Пельняньлэн калыккуспо нуналэз
| Пельняньлэн калыккуспо нуналыз | |
|---|---|
 | |
| фестиваль еды[d] | |
| Кылдытӥсьёсыз | Удмурт Элькунысь Йӧскалык политикая министерство |
| Радъясьёс |
Удмурт Элькунысь Йӧскалык политикая министерство Event-компания «8 человек» |
| Кутсконэз | 2015 |
| Ортчытон ӵемлыкез | ежегодно |
| Кайтаез ортчоз | 2024 арын 5-10 тулыспалэ |
| Ортчытон интыез | |
| Кар | Ижевск |
| Кун | Россия |
| Сайт | pelmenfest.ru |
Пельняньлэ́н калыккуспо́ нуналэ́з (ӟуч: Всеми́рный день пельме́ня) — этногастрономической но юмшан фестиваль, Удмуртиын 2015-тӥ арысен ортче «Удмуртия — пельняньлэн дорез!» брендэз азинтон улсын. Радъямын удмурт йӧскалык чеберлыкез азинтон но Удмурт Элькунэз солэн палэназ тодмо карон понна[1].
Фестивалез радъясьёслэн ивортэмзыя, 2023-тӥ арын пельнянь юмшанэ 40 сюрс пала калык вуылӥз но 11 тонна пельнянь сииськиз[2]. 2024-тӥ арын 10-ез юбилейной фестиваль ортчоз. Пельнянь арня 5-тӥ тулыспалысен кутскыса, 10-тӥ тулыспалозь кыстӥськоз. Таиз ар Удмуртиын семьялэн арез шуыса ялӥз Росси Президент Владимир Путин, солы луыса, ваньмыз сямен, Пельнянь юмшан улсын ортчись ужрадъёс семья кусыпъёслы сӥземын луозы[3].
Историез
«Пельняньлэн калыккуспо нуналыз» юмшан нырысьсэ Ижкарын 2015-тӥ арын 8-тӥ тулыспалысен 14-тӥ тулыспалозь кыстӥськиз. Сое радъязы Удмурт Элькунысь Йӧскалык политикая министерство, Калыкъёслэн эшъяськон юртсы но «8 человек» Event- группа, Кун Кивалтэт юрттэм улсын[4]. Ужрад малпамын вал удмурт йӧскалык культураез азинтон но улослэсь имиджзэ будэтон вылысь[1].
Пельнян удмурт калыклэн йӧскалык сиёнэз луэ. «Пельнянь» ӟуч кылэ берыктыса, «хлебное ушко»[4]шуэмез возьматэ. Ижкарын нимысьтыз пельняньлы синпелет пуетэмын[5].
«Пельнянлэн калыккуспо нуналыз» юмшан улсынв 2015-тӥ арын Ижысь Шор карлудын бадӟым ярмарка радъямын вал, фолк-группаослэн концертъёссы, пӧртэм пумо ӵошатсконъёс, йӧскалык шудонъёс, нош ресторанъёсын но кафеосын пельнянь, хинкали, манты, равиоли но мукет йӧскалык сиёнъёс пӧранъя мастер-классъёс ортчизы[6]. Юмшанэ 25 сюрслэсь ятыр калык пыриськиз. 1,5 тонна пельнянь сииськиз. Юмшан арня кыстӥськон куспын пӧртэм калыкъёслэн пельнянь кутонзыя 7 бадӟым мастер-классъёс ортчизы[7].
Фестиваль йылпумъяськем бере ортчытэм пресс-конференциын, йӧскалык политикая министр Лариса Буранова пусйиз, Пельняньлэсь калыккуспо нуналзэ пусъёнын Удмуртия Россиын гинэ ӧвӧл, быдэс дуннеын валтӥсь инты луыны кулэ шуыса[8].
Озьы та тунсыко ужрад арысь аре ортчись бадӟым юмшанлы пӧрмиз. Пумен но пумен выльдӥське но паськыта солэн радлыкез. Сое ортчытонэ мыло-кыдо пырисько кунысь тодмо коллективъёс но нимаз адямиос. Кылсярысь, 2015-тӥ арын пельнянь кутон быгатонлыксэс «Буран песяйёс» возьматӥзы[6].
Ужрадъёс
«Пельняньлэн калыккуспо нуналыз» фестиваль улсын пӧртэм пумо, ваньмыз сямен, йӧскалык шӧмо ӵошатсконъёс но вожвылъяськонъёс ортчыло. тСоос пӧлын тужгес сӥлы карымонъёсыз:
Ӵужонбол
Ӵужонболъя Пельнмен чемпионатэз «удмурт квиддич» шуыса нимало на. Ӵужонбол — со тупен хоккей выллем командаен шудон, но татын хоккей Клюшка интые огшоры (удм. ӵужон) куто. Ӵужонболын быдэн 6 адямиен 2 команда шудэ, ӵужон но нтмысьтыз туп кутыса. Та шудон кылдӥз вожодыр юмшан дыръя, куке вожояськыса коркась корка ветло. Соин ик спортивной форма интые аспӧрмосо удмурт (удм. пӧртмаськон дӥськут) дӥсяло[9].
Пельмен СЪЕСТ
Удмурт сиёнъёсты веръян: пӧртэм пуштросо пельнянь, перепеч, зыретэн табань, виртырем, аръян, кокрок. Озьы ик пельнян ярмарка ортчытӥське[10].
PelmenRun
2020-тӥ арысен ортче PelmenRun. Та ӵошатсконъёсын вормисьлы быдэс чан пӧзьтэм пельнянь кузьмало. Котькуд мылкыд карись мурт аслыз тупась дистанция быръе. пыриськыны быгато мӧйыос но, пиналъёс но. Командаос понна нимысьтыз забег ортчытӥське[11].
Пельмен кубок КВН
Нырысьсэ ортчытэмын 2023-тӥ арын. Ужрадэ пырисько студентъёс, дэменлыкъёслэн но мукет ужъёртъёслэн азьветлӥсьёссы[12].
«Шудком»
Удмурт кылын ортчись йырвизь сынанъя шудонын командаос вожвылъясько. Куинь раунд куспын быдэн 9 пӧртэм ӧръёсысь юан сётӥське: логика, серемпыр, ассоциативной но творческой мышление. Котькуд раунд бере, сётэм валэктонъёсъя куинезлэсь азьпала потэм командаослэсь нимёссэс шараяло[13].
«Шудо визнан»
«Шудо визнан» («Счастливая удочка») ― Иж тыметын визнанэн чорыг кутылонъя чемпионат. Висъям дыр ортчемъя, чемпионатэз радъясьёс ӵошатсконэ пыриськемъёслэсь кутэм чорыгзэс мертало но дунъяло. Вормисе потэ тужгес трос балл люкам пыриськись[14].
Данъетъёс
- «Пельняньлэн калыккуспо нуналыз» фестиваль Russian Event Awards но Eventиада Awards йӧскалык премиослэн азвесь призёрез луэ.
- «Туристический сувенир» Росси ӵошатсконын «Сувенир события» номинациын Гран-при басьтӥз (2016).
- «Пельменный уикенд» туристической маршрут «Маршрут года» росси туристической премиен пусъемын «Лучший событийный туристический маршрут» номинациын (2016).
- Мер кусыпъёсъя «Серебряный лучник» йӧскалык премиен пусъемын (2017).
- 2018-тӥ, 2019-тӥ но 2020-тӥ аръёсы фестиваль Россиысь тол гастрономической фестивальёслэн рейтингазы нырысетӥ радэ пуктэмын вал, ТурСтат аналитической агентстволэн лыдъямезъя[1].
- 2017-тӥ арысь тужгес устоосыз туристической событиосын календаре но #ПораПутешествоватьПоРоссии электрон бичетэ пыртэмынэлектронный[15].
Фотоадӟытон
Ижкарлэн валтӥсь сцена вылаз — «Айкай»
Ӵошатсконын вормисьёс
Удмурт кырӟась Богдан Анфиногенов
«Визнан»
- Пельняньлэн калыккуспо нуналыз-2023.jpg
«Пельменьфестэ» пыриськемъёс
Валэктонъёс
- ↑ 1 2 3 В Ижевске пройдет фестиваль «Всемирный день пельменя» Официальный сайт Администрации города Ижевска.
- ↑ 40 тысяч участников и 11 тонн пельменей: в Удмуртии прошел Pelmenfest udm-info.ru.
- ↑ Юбилейный фестиваль «Всемирный день пельменя» пройдет в Удмуртии с 5 по 10 февраля 2024
- ↑ 1 2 О фестивале Всемирный День Пельменя.
- ↑ Дмитрий Стрелков Памятник пельменю в Ижевске вернется после ремонта здания кафе ИА «Сусанин».
- ↑ 1 2 Елена Сараматова Пельнянь нунал [удм.] Удмурт дунне.
- ↑ Марина Цветухина Всемирный день пельменя в Ижевске может совпасть с Днём святого Валентина Известия Удмуртской Республики.
- ↑ Пельмени всех стран, объединяйтесь Министерство национальной политики УР.
- ↑ На фестивале «Всемирный день пельменя» в Удмуртии сыграют в «квиддич» Министерство национальной политики УР.
- ↑ «По-нашему! По-удмуртски! Вкусно!»: Фестиваль «Всемирный день пельменя» пройдет в Удмуртии с 6 по 11 февраля Министерство национальной политики УР.
- ↑ Традиционный забег за тазик пельменей PelmenRun пройдет в Удмуртии в рамках фестиваля «Всемирный день пельменя» Министерство национальной политики УР.
- ↑ В Удмуртии в рамках фестиваля «Всемирный день пельменя» впервые пройдет Пельменный кубок КВН Министерство национальной политики УР.
- ↑ «Шудком»: играют только сильные! Удмуртский государственный университет.
- ↑ Открыта регистрация на чемпионат по ловле на мормышку и блесну на Ижевском пруду ИнфоУдмуртия.
- ↑ «Всемирный день пельменя» стал лучшим гастрономическим фестивалем Известия.