Выль ар 2025

Материалы библиотеки имени Б.Н. Ельцина

В данной статье использованы материалы из фондов Президентской библиотеки имени Б.Н. Ельцина

Подробнее

Выль ар 2025
Валатонэз	Вылезлэн арлэн кутсконэз
Пусъё	Россия Россия
Сям-йылолъёс	Выль ар но толсур ярмаркаос, улон интыосты но коркаосты чеберъян, кызъёсты чеберман
Герӟаськемын	Толсур, Выль ар азь нунал, Вуж Выль ар

Выль ар 2025 ӟуч Новый год 2025 — календарной праздникъёс пӧлысь валтӥсез, 31-тӥ толсурысь 1-тӥ толшоре выжон уе вуэ.

Тросэз кунъёс Выль арез 1-тӥ толшоре григориан дырпусъя арлэн нырысетӥ нуналаз пусъё. Дуннеысь куд-ог кунъёсын йӧскалык сямъёсъя Выль арез мукет нуналъёсы пумитало.

Историез

Основная статья: Выль ар

Основная статья: Пётр I дырез выль сямен лыдъян сярысь но Выль арез пумитан сярысь кык косэт гожтӥз. Ужкагазъёсъя аръёсты Христослэн Вордӥськемез дырысеныз (дунне кылдэм дырысен 7208-тӥез ар 1699-тӥ арлы пӧрмиз) лыдъяны кутскизы, нош Выль арез пумитаны, вань христиан калык сямен ик, 1-тӥ толшоре кутскизы. Озьы ке но, григориан дырпусэ эксэй ӧз выжы, соин ик Россия ХХ даурозь Юлиан дырпусъя улӥз, Выль арез Европалэсь 11 нуналлы бергес пумиталляз, малы ке шуоно, со дырлы Европаысь тросэз кунъёс Григориан дырпусъя улӥзы ини. Пётр I арня ӵоже шулдыръяськыны, куное ветлыны, Мускоысь бадӟым ульчаосты но улон коркаосты лысо писпуосын но вайёсын чеберманы косӥз. Горд площадьын, кытын ортчылӥзы валтӥсь шулдыръяськон ужрадъёс, эксэй косэмъя, фейерверкъёс, пушкаысь но пыӵалъёсысь ыбылыса салютъёс радъяллязы.

«Встреча Нового года производилась в то время самым торжественным образом. В 12 часов Герольды и ночные сторожа возвещали на всех улицах полусонным жителям столицы звуком труб и громкими песнями окончание старого и наступление нового года. С появлением утра начинались поздравления. Музыканты шести гвардейских батальонов… переходили отдельными толпами из дому в дом, и шумным образом напоминали хозяевам о своем усердии и надежде получить обыкновенную в таком случае награду. Так началось и 1 января 1724 года».

— Александр Корнилович, «Новый год, в 1724 году»

Россиын Выль аре кузьмаськон сям Екатерина II кузёяськон вакытэ кылдӥз, ог-огзылы чебер сӥзёнъёсын толсур открыткаос XIX даурлэн пумысеныз келялляны кутскизы. Со сям Нырысетӥ дунне ож аръёсы быдтэмын вал, выльысь берентӥськиз 1917-тӥ арын ортчем Октябрь революци бере.

1918-тӥ арын 24-тӥ толшоре РСФСР-ысь Калык комиссаръёслэн кенешсы Россиын ригориан дырпусэ выжон сярысь декрет гожтӥз. Со ужкагазъя, 1918-тӥ арысь 31-тӥ толсур бере мукетыз нунал 14-тӥ толсурлы тупа. Дырез выль сямен лыдъянлэн но вуж сямен лыдъянлэн пӧртэмлыкез 13 уй-нунал луиз.

Озьы совето аръёсы толсур но выль ар шулдыръяськон сямъёс кылизы. 1920-тӥ аръёслэн шорысеныз кутскыса, вӧсьбуро малпанъёслы пумит нюръяськон вӧлмытэмен, та праздникъёс алэмын вал. 1929-тӥ арысен 1935-тӥ арозь выль ар шулдыръяськонъёс ӧз ортчытъялэ.

1935-тӥ арын 28-тӥ толсуре «Правда» газетын Павел Постышевлэн «Давайте организуем к Новому году детям хорошую ёлку!» статьяез печатласькиз. Отын солэн авторез «ёлкаез шонертэм пыкылонлы» пум поныны ӧте. Газет потэм бере ВЛКСМ-лэн ЦК-лэн секретрез Александр Косарев вань школаосын, нылпи садъёсын но нылпи юртъёсын 1-тӥ толшоре выль ар шулдыръяськонъёс ортчытон сярысь пуктэт гожтӥз.

Выль ар праздник но шутэтскон нуналъёс

Россиын выль ар праздник нуналъёс трос пол вошъяськылӥзы. 1-тӥ толшор шутэтскон нуналлы 1948-тӥ арын гинэ пӧрмытэмын вал. 2013-тӥ арысен выль ар каникулъёс 1-тӥ толшорысен 8-тӥ толшорозь официально ялэмын.

Китай Выль ар

Китай дырпусъя 2025-тӥ арлэн тодметпусэз Кый

Россиын китай Выль арез но китай тодмет пусъёсты, ваньмыз сямен, туж умой тодо но, мар возьма адямиез выляз арын шгуыса тунаськонъёсы куто.

Китай Выль ар «Тулыс праздник» шуыса берыктӥське. Китайын но Шундыӝужанпал Азиысь кунъёсын со валтӥсез но тужгес кема кыстӥськисез луэ. Со тол шундыберытскон бере выль толэзь ӝужанллы тупа (21-тӥ толсур бере кыкетӥез выль толэзь). Григориан дырпусын со 21-тӥ толшор но 21-тӥ толсур вискысь одӥгезлы нуналлы тупа.

Китайын Выль арез одно ик семьяен ӵош пумитало. Ваньзы ог-огзы вылэ азьвыл куатаськонъёссэс простить каро. Выль арлэсь вуэмзэ семьяе но, улонэ выль шудбур, тазалык но ваньбур вуонэн герӟало. Кызьы Выль арез пумиталод, озьы ик ортчытод, шуыса оско .

Китай дырпусъя котькудӥз ар кыӵе ке но пӧйшурен но стихиен герӟаськемын луэ.

2025-тӥ арлы тупало Кый но Писпу. Шундыӝужанпал астрологиын Кый визьбурлэн но воштӥськонъёслы тупатскыны быгатонлэн тодметэз лыдъяське. Писпуэн огазеяськыса, таиз ар будонлэн, азинсконлэн но инкуазен тупанлэн ареныз лыдъяське. Арлэн буёлэз вож, со гань-гань луонэз но аслыд изъян вайытэк воштӥськонъёслы тупатскыны быгатонлыкез возьматэ.

2025-тӥ арын китай Выль ар вирнуналэ вуоз, 25-тӥ толшоре. Йылпумъяськоз 2026-тӥ арын 16-тӥ тулыспалэ.

Выль ар сям-йылолъёс

Выль ар уе ортчись арлы йылпумъянъёс лэсьтыло, чебер сӥзёнъёсын тостъёс верало, президентлэсь вазиськон-ӟечкыланзэ кылзо но азьпал улон сярысь тунало.

Выль арлэн валтӥсь тодметэз — дыр. Туала сямъёсъя, часъёс дас кык пол шуккытозь лемлет малпан кылдытыны вуттоно но астэ азинлыко луонлы настроить кароно. Пӧртэм калыкъёслэн та выллем тунсыко сямъёссы туж пӧртэмесь. Кылсярысь:

• Россиын курантъёс шуккытозь кагаз вылэ малпанэз гожтоно, сутоно но сузэ шампанскоен сураса юоно.
• Италиын но Испаниын одно ик котькуд толэзь понна 12 виноград сиёно.
• Англиын коркась бакча пала потӥсь ӧсъёсты усьтыса, Вуж арез келяло но, ульча ласянь пырон ӧсъёсты усьтыса, Выль арез пумитало .
• Болгариысь коркаосын 31-тӥ толсуре уйшор вуон азьын куинь минутлы тылъёсты кысыса чупасько.
• Китайын ӧсъёсты усьто но хлопушкаос лэзьяло, озьы «шудбурез, удалтонлыкез пырыны ӧтё», зол шуметыса, сьӧд кужымъёсты кышкато.

Вуисяз выль аре азинлыкез но удалтонлыкез бордад кыскон понна, сое пумитаны шонер дасяськыны кулэ, шуо. Кылсярысь:

• Керетэм муртъёсын тупано. Ас улонын но, ужын но вань тупамтэ учыръёсты вунэтоно.
• Вань пунэмаськемъёсты берыктоно (ипотекаез но кредитъёсты вератэк),
• Корка пушкын утялсконо,
• Аавтомобилез миськоно но бензин баксэ тыро кароно.

Вож Кыйлэн араз удалтонлыкез бордэ кыскон понна, астрологъёс косяк янак вылэ сюсьтыл ӝуатыса, йӧлын тэркы пуктыны дэмлало. Кыйлэсь арзэ ӵыжы-выжыосын, матысь адямиосын пумитаны косо.

Выль ар кузьымъёс

2025-тӥ арын умойгес луоз Вож Пу Кыез тодэ вайытӥсь кузьымъёс кузьманы.

Нылкышноослы тупалозы кильтро чеберъяськонъёс: векчи суйпосъё, пулэсь, азвесьлэсь но зарнилэсь чырты весьёс, кый тусъем пельугыос.

Воргоронъёслы кузьманы луоз запонкаос, галстуке бырттон булавкиос, портмоне но еос, кый кулэсь лэсьтэмын медаз луэ.

Озьы ик кузьымлы тупалозы пу тэркыос, шкатулкаос, лысо писпуос, пичи скульптураос, гаджетъёс, пӧраськон техника, лэсьтӥськон арбериос, автомобильын кутӥськись чыры-пырыарбериос, чеберъяськонъёс но коркан будӥсь будосъёс.

Коркаез чеберман

Вож Пу Кый ӝикытлыкез но огнын улонэз яратэ. Соин ик коркаез чеберъяку, сое висъетаса чебер интыос кылдытыны ӵекто.

Кый зэмос луись материалъёсты яратэ, вож будосъёсты но будос тусъетъёсты. Солы кельшо сураськем пужыос, пунӥськем чуръёс, векчи пунэтъёс. Юртэз чебермаку укыр кильтро буёлъёсты кутыны уг яра. Корка пушкы тросгес вож будосъёс пуктоно: кыз вайёс но сяська-будосъёс.

Тупалозы зэмос изъёслэсь кылдытэм инсталяциос но пулэсь яке керамикалэсь кыйлы тупась статуэткаос.

Выль ар ӝӧк

Основная статья: Выль ар ӝӧксьӧр

Кый — хищник, соин ӝӧк вылын солы тупась сиёнъёс луыны кулэ. Кыйлэн яратоно сиёнъёсыз — тылобурдо, чорыг но зарезь продуктъёс.

Озьы ик ӝӧк вылын трос луыны кулэ турын-куар, бакча но сад емышъёс.

Кудӟытӥсь юонъёс пӧлысь капчи юонъёсты но тропик коктэйльёсты пуктыны тупалоз. Ӝӧк вылэз вож, сайкыт, азвесь яке зарнипыръем буёлъёсын чеберъяно. Ӝӧккышет вылэ но салфеткаосы арлэсь тусъетсэ пуктоно.

Валэктонъёс

Та материаллэн правообладателез АНО «РУВИКИ» Интернет-энциклопедия». Мукет сайтъёсын тае АНО «РУВИКИ» Интернет-энциклопедия» лэземъя гинэ кутыны луэ