. Эскеремын 05.10.2025 арын
  2. ↑ 1 2 Буранова Лариса Николаевна [ӟуч] Йӧскалык политикая министерство. Эскеремын 05.10.2025 арын
  3. ↑ Буранова Лариса Николаевна — министр национальной политики Удмуртской Республики [ӟуч] udmurt.ru. Эскеремын 05.10.2025 арын
  4. ↑ Буранова, Лариса Николаевна [ӟуч] kommersant.ru (11.10.2017). Эскеремын 05.10.2025 арын
  5. ↑ 1 2 Буранова, Лариса Николаевна [ӟуч] tass.ru. Эскеремын 05.10.2025 арын
  6. ↑ Лариса Буранова переназначена на должность министра национальной политика Удмуртии [ӟуч] svdelo.ru (11.10.2017). Эскеремын 05.10.2025 арын
  7. ↑ 1 2 Буранова Лариса Николаевна [ӟуч] udmurt.er.ru. Эскеремын 05.10.2025 арын
  8. ↑ 1 2 Анастасия Васильева (24.09.2021) Лариса Буранова досрочно покинула должность министра национальной политики Удмуртии [ӟуч] udmurt.media. Эскеремын 05.10.2025 арын
  9. ↑ Буранова Лариса Николаевна [ӟуч] services.unatlib.ru. Эскеремын 05.10.2025 арын
  10. ↑ Виола Романова (20.12.2022) Попавшая под санкции ЕС депутат Госдумы от Удмуртии Лариса Буранова назвала это событие «почётной грамотой от Евросоюза» [ӟуч] izh.kp.ru. Эскеремын 05.10.2025 арын
  11. ↑ The Department of the Treasury's Office of Foreign Assets Control (OFAC) is publishing a Russia-related Frequently Asked Question (1091) [англи] ofac.treasury.gov. Эскеремын 05.10.2025 арын

Чӧлсконъёс

«https://udm.ruwiki.ru/w/index.php?title=Буранова,_Лариса_Николаевна&oldid=507745»-ысь басьтэмын