Богоявленской черк (Чумой)

Википедиысь материал
Православи черк
Церковь Богоявления Господня
Богоявленской черк
Чум. церковь.jpg
Кун Россия
Адрес Игра ёрос,
Чумой черкогурт,
Конфессия Православие
Епархия Глазов
Благочиние Игринской 
Архитектурной стиль одӥг престолэн пу черк
Строительство 1893
инлыкез Калыклэн лулчеберет кылёс лэсьтосъёсыз РФ регионального значения. Рег. № 181410194780005 (ЕГРОКН). Объект № 1830080000 (БД Викигида)
Югдурез Выльдӥське

Богоявленской черк Сосновкаысь ваемын но прихожанъёслэн юрттэмзыя ӝутэмын 1893-тӥ арын. Вӧсямын Богоявлени нимын 1894-тӥ арын 9-тӥ южтолэзе. Интыяськемын гуртлэн шоразгес, вырйылын. Черклэн йылыз кыдёкысен, кӧня ке иськемысен ик адске. Игра ёросын тужгес кема ужам черкъёс пӧлысь одӥгез[1]. Пытсамын 1961-тӥ арын.

Чумой приход

Вятка губерниысь Бадӟым Пурга, Сосновка, Верх Чумой починка, Мужбер, Зоновский, Мясниковский, Пьяностепский, Репинский, Таранки, Нижние Шорни, Средние Шорни, Узырмон, Кабаново но Аркадий Никольский но псалом кырӟась Николай Васнецов.

Вятской епархилэн черкъёс но духовенство сярысь гожтэм рукописной книгаяз тазьы гожтэмын:

Приходын вордскемъёсты но кулэмъёсты метрической книгае 1894-тӥ арысен пусйылыны кутскизы.

Интыяськемез

Чумой черк Вяткалэсь 320 иськемын, уезд карлэсь 120 иськемын, благочиннойлэсь 60 иськемын интыяськемын; штатъя одно ик луыны кулэ: поп но псалом лыдӟись; причтлы казенной юртъёс; музъем: юртъеркотыр 3 десятина но 1200 сажень, гыроно-кизёноез 23 десятина; вынлыко уксё табыш: св.525р., причтлы руга бичамын ӟег 40 пуд пала, йыды 60п. но сезьы 100п.; прихожанъёс: правосл. ӟуч. 822 воргорон, 803 нылкышно, черке пыртэм вотякъёс: 567 воргорон, 539 нылкышно; приходэ ог-огзылэсь 2-6 иськеме интыяськем 14 гурт пыре. Нижний Шорниын , татын озьы ик земскоеныз суро, одӥг дышетӥсь но 45 дышетскисез. Прихожанъёслэн валтӥсез ужудыссы ― музем уж. Матысез эмъюрт 18 иськемын Сосновкаын, 12 иськемын Бадӟым Пургалан но 12 иськемын Чутырын интыяськемын. Чумой приход куинь волостьлэн пушпӧлаз пыре: Чутырской, Сосновской н Б.Пургинской. Чугун сюреслэсь 65 иськемын; пароходной пристанёзь 90 иськем. Пичи гурт сюрес вылын сылэ[3].

Черк музъемъёс межа катъёсъя люкемын вал юртъеркотыр музъемъёслы. Соос пӧлы пыризы черк но духовенстволэн коркаосыз улэ, итымъёс, сад-бакча улэ басьтэм музъемъёс, гыроно-кизёно муос но турнан лудъёс. Чумой черклэн 33 сотка кизёно музъемез лыдъяське вал ке но, духовенство сое ӧз утялты. Та музъемъёсын азьланяз но гуртысь крестьянъёс ик ужазы. Нош черк музъем вылын ужамзы понна крестьянъёс выт тырылӥзы, со уксёен ик черкез возизы, гырлыос басьтӥзы, духовенстволы улон коркаос пуктылӥзы.

Черк вӧзын, арнянуналэ но бадӟым праздникъёсы, бадӟым базар куашетылӥз. Матысь но сьӧрлось гуртъёсысь лыктэмъёс бакча сиёнъёсын но пудо сиёнъёсын вуз карылӥзы: йӧл, сӥль, чечы, ыжгон, куос.

Историез

Черк школа

1892-тӥ арын усьтӥськиз 120 интылы чаклам приходской школа. Отчы Мужбер, Сосновские Шорни, Верхние Шорни, Нижние Шорни, Верх Чумой, Узырмон, Кабаново, Башмаково, Кожой, Зоново, Репино, Мыявоно, Токорон гуртъёсысь пиналъёс дышетскыны ветлӥзы. Школа черк бордын интыяськемын вал. Нырысетӥ дышетӥсьёс пӧлын Аркадий Константинович Никольский, Николай Федорович Васнецов но Петр Петрович Клюкин. Уфаысь духовной семинариын наукаосъя курсъёсты йылпумъям священник Аркадий Константинович Никольский Инмар Законэз дышетӥз но церковно-приходской школаен кивалтӥз. Озьы ик дышетӥз Росси империын 1895-тӥ арын ортчем нырысетӥ переписьысь басьтэмын).

Собере крестьян пиналъёсты визьноданы кутскизы. Дышетскон книгаос но тетрадьёс тырмыт ӧй вал. Школалы коньдон висъяськиз черк коньдэтысь, кылемзэ школае ветлӥсь нылпиослэн анай-атайёссы тырылӥзы. Школаез арлы быдэ 10-лэсь трос адями йылпумъялляз. Дышетон радъяськиз Вӧсьлыко Синодлэн кылдытэм катрадлыкезъя. Берлогес Приходской школаосты Вятской консистория киултӥз. Арлы быдэ дышетскисьёслэн лыдзы; школаын дышетэм предметъёс но дышетскисьёслэн азинлыксы сярысь отчётъёс бичалляз. Приходской духовенство, ас ужзэс быдэстэм сяна, крестьян калыкен дышетскемлэн кулэлыкез сярысь вераськылӥзы. 1895-тӥ арын Приходской школаын 57 пиос но 10 нылъёс дышетскизы. Черк бордын ик библиотека интыяськиз. Отын, 1910-тӥ арлы библиотека сярысь ивортонъёсъя, 33 книга лыдъяське вал, соос пӧлын: — литургической пуштросо; — исторической пуштросо; — дышетон книгаос; — пӧртэм пуштросъем книгаос; — журнал-газетъёс.

Приходской школаын нырысетӥ дышетскисьёс пӧлын вал Марфа Иосифовна Метелева. Со школаез 1902-тӥ арын йылпумъям. Та дырозь утиськыса кылемын нылашлэн ӟеч дышетскмез понна басьтэм документъёсыз: «Сертификат» но «Сертификат похвалы». Сертификатын школалэн кивалтӥсез, священник Андрей Голубев но дышетӥсьлэн Параскева Бодалевалэн кинюртэмъёссы сыло. (Документъёс утиськемын Игралась Историяя но шаертодонъя музейын).

Революци бере

1911-тӥ арын сӥзьыл Чумойын излэсь выль черк пуктыны кутскемын вал но пумозяз вуттымтэ. Октябрь революци бере, черк ужзэ азьланьтӥз. Озьы ке но, черк йылолъёсы но солэн ужъёсаз большевикъёс воштӥськонъёс пыртӥзы: кӧняез ке вӧсяськонъёс быдтэмын вал, кылсярысь, эксэй понна вӧсяськон но со выллемъёсыз, нош метрической книгаос бордын уж азьланьтӥськиз, школаез государстволы сётӥзы.

Нырысетӥ дунневыл ож дыръя 1914-тӥ-1918-тӥ аръёсы черк духовной институт сяна, патриотической ужъёсты но быдэсъяз: фронтэ мынӥсьёс сярысь вӧсяськылӥз, солдатъёслэн кылем семьяоссы сярысь сюлмаськиз, солдатъёслы гожтэтъёс гожъяз, пӧртэм пумо сертификатъёс сётъялляз, фронтлы коньдонэн, шуныт дӥсьёсын, кузьымъёс юрттыны тыршылӥз. Озьы калыклэн Инмарлы осконэн валче, вормонлы осконзы юнмалляз. Нош кыӵе ке муген, черк поптэк кыле ке, прихожанъёс, «ми черктэк но священниктэк ум быгатӥське улыны» шуыса, куронэн вазиськылӥзы. Озьы ке но, атеистической пропаганда емышъёссэ сётыны кутскиз. Егит калык черк шоры осконтэмгес учкыны кутскиз[4].

1938-тӥ арын Чумой черк пумысен споръяськон кылдӥз: «Черкын ужасьёс пӧлын поп ӧвӧлэн, черк ужаны уг быгаты». малы ке шуоно, Чумой черкысь священникез Гусев Иннокентий Александровичез 29-тӥ коньывуонэ 5 арлы пытсэт сьӧры пуктӥзы.

Черкез пытсам бере

Чумой черкогуртысь Богоявленской черк пытсамын вал Вылӥ Кенешлэн Президиумезлэн 1941-тӥ арын 3-тӥ куартолэзе поттэм Косэтэзъя. Черклэн юртэз школалы сётэмын.

Удмурт Элькунысь Кун архивын «УАССР-ысь Зура ёросысь Чумой черкогуртысь черкез пытсан сярысь 659/8 номеро уж» кылемын (Ф. Р. — 620. Оп. 1. Д. 1235). Отын 1941-тӥ арын тулыспалэ : Мужбер, Узырмон, Кабаново, В. Чумой, Н. .Шорни, В. Шорни, ср. Шорни, Удм. Кожее, Зоново, Мясники, Пьяностеп, Быстрово, Репино но Сьӧдкыль гуртъёсын ортчытэм огъя кенешъёслэн протоколын люкаськем 522 мурт пӧлысь 407 мурт «Черкез пытсан понна» куаразэ сётӥз, «Пумит» куаразэ сётӥз 24 мурт, но «номыр вератэк» — 31 адями кылиз.

Быдӟым Атыкай ож аръёсы

Кремльын ӟуч православи черклэн кивалтӥсьёсыныз пумиськемез бере кун но черк кусыпъёслэн историязы выль вапум кутскиз. Антирелигиозной пропагандаез дугдытыса, выльысь усьтӥсько пытсам черкъёс. Кылдытэмын вал СССР-ысь Калык комиссаръёслэн кенешсы улсын Ӟуч православи черклэн ужъёсызъя кенеш но отысь огмуртъёслэн аппаратсы кылдытэмын вал. 1943-тӥ арын СССР-ысь Калык комиссаръёслэн кенешсылэн «Черкъёсты усьтон радлык сярысь» 1325 номеро лушкем Косэтэз кутэмын. Та дыр ӵоже 1949-тӥ арозь Ижысь епархиын 20 черкъёс выльысь усьтэмын вал. Сизьым но ӝыны ар ворсаськыса улэмез бере, 1947-тӥ арын 13-тӥ инвожое, черкез выльысь ужась шуыса пусйизы, нош официально усьтэмын 1949-тӥ арын 17-тӥ толсуре, "Чумой гуртысь оскисьёслэн куремзыя, черк юрт но черк ваньбур оскисьёслы берыктэмын вал.

Выльысь усьтэм бере

Чумой черкез выльысь усьтэм бере, нырысетӥ священнике Диомид Григорьевич Батуринэз юнматӥзы. Но 1948-тӥ арын оштолэзьлэн кутсконозяз черкын службаос ӧз мынылэ, малы ке шуоно, солэн юртэз ю тысен тырмытэмын вал ай. (Черкез пытсам бере, сое «Заготцернлы» склад пӧрмытӥзы вал). Поп оскисьёслэн ӧтемзыя соослэн юртъёсазы службаос ортчытъяз (УАССР-ысь Министръёслэн Кенешсы улсын ужась Ӟуч православи черк ужъёсъя кенешлэн 1948-тӥ арын 1-тӥ кварталлы лэсьтэм докладысьтыз, ЦГА УР. Ф. Р-551. Оп. 1. Д. 74). 1949-тӥ арын 21-тӥ южтолэзе Казаньысь Инмар Анайлэн мудорезлы сӥзем праздник дыръя черкез вӧсязы но нырысетӥ литургия ортчытӥзы. Соку ик настоятеле юнматӥзы Александр Васильевич Коковинэз.

Чумой черк

Хрущёв вакытэ

Сталин кулэм бере черкез ултӥян выль «хрущевской» тулкым ӝутскиз. Черк ужасьёсты быдтон понна пӧртэм мугъёс шедьтылӥзы, сельпоосын нянь но пызь оз вузаллялэ, басьтэмзэ талаллязы. Кылсярысь, Зура райпотребсоюзлэн кивалтӥсез Шкляев поплэсь Александр Коковинлэсь басьтэм пызьзэ талам (ЦГА УР. Ф.Р-551. Оп.1. Д.124. Л.5). А. Халевин комиссарлэн юрттэмъя, талам котыр берыктэмын вал[5].

1958-тӥ арын черке ветлӥсьёслэн лыдзы синӥз. Пиналъёсты черке ветлонлэсь палэнтыны кутскизы. Озьы, кӧня ке коть коньдон поттон понна, Коковин поплы сьӧрлось гуртъёстӥ ветлыса, службаос ортчытъяно луэ. 1960-тӥ арысен, черкъёсты быдтон вылысь, кивалтӥсьёс «духовенстволэн культъёсыз сярысь совето законъёсты быдэсъямзэс чакланъя комиссиос» кылдытъязы. Озьы, Игра райисполкомлэн 1961-тӥ арын 20-тӥ южтолэзе ортчем кенешоназ 134 номеро протоколъя Богоявление черкез пытсан сярысь ужпум эскеремын вал. «Черклэн юртэз куашкан калэ вуэмын, бадӟым тупатъянъёстэк, азьланяз кутыны ярантэм лыдъяське». 1961-тӥ арын Чумой черкогуртысь Богоявленской черк пытсамын вал.

Черк пытсаськем бере, юртэз тупатъяса-выльдыса Чумойысь школа спортзаллы выжтыны пумкылъямын вал. Нош кык одӥг квартираем юртъёсты дышетӥсьёслы улон интылы чакламын. Культъёс сярысь катрадлыкъя инъет арбериос (мудоръёс, сюсьтылъёс, евангелиос, литература, дӥськут, мебель но мукет ваньбур) коньдон ёзэсъёсы, улосысь потребсоюзлы, Чумой школалы сётэмын, оглюкетэз быдтэмын. Черк юрт куашкатэмын ӧй вал, 1967-тӥ арын Чумой школалы спортзал интые сётэмын вал. Со сярысь гожтэмыни Эгра сельсоветлэн «О работе по контролю за соблюдением законодательства о культах за 1967 год» 10-тӥ толшоре 1968-тӥ арын сётэм ивортоназ.

Али дыре

Чумой черклэн пушкыз выльдэм бере

Али дыре черклэн вылтусыз ог 100 ар талэсь азьло кадь ик кылемын. Йылыз гинэ ӧвӧл. Укноосаз вашкала наличникъёс, борддор нашивкаез но даур талэсь азьвыл лэсьтэмез ик возиське на. Шундыӝужан палась педпал борддоръёсаз татын служить карем попъёслэн инициалъёслы пулэсь вандэм букваосын шуккемын.

2014-тӥ арын 8-тӥ инвожое Чумой черкын выльысь ӝуатскизы сюсьтылъёс. "Духовный круг «Неугасимая Чумойская лампада» ужрад бордысен кутскизы Чумой черкез «улӟытон» ужъёс. Арлы быдэ татчы радъяське Крестный ход, бадӟым праздникъёсы службаос ортчыло.

Чумой черкын ужамъёс но священнослужительёс

Приходлэн историез ӵоже Чумой черклэн духовенствоезлэсь лыдметсэ шедьтыны туж секыт. Нырысь ик, черкез усьтэм бере, татын ужазы священник Аркадий Константинович Никольский но псалом лыдӟись Николай Федорович Васнецов. Та лыдмет тупатъямез кулэ каре на:

  • Мальгинов Василий, священник — 1906-тӥ арысен коньывуонысен 1907-тӥ арозь шуркынмонозь (ЦГА УР. Ф.245. Оп.1. Д.4327).
  • Алексеев Константин Ефимович, священник.
  • Никольский Аркадий Константинович (1865—1901 гг.), священник ― 1898-тӥ ― 1899-тӥ аръёсы, ватэмын Бад0ым Пургалась Покровской черк музъем вылын.
  • Никольский Николай Аркадьевич, священник — 1908-тӥ арысен толшорысен 1910-тӥ арозь толшорозь (ЦГА УР. Ф.245. Оп.1. Д.4334. Д.4855).
  • Никольский Леонид Константинович, (09.04.1876), священник 1920-тӥ арысен 2-тӥ толшорысен.
  • Никольский Константин Васильевич, священник ― 1919-тӥ арын.
  • Голубев Андрей, священник ― 1900-тӥ арысен 1903-тӥ арозь тулыспалозь.
  • Ергин Константин, священник ― 1903-тӥ арысен 1906-тӥ арозь коньывуонозь.
  • Замятин Димитрий, священник ― 1910-тӥ арысен 1910-тӥ арозь тулыспалозь.
  • Князев Азарий Васильевич, священник ― 1910-тӥ ― 1915-тӥ аръёсы, ӟуч, дьяконлэн пиез.
  • Гусев Иннокентий Александрович, ӟуч, ворд.1891-тӥ арын Киров карын, образованиез духовной, священник 1940-тӥ аръёсысен ― ….
  • Батурин Деомид Григорьевич, священник ― 1947-тӥ ар.
  • Коковин Александр Васильевич, священник, ӟуч, ворд.1895-тӥ арын, образованиез средней, ― 1920-тӥ ар, 1949-тӥ арын.
  • Леконцев Петр, (1883—1937), священник.
  • Васнецов Николай Федорович, псалом лыдӟись ― 1894-тӥ арысен 1907-тӥ арозь куартолэзёзь.
  • Никольский Димитрий Васильевич, псалом лыдӟись ― 1909-тӥ арысен южтолэзьысен 1917-тӥ арозь.
  • Филиппов Федор, (1924—1925) ― псалом лыд0исьлэсь ужзэ быдэсъясь, 1925-тӥ ― 1927-тӥ аръёсы ― диакон.
  • Капачинский Виталий Петрович, псалом лыдӟись ― 1918-тӥ ―1919-тӥ аръёсы.
  • Утробин Александр, псалом лыдӟись ― 1907-тӥ арысен инвожоысен 1909-тӥ арзь толшорозь.
  • Трубицын Петр Прокофьевич, черк староста.
  • Метелев Захарий Антонович, черк староста.
  • Распопин Гавриил Илларионович, ӟуч, черк староста 1909-тӥ арысен 15-тӥ гудырикошконысен.
  • Капачинская Лариса Ивановна, просфорница.
  • Бердова Ефросинья Ивановна, просфорница 1902-тӥ арысен 6-тӥ толсурысен.
  • Гусева Парасковья Архиповна, ӟуч, ворд. 189-тӥ арын, черкын кырӟась 1929-тӥ арысен 1961-тӥ арозь.
  • Кузнецова Феодосья Павловна, ворд. 1910-тӥ арын, черкын кырӟась.
  • Кощеев Павел Степанович, ӟуч, ворд. 1829-тӥ арын, черк староста.
  • Аверкиева Евдокия Григорьевна, ворд.1910-тӥ арын, черкын утялскись.

Валэктонъёс

Литература

  • Дубовцева, Н., Церковь Богоявления Господня села Чумой. Игринская центральная районная библиотека им. Кедра Митрея. Игра, 2015.
  • Дубовцева, Н., Селиверстова, А. Неугасимая Чумойская лампада. — Светлый путь. — 2014. — 11 июля. — С.2.
  • Корепанов, М. Люди нуждаются в вере: [Отзывы о «Чумойской лампаде»]. — Светлый путь. — 2014. — 25 июля. — С.3.
  • Лекомцева, И. Чумойысь черклэн юртэз: [О Чумой. церкви]. — Вакыт.- 2010. — 26 март. — С.4.
  • Перевощикова, Н. О Чюмое, Чумое, «Чумое»… — Светлый путь. — 2013. — 31 мая. — С.3.


Чӧлсконъёс

  • Отчетно-информационный доклад уполномоченного Совета по делам русской православной церкви при Совете Министров УАССР за 2 полугодие 1955 г.
  • Справка о Богоявленской церкви в с. Чумой. (Справку составил бывший секретарь исполкома Игринского райсовета К. С. Кондратьев 18.10.2000 года).
  • Информация Игринского сельсовета от 10. 01. 1968 г. «О работе по контролю за соблюдением законодательства о культах за 1967 год». (ЦГА УР. Ф.Р-551. Оп.1. Д.181. Л.46).