Удмурт Элькунысь лулчеберетъя колледж
| Удмурт Элькунысь лулчеберетъя колледж | |
|---|---|
| Удмурт Элькунысь лулчеберетъя колледж | |
 | |
| Кылдон арез | 1945 |
| Директорез | Волков Виталий Сергеевич |
| Сайтэз | ciur.ru/urkk/default.aspx |
 |
|
Удмурт Элькунысь лулчеберетъя колледж (ӟуч: Удмуртский республиканский колледж культуры) — Ижкарысь дышетонъя кун ужъюрт. Лулчеберет но дышетон удысъёслы шор ёзо кадръёсты дася.
Историез
1945-тӥ арын 27-тӥ гудырикошконэ Удмурт АССР-ысь Калык комиссаръёслэн кенешсылэн 1025 номеро постановлениезъя Ижысь школа педучилищелэн инъетэз вылын кылдытӥзы Ижкарысь библиотекая техникум. 1961-тӥ арын 1-тӥ куарусёнэ техникумын выльдӥськонъёс ортчизы, со Удмурт Элькунысь лулчеберетъя но югдытонъя (ӟуч: культпросвет) школа луиз. 1990-тӥ арысен ссуз Лулчеберетъя элькун училище нимаськиз. 2011-тӥ арын 10-тӥ куартолэзе Удмурт Элькунысь лулчеберетъя колледжлы туала нимыз сётэмын вал[1][2][3].
Радъянъя но правоя формаез — Удмурт Элькунысь профессиональной дышетонъя казна ужъюрт[2].
2002-тӥ арын колледжлэсь коллективзэ Удмурт Элькунысь Данъян пул вылэ пыртӥзы[3].
Дасян ӧръёс
2024-тӥ арын ивортонъёсъя, колледж вить удысъёсъя ӧнерчиосты дася:
- мерлыко но лулчеберетъя уж;
- калык художествоя творчество;
- декоративно-прикладной искусство но калык киуж;
- крезьгуро тӥрлыкъёсын шудон;
- библиотека ужез нуон[4].
2024-тӥ арын ивортонъёсъя, колледжын 401 студентъёс дышетско[1]. Дышетон очно но заочно амалэн радъяське[4]. Колледже студентъёсты 9-тӥ но 11-тӥ классъёсты йылпумъямзы бере куто[5].
Кивалтӥсьёс
- Е. Е. Бессольцына (1945—1954) — калыкез югдытонъя отличник;
- Е. Б. Меркульева (2005) — Удмуртиысь лулчеберет удысысь дано ужась[3];
- В. С. Волков (2025-тӥ арын 10-тӥ куарусёнысен)[6].
Творчествоя коллективъёс
Удмурт Элькунысь лулчеберетъя колледж бордын ужась 4 творчествоя коллективъёс кылдытэмын:
- кырӟанъя но эктонъя «Зангари» калык ансамбль (кивалтӥсез — С. Б. Сухенький);
- «Зарни крезь» фольклор ансамбль (хормейстерез — А. И. Иванов);
- кырӟанъя но эктонъя «Инву гур» фольклор ансамбль (кивалтӥсьёсыз — Е. Н. Батурина но Н. С. Полякова);
- «Чебер нылъёс» эстрадая ансамбль (балетмейстерез — К. Бердова)[3].
Дано дышетскисьёсыз
- Г. В. Кузнецов — Россиысь дано артист;
- А. С. Шулятьева — Удмуртиысь дано артистка;
- Г. Н. Ганьков — Удмуртиысь дано артист;
- М. Д. Трефилова — Удмуртиысь лулчеберет удысысь дано ужась;
- А. Т. Христофоров — Удмуртиысь лулчеберет удысысь дано ужась, Удмуртиысь лулчеберетъя министр (2004—2009);
- Г. В. Чайников — Удмуртиысь лулчеберет удысысь дано ужась, Удмуртиысь лулчеберетъя министр (1995—1999).
Валэктонъёс
- ↑ 1 2 Удмуртский республиканский колледж культуры [ӟуч] vuzopedia.ru. Эскеремын 07.10.2025 арын
- ↑ 1 2 Государственное образовательное учреждение среднего профессионального образования «Удмуртский республиканский колледж культуры» Министерства культуры, печати и информации Удмуртской Республики [ӟуч] Фондовый каталог УР. Эскеремын 07.10.2025 арын
- ↑ 1 2 3 4 Знаменательные и памятные даты Удмуртии 2020 год [ӟуч] dates.unatlib.ru. Эскеремын 07.10.2025 арын
- ↑ 1 2 Образование [ӟуч] АУ УР «Региональный центр оценки качества образования». Эскеремын 07.10.2025 арын
- ↑ Вниманию абитуриентов [ӟуч] Региональный центр оценки качества образования. Эскеремын 07.10.2025 арын
- ↑ КПОУ УР «Удмуртский Республиканский Колледж Культуры» [ӟуч] reputation.ru. Эскеремын 07.10.2025 арын
Литература
- О. А. Краснопёрова, И. В. Логинова. Путешествие начинается с первого шага… // Профессиональное образование в Удмуртской Республике. — 2018. — № 2. — С. 34—35. — ISSN 2220-9514.
- Е. Б. Меркульева, В. М. Соловьёв. Удмуртскому республиканскому колледжу культуры — 70 лет! // Профессиональное образование в Удмуртской Республике. — 2015. — № 4. — С. 29—30. — ISSN 2220-9514.
Чӧлсконъёс
 |
|---|
