Индустри ёрос (Иж)

Википедиысь материал
Та кыллэн мукет валатонъёсыз но вань, учке Индустри ёрос.
Карысь ёрос
Индустри ёрос
ӟуч: Индустриальный район Ижевска
Udmurtskaya street (Izhevsk)-1.jpg
56°51′00″ с. ш. 53°14′00″ в. д.GЯO
Кун РоссияFlag of Russia.svg Россия
Пыре ИжкарFlag of Izhevsk (Udmurtia).svg Ижкар
Администрацилэн йырыз Безмельницын Юрий Анатольевич[1]
Историез но географиез
Кылдытэмын 8-тӥ толсуре 1962
Быдӟалаез
  • 35,37
Ӝуждалаез
 • Тужгес вылӥ 208 м
 • Шор 133 м
 • Тужгес улӥ 118 м
Часовой пояс MSK+1 (UTC+4)
Улӥсез
Улӥсез

↗127 782[2] мурт (2021)

  • (карысь ёросъёс пӧлын 5-тӥ интыын)
Йӧскалыкъёс ӟучъёс, удмуртъёс но мукетъёсыз
Официальной луись кылъёс удмурт, ӟуч
Лыдпусо идентификаторъёс
Автом. номеръёслэн кодъёссы 18
Сайтэз
Индустри ёрос на карте
Логотип РУВИКИ.Медиа Медиафайлъёс РувикиМедиа пушкын

Индустри ёрос (ӟуч: Индустриальный район (Ижевск)) — Ижкарысь вить ёросъёс пӧлысь огез. Промышленной объектъёс но улон коркаос зол лэсьтӥськиськемен, ёрослы таӵе ним сётӥзы. Татын интыяськемын лулчеберетъя синпелетъёс, дышетон ужъюртъёс, магазинъёс но вузкарон центръёс.

Удмурт ульча ёросысь огез паськытэз луэ

Интыяськемез

Индустри ёрос Ижлэн уйпал но шундыӝужан палаз интыяськемын. Быдӟалаез 35,37 км² — карысь ёросъёс пӧлын 4-тӥ интыын. Улӥсез — 119 609 сюрс адями. Ижысь мукет ёросъёсын ӵошатыса, татысь улоно коркаос ӧжыт этажъем, трос садо-нюлэсо интыосыз.

Ёрослэн интывылыз

Индустри ёрослэн бускельёсыз:

Вотка шоссе — ёрослэн шундыӝужан палась гожез
  • Шундыӝужан палан — Устинов ёрос. Гожез Вормонлы 40 ар ульчалэн уйпаласеныз кутске (Ленин нимо ульчаысен Октябрьлы 10 ар ульчаозь), отӥяз Октябрьлы 10 ар ульча кузя мынэ (Вормонлы 40 ар ульчаысен 9-тӥ Январёзь), собере гожез 9-тӥ Январь ульчалэн шундыӝужан палтӥз кошке (Октябрьлы 10 ар ульчаысен Вотка шоссеозь), собере Вотка шоссе ульчалэн лымшор палтӥз мынэ, «Промвентиляция» производствоя базалэн шундыӝужан но лымшор гожъёсыз дортӥ ортче, 6 номеро ФГУП УССТ производствоя базалэн шундыӝужан палтӥз, ИТК-4 колонилэн лымшор палась котыртэмез кузя азьланьтӥське, «Пермжелдортранс» ОАО производствоя базаез уйпатӥз котыртэ, «Буммаш» ОАО-лэн лымшор но шундыӝужан палась промплощадкаез вӧзтӥ, ГУП УР «Ижысь полиграфияя комбинатлэн» лымшор но шундыӝужан палтӥз Вотка шоссеозь кыстӥське, Вотка шоссе ульчалэн уйпаласеныз ӵыпетлэн шундыӝужан палась ярдураз пыкиське;
  • Лымшор палан — Первомай ёрос. Гожез кутске Ленин нимо ульчалэн уйпаласеныз (Вормонлы 40 ар ульчаысен Карлутка шурозь), отӥяз Карлутка шур кузя выллань уйпала тубе, собере Советской ульчалэн уйпалтӥз (Карлутка шурысен Коммунаръёслэн ульчаозязы) кошке;
  • Уйпалан — Октябрь ёрос. Гожез кошке Коммунаръёслэн ульчазылэн уйпалтӥз (Советской ульчаысен Северной пролкаозь), отӥяз ортче Северной пролкалэн уйпалтӥз (Коммунаръёслэн ульчаысенызы Удмурт ульчаозь), собере мынэ Удмурт ульчалэн уйпалтӥз (Северной пролкаысен Вотка но Славян шоссеослэн вожзы дорозь), Славян шосселэн уйпалтӥз карлэн гож дорозяз вуэ («Ижысь Окружной автомобиль сюреслэн вожозяз»);
  • Уйпал но шундыӝужан палан — Удмуртиысь Дэри ёрос. Гожъёсыз «Хохряки» муниципал кылдытэт вискытӥ кошко (Нагорной лесничестволэн 114-тӥ, 103-тӥ кварталъёслэн пумъёссы кузя, уйпал но шундыпуксён ласянь Нагорной лесничестволэн 103-тӥ, 69-тӥ кварталъёслэн пумъёссы кузя но «Звезда», «Труженик», «Буммашевец-2», «Весна» СНТ-ослэн музъем гожъёссы кузя, шундыӝужан ласянь «Весна» СНТ-лэн лымшор палтӥз). Ёрос гож озьы ик «Ягул» муниципал кылдытэт вискытӥ ортче («Ижысь Окружной» автомобиль сюреслэн лымшор палласянь полоса бордысеныз Славян шоссе кульчо вожозь)[3].
Шуръёс
  • Пазелы;
  • Карлутка.
Карлутка шур вамен выж

Карлутка шур трамвай кульчо дорысен потыны кутске (Буммаш остановка). Пеньки, Культбаза, Восточной каргурт пала бызе, со микрорайонъёс куспын гож луэ.

  • Ярушки.

Историез

Ёрос кылдытэмын УАССР-ысь Вылӥ Кенешлэн Президиумезлэн 1962-тӥ арын 8-тӥ толсуре кутэм указэзъя, сое 1963-тӥ арын 1-тӥ тулыспалэ юнматӥз РСФСР-ысь Вылӥ Кенешлэн Президиумез  [ӟуч] (удм.[3].

Ёрослэн азинскемез

Ёрос 1960-тӥ арын азинскыны кутскиз, «Ижтяжбуммаш» завод пуктон борды басьтӥськемзы бере. Заводэн огдыре «Буммаш» ёрос но ӝог ӝутӥськиз — татын Вотка шоссе кузя 6 микрорайонъёс кылдӥзы, оглом улоно площадьзы ог 514 сюрс м²[3].

Кылдон вакытаз ёрос кык люкетлэсь вал: кар но гурт. Ёрослэн кар люкетэз карлэн шундыӝужан но уйпал-шундыӝужан люкетаз интыяськылӥз. Уйпал но шундыӝужан ласянь гожъёсыз ортчылӥзы Пазял каргуртэ нуись сюрес дорысен азьвыл аэропорт дорозь, лымшор ласянь Мичурин нимо но Советской урамъёсысен кутскыса, Коммунаръёслэн урамозязы вуылӥзы (Советской урамысен Вотка шоссе дорозь), отӥяз уйпала Пазел каргурт борды пыкиськылӥзы[4]. Ёросэ озьы ик пыризы Чура, Пугачёво каргурт сельсоветъёс, Чернушка но Яган гурт сельсоветъёс, со сяна, азьвыл Якшур-Бӧдья, Иж, Пичи-Пурга но Дэри ёросъёсысь куд-ог гуртъёс, кудъёсаз промышленной предприятиос ужазы, татын оглом улӥсьёслэн лыдзы ог 13 сюрс адями вал[3].

Улоно микрорайонъёсын ӵош ёрослэн мерлыко центрез но ӝутӥськиз: кинотеатр, «Урал» ресторан, липет улын базар, культпросветучилище, школаос но нылпи садъёс кылдӥзы. 1966-тӥ арын лэсьтэмын вал 22 сюрс учкисьлы «Зенит» стадион, «Спутник» клуб, семьяен шутэтскон понна «Кызьпу арама» парк выльдэмын[5].

1965-тӥ арын ёросын эшшо одӥг бадӟым пуктӥськон борды кутскизы — автозаводэз ӝутон. Со дыре ик вуж аэропорт котыре улоно коркаос лэсьтыны ӧдъязы[5].

Индустри ёросын ужа 1949-тӥ арын усьтэм Ижысь ипподром.

Индустри ёросэз люкон

Аръёс ортчемъя, ёрослэн гожъёсыз паськытазы. Выль ужъюртъёс кылдӥзы: кагаз поттон машинаос лэсьтонъя предпритие, автозавод, пластмасс ӵыжатон завод, сур но кудӟытӥсьтэм юонъёс пӧзьтон но йӧл поттон комбинатъёс, ТЭЦ-2.

Ёросын ӝутэм нырысетӥ предприятиосты — Ленин нимо, Подшипник поттон кун заводъёсты но Ижысь радиозаводэз — выльдӥзы.

Удмурт кун университетлэсь дышетон площадкаоссэ паськытатӥзы, культпросвет но крезьгуръя элькун училищеос, Ударник, Октябрь кинотеатръёс пуктэмын вал.

Озьы 1987-тӥ арын Индустри ёрос быдӟалаезъя но 270 сюрс улӥсеныз карысь котькуд ёрослэсь кык поллы бадӟымгес вал. Таин валче 1987-тӥ арын 1-тӥ пӧсьтолэзе Удмурт АССР-ысь Министръёслэн Кенешсылэн пуктэтсыя Индустри ёросэз Индустри но Устинов ёросъёслы люкизы[5].

Ёросэз азинтон понна трос лэсьтэм муртъёс:

  • Костров Виталий Владимирович — райсовет исполкомлэн нырысетӥ тӧроез;
  • Росляков Егор Николаевич — райсовет исполкомлэн тӧроез[3].

КПСС-лэн райкомысьтыз нырысетӥ секретарьёс:

Историяя кылдэм улоно ёросъёс

Улоно ёрос Валэктонъёс
Буммаш
Карлутка Карлутка шурлэн быземезъя нимамын.
Культбаза
Столичной Вотка шоссе кузя 2010-тӥ арысен ӝутӥськись выль микрорайон[6].
Строитель
Шор
  • Буммаш — уйпал но шундыпуксён ласянь гожъёсыз Вотка шоссе кузя кошко, шундыӝужан ласянь 9-тӥ Январь ульчаетӥ ортчо, лымшор но шундыӝужан ласянь гожъёсыз Октябрьлы 10 ар ульча кузя мыно, лымшор ласянь рос-прос гожъёсыз ӧвӧл, но соосты Буммашевской ульчаен герӟало (ульчалы ним предприятилэн нимызъя сётэмын). Буммашын 60-тӥ аръёсы пуктэм вить этажъем коркаос трос.
  • Пеньки — та микрорайонэз ӵемысь Буммаш микрорайон пӧлы пырто. Но солэн аслаз гожъёсыз: уйпал но шундыӝужан ласянь Буммашевской ульча, лымшор ласянь — Октябрьлы 10 ар, уйпал ласянь — Удмурт ульча. Пеньки микрорайонын коммуналкаос но огъяулонниос ӝутэмын, озьы ик лачак автобазаос интыяськемын, уноез соос пӧлысь улоно коркаослэн азбаразы ужало. Таин сэрен но калыкез нуллӥсь транспорт дугдылонниослы кыдёкын луэменыз Пенькиын улон интыос данын ӧвӧл. Со сяна, коммуналкаосын ӵемысь начаръёс уло.
  • Восточной каргурт — уйпал ласянь гожез Октябрьлы 10 ар ульча кузя кошке, шундыӝужан ласянь Бабушкина нимо ульча кузя ортче, лымшор ласянь Ленин нимо ульчаен пумиське, шундыпуксён ласянь рос-прос гожез ӧвӧл, но со баракъёс но трос этажъем улоно коркаос вискытӥ мынэ лыдъяське. Восточной каргуртысь уноез пуктӥськемъёс одӥг-кык этажъем частной коркаос луо. Гуртын сямен ик, татысь котькуд корка ву пыртэмын ӧвӧл, вулы адямиос колонкае ветло. Уноез сюресъёс векчи излэсь вӧлдэмын яке сюез лёгыса лэсьтэмын, шор ульчаос гинэ асфальтэн шобыртэмын.
  • Культбаза — уйпал ласянь гожез Октябрьлы 10 ар ульча валлин будӥсь нюлэс кузя кошке, шундыпуксён ласянь Карлутка шурлэн ярдураз пыкиське, лымшор ласянь промышленной зонаен йылпумъяське, шундыӝужан ласянь рос-прос гожез ӧвӧл, но со баракъёс но трос этажъем улоно коркаос вискытӥ ортче лыдъяське. Культбаза микрорайонэ вить этажъем улоно коркаос (редуктор заводысь ужасьёслы) но укмыс этажъем коркаос пуктылэмын. Культбазаын «Кызьпу арама» парк интыяськемын.

Улон коркаос но транспорт инфраструктура

Индустри ёросын трос квартираем 647 юртъёс но нимаз адямиослэн 4296 коркаоссы пуктэмын. Карысь но ёросысь сюресъёслэн кузьдалазы 376 иськем.

Пуктӥськись объектъёс

  • «Столичный» микрорайонын пуктӥське «Столичный» улон комплекс;
  • «Культбазаын» лэсьтӥське «ГРАНД» улон комплекс;
  • «Карлуткаын» — «Восточный квартал» улон комплекс;
  • «Шор» микрорайонын — «Советская, 41» улон комплекс.

Транспорт инфраструктуралэн азинсконэз

Ижкарлэн валтӥсь планэзъя кар ёросъёс куспын транспорт герӟетъёсты кужмоятон но валтӥсь сюресъёсы поттӥсь сюресъёсты ватсаса лэсьтон уж азинтӥськоз[7].

Улӥсез

Индустри ёросын улӥсьёс

Численность населения
1970[8]1979[9]19871989[10]2002[11]2009[12]2010[13]
112 161↗213 351↗270 000↘130 020↘110 174↘104 410↗113 721
2012[14]2013[15]2014[16]2015[17]2016[18]2017[19]2018[20]
↘113 195↗114 403↗116 898↗118 973↗119 609↗121 326↗121 935
2019[21]2020[22]2021[2]
↗122 293↘121 655↗127 782

Ёрослэн люкиськемез

6 улоно ёросъёслы но пичи этажъем коркаосын зоналы люкиське:

Индустри ёросысь улоно микрорайонъёс[23].

Улоно ёрос Тодметъёсыз Валэктонъёс
Буммаш 6 микрорайонъёслэсь кылдэмын
1-тӥ микрорайонэ пыро Дзержинский нимо ульча (нечётной палыз) но Вотка шоссе ульча (чётной палыз);
2-тӥ микрорайонэ пыро Дзержинский нимо ульча (чётной палыз) но Вотка шоссе ульча (нечётной палыз);
3-тӥ микрорайон — со Дзержинский нимо ульча (нечётной палыз);
4-тӥ микрорайон — со 9-тӥ Январь ульча (нечётной палыз);
5-тӥ микрорайон — со 9-тӥ Январь ульча (нечётной палыз);
6-тӥ микрорайон — со Буммашевской ульча (чётной палыз).
 «Ижтяжбуммаш» заводлы матэ интыяськеменыз озьы нимамын. Нош 6-тӥ микрорайонэз калык пӧлын Пеньки нимало: Карлутка урочищеысь сикез корамзы бере бервылаз уно лӥялъёс кылизы, нимзэ соя ик сётӥзы .
Уйпал

(ӟуч: Север)

18 микрорайонъёслэсь кылдэмын, соос пӧлысь 2-ез Индустри ёросэ пыро, мукетъёсыз — Октябрь ёросэ.
16-тӥ микрорайон — шундыпуксён ласянь Удмурт ульчаен, лымшор ласянь Октябрьлы 10 ар ульчаен, шундыӝужан ласянь Карлутка шурен, уйпал ласянь Холмогоров ульчаен котыртэмын.
16-тӥ «А» микрорайон — шундыпуксён ласянь Удмурт ульчаен, лымшор ласянь Авангард ульчаен, шундыӝужан ласянь Карлутка шурен, уйпал ласянь Октябрьлы 10 ар ульчаен котыртэмын.
 16-тӥ «А» микрорайон Удмурт ульча кузя, «Флагман» ТЦ вадескы пуктэм, «немец» коркаосын тодмо
Культбаза 10 микрорайонъёслэсь кылдэмын
1-тӥ микрорайон — шундыпуксён ласянь гожез Карлутка шурен пусъемын, лымшор ласянь Авангард ульчаен, шундыӝужан ласянь Репин нимо ульчаен (проектъя Тимирязев ульчаысен Октябрьлы 10 ар ульчаозь сюрес лэсьтыны чакламын), уйпал ласянь Октябрьлы 10 ар ульчаен.
2-тӥ микрорайон — шундыпуксён ласянь гожез Репин нимо ульчаен пусъемын (проектъя Тимирязев ульчаысен Октябрьлы 10 ар ульчаозь сюрес лэсьтыны чакламын), лымшор ласянь Грибоедов нимо ульчаен, шундыӝужан ласянь Серов нимо ульчаен, уйпал ласянь Октябрьлы 10 ар ульчаен.
3-тӥ микрорайон — шундыпуксён ласянь гожез Репин нимо ульчаен пусъемын, лымшор ласянь Авангард ульчаен, шундыӝужан ласянь 8-тӥ Март ульчаен, уйпал ласянь Грибоедов нимо ульчаен.
4-тӥ микрорайон — шундыпуксён ласянь гожез Серов нимо ульчаен пусъемын, лымшор ласянь Грибоедов нимо пролкаен, шундыӝужан ласянь 9-тӥ Январь ульчаен, уйпал ласянь Октябрьлы 10 ар ульчаен.
5-тӥ микрорайон — шундыпуксён ласянь гожез Серов нимо ульчаен пусъемын, лымшор ласянь Грибоедов нимо ульчаен, шундыӝужан ласянь Карлутка шурен, уйпал ласянь Грибоедов нимо пролкаен.
6-тӥ микрорайон — шундыпуксён ласянь гожез 8-тӥ Март ульчаен пусъемын, лымшор ласянь Авангард ульчаен, шундыӝужан ласянь Карлутка шурен, уйпал ласянь Грибоедов нимо ульчаен.
7-тӥ микрорайон — шундыпуксён ласянь гожез Карлутка шурен пусъемын, лымшор ласянь проектэ пыртэм Калашников проспектэн (~Профсоюз пролкаен), шундыӝужан ласянь Бабушкина нимо ульчаен, уйпал ласянь Уральской пролкаен.
8-тӥ микрорайон — шундыпуксён ласянь гожез 9-тӥ Январь ульчаен пусъемын, лымшор ласянь Суриков нимо пролкаен (проектъя кузятыны чакламын), шундыӝужан ласянь Вормонлы 40 ар ульчаен, уйпал ласянь Октябрьлы 10 ар ульчаен.
9-тӥ микрорайон — шундыпуксён ласянь гожез Бабушкина нимо ульчаен пусъемын, лымшор ласянь Уральской пролкаен (проектъя кузятыны чакламын), шундыӝужан ласянь Вормонлы 40 ар ульчаен, уйпал ласянь Суриков нимо пролкаен (проектъя кузятыны чакламын).
10-тӥ микрорайон — шундыпуксён ласянь гожез Бабушкина нимо ульчаен пусъемын, лымшор ласянь проектэ кутэм Калашников проспектэн, шундыӝужан ласянь Вормонлы 40 ар ульчаен, уйпал ласянь Уральской пролкаен (проектъя кузятыны чакламын).
 4—7-тӥ микрорайонъёс (проект) — со Восточной каргуртлэн официальной луисьтэм ёросэз (уйпал люкетэз), 8—10-тӥ микрорайонъёс (проект) — со сад-бакча кооперативъёс.
Карлутка 2 микрорайонъёслэсь кылдэмын.
1-тӥ микрорайон — шундыпуксён ласянь гожез Карлутка шурен пусъемын, лышор ласянь Ленин нимо ульчаен, шундыӝжуан ласянь Совхозной ульчаен, уйпал ласянь проектъя лэсьтыны чалкам Калашников проспектэн.
2-тӥ микрорайон — шундыпуксён ласянь гожез Совхозной ульча кузя пусъемын, лышор ласянь Ленин нимо ульчаен, шундыӝужан ласянь сик (300-тӥ производство) борды пыкиське, уйпал ласянь проектъя лэсьтыны чалкам Калашников проспект борды.
 Та микрорайонъёс Восточной каргуртлэн официальной луисьтэм ёросэз (лымшор люкетэз) луо.
Шор

(ӟуч: Центральный)

Микрорайонлэсь гожъёссэ таӵе ульчаос кылдыто: шундыпуксён ласянь Коммунаръёслэн ульчазы, лымшор ласянь Советской, уйпал ласянь Киров ульча но шундыӝужан ласянь Карлутка шур. Та люкетэз Индустри ёрослэн администрацияз пыре. Карлэн куинь администраци ёросъёсызлэн интывылазы пуксемын: Октябрь, Первомай но Индустри. Индустри ёросэ шундыӝужан люкетэз пыре.
Столичной Татчы Е. М. Кунгурцев нимо но Вотка шоссе (нечётной палыз) ульчаос пыро. Вотка шосселэн уйпалыз. Мыло-кыдо пуктӥське.
Пазял[24] Лапег коркаосын микрорайонъёс
Автомобилист микрорайон;
Пазелы микрорайон.
 Славян шоссе кузя пуктэм улон интыос (шундыӝужан палыз).
Сельхозвыставка[25] Лапег коркаосын микрорайонъёс
Ошмесо (ӟуч: Родниковый) микрорайон;
Шундыё (ӟуч: Солнечный) микрорайон;
Владимирской микрорайон;
Апрель микрорайон;
Дарьинской микрорайон;
Выль Ярушки микрорайон;
Сик куш (ӟуч: Лесная поляна) микрорайон.
 Столичной микрорайонлэн уйпаласьтыз интывыл.

Ульчаос

Индустри ёросын 87 урамъёс.

Валтӥсь статья: Ижысь ульчаос

Кивалтэт

Администрация

Индустри ёрослэн администрациез интыяськемын Дзержинский нимо ульчаысь 5-тӥ юртын[26].

Полиция

  • Индустри ёросысь полицилэн 5 номеро ёзэз — Вотка шоссе ульча, 9;
  • Полицилэн 31 номеро участокысь пунктэз — Буммашевской ульча, 84;
  • Полицилэн 32 номеро участокысь пунктэз — Вотка шоссе ульча, 66;
  • Полицилэн 33 номеро участокысь пунктэз— Герцен нимо ульча, 6;
  • Полицилэн 34 номеро участокысь пунктэз — Красногеройской ульча, 103;
  • Полицилэн 36 номеро участокысь пунктэз — Тимирязев ульча, 13.

Судъёс

  • Ижкарысь Индустри ёрос суд — Вотка шоссе ульча, 140;
  • Индустри ёросысь миръясь судьяос — Вотка шоссе ульча, 140;
  • Индустри ёросысь Прокуратура — Вотка шоссе ульча, 56;
  • Удмурт Элькунысь Арбитраж суд — Ломоносов ульча, 5.

Транспорт

Ёросэтӥ куинь пумо калык транспорт ветлэ, соос карлэн котькуд интыяз вуттыны быгато.

Индустри ёросэтӥ ветлӥсь калык транспорт

Транспорт Маршрут номер Валтӥсь магистральёс Ёросъёс
Трамвай № 2, 5, 7, 8, 9, 10, 11, 12 Ленин нимо ульча, Серов нимо ульча, Халтурин нимо ульча, Буммашевской ульча, Авангард ульча Буммаш, Культбаза, Восточной каргурт
Троллейбус № 1, 2, 4, 4д, 7, 14 Вотка шоссе, ул. 9-тӥ Январь, Дзержинский нимо ульча, Удмурт ульча, Советской ульча Столичной, Буммаш, Уйпал, Шор
Автобус № 10, 12, 12к, 16, 19, 22, 23, 26, 18, 27, 28, 29, 31, 36, 39, 40, 45, 49, 50, 52, 53, 68, 79, 331, 321 9-тӥ Январь, Удмурт ульча, Дзержинский нимо ульча, Ленин нимо ульча, Вотка шоссе, Октябрьлы 10 ар ульча, Советской ульча Столичной, Буммаш, Уйпал, Шор, Сельхозвыставка, Пазял

Экономика

Вузкарон но услугаос сётон

Индустри ёросын вузкаронъя, калыкез сюдонъя, улон-вылонын пӧртэм услугаос сётонъя предприятиос ужало, озьы ик вузкаронъя стационарной луисьтэм объектъёс вань: павильонъёс, киоскъёс, транспорт дугдон комплексъёс.

Вузкарон центръёс

  • «СтройПорт» ТЦ — Киров ульча, 146 но 144;
  • «Флагман» ТЦ — Удмурт ульча, 255 б;
  • «Флагман ДИСКОНТ» ТЦ — Удмурт ульча, 255 в;
  • «Алые паруса» ТЦ — Киров ульча, 142;
  • «Флагман» ОЦ — Удмурт ульча, 255 г;
  • «Гвоздь» ТЦ— Удмурт ульча, 304 н;
  • «Орин» ТЦ — Удмурт ульча, 304 а;
  • «Орион» ТЦ — Удмурт ульча, 304 е;
  • «Авеню» ТЦ— Удмурт ульча, 304 лит к2;
  • «Аврора-Парк» ТЦ — Удмурт ульча, 304 к1;
  • «Аврора-Парк» ТОЦ — Удмурт ульча, 304;
  • «Молоток» ТЦ — Удмурт ульча, 304 в;
  • «Эльгрин» ТОЦ — Октябрьлы 10 ар ульча, 53;
  • «Кольцо» ТЦ — Дзержинский нимо ульча, 48 а, 48 б;
  • «Северный рынок» ООО — 9-тӥ Январь, 223;
  • «Урал» ТЦ — 9-тӥ Январь, 217 а;
  • «Омега» ТРЦ — Октябрьлы 10 ар ульча, 32;
  • «Омега» БЦ— Октябрьлы 10 ар ульча, 32 лит. р.

Промышленной предприятиос

Индустри ёросын ужась промышленной предприятиос[27]:

  • «Ижысь радиозавод» ОАО — бортовой но музъем вылысь радиотехникая комплексъёсты, телекоммуникацияя сӧзнэтъёсты, чугун сюрес вылын связья но автоматикая сӧзнэтъёсты лэсьтӥсь, ТЭК-лы тӥрлык, ЖКХ-лы тӥрлык но мукет интыын кутӥськись тӥрлык поттӥсь завод;
  • «Редуктор» ГП — редукторъёс, станокъёс, качалкаос поттӥсь бадӟымез предприятие;
  • Ижысь «Декоративной но сяська культураос» МУП — декоративной сяськаос но удъёс будэтӥсь предпритие;
  • «ИПОПАТ» ОАО — 2 номеро автопарк;
  • «ИжГЭТ» МУП — 1 номеро троллейбус парк;
  • «Альтаир» ОАО — кирпич поттӥсь предприятие;
  • «Ижысь полиграфияя комбинат» ГУП УР;
  • «Ижметмаш» АО — целлюлоза но кагаз лэсьтонъя тӥрлык, химия, металлургия промышленностьын кутӥськись тӥрлык поттӥсь бадӟымез завод.

Дышетон удыс

Вылӥ дышетон

Шоро-куспо профессиослы дышетон

Покчи профессиослы дышетон

  • 82 номеро спортъя лицей;
  • 28 номеро «Мода» профлицей.

Огъя дышетон

  • 3-тӥ шор ёзо ӝыт (сменаен) школа;
  • 8-тӥ шор ёзо школа;
  • 19-тӥ шор ёзо школа;
  • 24-тӥ гимназия;
  • Ляб тазалыко нылпиос понна 39-тӥ огъя дышетонъя коррекционной школа;
  • 43-тӥ шор ёзо школа;
  • 44-тӥ гуманитарной лицей;
  • Нимысьтыз предметъёсты мур дышетонъя 52-тӥ шор ёзо школа;
  • 56-тӥ гимназия;
  • 64-тӥ шор ёзо школа;
  • Нимысьтыз предметъёсты мур дышетонъя 69-тӥ шор ёзо школа;
  • 72-тӥ шор ёзо школа;
  • Ляб тазалыко нылпиос понна 79-тӥ огъя дышетонъя коррекционной школа;
  • Нимысьтыз предметъёсты мур дышетонъя 84-тӥ шор ёзо школа.

Школа азьын визьнодан

Школа азьын визьноданэн но ватсаса тодон-валан сётонэн 53 нылпи садъёс, улон интыосысь 10 клубъёс, искусствоосъя 3 школаос, 6 муниципал библиотекаос выро[28].

Эмъяськон

Бадӟымъёслы но нылпиослы ёросысь 36 эмъяськон юртъёс юрттэт сёто.

  • Нылпиослы 3-тӥ кар поликлиника — Репин нимо ульча, 35 к2;
  • Нылпиослы 7-тӥ поликлиника — Буммашевской ульча, 96;
  • Клиникая 1-тӥ кар больница — Парковой ульча, 49 а;
  • 1-тӥ БК-лэн клиникая 6-тӥ кар больницаез — Ленин нимо ульча, 81;
  • Клиникая 6-тӥ кар больница — Лев Толстой нимо ульча, 7 а;
  • Клиникая 6-тӥ кар больница — Удмурт ульча, 304 и;
  • Клиникая 7-тӥ кар больница — Вотка шоссе ульча, 81;
  • 7-тӥ кар поликлиника — ул. Зенит ульча, 9;
  • 7-тӥ кар поликлиника — 8-тӥ Март ульча, 16 а;
  • И. Б. Однопозов нимо клиникая 8-тӥ кар больница — Серов нимо ульча, 65.

Озьы ик ёросын ужало:

  • Нырысетӥ элькун больница — Вотка шоссе ульча, 57;
  • Нылпиослы элькун больница — Ленин нимо ульча, 79;
  • Клиникая но диагностикая элькун центр — Ленин нимо ульча, 87 б.

Спортъя лэсьтосъёс

  • «Зенит — Ижевск» шор стадион;
  • «Торпедо» стадион;
  • «Торпедо» спорт комплекс;
  • «Ижсталь» йӧ дворец;
  • Спортъя муниципал дворец;
  • «Олимпиец» липет улын каток;
  • «Платформа» спорт клуб.

Лулчеберетъя юртъёс

  • Ӟуч культурая «Русский дом» центр;
  • «Восточный» лулчберетъя юрт.

2003-тӥ арысен ёросысь Космонавтъёслэн парказы арлы быдэ ортчылэ Гордъёслэн фестивальзы.

Оскон

Ӟуч православнной черк

Вуж сямен вӧсяськон

Покров черклэн кирпичлэсь выль юртэз 1991—1998-тӥ аръёсы пуктэмын, со 1000 пала адямилы чакламын.

Шундыӝужан палась христианство

Валэктонъёс

  1. ↑ Безмельницын Юрий Анатольевич [ӟуч] izh.ru. Эскеремын 16-10-2025 арын
  2. ↑ 1 2 Таблица 5. Численность населения России, федеральных округов, субъектов Российской Федерации, городских округов, муниципальных районов, муниципальных округов, городских и сельских поселений, городских населенных пунктов, сельских населенных пунктов с населением 3000 человек и более [ӟуч] (XLSX) Эскеремын 2022-09-01 арын
  3. ↑ 1 2 3 4 5 6 История района [ӟуч] izh.ru. Эскеремын 16-10-2025 арын
  4. ↑ Территория района [ӟуч] izh.ru. Эскеремын 16-10-2025 арын
  5. ↑ 1 2 3 Елена Кардапольцева (5.02.2013) Индустриальному району - 50 лет: Почему база - культурная, дома - немецкие, а парк — козий? [ӟуч] izhlife.ru. Эскеремын 16-10-2025 арын
  6. ↑ Алёна Иванова (17.04.2015) Столичный размах микрорайона «Столичный» [ӟуч] izhlife.ru. Эскеремын 16-10-2025 арын
  7. ↑ Генеральный план города Ижевска [ӟуч] izh.ru. Эскеремын 16-10-2025 арын
  8. ↑ Всесоюзная перепись населения 1970 года Численность городского населения РСФСР, ее территориальных единиц, городских поселений и городских районов по полу. [ӟуч] Демоскоп Weekly. Эскеремын 2013-09-25 арын
  9. ↑ Всесоюзная перепись населения 1979 года Численность городского населения РСФСР, ее территориальных единиц, городских поселений и городских районов по полу. [ӟуч] Демоскоп Weekly. Эскеремын 2013-09-25 арын
  10. ↑ Всесоюзная перепись населения 1989 г. Численность городского населения РСФСР, ее территориальных единиц, городских поселений и городских районов по полу [ӟуч]
  11. ↑ Всероссийская перепись населения 2002 года. Том. 1, таблица 4. Численность населения России, федеральных округов, субъектов Российской Федерации, районов, городских поселений, сельских населённых пунктов - райцентров и сельских населённых пунктов с населением 3 тысячи и более [ӟуч]
  12. ↑ Численность постоянного населения Российской Федерации по городам, посёлкам городского типа и районам на 1 января 2009 года [ӟуч] Эскеремын 2014-01-02 арын
  13. ↑ Итоги Всероссийская перепись населения 2010 года. 5. Численность населения России, федеральных округов, субъектов Российской Федерации, районов, городских населённых пунктов, сельских населённых пунктов – районных центров и сельских населённых пунктов с населением 3 тысячи человек и более [ӟуч] Эскеремын 2013-11-14 арын
  14. ↑ Численность населения Российской Федерации по муниципальным образованиям. Таблица 35. Оценка численности постоянного населения на 1 января 2012 года [ӟуч] Эскеремын 2014-05-31 арын
  15. ↑ Численность населения Российской Федерации по муниципальным образованиям на 1 января 2013 года. — М.: Федеральная служба государственной статистики Росстат, 2013. — 528 с. (Табл. 33. Численность населения городских округов, муниципальных районов, городских и сельских поселений, городских населённых пунктов, сельских населённых пунктов) [ӟуч] Эскеремын 2013-11-16 арын
  16. ↑ Таблица 33. Численность населения Российской Федерации по муниципальным образованиям на 1 января 2014 года [ӟуч] Эскеремын 2014-08-02 арын
  17. ↑ Численность населения Российской Федерации по муниципальным образованиям на 1 января 2015 года [ӟуч] Эскеремын 2015-08-06 арын
  18. ↑ Численность населения Российской Федерации по муниципальным образованиям на 1 января 2016 года [ӟуч] Эскеремын 2021-05-15 арын
  19. ↑ Численность населения Российской Федерации по муниципальным образованиям на 1 января 2017 года [ӟуч] Эскеремын 2025-08-28 арын
  20. ↑ Численность населения Российской Федерации по муниципальным образованиям на 1 января 2018 года [ӟуч] Эскеремын 2018-07-25 арын
  21. ↑ Численность населения Российской Федерации по муниципальным образованиям на 1 января 2019 года [ӟуч] Эскеремын 2019-07-31 арын
  22. ↑ Численность населения Российской Федерации по муниципальным образованиям на 1 января 2020 года [ӟуч] Эскеремын 2020-10-17 арын
  23. ↑ Индустриальный район в Ижевске [ӟуч] izhevsk.ginfo.ru. Эскеремын 16-10-2025 арын
  24. ↑ Пазелы Village [ӟуч] pazely-village.ru. Эскеремын 16-10-2025 арын
  25. ↑ Микрорайон Сельхозвыставка в Ижевске [ӟуч] izhevsk.ginfo.ru. Эскеремын 16-10-2025 арын
  26. ↑ Администрация Индустриального района [ӟуч] izhevsk.gosuslugi.ru. Эскеремын 16-10-2025 арын
  27. ↑ Характеристика района [ӟуч] izh.ru. Эскеремын 16-10-2025 арын
  28. ↑ Социально-экономическое развитие района [ӟуч] izh.ru. Эскеремын 16-10-2025 арын
«https://udm.ruwiki.ru/w/index.php?title=Индустри_ёрос_(Иж)&oldid=507277»-ысь басьтэмын